Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106919
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-३६ समुद्घात

 Translated Chapter :

પદ-૩૬ સમુદ્ઘાત
Section : Translated Section :
Sutra Number : 619 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] कतिसमइए णं भंते! केवलिसमुग्घाए पन्नत्ते? गोयमा! अट्ठसमइए पन्नत्ते, तं जहा–पढमे समए दंडं करेति, बिइए समए कवाडं करेति, ततिए समए मंथं करेति, चउत्थे समए लोगं पूरेइ, पंचमे समए लोगं पडिसाहरति, छट्ठे समए मंथं पडिसाहरति, सत्तमे समए कवाडं पडिसाहरति, अट्ठमे समए दंडं पडिसाहरति, पडिसाहरित्ता ततो पच्छा सरीरत्थे भवति। से णं भंते! तहासमुग्घायगते किं मनजोगं जुंजति? वइजोगं जुंजति? कायजोगं जुंजति? गोयमा! नो मनजोगं जुंजइ, नो वइजोगं जुंजइ, कायजोगं जुंजति। कायजोगण्णं भंते! जुंजमाणे किं ओरालियसरीरकायजोगं जुंजति? ओरालियमीसासरीर-कायजोगं जुंजति? किं वेउव्वियसरीरकायजोगं जुंजति? वेउव्वियमीसासरीरकायजोगं जुंजति? किं आहारगसरीरकायजोगं जुंजइ? आहारगमीसासरीरकायजोगं जुंजति? किं कम्मगसरीरकायजोगं जुंजइ? गोयमा! ओरालियसरीरकायजोगं पि जुंजति ओरालियमीसासरीरकायजोगं पि जुंजति, नो वेउव्वियसरीरकायजोग जुंजति नो वेउव्वियमीसासरीरकायजोगं जुंजति, नो आहारगसरीरकायजोगं जुंजति नो आहारगमीसासरीरकायजोगं जुंजति, कम्मगसरीरकायजोगं पि जुंजति; पढमट्ठमेसु समएसु ओरालियसरीरकायजोगं जुंजति, बितियछट्ठसत्तमेसु समएसु ओरालियमीसगसरीरकाय-जोगं जुंजति, ततिय-चउत्थ-पंचमेसु समएसु कम्मगसरीरकायजोगं जुंजति।
Sutra Meaning : જુઓ સૂત્ર ૬૧૫
Mool Sutra Transliteration : [sutra] katisamaie nam bhamte! Kevalisamugghae pannatte? Goyama! Atthasamaie pannatte, tam jaha–padhame samae damdam kareti, biie samae kavadam kareti, tatie samae mamtham kareti, chautthe samae logam purei, pamchame samae logam padisaharati, chhatthe samae mamtham padisaharati, sattame samae kavadam padisaharati, atthame samae damdam padisaharati, padisaharitta tato pachchha sariratthe bhavati. Se nam bhamte! Tahasamugghayagate kim manajogam jumjati? Vaijogam jumjati? Kayajogam jumjati? Goyama! No manajogam jumjai, no vaijogam jumjai, kayajogam jumjati. Kayajogannam bhamte! Jumjamane kim oraliyasarirakayajogam jumjati? Oraliyamisasarira-kayajogam jumjati? Kim veuvviyasarirakayajogam jumjati? Veuvviyamisasarirakayajogam jumjati? Kim aharagasarirakayajogam jumjai? Aharagamisasarirakayajogam jumjati? Kim kammagasarirakayajogam jumjai? Goyama! Oraliyasarirakayajogam pi jumjati oraliyamisasarirakayajogam pi jumjati, no veuvviyasarirakayajoga jumjati no veuvviyamisasarirakayajogam jumjati, no aharagasarirakayajogam jumjati no aharagamisasarirakayajogam jumjati, kammagasarirakayajogam pi jumjati; padhamatthamesu samaesu oraliyasarirakayajogam jumjati, bitiyachhatthasattamesu samaesu oraliyamisagasarirakaya-jogam jumjati, tatiya-chauttha-pamchamesu samaesu kammagasarirakayajogam jumjati.
Sutra Meaning Transliteration : Juo sutra 615