Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106704
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-१२ शरीर

 Translated Chapter :

પદ-૧૨ શરીર
Section : Translated Section :
Sutra Number : 404 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] पुढविकाइयाणं भंते! केवतिया ओरालियसरीरगा पन्नत्ता? गोयमा! दुविहा पन्नत्ता, तं जहा–बद्धेल्लया य मुक्केल्लया य। तत्थ णं जेते बद्धेल्लगा ते णं असंखेज्जा, असंखेज्जाहिं उस्सप्पिणि-ओसप्पिणीहिं अवहीरंति कालतो, खेत्तओ असंखेज्जा लोगा। तत्थ णं जेते मुक्केल्लगा ते णं अनंता, अनंताहिं उस्सप्पिणि-ओसप्पिणीहिं अवहीरंति कालओ, खेत्तओ अनंता लोगा, अभवसिद्धिएहिंतो अनंतगुणा, सिद्धाणं अनंतभागो। पुढविकाइयाणं भंते! केवतिया वेउव्वियसरीरया पन्नत्ता? गोयमा! दुविहा पन्नत्ता, तं जहा–बद्धेल्लगा य मुक्केल्लगा य। तत्थ णं जेते बद्धेल्लगा ते णं नत्थि। तत्थ णं जेते मुक्केल्लगा ते णं जहा एतेसिं चेव ओरालिया भणिया तहेव भाणियव्वा। एवं आहारगसरीरा वि। तेया-कम्मगा जहा एतेसिं चेव ओरालिया। एवं आउक्काइया तेउक्काइया वि। वाउक्काइयाणं भंते! केवतिया ओरालियसरीरा पन्नत्ता? गोयमा! दुविहा पन्नत्ता, तं जहा–बद्धेल्लगा य मुक्केल्लगा य। दुविहा वि जहा पुढविकाइयाणं ओरालिया। वेउव्वियाणं पुच्छा। गोयमा! दुविहा पन्नत्ता, तं जहा–बद्धेल्लगा य मुक्केल्लगा य। तत्थ णं जेते बद्धेल्लगा ते णं असंखेज्जा, समए-समए अवहीरमाणा-अवहीरमाणा पलिओवमस्स असंखे-ज्जतिभागमेत्तेणं कालेणं अवहीरंति, नो चेव णं अवहिया सिया। मुक्केल्लया जहा पुढविकाइयाणं। आहारय-तेया-कम्मा जहा पुढविकाइयाणं तहा भाणियव्वा। वणप्फइकाइयाणं जहा पुढविकाइयाणं, नवरं–तेया-कम्मगा जहा ओहिया तेयाकम्मगा। बेइंदियाणं भंते! केवतिया ओरालियसरीरा पन्नत्ता? गोयमा! दुविहा पन्नत्ता, तं जहा–बद्धेल्लगा य मुक्केल्लगा य। तत्थ णं जेते बद्धेल्लगा ते णं असंखेज्जा, असंखेज्जाहिं उस्सप्पिणि-ओसप्पिणीहिं अवहीरंति कालओ, खेत्तओ असंखेज्जाओ सेढीओ पयरस्स असंखेज्जतिभागो, तासि णं सेढीणं विक्खंभसूई असंखेज्जाओ जोयणकोडाकोडीओ असंखेज्जाइं सेढिवग्गमूलाइं। बेइंदियाणं ओरालियसरीरेहिं बद्धेल्लगेहिं पयरो अवहीरति असंखेज्जाहिं उस्सप्पिणि-ओसप्पिणीहिं कालओ, खेत्तओ अंगुलपयरस्स आवलियाए य असंखेज्जतिभागपलिभागेणं। तत्थ णं जेते मुक्केल्लगा ते जहा ओहिया ओरालिया मुक्केल्लया। वेउव्विया आहारगा य बद्धेल्लगा नत्थि, मुक्केल्लगा जहा ओहिया ओरालिया मुक्केल्लया। तेयाकम्मगा जहा एतेसिं चेव ओहिया ओरालिया। एवं जाव चउरिंदिया। पंचेंदियतिरिक्खजोणियाणं एवं चेव, नवरं–वेउव्वियसरीरएसु इमो विसेसो–पंचेंदिय-तिरिक्खजोणियाणं भंते! केव-तिया वेउव्वियसरीरा पन्नत्ता? गोयमा! दुविहा पन्नत्ता, तं जहा–बद्धेल्लगा य मुक्केल्लगा य। तत्थ णं जेते बद्धेल्लगा ते णं असंखेज्जा जहा असुरकुमाराणं, नवरं–तासि णं सेढीणं विक्खंभसूई अंगुलपढमवग्गमूलस्स असंखेज्जतिभागो। मुक्केल्लगा तहेव। मनुस्साणं भंते! केवतिया ओरालियसरीरा पन्नत्ता? गोयमा! दुविहा पन्नत्ता, तं जहा–बद्धेल्लगा य मुक्केल्लगा य। तत्थ णं जेते बद्धेल्लगा ते णं सिय संखेज्जा सिय असंखेज्जा। जहन्नपए संखेज्जा–संखेज्जाओ कोडाकोडीओ तिजमलपयस्स उवरिं चउजमलपयस्स हेट्ठा, अहव णं छट्ठो वग्गो पंचमवग्गपडुप्पण्णो, अहव णं छन्नउईछेयणगदाई रासी। उक्कोसपदे असंखेज्जा असंखे-ज्जाहिं उस्सप्पिणि-ओसप्पिणीहिं अवहीरंति कालओ, खेत्तओ रूवपक्खित्तेहिं मनुस्सेहिं सेढी अवहीरति, तीसे सेढीए कालखेत्तेहिं अवहारो मग्गिज्जइ–असंखेज्जाहिं उस्सप्पिणि-ओसप्पिणीहिं कालओ, खेत्तओ अंगुलपढमवग्गमूलं ततियवग्गमूलपडुप्पन्नं। तत्थ णं जेते मुक्केल्लगा ते जहा ओरालिया ओहिया मुक्केल्लगा। वेउव्वियाणं भंते! पुच्छा। गोयमा! दुविहा पन्नत्ता, तं जहा–बद्धेल्लगा य मुक्केल्लगा य। तत्थ णं जेते बद्धेल्लगा ते णं संखेज्जा, समए-समए अवहीरमाणा-अवहीरमाणा संखेज्जेणं कालेणं अवहीरंति, नो चेव णं अवहिया सिया। तत्थ णं जेते मुक्केल्लगा ते णं जहा ओरालिया ओहिया। आहारगसरीरा जहा ओहिया। तेयाकम्मया जहा एतेसिं चेव ओरालिया। वाणमंतराणं जहा नेरइयाणं ओरालिया आहारगा य। वेउव्वियसरीरगा जहा नेरइयाणं, नवरं–तासि णं सेढीणं विक्खंभसूई संखेज्जजोयणसयवग्गपलिभागो पयरस्स। मुक्केल्लया जहा ओहिया ओरालिया। तेयाकम्मया जहा एएसिं चेव वेउव्विया। जोतिसियाणं एवं चेव, नवरं–तासि णं सेढीणं विक्खंभसूई बेछप्पण्णंगुलसयवग्गपलिभागो पयरस्स। वेमानियाणं एवं चेव, नवरं– तासि णं सेढीणं विक्खंभसूई अंगुलबितियवग्गमूलं ततिय-वग्गमूलपडुप्पन्नं, अहव णं अंगुलततियवग्गमूलघणपमाणमेत्ताओ सेढीओ। सेसं तं चेव।
Sutra Meaning : જુઓ સૂત્ર ૪૦૩
Mool Sutra Transliteration : [sutra] pudhavikaiyanam bhamte! Kevatiya oraliyasariraga pannatta? Goyama! Duviha pannatta, tam jaha–baddhellaya ya mukkellaya ya. Tattha nam jete baddhellaga te nam asamkhejja, asamkhejjahim ussappini-osappinihim avahiramti kalato, khettao asamkhejja loga. Tattha nam jete mukkellaga te nam anamta, anamtahim ussappini-osappinihim avahiramti kalao, khettao anamta loga, abhavasiddhiehimto anamtaguna, siddhanam anamtabhago. Pudhavikaiyanam bhamte! Kevatiya veuvviyasariraya pannatta? Goyama! Duviha pannatta, tam jaha–baddhellaga ya mukkellaga ya. Tattha nam jete baddhellaga te nam natthi. Tattha nam jete mukkellaga te nam jaha etesim cheva oraliya bhaniya taheva bhaniyavva. Evam aharagasarira vi. Teya-kammaga jaha etesim cheva oraliya. Evam aukkaiya teukkaiya vi. Vaukkaiyanam bhamte! Kevatiya oraliyasarira pannatta? Goyama! Duviha pannatta, tam jaha–baddhellaga ya mukkellaga ya. Duviha vi jaha pudhavikaiyanam oraliya. Veuvviyanam puchchha. Goyama! Duviha pannatta, tam jaha–baddhellaga ya mukkellaga ya. Tattha nam jete baddhellaga te nam asamkhejja, samae-samae avahiramana-avahiramana paliovamassa asamkhe-jjatibhagamettenam kalenam avahiramti, no cheva nam avahiya siya. Mukkellaya jaha pudhavikaiyanam. Aharaya-teya-kamma jaha pudhavikaiyanam taha bhaniyavva. Vanapphaikaiyanam jaha pudhavikaiyanam, navaram–teya-kammaga jaha ohiya teyakammaga. Beimdiyanam bhamte! Kevatiya oraliyasarira pannatta? Goyama! Duviha pannatta, tam jaha–baddhellaga ya