Sutra Navigation: Acharang ( आचारांग सूत्र )

Search Details

Mool File Details

Anuvad File Details

Sr No : 1000508
Scripture Name( English ): Acharang Translated Scripture Name : आचारांग सूत्र
Mool Language : Ardha-Magadhi Translated Language : Hindi
Chapter :

श्रुतस्कंध-२

चूलिका-२

अध्ययन-१४ [७] अन्योन्य क्रिया

 Translated Chapter :

श्रुतस्कंध-२

चूलिका-२

अध्ययन-१४ [७] अन्योन्य क्रिया
Section : Translated Section :
Sutra Number : 508 Category : Ang-01
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] अन्नमन्नकिरियं अज्झत्थियं संसेसियं– नो तं साइए, नो तं नियमे। से अन्नमन्नं पादाइं आमज्जेज्ज वा, पमज्जेज्ज वा– नो तं साइए, नो तं नियमे। से अन्नमन्नं पादाइं संवाहेज्ज वा, पलिमद्देज्ज वा– नो तं साइए, नो तं नियमे। से अन्नमन्नं पादाइं फूमेज्ज वा, रएज्ज वा– नो तं साइए, नो तं नियमे। से अन्नमन्नं पादाइं तेल्लेण वा, घएण वा, वसाए वा मक्खेज्ज वा, भिलिंगेज्ज वा– नो तं साइए, नो तं नियमे। से अन्नमन्नं पादाइं लोद्धेण वा, कक्केण वा, चुण्णेण वा, वण्णेण वा उल्लोलेज्ज वा, उव्वलेज्ज वा– नो तं साइए, नो तं नियमे। से अन्नमन्नं पादाइं सीओदग-वियडेण वा, उसिणोदग-वियडेण वा उच्छोलेज्ज वा, पधोएज्ज वा– नो तं साइए, नो तं नियमे। से अन्नमन्नं पादाइं अन्नयरेण विलेवण-जाएण आलिंपेज्ज वा, विलिंपेज्ज वा– नो तं साइए, नो तं नियमे। से अन्नमन्नं पादाइं अन्नयरेण धूवण-जाएण धूवेज्ज वा, पधूवेज्ज वा– नो तं साइए, नो तं नियमे। से अन्नमन्नं पादाओ खाणुं वा, कंटयं वा नीहरेज्ज वा, विसोहेज्ज वा– नो तं साइए, नो तं नियमे। से अन्नमन्नं पादाओ पूयं वा, सोणियं वा नीहरेज्ज वा, विसोहेज्ज वा– नो तं साइए, नो तं नियमे। से अन्नमन्नं कायं आमज्जेज्ज वा, पमज्जेज्ज वा– नो तं साइए, नो तं नियमे। से अन्नमन्नं कायं संवाहेज्ज वा, पलिमद्देज्ज वा– नो तं साइए, नो तं नियमे। से अन्नमन्नं कायं तेल्लेण वा, घएण वा, वसाए वा, मक्खेज्ज वा, अब्भंगेज्ज वा– नो तं साइए, नो तं नियमे। से अन्नमन्नं कायं लोद्धेण वा, कक्केण वा, चुण्णेण वा, वण्णेण वा उल्लोलेज्ज वा, उव्वलेज्ज वा– नो तं साइए, नो तं नियमे। से अन्नमन्नं कायं सीओदग-वियडेण वा, उसिणोदग-वियडेण वा उच्छोलेज्ज वा, पहोएज्ज वा– नो तं साइए, नो तं नियमे। से अन्नमन्नं कायं अन्नयरेणं विलेवण-जाएणं आलिंपेज्ज वा, विलिंपेज्ज वा– नो तं साइए, नो तं नियमे। से अन्नमन्नं कायं अन्नयरेणं धूवण-जाएणं धूवेज्ज वा, पधूवेज्ज वा– नो तं साइए, नो तं नियमे। से अन्नमन्नं कायंसि वणं आमज्जेज्ज वा, पमज्जेज्ज वा– नो तं साइए, नो तं नियमे। से अन्नमन्नं कायंसि वणं संवाहेज्ज वा, पलिमद्देज्ज वा– नो तं साइए, नो तं नियमे। से अन्नमन्नं कायंसि वणं तेल्लेण वा, घएण वा, वसाए वा, मक्खेज्ज वा, भिलिंगेज्ज वा– नो तं साइए, नो तं नियमे। से अन्नमन्नं कायंसि वणं लोद्धेण वा, कक्केण वा, चुण्णेण वा, वण्णेण वा उल्लोलेज्ज वा, उव्वलेज्ज वा– नो तं साइए, नो तं नियमे। से अन्नमन्नं कायंसि वणं सीओदग-वियडेण वा, उसिणोदग-वियडेण वा, उच्छोलेज्ज वा, पधोएज्ज वा– नो तं साइए, नो तं नियमे। से अन्नमन्नं कायंसि वणं अन्नयरेणं विलेवण-जाएणं आलिंपेज्ज वा, विलिंपेज्ज वा– नो तं साइए, नो तं नियमे से अन्नमन्नं कायंसि वणं अन्नयरेणं धूवण-जाएणं धूवेज्ज वा, पधूवेज्ज वा– नो तं साइए, नो तं नियमे। से अन्नमन्नं कायंसि वणं अन्नयरेणं सत्थ-जाएणं अच्छिंदेज्ज वा, विच्छिंदेज्ज वा– नो तं साइए, नो तं नियमे। से अन्नमन्नं कायंसि वणं अन्नयरेणं सत्थ-जाएणं अच्छिंदित्ता वा, विच्छिंदित्ता वा पूयं वा सोणियं वा नीहरेज्ज वा, विसोहेज्ज वा– नो तं साइए, नो तं नियमे। से अन्नमन्नं कायंसि गंडं वा, अरइयं वा, पिडयं वा, भगंदलं वा आमज्जेज्ज वा, पमज्जेज्ज वा– नो तं साइए, नो तं नियमे। से अन्नमन्नं कायंसि गंडं