Sutra Navigation: Jivajivabhigam ( જીવાભિગમ ઉપાંગ સૂત્ર )

Search Details

Mool File Details

Anuvad File Details

Sr No : 1106150
Scripture Name( English ): Jivajivabhigam Translated Scripture Name : જીવાભિગમ ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

षडविध जीव प्रतिपत्ति

 Translated Chapter :

ષડવિધ જીવ પ્રતિપત્તિ
Section : Translated Section :
Sutra Number : 350 Category : Upang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] पज्जत्तगाणं सव्वेसिं एवं पुढविकाइयस्स णं भंते केवतियं कालं अंतरं होति गोयमा जहन्नेणं अंतोमुहुत्तं उक्कोसेणं वणस्सतिकालो एवं आउ तेउ वाउकाइयाणं वणस्सइकालो तसकाइयाणवि वणस्सइकाइयस्स पुढविकाइयकालो एवं अपज्जत्तगाणवि वणस्सइकालो वणस्सईणं पुढविकालो, पज्जत्तगाणवि एवं चेव वणस्सइकालो पज्जत्तवणस्सईणं पुढविकालो। पुढविक्काइयपज्जत्तए णं भंते! पुढविक्काइयपज्जत्तएत्ति कालओ केवचिरं होइ? गोयमा! जहन्नेणं अंतोमुहुत्तं, उक्कोसेणं संखेज्जाइं वाससहस्साइं। एवं आऊवि। तेउक्काइयपज्जत्तए णं भंते! तेउक्काइयपज्जत्तएत्ति कालओ केवचिरं होइ? गोयमा! जहन्नेणं अंतोमुहुत्तं, उक्कोसेणं संखेज्जाइं राइंदियाइं। वाउक्काइयपज्जत्तए णं भंते! वाउक्काइयपज्जत्तएत्ति कालओ केवचिरं होइ? गोयमा! जहन्नेणं अंतोमुहुत्तं, उक्कोसेणं संखेज्जाइं वाससहस्साइं। वणस्सइकाइयपज्जत्तए णं भंते! वणस्सइकाइयपज्जत्तएत्ति कालओ केवचिरं होइ? गोयमा! जहन्नेणं अंतोमुहुत्तं उक्कोसेणं संखेज्जाइं वाससहस्साइं। तसकाइयपज्जत्तए णं भंते! तसकाइयपज्जत्तएत्ति कालओ केवचिरं होइ? गोयमा! जहन्नेणं अंतोमुहुत्तं, उक्कोसेणं सागरोवमसयपुहत्तं सातिरेगं। अंतरं पुच्छा। गोयमा! पुढवीणं वणस्सतिकालो जाव वाऊणं। वणस्सतीणं पुढविकालो। तसस्स वणस्सतिकालो एवं अपज्जत्ताणं एवं पज्जत्ताणं अंतरं।
Sutra Meaning : જુઓ સૂત્ર ૩૪૬
Mool Sutra Transliteration : [sutra] pajjattaganam savvesim evam pudhavikaiyassa nam bhamte kevatiyam kalam amtaram hoti goyama jahannenam amtomuhuttam ukkosenam vanassatikalo evam au teu vaukaiyanam vanassaikalo tasakaiyanavi vanassaikaiyassa pudhavikaiyakalo evam apajjattaganavi vanassaikalo vanassainam pudhavikalo, pajjattaganavi evam cheva vanassaikalo pajjattavanassainam pudhavikalo. Pudhavikkaiyapajjattae nam bhamte! Pudhavikkaiyapajjattaetti kalao kevachiram hoi? Goyama! Jahannenam amtomuhuttam, ukkosenam samkhejjaim vasasahassaim. Evam auvi. Teukkaiyapajjattae nam bhamte! Teukkaiyapajjattaetti kalao kevachiram hoi? Goyama! Jahannenam amtomuhuttam, ukkosenam samkhejjaim raimdiyaim. Vaukkaiyapajjattae nam bhamte! Vaukkaiyapajjattaetti kalao kevachiram hoi? Goyama! Jahannenam amtomuhuttam, ukkosenam samkhejjaim vasasahassaim. Vanassaikaiyapajjattae nam bhamte! Vanassaikaiyapajjattaetti kalao kevachiram hoi? Goyama! Jahannenam amtomuhuttam ukkosenam samkhejjaim vasasahassaim. Tasakaiyapajjattae nam bhamte! Tasakaiyapajjattaetti kalao kevachiram hoi? Goyama! Jahannenam amtomuhuttam, ukkosenam sagarovamasayapuhattam satiregam. Amtaram puchchha. Goyama! Pudhavinam vanassatikalo java vaunam. Vanassatinam pudhavikalo. Tasassa vanassatikalo evam apajjattanam evam pajjattanam amtaram.
Sutra Meaning Transliteration : Juo sutra 346