Sutra Navigation: Sthanang ( સ્થાનાંગ સૂત્ર )

Search Details

Mool File Details

Anuvad File Details

Sr No : 1102329
Scripture Name( English ): Sthanang Translated Scripture Name : સ્થાનાંગ સૂત્ર
Mool Language : Ardha-Magadhi Translated Language : Gujarati
Chapter :

स्थान-४

 Translated Chapter :

સ્થાન-૪
Section : उद्देशक-२ Translated Section : ઉદ્દેશક-૨
Sutra Number : 329 Category : Ang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तत्थ णं जे से पुरत्थिमिल्ले अंजनगपव्वते, तस्स णं चउद्दिसिं चत्तारि नंदाओ पुक्खरिणीओ पन्नत्ताओ, तं जहा –णंदुत्तरा, नंदा, आनंदा, नंदिवद्धणा। ताओ णं नंदाओ पुक्खरिणीओ एगं जोयणसयसहस्सं आयामेणं, पण्णासं जोयणसहस्साइं विक्खंभेणं, दसजोयणसत्ताइं उव्वेहेणं। तासि णं पुक्खरिणीणं पत्तेयं-पत्तेयं चउद्दिसिं चत्तारि तिसोवाणपडिरूवगा पन्नत्ता। तेसि णं तिसोवाणपडिरूवगाणं पुरतो चत्तारि तोरणा पन्नत्ता, तं जहा– पुरत्थिमे णं, दाहिणे णं, पच्चत्थिमे णं, उत्तरे णं। तासि णं पुक्खरिणीणं पत्तेयं-पत्तेयं चउद्दिसिं चत्तारि वनसंडा पन्नत्ता, तं जहा–पुरतो, दाहिणे णं, पच्चत्थिमे णं, उत्तरे णं। तासि णं पुक्खरिणीणं बहुमज्झदेसभागे चत्तारि दधिमुहगपव्वया पन्नत्ता। ते णं दधिमुहगपव्वया चउसट्ठिं जोयणसहस्साइं उड्ढं उच्चत्तेणं, एगं जोयणसहस्सं उव्वेहेणं, सव्वत्थ समा पल्लग-संठाण-संठिया, दस जोयणसहस्साइं विक्खंभेणं, एक्कतीसं जोयण-सहस्साइं छच्च तेवीसे जोयणसते परिक्खेवेणं; सव्वरयणामया अच्छा जाव पडिरूवा। तेसि णं दधिमुहगपव्वताणं उवरिं बहुसमरमणिज्जा भूमिभागा पन्नत्ता। सेसं जहेव अंजनगपव्वताणं तहेव नीरवसेसं भाणियव्वं जाव चूतवणं उत्तरे पासे। तत्थ णं जे से दाहिणिल्ले अंजनगपव्वते, तस्स णं चउदिसिं चत्तारि नंदाओ पुक्खरिणीओ पन्नत्ताओ, तं जहा–भद्दा, विसाला, कुमुदा, पोंडरीगिणी। ताओ णं नंदाओ पुक्खरिणीओ एगं जोयणसयसहस्सं, सेसं तं चेव जाव दधिमुहगपव्वता जाव वनसंडा। तत्थ णं जे से पच्चत्थिमिल्ले अंजनगपव्वते, तस्स णं चउद्दिसिं चत्तारि नंदाओ पुक्खरिणीओ पन्नत्ताओ, तं जहा– नंदिसेना, अमोहा, गोथूभा, सुदंसणा। सेसं तं चेव, तहेव दधिमुहगपव्वता, तहेव सिद्धाययणा जाव वनसंडा। तत्थ णं जे से उत्तरिल्ले अंजनगपव्वते, तस्स णं चउद्दिसिं चत्तारि नंदाओ पुक्खरिणीओ पन्नत्ताओ, तं जहा– विजया, वेजयंती, जयंती, अपराजिता। ताओ णं नंदाओ पुक्खरिणीओ एगं जोयण-सयसहस्सं, सेसं तं चेव पमाणं, तहेव दधिमुहगपव्वता, तहेव सिद्धाययणा जाव वनसंडा। नंदीसरवरस्स णं दीवस्स चक्कवाल-विक्खंभस्स बहुमज्झदेसभागे चउसु विदिसासु रतिकरगपव्वता पन्नत्ता, तं जहा– उत्तरपुरत्थिमिल्ले रतिकरगपव्वए, दाहिणपुरत्थिमिल्ले रतिकरगपव्वए, दाहिणपच्चत्थिमिल्ले रतिकरगपव्वए, उत्तरपच्चत्थिमिल्ले रतिकरगपव्वए। ते णं रतिकरगपव्वता दस जोयणसयाइं उड्ढं उच्चत्तेणं, दस गाउयसत्ताइं उव्वेहेणं, सव्वत्थ समा ज्झल्लरि-संठाणसंठिता; दस जोयणसहस्साइं विक्खंभेणं, एक्कतीसं जोयणसहस्साइं छच्च तेवीसे जोयणसते परिक्खेवेणं, सव्वरयणामया अच्छा जाव पडिरूवा। तत्थ णं जे से उत्तरपुरत्थिमिल्ले रतिकरगपव्वते, तस्स णं चउद्दिसिं ईसानस्स देविंदस्स देवरन्नो चउण्हमग्गमहिसीणं जंबुद्दीवपमाणाओ चत्तारि रायहाणीओ पन्नत्ताओ, तं जहा–नंदुत्तरा, नंदा, उत्तरकुरा, देवकुरा। कण्हाए, कण्हराईए, रामाए, रामरक्खियाए। तत्थ णं जे से दाहिणपुरत्थिमिल्ले रतिकरगपव्वते, तस्स णं चउद्दिसिं सक्कस्स देविंदस्स देवरन्नो चउण्हमग्गमहिसीणं जंबुद्दीवपमाणाओ चत्तारि रायहाणीओ पन्नत्ताओ, तं जहा–समना, सोमनसा, अच्चिमाली, मनोरमा। पउमाए, सिवाए, सतीए, अंजूए। तत्थ णं जे से दाहिणपच्चत्थिमिल्ले रतिकरगपव्वते, तस्स णं चउद्दिसिं सक्कस्स देविंदस्स देवरन्नो चउण्हमग्गमहिसीणं जंबुद्दीवपमाणमेत्ताओ चत्तारि रायहाणीओ पन्नत्ताओ, तं जहा– भूता, भूत-वडेंसा, गोथूभा, सुदंसणा। अमलाए, अच्छराए, नवमियाए, रोहिणीए। तत्थ णं जे से उत्तरपच्चत्थिमिल्ले रतिकरगपव्वते, तस्स णं चउद्दिसिमीसाणस्स देविंदस्स देवरन्नो चउण्हमग्गमहिसीणं जंबुद्दीवप्पमाणमेत्ताओ चत्तारि रायहाणीओ पन्नत्ताओ, तं जहा– रयणा, रतनुच्चया, सव्वरतणा, रतनसंचया। वसूए, वसुगुत्ताए, वसुमित्ताए, वसुंधराए।
Sutra Meaning : જુઓ સૂત્ર ૩૨૭
Mool Sutra Transliteration : [sutra] tattha nam je se puratthimille amjanagapavvate, tassa nam chauddisim chattari namdao pukkharinio pannattao, tam jaha –namduttara, namda, anamda, namdivaddhana. Tao nam namdao pukkharinio egam joyanasayasahassam ayamenam, pannasam joyanasahassaim vikkhambhenam, dasajoyanasattaim uvvehenam. Tasi nam pukkharininam patteyam-patteyam chauddisim chattari tisovanapadiruvaga pannatta. Tesi nam tisovanapadiruvaganam purato chattari torana pannatta, tam jaha– puratthime nam, dahine nam, pachchatthime nam, uttare nam. Tasi nam pukkharininam patteyam-patteyam chauddisim chattari vanasamda pannatta, tam jaha–purato, dahine nam, pachchatthime nam, uttare nam. Tasi nam pukkharininam bahumajjhadesabhage chattari dadhimuhagapavvaya pannatta. Te nam dadhimuhagapavvaya chausatthim joyanasahassaim uddham uchchattenam, egam joyanasahassam uvvehenam, savvattha sama pallaga-samthana-samthiya, dasa joyanasahassaim vikkhambhenam, ekkatisam joyana-sahassaim chhachcha tevise joyanasate parikkhevenam; savvarayanamaya achchha java padiruva. Tesi nam dadhimuhagapavvatanam uvarim bahusamaramanijja bhumibhaga pannatta. Sesam jaheva amjanagapavvatanam taheva niravasesam bhaniyavvam java chutavanam uttare pase. Tattha nam je se dahinille amjanagapavvate, tassa nam chaudisim chattari