वा, अरइयं वा, पिडयं वा, भगंदलं वा संवाहेज्ज वा, पलिमद्देज्ज वा– नो तं साइए, नो तं नियमे। से अन्नमन्नं कायंसि गंडं वा, अरइयं वा, पिडयं वा, भगंदलं वा तेल्लेण वा, घएण वा, वसाए वा मक्खेज्ज वा, भिलिंगेज्ज वा– नो तं साइए, नो तं नियमे। से अन्नमन्नं कायंसि गंडं वा, अरइयं वा, पिडयं वा, भगंदलं वा लोद्धेण वा, कक्केण वा, चुण्णेण वा, वण्णेण वा, उल्लोलेज्ज वा, उव्वलेज्ज वा– नो तं साइए, नो तं नियमे। से अन्नमन्नं कायंसि गंडं वा, अरइयं वा, पिडयं वा, भगंदलं वा सीओदग-वियडेण वा, उसिणोदग-वियडेण वा उच्छोलेज्ज वा, पधोवेज्ज वा– नो तं साइए, नो तं नियमे। [से अन्नमन्नं कायंसि गंडं वा, अरइयं वा, पिडयं वा, भगंदलं वा अन्नयरेणं विलेवण-जाएणं आलिंपेज्ज वा, विलिंपेज्ज वा – नो तं साइए, नो तं नियमे। से अन्नमन्नं कायंसि गंडं वा, अरइयं वा, पिंडयं वा, भगंदलं वा अन्नयरेणं धूवण-जाएणं धूवेज्ज वा, पधूवेज्ज वा– नो तं साइए, नो तं नियमे।] से अन्नमन्नं कायंसि गंडं वा, अरइयं वा, पिडयं वा, भगंदलं वा अन्नयरेणं सत्थ-जाएणं अच्छिंदेज्ज वा, विच्छिंदेज्ज वा– नो तं साइए, नो तं नियमे। से अन्नमन्नं कायंसि गंडं वा, अरइयं वा, पिडयं वा, भगंदलं वा अन्नयरेणं सत्थ-जाएणं अच्छिंदित्ता वा, विच्छिंदित्ता वा पूयं वा, सोणियं वा नीहरेज्ज वा, विसोहेज्ज वा– नो तं साइए, नो तं नियमे। से अन्नमन्नं कायाओ सेयं वा, जल्लं वा नीहरेज्ज वा, विसोहेज्ज वा– नो तं साइए, नो तं नियमे। से अन्नमन्नं अच्छिमलं वा, कण्णमलं वा, दंतमलं वा, णहमलं वा नीहरेज्ज वा, विसोहेज्ज वा– नो तं साइए, नो तं नियमे। से अन्नमन्नं दीहाइं वालाइं, दीहाइं रोमाइं, दीहाइं भमुहाइं, दीहाइं कक्ख-रोमाइं, दीहाइं वत्थिरोमाइं कप्पेज्ज वा, संठवेज्ज वा– नो तं साइए, नो तं नियमे। से अन्नमन्नं सीसाओ लिक्खं वा, जूयं वा नीहरेज्ज वा, विसोहेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता पादाइं आमज्जेज्ज वा, पमज्जेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता पादाइं संवाहेज्ज वा, पलिमद्देज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता पादाइं फूमेज्ज वा, रएज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता पादाइं तेल्लेण वा, घएण वा, वसाए वा मक्खेज्ज वा, भिलिंगेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता पादाइं लोद्धेण वा, कक्केण वा, चण्णेण वा, वण्णेण वा उल्लोलेज्ज वा, उव्वलेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता पादाइं सीओदग-वियडेण वा, उसिणोदग-वियडेण वा उच्छो लेज्ज वा, पधोएज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता पादाइं अन्नयरेण विलेवण-जाएण आलिंपेज्ज वा, विलिं-पेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता पादाइं अन्नयरेण धूवण-जाएण धूवेज्ज वा, पधूवेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता पादाओ खाणुं वा, कंटयं वा नीहरेज्ज वा, विसोहेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता पादाओ पूयं वा, सोणियं वा नीहरेज्ज वा विसोहेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायं आमज्जेज्ज वा, पमज्जेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायं संवाहेज्ज वा, पलिमद्देज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायं तेल्लेण वा, घएण वा, वसाए वा मक्खेज्ज वा, अब्भं-गेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायं लोद्धेण वा, कक्केण वा, चुण्णेण वा, वण्णेण वा उल्लोलेज्ज वा, उव्वलेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायं सीओदग-वियडेण वा, उसिणोदग-वियडेण वा उच्छो-लेज्ज वा, पहोएज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायं अन्नयरेणं विलेवण-जाएणं आलिंपेज्ज वा, विलिंपेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायं अन्नयरेणं