mukkellaga ya. Tattha nam jete baddhellaga te nam asamkhejja, asamkhejjahim ussappini-osappinihim avahiramti kalao, khettao asamkhejjao sedhio payarassa asamkhejjatibhago, tasi nam sedhinam vikkhambhasui asamkhejjao joyanakodakodio asamkhejjaim sedhivaggamulaim. Beimdiyanam oraliyasarirehim baddhellagehim payaro avahirati asamkhejjahim ussappini-osappinihim kalao, khettao amgulapayarassa avaliyae ya asamkhejjatibhagapalibhagenam. Tattha nam jete mukkellaga te jaha ohiya oraliya mukkellaya. Veuvviya aharaga ya baddhellaga natthi, mukkellaga jaha ohiya oraliya mukkellaya. Teyakammaga jaha etesim cheva ohiya oraliya. Evam java chaurimdiya. Pamchemdiyatirikkhajoniyanam evam cheva, navaram–veuvviyasariraesu imo viseso–pamchemdiya-tirikkhajoniyanam bhamte! Keva-tiya veuvviyasarira pannatta? Goyama! Duviha pannatta, tam jaha–baddhellaga ya mukkellaga ya. Tattha nam jete baddhellaga te nam asamkhejja jaha asurakumaranam, navaram–tasi nam sedhinam vikkhambhasui amgulapadhamavaggamulassa asamkhejjatibhago. Mukkellaga taheva. Manussanam bhamte! Kevatiya oraliyasarira pannatta? Goyama! Duviha pannatta, tam jaha–baddhellaga ya mukkellaga ya. Tattha nam jete baddhellaga te nam siya samkhejja siya asamkhejja. Jahannapae samkhejja–samkhejjao kodakodio tijamalapayassa uvarim chaujamalapayassa hettha, ahava nam chhattho vaggo pamchamavaggapaduppanno, ahava nam chhannauichheyanagadai rasi. Ukkosapade asamkhejja asamkhe-jjahim ussappini-osappinihim avahiramti kalao, khettao ruvapakkhittehim manussehim sedhi avahirati, tise sedhie kalakhettehim avaharo maggijjai–asamkhejjahim ussappini-osappinihim kalao, khettao amgulapadhamavaggamulam tatiyavaggamulapaduppannam. Tattha nam jete mukkellaga te jaha oraliya ohiya mukkellaga. Veuvviyanam bhamte! Puchchha. Goyama! Duviha pannatta, tam jaha–baddhellaga ya mukkellaga ya. Tattha nam jete baddhellaga te nam samkhejja, samae-samae avahiramana-avahiramana samkhejjenam kalenam avahiramti, no cheva nam avahiya siya. Tattha nam jete mukkellaga te nam jaha oraliya ohiya. Aharagasarira jaha ohiya. Teyakammaya jaha etesim cheva oraliya. Vanamamtaranam jaha neraiyanam oraliya aharaga ya. Veuvviyasariraga jaha neraiyanam, navaram–tasi nam sedhinam vikkhambhasui samkhejjajoyanasayavaggapalibhago payarassa. Mukkellaya jaha ohiya oraliya. Teyakammaya jaha eesim cheva veuvviya. Jotisiyanam evam cheva, navaram–tasi nam sedhinam vikkhambhasui bechhappannamgulasayavaggapalibhago payarassa. Vemaniyanam evam cheva, navaram– tasi nam sedhinam vikkhambhasui amgulabitiyavaggamulam tatiya-vaggamulapaduppannam, ahava nam amgulatatiyavaggamulaghanapamanamettao sedhio. Sesam tam cheva.
Sutra Meaning Transliteration : Juo sutra 403