namdao pukkharinio pannattao, tam jaha–bhadda, visala, kumuda, pomdarigini. Tao nam namdao pukkharinio egam joyanasayasahassam, sesam tam cheva java dadhimuhagapavvata java vanasamda. Tattha nam je se pachchatthimille amjanagapavvate, tassa nam chauddisim chattari namdao pukkharinio pannattao, tam jaha– namdisena, amoha, gothubha, sudamsana. Sesam tam cheva, taheva dadhimuhagapavvata, taheva siddhayayana java vanasamda. Tattha nam je se uttarille amjanagapavvate, tassa nam chauddisim chattari namdao pukkharinio pannattao, tam jaha– vijaya, vejayamti, jayamti, aparajita. Tao nam namdao pukkharinio egam joyana-sayasahassam, sesam tam cheva pamanam, taheva dadhimuhagapavvata, taheva siddhayayana java vanasamda. Namdisaravarassa nam divassa chakkavala-vikkhambhassa bahumajjhadesabhage chausu vidisasu ratikaragapavvata pannatta, tam jaha– uttarapuratthimille ratikaragapavvae, dahinapuratthimille ratikaragapavvae, dahinapachchatthimille ratikaragapavvae, uttarapachchatthimille ratikaragapavvae. Te nam ratikaragapavvata dasa joyanasayaim uddham uchchattenam, dasa gauyasattaim uvvehenam, savvattha sama jjhallari-samthanasamthita; dasa joyanasahassaim vikkhambhenam, ekkatisam joyanasahassaim chhachcha tevise joyanasate parikkhevenam, savvarayanamaya achchha java padiruva. Tattha nam je se uttarapuratthimille ratikaragapavvate, tassa nam chauddisim isanassa devimdassa devaranno chaunhamaggamahisinam jambuddivapamanao chattari rayahanio pannattao, tam jaha–namduttara, namda, uttarakura, devakura. Kanhae, kanharaie, ramae, ramarakkhiyae. Tattha nam je se dahinapuratthimille ratikaragapavvate, tassa nam chauddisim sakkassa devimdassa devaranno chaunhamaggamahisinam jambuddivapamanao chattari rayahanio pannattao, tam jaha–samana, somanasa, achchimali, manorama. Paumae, sivae, satie, amjue. Tattha nam je se dahinapachchatthimille ratikaragapavvate, tassa nam chauddisim sakkassa devimdassa devaranno chaunhamaggamahisinam jambuddivapamanamettao chattari rayahanio pannattao, tam jaha– bhuta, bhuta-vademsa, gothubha, sudamsana. Amalae, achchharae, navamiyae, rohinie. Tattha nam je se uttarapachchatthimille ratikaragapavvate, tassa nam chauddisimisanassa devimdassa devaranno chaunhamaggamahisinam jambuddivappamanamettao chattari rayahanio pannattao, tam jaha– rayana, ratanuchchaya, savvaratana, ratanasamchaya. Vasue, vasuguttae, vasumittae, vasumdharae.
Sutra Meaning Transliteration : Juo sutra 327