धूवण-जाएणं धूवेज्ज वा, पधूवेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि वणं आमज्जेज्ज वा, पमज्जेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि वणं संवाहेज्ज वा, पलिमद्देज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि वणं तेल्लेण वा, घएण वा, वसाए वा मक्खेज्ज वा, भिलिंगेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि वणं लोद्धेण वा, कक्केण वा, चुण्णेण वा, वण्णेण वा, उल्लोलेज्ज वा, उव्वलेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि वणं सीओदग-वियडेण वा, उसिणोदग-वियडेण वा उच्छोलेज्ज वा, पधोएज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि वणं अन्नयरेणं विलेवण-जाएणं आलिंपेज्ज वा, विलिंपेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि वणं अन्नयरेणं धूवण-जाएणं धूवेज्ज वा, पधूवेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि वणं अन्नयरेणं धूवण-जाएणं अच्छिंदेज्ज वा, विच्छिंदेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि वणं अन्नयरेणं सत्थ-जाएणं अच्छिंदित्ता वा, विच्छिंदित्ता वा पूयं वा, सोणियं वा नीहरेज्ज वा, विसोहेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि गंडं वा, अरइयं वा, पिडयं वा, भगंदलं वा आमज्जेज्ज वा, पमज्जेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि गंडं वा, अरइयं वा, पिडयं वा, भगंदलं वा, संवा-हेज्ज वा, पलिमद्देज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि गंडं वा, अरइयं वा, पिडयं वा, भगंदलं वा तेल्लेण वा, घएण वा, वसाए वा मक्खेज्ज वा, भिलिंगेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि गंडं वा, अरइयं वा, पिडयं वा, भगंदलं वा, लोद्धेण वा, कक्केण वा, चुण्णेण वा, वण्णेण वा उल्लोलेज्ज वा, उव्वलेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि गंडं वा, अरइयं वा, पिडयं वा, भगंदलं वा सीओदग-वियडेण वा, उसिणोदग-वियडेण वा उच्छोलेज्ज वा, पधोवेज्ज वा– नो तं साइए, नो तं नियमे। [से अन्नमन्नं अंकंसि वा, पलियंकंसि वा तुयट्टावेत्ता कायंसि गंडं वा, अरइयं वा, पिडयं वा, भगंदलं वा अन्नयरेणं विले-वन-जाएणं आलिंपेज्ज वा, विलिंपेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि गंडं वा, अरइयं वा, पिडयं वा, भगंदलं वा अन्नयरेणं धूवण-जाएणं धूवेज्ज वा, पधूवेज्ज वा– नो तं साइए, नो तं नियमे।] से अन्नमन्नं अंकंसि वा, पलियंकंसि वा तुयट्टावेत्ता कायंसि गंडं वा, अरइयं वा, पिडयं वा, भगंदलं वा अन्नयरेणं सत्थ-जाएणं अच्छिंदेज्ज वा, विच्छिंदेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायंसि गंडं वा, अरइयं वा, पिडयं वा, भगंदलं वा अन्नयरेणं सत्थ-जाएणं अच्छिंदित्ता वा, विच्छिंदित्ता वा पूयं वा, सोणियं वा नीहरेज्ज वा, विसोहेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता कायाओ सेयं वा, जल्लं वा नीहरेज्ज वा, विसोहेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता अच्छिमलं वा, कण्णमलं वा, दंतमलं वा, नहमलं वा नाहरेज्ज वा, विसोहेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता दीहाइं बालाइं, दीहाइं रोमाइं, दीहाइं भमुहाइं, दीहाइं कक्खरोमाइं, दीहाइं वत्थिरोमाइं कप्पेज्ज वा, संठवेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता सीसाओ लिक्खं वा, जूयं वा नीहरेज्ज वा विसोहेज्ज वा– नो तं साइए, नो तं नियमे। से अन्नमन्नं अंकंसि वा, पलियंकंसि वा तुयट्टावेत्ता हारं वा, अद्धहारं वा, उरत्थं वा, गेवेयं वा, मउडं वा, पालंबं वा, सुवण्णसुत्तं वा आबिंधेज्ज वा, पिणिधेज्ज वा– नो तं साइए, नो तं नियमे। से अन्नमन्नं आरामंसि वा, उज्जाणंसि वा णीहरेत्ता वा, पविसेत्ता वा पायाइं आमज्जेज्ज वा, पमज्जेज्ज वा– नो तं साइए, नो तं नियमे। से अन्नमन्नं सुद्धेणं वा वइ-बलेणं तेइच्छं आउट्टे। से अन्नमन्नं असुद्धेणं वा वइ-बलेणं तेइच्छं आउट्टे। से अन्नमन्नं गिलाणस्स सचित्ताणि कंदाणि वा, मूलाणि वा, तयाणि वा, हरियाणि वा खणित्तु वा, कड्ढेत्तु वा, कड्ढावेत्तु वा तेइच्छं आउट्टेज्जा– नो तं साइए, नो तं नियमे। कडुवेयणा कट्टुवेयणा पाण-भूय-जीव-सत्ता वेदणं वेदेंति। एयं खलु तस्स भिक्खुस्स वा भिक्खुणीए वा सामग्गियं, जं सव्वट्ठेहिं समिते सहिते सदा जए, सेयमिणं मण्णेज्जासि।
