Sutra Navigation: Chandrapragnapati ( ચંદ્રપ્રજ્ઞપ્તિ સૂત્ર )

Search Details

Mool File Details

Anuvad File Details

Sr No : 1107496
Scripture Name( English ): Chandrapragnapati Translated Scripture Name : ચંદ્રપ્રજ્ઞપ્તિ સૂત્ર
Mool Language : Ardha-Magadhi Translated Language : Gujarati
Chapter :

प्राभृत-१

 Translated Chapter :

પ્રાભૃત-૧
Section : प्राभृत-प्राभृत-१ Translated Section : પ્રાભૃત-પ્રાભૃત-૧
Sutra Number : 196 Category : Upang-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] ता अंतो मनुस्सखेत्ते जे चंदिम-सूरिय-गहगण-नक्खत्त-तारारूवा ते णं देवा किं उड्ढोववन्नगा कप्पोववन्नगा विमाणोववन्नगा चारोववन्नगा चारट्ठितिया गतिरतिया गतिसमावन्नगा? ता ते णं देवा नो उड्ढोववन्नगा नो कप्पोववन्नगा, विमाणोववन्नगा चारोववन्नगा, नो चारट्ठितिया गतिरतिया गति-समावन्नगा उड्ढीमुहकलंबुयापुप्फसंठाणसंठितेहिं जोयणसाहस्सिएहिं तावक्खेत्तेहिं साहस्सियाहिं बाहिराहिं वेउव्वियाहिं परिसाहिं महताहतनट्ट-गीय-वाइय-तंती-तल-ताल-तुडिय-घन-मुइंग-पडुप्प-वाइयरवेणं महता उक्कुट्ठिसीहणाद-बोलकलकलरवेणं अच्छं पव्वतरायं पदाहिणावत्तमंडलचारं मेरुं अनुपरियट्टंति। ता तेसि णं देवाणं जाधे इंदे चयति से कधमियाणिं पकरेंति? ता चत्तारि पंच सामाणियदेवा तं ठाणं उवसंपज्जित्ताणं विहरंति जावण्णे तत्थ इंदे उववन्ने भवति। ता इंदट्ठाणे णं केवतिएणं कालेणं विरहिते पन्नत्ते? ता जहन्नेणं इक्कं समयं, उक्कोसेणं छम्मासे। ता बहिता णं माणुस्सक्खेत्तस्स जे चंदिम सूरिय गहगण नक्खत्त तारारूवा ते णं देवा किं उड्ढोववन्नगा कप्पोववन्नगा विमाणोववन्नगा चारट्ठितिया गतिरतिया गतिसमावन्नगा? ता ते णं देवा नो उड्ढोववन्नगा नो कप्पोववन्नगा विमानोववन्नगा नो चारोववन्नगा, चारट्ठितिया, नो गतिरतिया नो गतिसमावन्नगा, पक्किट्टगसंठाणसंठितेहिं जोयणसयसाहस्सिएहिं तावक्खेत्तेहिं सयसाहस्सियाहिं बाहिराहिं वेउव्वियाहिं परिसाहिं महताहतणट्ट गीय वाइय तंती तल ताल तुडिय घण मुइंग पडुप्पवायइरवेणं दिव्वाइं भोगभोगाइं भुंजमाणा विहरंति, सुहलेसा मंदलेसा मंदायवलेसा चित्तंतरलेसा अन्नोन्नसमोगाढाहिं लेसाहिं कूडा इव ठाणठिता ते पदेसे सव्वतो समंता ओभासंति उज्जोवेंति तवेंति पभासेंति। ता तेसि णं देवाणं जाहे इंदे चयति से कहमियाणिं पकरेंति? ता चत्तारि पंच सामानियदेवा तं ठाणं तहेव जाव छम्मासे।
Sutra Meaning : જુઓ સૂત્ર ૧૭૯
Mool Sutra Transliteration : [sutra] ta amto manussakhette je chamdima-suriya-gahagana-nakkhatta-tararuva te nam deva kim uddhovavannaga kappovavannaga vimanovavannaga charovavannaga charatthitiya gatiratiya gatisamavannaga? Ta te nam deva no uddhovavannaga no kappovavannaga, vimanovavannaga charovavannaga, no charatthitiya gatiratiya gati-samavannaga uddhimuhakalambuyapupphasamthanasamthitehim joyanasahassiehim tavakkhettehim sahassiyahim bahirahim veuvviyahim parisahim mahatahatanatta-giya-vaiya-tamti-tala-tala-tudiya-ghana-muimga-paduppa-vaiyaravenam mahata ukkutthisihanada-bolakalakalaravenam achchham pavvatarayam padahinavattamamdalacharam merum anupariyattamti. Ta tesi nam devanam jadhe imde chayati se kadhamiyanim pakaremti? Ta chattari pamcha samaniyadeva tam thanam uvasampajjittanam viharamti javanne tattha imde uvavanne bhavati. Ta imdatthane nam kevatienam kalenam virahite pannatte? Ta jahannenam ikkam samayam, ukkosenam chhammase. Ta bahita nam manussakkhettassa je chamdima suriya gahagana nakkhatta tararuva te nam deva kim uddhovavannaga kappovavannaga vimanovavannaga charatthitiya gatiratiya gatisamavannaga? Ta te nam deva no uddhovavannaga no kappovavannaga vimanovavannaga no charovavannaga, charatthitiya, no gatiratiya no gatisamavannaga, pakkittagasamthanasamthitehim joyanasayasahassiehim tavakkhettehim sayasahassiyahim bahirahim veuvviyahim parisahim mahatahatanatta giya vaiya tamti tala tala tudiya ghana muimga paduppavayairavenam divvaim bhogabhogaim bhumjamana viharamti, suhalesa mamdalesa mamdayavalesa chittamtaralesa annonnasamogadhahim lesahim kuda iva thanathita te padese savvato samamta obhasamti ujjovemti tavemti pabhasemti. Ta tesi nam devanam jahe imde chayati se kahamiyanim pakaremti? Ta chattari pamcha samaniyadeva tam thanam taheva java chhammase.
Sutra Meaning Transliteration : Juo sutra 179