Sutra Navigation: Anuyogdwar ( અનુયોગદ્વારાસૂત્ર )

Search Details

Mool File Details

Anuvad File Details

Sr No : 1124309
Scripture Name( English ): Anuyogdwar Translated Scripture Name : અનુયોગદ્વારાસૂત્ર
Mool Language : Ardha-Magadhi Translated Language : Gujarati
Chapter :

अनुयोगद्वारासूत्र

 Translated Chapter :

અનુયોગદ્વારાસૂત્ર
Section : Translated Section :
Sutra Number : 309 Category : Chulika-02
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] अग्गेयं वा वायव्वं वा अन्नयरं वा अप्पसत्थं उप्पायं पासित्ता तेणं साहिज्जइ, जहा–कुवुट्ठी भविस्सइ। से तं अनागयकालगहणं। से तं अनुमाणे। से किं तं ओवम्मे? ओवम्मे दुविहे पन्नत्ते, तं जहा–साहम्मोवणीए य वेहम्मोवणीए य। से किं तं साहम्मोवणीए? साहम्मोवणीए तिविहे पन्नत्ते, तं जहा–किंचिसाहम्मे पायसाहम्मे सव्वसाहम्मे। से किं तं किंचिसाहम्मे? किंचिसाहम्मे–जहा मंदरो तहा सरिसवो, जहा सरिसवो तहा मंदरो। जहा समुद्दो तहा गोप्पयं, जहा गोप्पयं तहा समुद्दो। जहा आइच्चो तहा खज्जोतो, जहा खज्जोतो तहा आइच्चो। जहा चंदो तहा कुंदो, जहा कुंदो तहा चंदो। से तं किंचिसाहम्मे। से किं तं पायसाहम्मे? पायसाहम्मे–जहा गो तहा गवओ, जहा गवओ तहा गो। से तं पायसाहम्मे। से किं तं सव्वसाहम्मे? सव्वसाहम्मे ओवम्मं नत्थि, तहा वि तस्स तेणेव ओवम्मं कीरइ, जहा–अरहंतेहिं अरहंतसरिसं कयं, चक्कवट्टिणा चक्कवट्टिसरिसं कयं, बलदेवेण बलदेवसरिसं कयं, वासुदेवेण वासुदेवसरिसं कयं, साहुणा साहुसरिसं कयं। से तं सव्वसाहम्मे। से तं साहम्मोवणीए। से किं तं वेहम्मोवणीए? वेहम्मोवणीए तिविहे पन्नत्ते, तं जहा–किंचिवेहम्मे पायवेहम्मे सव्ववेहम्मे। से किं तं किंचिवेहम्मे? किंचिवेहम्मे–जहा सामलेरो न तहा बाहुलेरो, जहा बाहुलेरो न तहा सामलेरो। से तं किंचिवेहम्मे। से किं तं पायवेहम्मे? पायवेहम्मे–जहा वायसो न तहा पायसो, जहा पायसो न तहा वायसो। से तं पायवेहम्मे से किं तं सव्ववेहम्मे? सव्ववेहम्मे ओवम्मं नत्थि, तहा वि तस्स तेणेव ओवम्मं कीरइ, जहा–नीचेण नीचसरिसं कयं, काकेण कागसरिसं कयं, साणेण साणसरिसं कयं। से तं सव्ववेहम्मे। से तं वेहम्मोवणीए। से तं ओवम्मे। से किं तं आगमे? आगमे दुविहे पन्नत्ते, तं जहा–लोइए लोगुत्तरिए य। से किं तं लोइए आगमे? लोइए आगमे–जण्णं इमं अन्नाणिएहिं मिच्छदिट्ठीहिं सच्छंदबुद्धि-मइ-विगप्पियं तं जहा–१. भारहं २. रामायणं ३.-४. हंभीमासुरुत्तं ५. कोडिल्लयं ६. घोडमुहं ७. सगभद्दियाओ ८. कप्पासियं ९. नागसुहुमं १०. कणगसत्तरी ११. वेसियं १२. वइसेसियं १३. बुद्धवयणं १४. काविलं १५. लोगायतं १६. सट्ठितंतं १७. माढरं १८. पुराणं १९. वाग-रणं २०. नाडगादि। अहवा–बावत्तरिकलाओ चत्तारि वेया संगोवंगा। से तं लोइए आगमे। से किं तं लोगुत्तरिए आगमे? लोगुत्तरिए आगमे– जण्णं इमं अरहंतेहिं भगवंतेहिं उप्पन्ननाणदंसणधरेहिं तीय-पडुप्पन्न-मणागयजाणएहिं सव्वण्णूहिं सव्वदरिसीहिं तेलोक्कचहिय-महिय-पूइएहिं पणीयं दुवालसंगं गणि-पिडगं, तं जहा–१. आयारो २. सूयगडो ३. ठाणं ४. समवाओ ५. वियाहपन्नत्ती ६. नायाधम्मकहाओ ७. उवासगदसाओ ८. अंतगडदसाओ ९. अनुत्तरोववाइयदसाओ १०. पण्हावागरणाइं ११. विवागसुयं १२. दिट्ठिवाओ। से तं लोगुत्तरिए आगमे। अहवा आगमे तिविहे पन्नत्ते, तं जहा–सुत्तागमे अत्थागमे तदुभयागमे। अहवा आगमे तिविहे पन्नत्ते, तं जहा–अत्तागमे अनंतरागमे परंपरागमे। तित्थगराणं