Sutra Meaning : साधु या साध्वी की अन्योन्यक्रिया जो कि परस्पर में सम्बन्धित है, कर्मसंश्लेषजननी है, इसलिए साधु या साध्वी इसको मन से न चाहे न वचन एवं काया से करने के लिए प्रेरित करे। साधु या साध्वी परस्पर एक दूसरे के चरणों को पोंछकर एक बार या बार – बार अच्छी तरह साफ करे तो मन से भी इसे न चाहे, न वचन और काया से करने की प्रेरणा करे। इस अध्ययन का शेष वर्णन तेरहवें अध्ययन के समान जानना चाहिए। यही उस साधु या साध्वी का समग्र आचार है; जिसके लिए वह समस्त प्रयोजनों, यावत्‌ उसके पालन में प्रयत्नशील रहे। – ऐसा मैं कहता हूँ।
Mool Sutra Transliteration : [sutra] annamannakiriyam ajjhatthiyam samsesiyam– no tam saie, no tam niyame. Se annamannam padaim amajjejja va, pamajjejja va– no tam saie, no tam niyame. Se annamannam padaim samvahejja va, palimaddejja va– no tam saie, no tam niyame. Se annamannam padaim phumejja va, raejja va– no tam saie, no tam niyame. Se annamannam padaim tellena va, ghaena va, vasae va makkhejja va, bhilimgejja va– no tam saie, no tam niyame. Se annamannam padaim loddhena va, kakkena va, chunnena va, vannena va ullolejja va, uvvalejja va– no tam saie, no tam niyame. Se annamannam padaim siodaga-viyadena va, usinodaga-viyadena va uchchholejja va, padhoejja va– no tam saie, no tam niyame. Se annamannam padaim annayarena vilevana-jaena alimpejja va, vilimpejja va– no tam saie, no tam niyame. Se annamannam padaim annayarena dhuvana-jaena dhuvejja va, padhuvejja va– no tam saie, no tam niyame. Se annamannam padao khanum va, kamtayam va niharejja va, visohejja va– no tam saie, no tam niyame. Se annamannam padao puyam va, soniyam va niharejja va, visohejja va– no tam saie, no tam niyame. Se annamannam kayam amajjejja va, pamajjejja va– no tam saie, no tam niyame. Se annamannam kayam samvahejja va, palimaddejja va– no tam saie, no tam niyame. Se annamannam kayam tellena va, ghaena va, vasae va, makkhejja va, abbhamgejja va– no tam saie, no tam niyame. Se annamannam kayam loddhena va, kakkena va, chunnena va, vannena va ullolejja va, uvvalejja va– no tam saie, no tam niyame. Se annamannam kayam siodaga-viyadena va, usinodaga-viyadena va uchchholejja va, pahoejja va– no tam saie, no tam niyame. Se annamannam kayam annayarenam vilevana-jaenam alimpejja va, vilimpejja va– no tam saie, no tam niyame. Se annamannam kayam annayarenam dhuvana-jaenam dhuvejja va, padhuvejja va– no tam saie, no tam niyame. Se annamannam kayamsi vanam amajjejja va, pamajjejja va– no tam saie, no tam niyame. Se annamannam kayamsi vanam samvahejja va, palimaddejja va– no tam saie, no tam niyame. Se annamannam kayamsi vanam tellena va, ghaena va, vasae va, makkhejja va, bhilimgejja va– no tam saie, no tam niyame. Se annamannam kayamsi vanam loddhena va, kakkena va, chunnena va, vannena va ullolejja va, uvvalejja va– no tam saie, no tam niyame. Se annamannam kayamsi vanam siodaga-viyadena va, usinodaga-viyadena va, uchchholejja