Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106735
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-१५ ईन्द्रिय

 Translated Chapter :

પદ-૧૫ ઈન્દ્રિય
Section : उद्देशक-२ Translated Section : ઉદ્દેશક-૨
Sutra Number : 435 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] कतिविहे णं भंते! इंदिओवचए पन्नत्ते? गोयमा! पंचविहे इंदिओवचए पन्नत्ते, तं जहा–सोइंदिओवचए चक्खिंदिओवचए घाणिंदिओवचए जिब्भिंदिओवचए फासिंदिओवचए। नेरइयाणं भंते! कतिविहे इंदिओवचए पन्नत्ते? गोयमा! पंचविहे इंदिओवचए पन्नत्ते, तं जहा–सोइंदिओवचए जाव फासिंदिओवचए। एवं जाव वेमानियाणं। जस्स जइ इंदिया तस्स तइविहो चेव इंदिओवचयो भाणियव्वो। कतिविहा णं भंते! इंदियनिव्वत्तणा पन्नत्ता? गोयमा! पंचविहा इंदियनिव्वत्तणा पन्नत्ता, तं जहा–सोइंदियनि-व्वत्तणा जाव फासिंदियनिव्वत्तणा। एवं नेरइयाणं जाव वेमानियाणं, नवरं–जस्स जतिंदिया अत्थि। सोइंदियनिव्वत्तणा णं भंते! कतिसमइया पन्नत्ता? गोयमा! असंखिज्जसमइया अंतोमुहुत्तिया पन्नत्ता। एवं जाव फासिंदियनिव्वत्तणा। एवं नेरइयाणं जाव वेमानियाणं। कतिविहा णं भंते! इंदियलद्धी पन्नत्ता? गोयमा! पंचविहा इंदियलद्धी पन्नत्ता, तं जहा–सोइंदियलद्धी जाव फासिंदियलद्धी। एवं नेरइयाणं जाव वेमानियाणं, नवरं–जस्स जति इंदिया अत्थि तस्स तावतिया लद्धी भाणियव्वा। कतिविहा णं भंते! इंदियउवओगद्धा पन्नत्ता? गोयमा! पंचविहा इंदियउवओगद्धा पन्नत्ता, तं जहा–सोइंदिय-उवओगद्धा जाव फासिंदियउवओगद्धा। एवं नेरइयाणं जाव वेमानियाणं, नवरं–जस्स जति इंदिया अत्थि। एतेसि णं भंते! सोइंदिय चक्खिंदिय घाणिंदिय जिब्भिंदिय फासिंदियाणं जहन्नियाए उवओगद्धाए उक्कोसियाए उवओगद्धाए जहन्नुक्कोसियाए उवओगद्धाए कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा चक्खिंदियस्स जहन्निया उवओगद्धा, सोइंदियस्स जहन्निया विसेसाहिया, घाणिंदियस्स जहन्निया उवओगद्धा विसेसाहिया, जिब्भिं-दियस्स जहन्निया उवओगद्धा विसेसाहिया, फासेंदियस्स जहन्निया उवओगद्धा विसेसाहिया। उक्कोसियाए उवओगद्धाए सव्वत्थोवा चक्खिंदियस्स उक्कोसिया उवओगद्धा, सोइंदियस्स उक्कोसिया उवओगद्धा विसेसाहिया, घाणिंदियस्स उक्कोसिया उवओगद्धा विसेसाहिया, जिब्भिंदियस्स उक्कोसिया उवओगद्धा विसेसाहिया, फासेंदियस्स उक्कोसिया उव-ओगद्धा विसेसाहिया। जहन्नुक्कोसियाए उवओगद्धाए सव्वत्थोवा चक्खिंदियस्स जहन्निया उवओगद्धा, सोइंदि-यस्स जहन्निया उवओगद्धा विसेसाहिया, घाणिंदियस्स जहन्निया उवओगद्धा विसेसाहिया, जिब्भिं-दियस्स जहन्निया उवओगद्धा विसेसाहिया, फासेंदियस्स जहन्निया उवओगद्धा विसेसाहिया। फासेंदियस्स जहन्नियाहिंतो उवओगद्धाहिंतो चक्खिंदियस्स उक्कोसिया उगओवद्धा विसेसाहिया, सोइंदियस्स उक्कोसिया उवओगद्धा विसेसाहिया, घाणिंदियस्स उक्कोसिया उवओगद्धा विसेसा-हिया, जिब्भिंदियस्स उक्कोसिया उवओगद्धा विसेसाहिया, फासेंदियस्स उक्कोसिया उवओगद्धा विसेसाहिया। कतिविहा णं भंते! इंदियओगाहणा पन्नत्ता? गोयमा! पंचविहा इंदियओगाहणा पन्नत्ता, तं जहा–सोइंदिय-ओगाहणा जाव फासेंदियओगाहणा। एवं नेरइयाणं जाव वेमानियाणं, नवरं–जस्स जइ इंदिया अत्थि।
Sutra Meaning : જુઓ સૂત્ર ૪૩૩