अत्थस्स अत्तागमे। गणहराणं सुत्तस्स अत्तागमे, अत्थस्स अनंतरागमे। गणहरसीसाणं सुत्तस्स अनंतरागमे, अत्थस्स परंपरागमे। तेण परं सुत्तस्स वि अत्थ-स्स वि नो अत्तागमे, नो अनंतरागमे, परंपरागमे। से तं लोगुत्तरिए आगमे। से तं आगमे। से तं नाणगुणप्पमाणे। से किं तं दंसणगुणप्पमाणे? दंसणगुणप्पमाणे चउव्विहे पन्नत्ते, तं जहा– चक्खुदंसण-गुणप्पमाणे अचक्खुदंसण-गुणप्पमाणे ओहिदंसणगुणप्पमाणे केवलदंसणगुणप्पमाणे। चक्खुदंसणं चक्खुदंसणिस्स घड-पड-कड-रहादिएसु दव्वेसु। अच-क्खुदंसणं अचक्खुदंसणिस्स आयभावे। ओहिदंसणं ओहिदंसणिस्स सव्वरूविदव्वेहिं न पुण सव्वपज्जवेहिं। केवलदंसणं केवलदंसणिस्स सव्वदव्वेहिं सव्वपज्जवेहि य। से तं दंसणगुणप्पमाणे। से किं तं चरित्तगुणप्पमाणे? चरित्तगुणप्पमाणे पंचविहे पन्नत्ते, तं जहा– सामाइयचरित्तगुणप्पमाणे छेदोवट्ठावणिय- चरित्तगुणप्पमाणे परिहारविसुद्धियचरित्तगुणप्पमाणे सुहुमसंपरायचरित्तगुणप्पमाणे अहक्खाय-चरित्तगुणप्पमाणे। सामाइयचरित्तगुणप्पमाणे दुविहे पन्नत्ते, तं जहा–इत्तरिए य आवकहिए य। छेदोवट्ठावणियचरित्तगुणप्पमाणे दुविहे पन्नत्ते, तं जहा–साइयारे य निरइयारे य। परिहारविसुद्धियचरित्तगुणप्पमाणे दुविहे पन्नत्ते, तं जहा–निव्विसमाणए य निव्विट्ठकाइए य। सुहुमसंपरायचरित्तगुणप्पमाणे दुविहे पन्नत्ते, तं जहा–संकिलिस्समाणए य विसुज्झमाणए य। अहक्खायचरित्तगुणप्पमाणे दुविहे पन्नत्ते, तं जहा–पडिवाई य अपडिवाई य। अहवा–छउमत्थिए य केवलिए य। से तं चरित्तगुणप्पमाणे। से तं जीवगुणप्पमाणे। से तं गुणप्पमाणे।
Sutra Meaning : જુઓ સૂત્ર ૩૦૭
Mool Sutra Transliteration : [sutra] aggeyam va vayavvam va annayaram va appasattham uppayam pasitta tenam sahijjai, jaha–kuvutthi bhavissai. Se tam anagayakalagahanam. Se tam anumane. Se kim tam ovamme? Ovamme duvihe pannatte, tam jaha–sahammovanie ya vehammovanie ya. Se kim tam sahammovanie? Sahammovanie tivihe pannatte, tam jaha–kimchisahamme payasahamme savvasahamme. Se kim tam kimchisahamme? Kimchisahamme–jaha mamdaro taha sarisavo, jaha sarisavo taha mamdaro. Jaha samuddo taha goppayam, jaha goppayam taha samuddo. Jaha aichcho taha khajjoto, jaha khajjoto taha aichcho. Jaha chamdo taha kumdo, jaha kumdo taha chamdo. Se tam kimchisahamme. Se kim tam payasahamme? Payasahamme–jaha go taha gavao, jaha gavao taha go. Se tam payasahamme. Se kim tam savvasahamme? Savvasahamme ovammam natthi, taha vi tassa teneva ovammam kirai, jaha–arahamtehim arahamtasarisam kayam, chakkavattina chakkavattisarisam kayam, baladevena baladevasarisam kayam, vasudevena vasudevasarisam kayam, sahuna sahusarisam kayam. Se tam savvasahamme. Se tam sahammovanie. Se kim tam vehammovanie? Vehammovanie tivihe pannatte, tam jaha–kimchivehamme payavehamme savvavehamme. Se kim tam kimchivehamme? Kimchivehamme–jaha samalero na taha bahulero, jaha bahulero na taha samalero. Se tam kimchivehamme. Se kim tam payavehamme? Payavehamme–jaha vayaso na taha payaso, jaha payaso na taha vayaso. Se tam payavehamme Se kim tam savvavehamme? Savvavehamme ovammam natthi, taha vi tassa teneva ovammam kirai, jaha–nichena nichasarisam kayam, kakena kagasarisam kayam, sanena sanasarisam kayam. Se tam savvavehamme. Se tam vehammovanie. Se tam ovamme. Se kim tam agame? Agame duvihe pannatte, tam jaha–loie loguttarie ya. Se kim tam loie agame? Loie agame–jannam imam annaniehim michchhaditthihim sachchhamdabuddhi-mai-vigappiyam tam jaha–1. Bharaham 2. Ramayanam 3.