va, padhoejja va– no tam saie, no tam niyame. Se annamannam kayamsi vanam annayarenam vilevana-jaenam alimpejja va, vilimpejja va– no tam saie, no tam niyame Se annamannam kayamsi vanam annayarenam dhuvana-jaenam dhuvejja va, padhuvejja va– no tam saie, no tam niyame. Se annamannam kayamsi vanam annayarenam sattha-jaenam achchhimdejja va, vichchhimdejja va– no tam saie, no tam niyame. Se annamannam kayamsi vanam annayarenam sattha-jaenam achchhimditta va, vichchhimditta va puyam va soniyam va niharejja va, visohejja va– no tam saie, no tam niyame. Se annamannam kayamsi gamdam va, araiyam va, pidayam va, bhagamdalam va amajjejja va, pamajjejja va– no tam saie, no tam niyame. Se annamannam kayamsi gamdam va, araiyam va, pidayam va, bhagamdalam va samvahejja va, palimaddejja va– no tam saie, no tam niyame. Se annamannam kayamsi gamdam va, araiyam va, pidayam va, bhagamdalam va tellena va, ghaena va, vasae va makkhejja va, bhilimgejja va– no tam saie, no tam niyame. Se annamannam kayamsi gamdam va, araiyam va, pidayam va, bhagamdalam va loddhena va, kakkena va, chunnena va, vannena va, ullolejja va, uvvalejja va– no tam saie, no tam niyame. Se annamannam kayamsi gamdam va, araiyam va, pidayam va, bhagamdalam va siodaga-viyadena va, usinodaga-viyadena va uchchholejja va, padhovejja va– no tam saie, no tam niyame. [se annamannam kayamsi gamdam va, araiyam va, pidayam va, bhagamdalam va annayarenam vilevana-jaenam alimpejja va, vilimpejja va – no tam saie, no tam niyame. Se annamannam kayamsi gamdam va, araiyam va, pimdayam va, bhagamdalam va annayarenam dhuvana-jaenam dhuvejja va, padhuvejja va– no tam saie, no tam niyame.] Se annamannam kayamsi gamdam va, araiyam va, pidayam va, bhagamdalam va annayarenam sattha-jaenam achchhimdejja va, vichchhimdejja va– no tam saie, no tam niyame. Se annamannam kayamsi gamdam va, araiyam va, pidayam va, bhagamdalam va annayarenam sattha-jaenam achchhimditta va, vichchhimditta va puyam va, soniyam va niharejja va, visohejja va– no tam saie, no tam niyame. Se annamannam kayao seyam va, jallam va niharejja va, visohejja va– no tam saie, no tam niyame. Se annamannam achchhimalam va, kannamalam va, damtamalam va, nahamalam va niharejja va, visohejja va– no tam saie, no tam niyame. Se annamannam dihaim valaim, dihaim romaim, dihaim bhamuhaim, dihaim kakkha-romaim, dihaim vatthiromaim kappejja va, samthavejja va– no tam saie, no tam niyame. Se annamannam sisao likkham va, juyam va niharejja va, visohejja va– no tam saie, no tam niyame. Se annamannam amkamsi va, paliyamkamsi va tuyattavetta padaim amajjejja va, pamajjejja va– no tam saie, no tam niyame. Se annamannam amkamsi va, paliyamkamsi va tuyattavetta padaim samvahejja va, palimaddejja va– no tam saie, no tam niyame. Se annamannam amkamsi va, paliyamkamsi va tuyattavetta padaim phumejja va, raejja va– no tam saie, no tam niyame. Se annamannam amkamsi va, paliyamkamsi va tuyattavetta padaim tellena va, ghaena va, vasae va makkhejja va, bhilimgejja va– no tam saie, no tam niyame. Se annamannam amkamsi va, paliyamkamsi va tuyattavetta padaim loddhena va, kakkena va, channena va, vannena va ullolejja va, uvvalejja va– no tam saie, no tam niyame. Se annamannam amkamsi