Sutra Navigation: Upasakdashang ( ઉપાસક દશાંગ સૂત્ર )

Search Details

Mool File Details

Anuvad File Details

Sr No : 1105154
Scripture Name( English ): Upasakdashang Translated Scripture Name : ઉપાસક દશાંગ સૂત્ર
Mool Language : Ardha-Magadhi Translated Language : Gujarati
Chapter :

अध्ययन-८ महाशतक

 Translated Chapter :

અધ્યયન-૮ મહાશતક
Section : Translated Section :
Sutra Number : 54 Category : Ang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं सा रेवती गाहावइणी अन्नदा कदाइ मत्ता लुलिया विइण्णकेसी उत्तरिज्जयं विकड्ढमाणी-विकड्ढमाणी जेणेव पोसहसाला, जेणेव महासतए समणोवासए, तेणेव उवागच्छइ, उवागच्छित्ता महासतयं समणोवासयं एवं वयासी– हंभो! महासतया! समणोवासया! किं णं तुब्भं देवानुप्पिया! धम्मेण वा पुण्णेण वा सग्गेण वा मोक्खेण वा, जं णं तुमं मए सद्धिं ओरालाइं मानुस्सयाइं भोगभोगाइं भुंजमाणे नो विहरसि? तए णं से महासतए समणोवासए रेवतीए गाहावइणीए एयमट्ठं नो आढाइ नो परियाणाइ, अणाढायमाणे अपरि-याणमाणे तुसिणीए धम्मज्झाणोवगए विहरइ। तए णं सा रेवती गाहावइणी महासतयं समणोवासयं दोच्चं पि तच्चं पि एवं वयासी–हंभो! महासतया! समणोवासया! किं णं तुब्भं देवानुप्पिया! धम्मेण वा पुण्णेण वा सग्गेण वा मोक्खेण वा, जं णं तुमं मए सद्धिं ओरालाइं मानुस्सयाइं भोगभोगाइं भुंजमाणे नो विहरसि? तए णं से महासतए समणोवासए रेवतीए गाहावइणीए दोच्चं पि तच्चं पि एवं वुत्ते समाणे आसुरत्ते रुट्ठे कुविए चंडिक्किए मिसिमिसीयमाणे ओहिं पउंजइ, पउंजित्ता ओहिना आभोएइ, आभोएत्ता रेवतिं गाहावइणिं एवं वयासी–हंभो! रेवती! अप्पत्थियपत्थिए! दुरंत-पंत-लक्खणे! हीणपुण्णचाउद्दस्सिए! सिरि-हिरि-धिइ-कित्ति-परिवज्जिए! एवं खलु तुमं अंत सत्तरत्तस्स अलसएणं वाहिणा अभिभूया समाणी अट्ट-दुहट्ट-वसट्टा असमाहिपत्ता कालमासे कालं किच्चा अहे इमीसे रयणप्पभाए पुढवीए लोलुयच्चुए नरए चउरासीतिवाससहस्सट्ठिइएसु नेरइएसु नेरइयत्ताए उववज्जिहिसि। तए णं सा रेवती गाहावइणी महासतएणं समणोवासएणं एवं वुत्ता समाणी–रुट्ठे णं ममं महासतए समणोवासए! हीणे णं ममं महासतए समणोवासए! अवज्झाया णं अहं महासतएणं समणोवासएणं, न नज्जइ णं अहं केणावि कुमारेणं मारिज्जिस्सामि–त्ति कट्टु भीया तत्था तसिया उव्विग्गा संजायभया सणियं-सणियं पच्चोसक्कइ, पच्चोसक्कित्ता जेणेव सए गिहे, तेणेव उवागच्छइ, उवागच्छित्ता ओहयमणसंकप्पा चिंतासोगसागरसंपविट्ठा करयलपल्हत्थमुहा अट्टज्झा-णोवगया भूमिगयदिट्ठिया ज्झियाइ। तए णं सा रेवती गाहावइणी अंतो सत्तरत्तस्स अलसएणं वाहिणा अभिभूया अट्ट-दुहट्ट-वसट्टा कालमासे कालं किच्चा इमीसे रयणप्पभाए पुढवीए लोलुयच्चुए नरए चउरासीतिवाससहस्सट्ठिइएसु नेरइएसु नेरइयत्ताए उववण्णा।
Sutra Meaning : જુઓ સૂત્ર ૫૩
Mool Sutra Transliteration : [sutra] tae nam sa revati gahavaini annada kadai matta luliya viinnakesi uttarijjayam vikaddhamani-vikaddhamani jeneva posahasala, jeneva mahasatae samanovasae, teneva uvagachchhai, uvagachchhitta mahasatayam samanovasayam evam vayasi– hambho! Mahasataya! Samanovasaya! Kim nam tubbham devanuppiya! Dhammena va punnena va saggena va mokkhena va, jam nam tumam mae saddhim oralaim manussayaim bhogabhogaim bhumjamane no viharasi? Tae nam se mahasatae samanovasae revatie gahavainie eyamattham no adhai no pariyanai, anadhayamane apari-yanamane tusinie dhammajjhanovagae viharai. Tae nam sa revati gahavaini mahasatayam samanovasayam dochcham pi tachcham pi evam vayasi–hambho! Mahasataya! Samanovasaya! Kim nam tubbham devanuppiya! Dhammena va punnena va saggena va mokkhena va, jam nam tumam mae saddhim oralaim manussayaim bhogabhogaim bhumjamane no viharasi? Tae nam se mahasatae samanovasae revatie gahavainie dochcham pi tachcham pi evam vutte samane asuratte rutthe kuvie chamdikkie misimisiyamane ohim paumjai, paumjitta ohina abhoei, abhoetta revatim gahavainim evam vayasi–hambho! Revati! Appatthiyapatthie! Duramta-pamta-lakkhane! Hinapunnachauddassie! Siri-hiri-dhii-kitti-parivajjie! Evam khalu tumam amta sattarattassa alasaenam vahina abhibhuya samani atta-duhatta-vasatta asamahipatta kalamase kalam kichcha ahe imise rayanappabhae pudhavie loluyachchue narae chaurasitivasasahassatthiiesu neraiesu neraiyattae uvavajjihisi. Tae nam sa revati gahavaini mahasataenam samanovasaenam evam vutta samani–rutthe nam mamam mahasatae samanovasae! Hine nam mamam mahasatae samanovasae! Avajjhaya nam aham mahasataenam samanovasaenam, na najjai nam aham kenavi kumarenam marijjissami–tti kattu bhiya tattha tasiya uvvigga samjayabhaya saniyam-saniyam pachchosakkai, pachchosakkitta jeneva sae gihe, teneva uvagachchhai, uvagachchhitta ohayamanasamkappa chimtasogasagarasampavittha karayalapalhatthamuha attajjha-novagaya bhumigayaditthiya jjhiyai. Tae nam sa revati gahavaini amto sattarattassa alasaenam vahina abhibhuya atta-duhatta-vasatta kalamase kalam kichcha imise rayanappabhae pudhavie loluyachchue narae chaurasitivasasahassatthiiesu neraiesu neraiyattae uvavanna.
Sutra Meaning Transliteration : Juo sutra 53