Sutra Navigation: Gyatadharmakatha ( ધર્મકથાંગ સૂત્ર )
Search Details
| Mool File Details |
|
Anuvad File Details |
|
| Sr No : | 1104803 | ||
| Scripture Name( English ): | Gyatadharmakatha | Translated Scripture Name : | ધર્મકથાંગ સૂત્ર |
| Mool Language : | Ardha-Magadhi | Translated Language : | Gujarati |
| Chapter : |
श्रुतस्कंध-१ अध्ययन-८ मल्ली |
Translated Chapter : |
શ્રુતસ્કંધ-૧ અધ્યયન-૮ મલ્લી |
| Section : | Translated Section : | ||
| Sutra Number : | 103 | Category : | Ang-06 |
| Gatha or Sutra : | Sutra | Sutra Anuyog : | |
| Author : | Deepratnasagar | Original Author : | Gandhar |
| Century : | Sect : | Svetambara1 | |
| Source : | |||
| Mool Sutra : | [सूत्र] तए णं तेसिं लोगंतियाणं देवाणं पत्तेयं-पत्तेयं आसणाइं चलंति तहेव जाव तं जीयमेयं लोगंतियाणं देवाणं अरहंताणं भगवंताणं निक्खममाणाणं संबोहणं करित्तए त्ति। तं गच्छामो णं अम्हे वि मल्लिस्स अरहओ संबोहणं करेमो त्ति कट्टु एवं संपेहेंति, संपेहेत्ता उत्तरपुरत्थिमं दिसीभागं अवक्कमंति, अवक्कमित्ता वेउव्वियसमुग्घाएणं समोहण्णंति, समोहणित्ता संखेज्जाइं जोयणाइं दंडं निसिरंति, एवं जहा जंभगा जाव जेणेव मिहिला रायहाणी जेणेव कुंभगस्स रन्नो भवणे जेणेव मल्ली अरहा तेणेव उवागच्छंति, उवागच्छित्ता अंतलिक्खपडिवण्णा सखिंखिणियाइं दसद्धवण्णाइं वत्थाइं पवर परिहिया करयल-परिग्गहियं दसणहं सिरसावत्तं मत्थए अंजलिं कट्टु ताहिं इट्ठाहिं कंताहिं पियाहिं मणुण्णाहिं मणामाहिं वग्गूहिं एवं वयासी–बुज्झाहि भगवं लोगणाहा! पवत्तेहि धम्मतित्थं जीवाणं हियसुहनिस्सेयसकरं भविस्सइ त्ति कट्टु दोच्चंपि तच्चंपि एवं वयंति, मल्लिं अरहं वंदंति नमंसंति, वंदित्ता नमंसित्ता जामेव दिसिं पाउब्भूया तामेव दिसिं पडिगया। तए णं मल्ली अरहा तेहिं लोगंतिएहिं देवेहिं संबोहिए समाणे जेणेव अम्मापियरो तेणेव उवागच्छइ, उवागच्छित्ता करयल परिग्गहियं दसणहं सिरसावत्तं मत्थए अंजलिं कट्टु एवं वयासी–इच्छामि णं अम्मयाओ! तुब्भेहिं अब्भणुण्णाए समाणे मुंडे भवित्ता णं अगाराओ अनगारियं पव्वइत्तए। अहासुहं देवानुप्पिया! मा पडिबंधं करेह। तए णं कुंभए राया कोडुंबियपुरिसे सद्दावेइ, सद्दावेत्ता एवं वयासी–खिप्पामेव भो देवानुप्पिया! अट्ठसहस्सेणं सोवण्णियाणं कलसाणं जाव अट्ठसहस्सेणं भोमेज्जाणं कलसाणं अन्नं च महत्थं महग्घं महरिहं विउलं तित्थयराभिसेयं उवट्ठवेह। तेवि जाव उवट्ठवेंति। तेणं कालेणं तेणं समएणं चमरे असुरिंदे जाव अच्चुयपज्जवसाणा आगया। तए णं सक्के देविंदे देवराया आभिओगिए देवे सद्दावेइ, सद्दावेत्ता एवं वयासी–खिप्पामेव भो देवानुप्पिया! अट्ठसहस्सेणं सोवण्णियाणं कलसाणं जाव अन्नं च महत्थं महग्घं महरिहं विउलं तित्थयराभिसेयं उवट्ठवेह। तेवि जाव उवट्ठवेंति। तेवि कलसा तेसु चेव कलसेसु अनुपविट्ठा। तए णं से सक्के देविंदे देवराया कुंभए य राया मल्लिं अरहं सीहासनंसि पुरत्थाभिमुहं निवेसेंति, अट्ठसहस्सेणं सोवण्णियाणं कलसाणं जाव तित्थयराभिसेयं अभिसिंचंति। तए णं मल्लिस्स भगवओ अभिसेए वट्टमाणे अप्पेगइया देवा मिहिलं च सब्भिंतरबाहिरियं जाव सव्वओ समंता आधावंति परिधावंति। तए णं कुंभए राया दोच्चंपि उत्तरावक्कमणं सीहासनं रयावेइ, जाव सव्वालंकारविभूसियं करेइ, करेत्ता कोडुंबियपुरिसे सद्दावेइ, सद्दावेत्ता एवं वयासी–खिप्पामेव भो देवानुप्पिया! मणोरम सीयं उवट्ठवेह। तेवि उवट्ठवेंति। तए णं सक्के देविंदे देवराया आभिओगिए देवे सद्दावेइ, सद्दावेत्ता एवं वयासी–खिप्पामेव भो देवानुप्पिया! अणे-गखंभसय-सन्निविट्ठं जाव मणोरमं सीयं उवट्ठवेह। तेवि जाव उवट्ठवेंति। सावि सीया तं चेव सीयं अनुप्पविट्ठा। तए णं मल्ली अरहा सीहासणाओ अब्भुट्ठेइ, अब्भुट्ठेत्ता जेणेव मणोरमा सीया तेणेव उवागच्छइ, उवागच्छित्ता मणोरमं सीयं अणुपयाहिणीकरेमाणे मणोरमं सीयं दुरुहइ, दुरुहित्ता सीहासनवरगए पुरत्थाभिमुहे सण्णिसण्णे। तए णं कुंभए अट्ठारस सेणिप्पसेणीओ सद्दावेइ, सद्दावेत्ता एवं वयासी–तुब्भे णं देवानुप्पिया! ण्हाया जाव सव्वा लंकारविभूसिया मल्लिस्स सीयं परिवहह। तेवि जाव परिवहंति। तए णं सक्के देविंदे देवराया मणोरमाए सीयाए दक्खिणिल्लं उवरिल्लं बाहं गेण्हइ, ईसाणे उत्तरिल्लं बाहं गेण्हइ, चमरे दाहिणिल्लं हेट्ठिल्लं, वली उत्तरिल्लं हेट्ठिल्लं, अवसेसा देवा जहारिहं मनोरमं सीयं परिवहंति। | ||