va, paliyamkamsi va tuyattavetta padaim siodaga-viyadena va, usinodaga-viyadena va uchchho lejja va, padhoejja va– no tam saie, no tam niyame. Se annamannam amkamsi va, paliyamkamsi va tuyattavetta padaim annayarena vilevana-jaena alimpejja va, vilim-pejja va– no tam saie, no tam niyame. Se annamannam amkamsi va, paliyamkamsi va tuyattavetta padaim annayarena dhuvana-jaena dhuvejja va, padhuvejja va– no tam saie, no tam niyame. Se annamannam amkamsi va, paliyamkamsi va tuyattavetta padao khanum va, kamtayam va niharejja va, visohejja va– no tam saie, no tam niyame. Se annamannam amkamsi va, paliyamkamsi va tuyattavetta padao puyam va, soniyam va niharejja va visohejja va– no tam saie, no tam niyame. Se annamannam amkamsi va, paliyamkamsi va tuyattavetta kayam amajjejja va, pamajjejja va– no tam saie, no tam niyame. Se annamannam amkamsi va, paliyamkamsi va tuyattavetta kayam samvahejja va, palimaddejja va– no tam saie, no tam niyame. Se annamannam amkamsi va, paliyamkamsi va tuyattavetta kayam tellena va, ghaena va, vasae va makkhejja va, abbham-gejja va– no tam saie, no tam niyame. Se annamannam amkamsi va, paliyamkamsi va tuyattavetta kayam loddhena va, kakkena va, chunnena va, vannena va ullolejja va, uvvalejja va– no tam saie, no tam niyame. Se annamannam amkamsi va, paliyamkamsi va tuyattavetta kayam siodaga-viyadena va, usinodaga-viyadena va uchchho-lejja va, pahoejja va– no tam saie, no tam niyame. Se annamannam amkamsi va, paliyamkamsi va tuyattavetta kayam annayarenam vilevana-jaenam alimpejja va, vilimpejja va– no tam saie, no tam niyame. Se annamannam amkamsi va, paliyamkamsi va tuyattavetta kayam annayarenam dhuvana-jaenam dhuvejja va, padhuvejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi vanam amajjejja va, pamajjejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi vanam samvahejja va, palimaddejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi vanam tellena va, ghaena va, vasae va makkhejja va, bhilimgejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi vanam loddhena va, kakkena va, chunnena va, vannena va, ullolejja va, uvvalejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi vanam siodaga-viyadena va, usinodaga-viyadena va uchchholejja va, padhoejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi vanam annayarenam vilevana-jaenam alimpejja va, vilimpejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi vanam annayarenam dhuvana-jaenam dhuvejja va, padhuvejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi vanam annayarenam dhuvana-jaenam achchhimdejja va, vichchhimdejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi vanam annayarenam sattha-jaenam achchhimditta va, vichchhimditta va puyam va, soniyam va niharejja va, visohejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi gamdam va, araiyam va, pidayam va, bhagamdalam va amajjejja va, pamajjejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi gamdam va, araiyam va, pidayam va, bhagamdalam va, samva-hejja va, palimaddejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi gamdam va, araiyam va, pidayam va, bhagamdalam va tellena va, ghaena va, vasae va makkhejja va, bhilimgejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi gamdam va, araiyam