Sutra Navigation: Rajprashniya ( રાજપ્રશ્નીય ઉપાંગ સૂત્ર )

Search Details

Mool File Details

Anuvad File Details

Sr No : 1105714
Scripture Name( English ): Rajprashniya Translated Scripture Name : રાજપ્રશ્નીય ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

सूर्याभदेव प्रकरण

 Translated Chapter :

સૂર્યાભદેવ પ્રકરણ
Section : Translated Section :
Sutra Number : 14 Category : Upang-02
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं से सूरियाभे देवे ते सूरियाभविमानवासिणो बहवे वेमाणिया देवा य देवीओ य सव्विड्ढीए जाव अकालपरिहीनं चेव अंतियं पाउब्भवमाणे पासति, पासित्ता हट्ठतुट्ठ चित्तमानंदिए पीइमने परम-सोमनस्सिए हरिसवसविसप्पमाणहियए आभिओगियं देवं सद्दावेति, सद्दावेत्ता एवं वयासी– खिप्पामेव भो! देवानुप्पिया! अनेगखंभसयसन्निविट्ठं लीलट्ठियसालभंजियागं ईहामिय उसभ तुरग नर मगर विहग वालग किन्नर रुरु सरभ चमर कुंजर वनलय पउमलयभत्तिचित्तं खंभुग्गय वइरवेइया परिगयाभिरामं विज्जाहर जमलजुयल जंतजुत्तं पिव अच्चीसहस्समालणीयं रूवग-सहस्सकलियं भिसमाणं भिब्भिसमाणं चक्खुल्लोयणलेसं सुहफासं सस्सिरीयरूवं घंटावलि चलिय महुर मनहरसरं सुहं कंतं दरिसणिज्जं णिउणओविय मिसिमिसेंतमनिरयणघंटियाजालपरिक्खित्तं जोयणसयसहस्सवित्थिण्णं दिव्वं गमनसज्जं सिग्घगमणं नाम जानविमानं विउव्वाहि, विउव्वित्ता खिप्पामेव एयमाणत्तियं पच्चप्पिणाहि।
Sutra Meaning : જુઓ સૂત્ર ૧૩
Mool Sutra Transliteration : [sutra] tae nam se suriyabhe deve te suriyabhavimanavasino bahave vemaniya deva ya devio ya savviddhie java akalaparihinam cheva amtiyam paubbhavamane pasati, pasitta hatthatuttha chittamanamdie piimane parama-somanassie harisavasavisappamanahiyae abhiogiyam devam saddaveti, saddavetta evam vayasi– Khippameva bho! Devanuppiya! Anegakhambhasayasannivittham lilatthiyasalabhamjiyagam ihamiya usabha turaga nara magara vihaga valaga kinnara ruru sarabha chamara kumjara vanalaya paumalayabhattichittam khambhuggaya vairaveiya parigayabhiramam vijjahara jamalajuyala jamtajuttam piva achchisahassamalaniyam ruvaga-sahassakaliyam bhisamanam bhibbhisamanam chakkhulloyanalesam suhaphasam sassiriyaruvam ghamtavali chaliya mahura manaharasaram suham kamtam darisanijjam niunaoviya misimisemtamanirayanaghamtiyajalaparikkhittam joyanasayasahassavitthinnam divvam gamanasajjam sigghagamanam nama janavimanam viuvvahi, viuvvitta khippameva eyamanattiyam pachchappinahi.
Sutra Meaning Transliteration : Juo sutra 13