Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104420
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-२५

 Translated Chapter :

શતક-૨૫
Section : उद्देशक-६ निर्ग्रन्थ Translated Section : ઉદ્દેશક-૬ નિર્ગ્રન્થ
Sutra Number : 920 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] पुलाए णं भंते! किं वड्ढमाणपरिणामे होज्जा? हायमाणपरिणामे होज्जा? अवट्ठियपरिणामे होज्जा? गोयमा! वड्ढमाणपरिणामे वा होज्जा, हायमाणपरिणामे वा होज्जा, अवट्ठियपरिणामे वा होज्जा। एवं जाव कसायकुसीले। नियंठे णं–पुच्छा। गोयमा! वड्ढमाणपरिणामे होज्जा, नो हायमाणपरिणामे होज्जा, अवट्ठियपरिणामे वा होज्जा। एवं सिणाए वि। पुलाए णं भंते! केवतियं कालं वड्ढमाणपरिणामे होज्जा? गोयमा! जहन्नेणं एक्कं समयं, उक्कोसेणं अंतोमुहुत्तं। केवतियं कालं हायमाणपरिणामे होज्जा? गोयमा! जहन्नेणं एक्कं समयं, उक्कोसेणं अंतोमुहुत्तं। केवतियं कालं अवट्ठियपरिणामे होज्जा? गोयमा! जहन्नेणं एक्कं समयं, उक्कोसेणं सत्त समया। एवं जाव कसायकुसीले। नियंठे णं भंते! केवतियं कालं वड्ढमाणपरिणामे होज्जा? गोयमा! जहन्नेणं अंतोमुहुत्तं, उक्कोसेण वि अंतोमुहुत्तं। केवतियं कालं अवट्ठियपरिणामे होज्जा? गोयमा! जहन्नेणं एक्कं समयं, उक्कोसेणं अंतोमुहुत्तं। सिणाए णं भंते! केवतियं कालं वड्ढमाणपरिणामे होज्जा? गोयमा! जहन्नेण वि अंतोमुहुत्तं, उक्कोसेण वि अंतोमुहुत्तं। केवतियं कालं अवट्ठियपरिणामे होज्जा? गोयमा! जहन्नेणं अंतोमुहुत्तं, उक्कोसेणं देसूणा पुव्वकोडी।
Sutra Meaning : જુઓ સૂત્ર ૯૧૯
Mool Sutra Transliteration : [sutra] pulae nam bhamte! Kim vaddhamanapariname hojja? Hayamanapariname hojja? Avatthiyapariname hojja? Goyama! Vaddhamanapariname va hojja, hayamanapariname va hojja, avatthiyapariname va hojja. Evam java kasayakusile. Niyamthe nam–puchchha. Goyama! Vaddhamanapariname hojja, no hayamanapariname hojja, avatthiyapariname va hojja. Evam sinae vi. Pulae nam bhamte! Kevatiyam kalam vaddhamanapariname hojja? Goyama! Jahannenam ekkam samayam, ukkosenam amtomuhuttam. Kevatiyam kalam hayamanapariname hojja? Goyama! Jahannenam ekkam samayam, ukkosenam amtomuhuttam. Kevatiyam kalam avatthiyapariname hojja? Goyama! Jahannenam ekkam samayam, ukkosenam satta samaya. Evam java kasayakusile. Niyamthe nam bhamte! Kevatiyam kalam vaddhamanapariname hojja? Goyama! Jahannenam amtomuhuttam, ukkosena vi amtomuhuttam. Kevatiyam kalam avatthiyapariname hojja? Goyama! Jahannenam ekkam samayam, ukkosenam amtomuhuttam. Sinae nam bhamte! Kevatiyam kalam vaddhamanapariname hojja? Goyama! Jahannena vi amtomuhuttam, ukkosena vi amtomuhuttam. Kevatiyam kalam avatthiyapariname hojja? Goyama! Jahannenam amtomuhuttam, ukkosenam desuna puvvakodi.
Sutra Meaning Transliteration : Juo sutra 919