va, pidayam va, bhagamdalam va, loddhena va, kakkena va, chunnena va, vannena va ullolejja va, uvvalejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi gamdam va, araiyam va, pidayam va, bhagamdalam va siodaga-viyadena va, usinodaga-viyadena va uchchholejja va, padhovejja va– no tam saie, no tam niyame. [se annamannam amkamsi va, paliyamkamsi va tuyattavetta kayamsi gamdam va, araiyam va, pidayam va, bhagamdalam va annayarenam vile-vana-jaenam alimpejja va, vilimpejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi gamdam va, araiyam va, pidayam va, bhagamdalam va annayarenam dhuvana-jaenam dhuvejja va, padhuvejja va– no tam saie, no tam niyame.] Se annamannam amkamsi va, paliyamkamsi va tuyattavetta kayamsi gamdam va, araiyam va, pidayam va, bhagamdalam va annayarenam sattha-jaenam achchhimdejja va, vichchhimdejja va– no tam saie, no tam niyame. Se annamannam amkamsi va, paliyamkamsi va tuyattavetta kayamsi gamdam va, araiyam va, pidayam va, bhagamdalam va annayarenam sattha-jaenam achchhimditta va, vichchhimditta va puyam va, soniyam va niharejja va, visohejja va– no tam saie, no tam niyame. Se annamannam amkamsi va, paliyamkamsi va tuyattavetta kayao seyam va, jallam va niharejja va, visohejja va– no tam saie, no tam niyame. Se annamannam amkamsi va, paliyamkamsi va tuyattavetta achchhimalam va, kannamalam va, damtamalam va, nahamalam va naharejja va, visohejja va– no tam saie, no tam niyame. Se annamannam amkamsi va, paliyamkamsi va tuyattavetta dihaim balaim, dihaim romaim, dihaim bhamuhaim, dihaim kakkharomaim, dihaim vatthiromaim kappejja va, samthavejja va– no tam saie, no tam niyame. Se annamannam amkamsi va, paliyamkamsi va tuyattavetta sisao likkham va, juyam va niharejja va visohejja va– no tam saie, no tam niyame. Se annamannam amkamsi va, paliyamkamsi va tuyattavetta haram va, addhaharam va, urattham va, geveyam va, maudam va, palambam va, suvannasuttam va abimdhejja va, pinidhejja va– no tam saie, no tam niyame. Se annamannam aramamsi va, ujjanamsi va niharetta va, pavisetta va payaim amajjejja va, pamajjejja va– no tam saie, no tam niyame. Se annamannam suddhenam va vai-balenam teichchham autte. Se annamannam asuddhenam va vai-balenam teichchham autte. Se annamannam gilanassa sachittani kamdani va, mulani va, tayani va, hariyani va khanittu va, kaddhettu va, kaddhavettu va teichchham auttejja– no tam saie, no tam niyame. Kaduveyana kattuveyana pana-bhuya-jiva-satta vedanam vedemti. Eyam khalu tassa bhikkhussa va bhikkhunie va samaggiyam, jam savvatthehim samite sahite sada jae, seyaminam mannejjasi.
Sutra Meaning Transliteration : Sadhu ya sadhvi ki anyonyakriya jo ki paraspara mem sambandhita hai, karmasamshleshajanani hai, isalie sadhu ya sadhvi isako mana se na chahe na vachana evam kaya se karane ke lie prerita kare. Sadhu ya sadhvi paraspara eka dusare ke charanom ko pomchhakara eka bara ya bara – bara achchhi taraha sapha kare to mana se bhi ise na chahe, na vachana aura kaya se karane ki prerana kare. Isa adhyayana ka shesha varnana terahavem adhyayana ke samana janana chahie. Yahi usa sadhu ya sadhvi ka samagra achara hai; jisake lie vaha samasta prayojanom, yavat usake palana mem prayatnashila rahe. – aisa maim kahata hum.