-4. Hambhimasuruttam 5. Kodillayam 6. Ghodamuham 7. Sagabhaddiyao 8. Kappasiyam 9. Nagasuhumam 10. Kanagasattari 11. Vesiyam 12. Vaisesiyam 13. Buddhavayanam 14. Kavilam 15. Logayatam 16. Satthitamtam 17. Madharam 18. Puranam 19. Vaga-ranam 20. Nadagadi. Ahava–bavattarikalao chattari veya samgovamga. Se tam loie agame. Se kim tam loguttarie agame? Loguttarie agame– jannam imam arahamtehim bhagavamtehim uppannananadamsanadharehim tiya-paduppanna-managayajanaehim savvannuhim savvadarisihim telokkachahiya-mahiya-puiehim paniyam duvalasamgam gani-pidagam, tam jaha–1. Ayaro 2. Suyagado 3. Thanam 4. Samavao 5. Viyahapannatti 6. Nayadhammakahao 7. Uvasagadasao 8. Amtagadadasao 9. Anuttarovavaiyadasao 10. Panhavagaranaim 11. Vivagasuyam 12. Ditthivao. Se tam loguttarie agame. Ahava agame tivihe pannatte, tam jaha–suttagame atthagame tadubhayagame. Ahava agame tivihe pannatte, tam jaha–attagame anamtaragame paramparagame. Titthagaranam atthassa attagame. Ganaharanam suttassa attagame, atthassa anamtaragame. Ganaharasisanam suttassa anamtaragame, atthassa paramparagame. Tena param suttassa vi attha-ssa vi no attagame, no anamtaragame, paramparagame. Se tam loguttarie agame. Se tam agame. Se tam nanagunappamane. Se kim tam damsanagunappamane? Damsanagunappamane chauvvihe pannatte, tam jaha– chakkhudamsana-gunappamane achakkhudamsana-gunappamane ohidamsanagunappamane kevaladamsanagunappamane. Chakkhudamsanam chakkhudamsanissa ghada-pada-kada-rahadiesu davvesu. Acha-kkhudamsanam achakkhudamsanissa ayabhave. Ohidamsanam ohidamsanissa savvaruvidavvehim na puna savvapajjavehim. Kevaladamsanam kevaladamsanissa savvadavvehim savvapajjavehi ya. Se tam damsanagunappamane. Se kim tam charittagunappamane? Charittagunappamane pamchavihe pannatte, tam jaha– samaiyacharittagunappamane chhedovatthavaniya- charittagunappamane pariharavisuddhiyacharittagunappamane suhumasamparayacharittagunappamane ahakkhaya-charittagunappamane. Samaiyacharittagunappamane duvihe pannatte, tam jaha–ittarie ya avakahie ya. Chhedovatthavaniyacharittagunappamane duvihe pannatte, tam jaha–saiyare ya niraiyare ya. Pariharavisuddhiyacharittagunappamane duvihe pannatte, tam jaha–nivvisamanae ya nivvitthakaie ya. Suhumasamparayacharittagunappamane duvihe pannatte, tam jaha–samkilissamanae ya visujjhamanae ya. Ahakkhayacharittagunappamane duvihe pannatte, tam jaha–padivai ya apadivai ya. Ahava–chhaumatthie ya kevalie ya. Se tam charittagunappamane. Se tam jivagunappamane. Se tam gunappamane.
Sutra Meaning Transliteration : Juo sutra 307