Sutra Navigation: Mahanishith ( महानिशीय श्रुतस्कंध सूत्र )

Search Details

Mool File Details

Anuvad File Details

Sr No : 1017530
Scripture Name( English ): Mahanishith Translated Scripture Name : महानिशीय श्रुतस्कंध सूत्र
Mool Language : Ardha-Magadhi Translated Language : Hindi
Chapter :

अध्ययन-५ नवनीतसार

 Translated Chapter :

अध्ययन-५ नवनीतसार
Section : Translated Section :
Sutra Number : 830 Category : Chheda-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] एवं गोयमा जे णं असई कयाई केई चुक्क खलिएणं पव्वावेज्जा, से णं दूरद्धाण ववहिए करेज्जा, से णं सन्निहिए नो धरेज्जा, से णं आयरेणं नो आलवेज्जा, से णं भंडमत्तोवगरणेण आयरेणं नो पडिलाहावेज्जा, से णं तस्स गंथसत्थं नो उद्दिसेज्जा, से णं तस्स गंतसत्थं नो अणुजाणेज्जा, से णं तस्स सद्धिं गुज्झ रहस्सं वा अगुज्झ रहस्सं वा नो मंतेज्जा। एवं गोयमा जे केई एय दोस विप्पमुक्के, से णं पव्वावेज्जा। तहा णं गोयमा मिच्छ देसुप्पन्नं अनारियं नो पव्वावेज्जा। एवं वेसासुयं नो पव्वावेज्जा। एवं गणिगं नो पव्वावेज्जा। एवं चक्खुविगलं, एवं विगप्पिय करचरणं, एवं छिन्न कन्न नासोट्ठं, एवं कुट्ठवाहीए गलमाण सडहडंतं, एवं पंगुं अयंगमं मूयं बहिरं, एवं अच्चुक्कडकसायं, एवं बहु पासंड संसट्ठं, एवं घन राग दोस मोह मिच्छत्त मल खव-लियं एवं उज्झिय उत्तयं, एवं पोराण निक्खुडं, एवं जिनालगाई बहु देव बलीकरण भोइयं चक्कयरं। एवं णड णट्ट छत्त चारणं, एवं सुयजड्डं चरण करण जड्डं जड्डकायं नो पव्वावेज्जा। एवं तु जाव णं नामहीनं, थामहीनं, कुलहीनं, जाइहीनं, बुद्धिहीनं, पण्णाहीनं, गामउड मयहरं वा गामउड मयहरसुयं वा, अन्नयरं वा, निंदियाहम हिन जाइयं वा, अविण्णाय कुलसहावं वा गोयमा सव्वहा नो दिक्खे नो पव्वावेज्जा। एएसिं तु पयाणं अन्नयर पए खलेज्जा जो सहसा देसूण पुव्वकोडी तवेण गोयमा सुज्झेज्ज वा न वा वि।
Sutra Meaning : देखो सूत्र ८२७
Mool Sutra Transliteration : [sutra] evam goyama je nam asai kayai kei chukka khalienam pavvavejja, se nam duraddhana vavahie karejja, se nam sannihie no dharejja, se nam ayarenam no alavejja, se nam bhamdamattovagaranena ayarenam no padilahavejja, se nam tassa gamthasattham no uddisejja, se nam tassa gamtasattham no anujanejja, se nam tassa saddhim gujjha rahassam va agujjha rahassam va no mamtejja. Evam goyama je kei eya dosa vippamukke, se nam pavvavejja. Taha nam goyama michchha desuppannam anariyam no pavvavejja. Evam vesasuyam no pavvavejja. Evam ganigam no pavvavejja. Evam chakkhuvigalam, evam vigappiya karacharanam, evam chhinna kanna nasottham, evam kutthavahie galamana sadahadamtam, evam pamgum ayamgamam muyam bahiram, evam achchukkadakasayam, evam bahu pasamda samsattham, evam ghana raga dosa moha michchhatta mala khava-liyam evam ujjhiya uttayam, evam porana nikkhudam, evam jinalagai bahu deva balikarana bhoiyam chakkayaram. Evam nada natta chhatta charanam, evam suyajaddam charana karana jaddam jaddakayam no pavvavejja. Evam tu java nam namahinam, thamahinam, kulahinam, jaihinam, buddhihinam, pannahinam, gamauda mayaharam va gamauda mayaharasuyam va, annayaram va, nimdiyahama hina jaiyam va, avinnaya kulasahavam va goyama savvaha no dikkhe no pavvavejja. Eesim tu payanam annayara pae khalejja jo sahasa desuna puvvakodi tavena goyama sujjhejja va na va vi.
Sutra Meaning Transliteration : Dekho sutra 827