Mool Sutra Transliteration : [sutra] kativihe nam bhamte! Imdiovachae pannatte? Goyama! Pamchavihe imdiovachae pannatte, tam jaha–soimdiovachae chakkhimdiovachae ghanimdiovachae jibbhimdiovachae phasimdiovachae. Neraiyanam bhamte! Kativihe imdiovachae pannatte? Goyama! Pamchavihe imdiovachae pannatte, tam jaha–soimdiovachae java phasimdiovachae. Evam java vemaniyanam. Jassa jai imdiya tassa taiviho cheva imdiovachayo bhaniyavvo. Kativiha nam bhamte! Imdiyanivvattana pannatta? Goyama! Pamchaviha imdiyanivvattana pannatta, tam jaha–soimdiyani-vvattana java phasimdiyanivvattana. Evam neraiyanam java vemaniyanam, navaram–jassa jatimdiya atthi. Soimdiyanivvattana nam bhamte! Katisamaiya pannatta? Goyama! Asamkhijjasamaiya amtomuhuttiya pannatta. Evam java phasimdiyanivvattana. Evam neraiyanam java vemaniyanam. Kativiha nam bhamte! Imdiyaladdhi pannatta? Goyama! Pamchaviha imdiyaladdhi pannatta, tam jaha–soimdiyaladdhi java phasimdiyaladdhi. Evam neraiyanam java vemaniyanam, navaram–jassa jati imdiya atthi tassa tavatiya laddhi bhaniyavva. Kativiha nam bhamte! Imdiyauvaogaddha pannatta? Goyama! Pamchaviha imdiyauvaogaddha pannatta, tam jaha–soimdiya-uvaogaddha java phasimdiyauvaogaddha. Evam neraiyanam java vemaniyanam, navaram–jassa jati imdiya atthi. Etesi nam bhamte! Soimdiya chakkhimdiya ghanimdiya jibbhimdiya phasimdiyanam jahanniyae uvaogaddhae ukkosiyae uvaogaddhae jahannukkosiyae uvaogaddhae katare katarehimto appa va bahuya va tulla va visesahiya va? Goyama! Savvatthova chakkhimdiyassa jahanniya uvaogaddha, soimdiyassa jahanniya visesahiya, ghanimdiyassa jahanniya uvaogaddha visesahiya, jibbhim-diyassa jahanniya uvaogaddha visesahiya, phasemdiyassa jahanniya uvaogaddha visesahiya. Ukkosiyae uvaogaddhae savvatthova chakkhimdiyassa ukkosiya uvaogaddha, soimdiyassa ukkosiya uvaogaddha visesahiya, ghanimdiyassa ukkosiya uvaogaddha visesahiya, jibbhimdiyassa ukkosiya uvaogaddha visesahiya, phasemdiyassa ukkosiya uva-ogaddha visesahiya. Jahannukkosiyae uvaogaddhae savvatthova chakkhimdiyassa jahanniya uvaogaddha, soimdi-yassa jahanniya uvaogaddha visesahiya, ghanimdiyassa jahanniya uvaogaddha visesahiya, jibbhim-diyassa jahanniya uvaogaddha visesahiya, phasemdiyassa jahanniya uvaogaddha visesahiya. Phasemdiyassa jahanniyahimto uvaogaddhahimto chakkhimdiyassa ukkosiya ugaovaddha visesahiya, soimdiyassa ukkosiya uvaogaddha visesahiya, ghanimdiyassa ukkosiya uvaogaddha visesa-hiya, jibbhimdiyassa ukkosiya uvaogaddha visesahiya, phasemdiyassa ukkosiya uvaogaddha visesahiya. Kativiha nam bhamte! Imdiyaogahana pannatta? Goyama! Pamchaviha imdiyaogahana pannatta, tam jaha–soimdiya-ogahana java phasemdiyaogahana. Evam neraiyanam java vemaniyanam, navaram–jassa jai imdiya atthi.
Sutra Meaning Transliteration : Juo sutra 433