| Sutra Meaning : | જુઓ સૂત્ર ૯૬ | ||
| Mool Sutra Transliteration : | [sutra] tae nam tesim logamtiyanam devanam patteyam-patteyam asanaim chalamti taheva java tam jiyameyam logamtiyanam devanam arahamtanam bhagavamtanam nikkhamamananam sambohanam karittae tti. Tam gachchhamo nam amhe vi mallissa arahao sambohanam karemo tti kattu evam sampehemti, sampehetta uttarapuratthimam disibhagam avakkamamti, avakkamitta veuvviyasamugghaenam samohannamti, samohanitta samkhejjaim joyanaim damdam nisiramti, evam jaha jambhaga java jeneva mihila rayahani jeneva kumbhagassa ranno bhavane jeneva malli araha teneva uvagachchhamti, uvagachchhitta amtalikkhapadivanna sakhimkhiniyaim dasaddhavannaim vatthaim pavara parihiya karayala-pariggahiyam dasanaham sirasavattam matthae amjalim kattu tahim itthahim kamtahim piyahim manunnahim manamahim vagguhim evam vayasi–bujjhahi bhagavam loganaha! Pavattehi dhammatittham jivanam hiyasuhanisseyasakaram bhavissai tti kattu dochchampi tachchampi evam vayamti, mallim araham vamdamti namamsamti, vamditta namamsitta jameva disim paubbhuya tameva disim padigaya. Tae nam malli araha tehim logamtiehim devehim sambohie samane jeneva ammapiyaro teneva uvagachchhai, uvagachchhitta karayala pariggahiyam dasanaham sirasavattam matthae amjalim kattu evam vayasi–ichchhami nam ammayao! Tubbhehim abbhanunnae samane mumde bhavitta nam agarao anagariyam pavvaittae. Ahasuham devanuppiya! Ma padibamdham kareha. Tae nam kumbhae raya kodumbiyapurise saddavei, saddavetta evam vayasi–khippameva bho devanuppiya! Atthasahassenam sovanniyanam kalasanam java atthasahassenam bhomejjanam kalasanam annam cha mahattham mahaggham mahariham viulam titthayarabhiseyam uvatthaveha. Tevi java uvatthavemti. Tenam kalenam tenam samaenam chamare asurimde java achchuyapajjavasana agaya. Tae nam sakke devimde devaraya abhiogie deve saddavei, saddavetta evam vayasi–khippameva bho devanuppiya! Atthasahassenam sovanniyanam kalasanam java annam cha mahattham mahaggham mahariham viulam titthayarabhiseyam uvatthaveha. Tevi java uvatthavemti. Tevi kalasa tesu cheva kalasesu anupavittha. Tae nam se sakke devimde devaraya kumbhae ya raya mallim araham sihasanamsi puratthabhimuham nivesemti, atthasahassenam sovanniyanam kalasanam java titthayarabhiseyam abhisimchamti. Tae nam mallissa bhagavao abhisee vattamane appegaiya deva mihilam cha sabbhimtarabahiriyam java savvao samamta adhavamti paridhavamti. Tae nam kumbhae raya dochchampi uttaravakkamanam sihasanam rayavei, java savvalamkaravibhusiyam karei, karetta kodumbiyapurise saddavei, saddavetta evam vayasi–khippameva bho devanuppiya! Manorama siyam uvatthaveha. Tevi uvatthavemti. Tae nam sakke devimde devaraya abhiogie deve saddavei, saddavetta evam vayasi–khippameva bho devanuppiya! Ane-gakhambhasaya-sannivittham java manoramam siyam uvatthaveha. Tevi java uvatthavemti. Savi siya tam cheva siyam anuppavittha. Tae nam malli araha sihasanao abbhutthei, abbhutthetta jeneva manorama siya teneva uvagachchhai, uvagachchhitta manoramam siyam anupayahinikaremane manoramam siyam duruhai, duruhitta sihasanavaragae puratthabhimuhe sannisanne. Tae nam kumbhae attharasa senippasenio saddavei, saddavetta evam vayasi–tubbhe nam devanuppiya! Nhaya java savva lamkaravibhusiya mallissa siyam parivahaha. Tevi java parivahamti. Tae nam sakke devimde devaraya manoramae siyae dakkhinillam uvarillam baham genhai, isane uttarillam baham genhai, chamare dahinillam hetthillam, vali uttarillam hetthillam, avasesa deva jahariham manoramam siyam parivahamti. | ||
| Sutra Meaning Transliteration : | Juo sutra 96 | ||