Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104423
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-२५

 Translated Chapter :

શતક-૨૫
Section : उद्देशक-६ निर्ग्रन्थ Translated Section : ઉદ્દેશક-૬ નિર્ગ્રન્થ
Sutra Number : 923 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] पुलाए णं भंते! कति कम्मप्पगडीओ उदीरेति? गोयमा! आउय-वेयणिज्जवज्जाओ छ कम्मप्पगडीओ उदीरेति। बउसे–पुच्छा। गोयमा! सत्तविहउदीरए वा, अट्ठविहउदीरए वा, छव्विहउदीरए वा। सत्त उदीरेमाणे आउयवज्जाओ सत्त कम्मप्पगडीओ उदीरेति, अट्ठ उदीरेमाणे पडिपुण्णाओ अट्ठ कम्मप्पगडीओ उदीरेति, छ उदीरेमाणे आउय-वेयणिज्जवज्जाओ छ कम्मप्पगडीओ उदीरेति। पडिसेवणाकुसीले एवं चेव। कसायकुसीले–पुच्छा। गोयमा! सत्तविहउदीरए वा, अट्ठविहउदीरए वा, छव्विहउदीरए वा, पंचविहउदीरए वा। सत्त उदीरेमाणे आउयवज्जाओ सत्त कम्मप्पगडीओ उदीरेति, अट्ठ उदीरेमाणे पडिपुण्णाओ अट्ठ कम्मप्पगडीओ उदीरेति, छ उदीरेमाणे आउयवेयणिज्जवज्जाओ छ कम्म प्पगडीओ उदीरेति, पंच उदीरेमाणे आउयवेयणिज्ज-मोहणिज्जवज्जाओ पंच कम्मप्पगडीओ उदीरेति। नियंठं–पुच्छा। गोयमा! पंचविहउदीरए वा, दुविहउदीरए वा। पंच उदीरेमाणे आउयवेयणिज्ज-मोहणिज्जवज्जाओ पंच कम्मप्पगडीओ उदीरेति, दो उदीरेमाणे नामं च गोयं च उदीरेति। सिणाए–पुच्छा। गोयमा! दुविहउदीरए वा, अनुदीरए वा। दो उदीरमाणे नामं च गोयं च उदीरेति।
Sutra Meaning : જુઓ સૂત્ર ૯૨૧
Mool Sutra Transliteration : [sutra] pulae nam bhamte! Kati kammappagadio udireti? Goyama! Auya-veyanijjavajjao chha kammappagadio udireti. Bause–puchchha. Goyama! Sattavihaudirae va, atthavihaudirae va, chhavvihaudirae va. Satta udiremane auyavajjao satta kammappagadio udireti, attha udiremane padipunnao attha kammappagadio udireti, chha udiremane auya-veyanijjavajjao chha kammappagadio udireti. Padisevanakusile evam cheva. Kasayakusile–puchchha. Goyama! Sattavihaudirae va, atthavihaudirae va, chhavvihaudirae va, pamchavihaudirae va. Satta udiremane auyavajjao satta kammappagadio udireti, attha udiremane padipunnao attha kammappagadio udireti, chha udiremane auyaveyanijjavajjao chha kamma ppagadio udireti, pamcha udiremane auyaveyanijja-mohanijjavajjao pamcha kammappagadio udireti. Niyamtham–puchchha. Goyama! Pamchavihaudirae va, duvihaudirae va. Pamcha udiremane auyaveyanijja-mohanijjavajjao pamcha kammappagadio udireti, do udiremane namam cha goyam cha udireti. Sinae–puchchha. Goyama! Duvihaudirae va, anudirae va. Do udiramane namam cha goyam cha udireti.
Sutra Meaning Transliteration : Juo sutra 921