Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104234
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१८

 Translated Chapter :

શતક-૧૮
Section : उद्देशक-४ प्राणातिपात Translated Section : ઉદ્દેશક-૪ પ્રાણાતિપાત
Sutra Number : 734 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] कति णं भंते! कसाया पन्नत्ता? गोयमा! चत्तारि कसाया पन्नत्ता, तं जहा–कसायपदं निरवसेसं भाणियव्वं जाव निज्जरिस्संति लोभेणं। कति णं भंते! जुम्मा पन्नत्ता? गोयमा! चत्तारि जुम्मा पन्नत्ता, तं जहा–कडजुम्मे, तेयोगे, दावरजुम्मे, कलिओगे। से केणट्ठेणं भंते! एवं वुच्चइ–जाव कलिओगे? गोयमा! जे णं रासी चउक्कएणं अवहारेणं अवहीरमाणे चउपज्जवसिए सेत्तं कडजुम्मे। जे णं रासी चउक्कएणं अवहारेणं अव-हीरमाणे तिपज्जवसिए सेत्तं तेयोगे। जे णं रासी चउक्कएणं अवहारेणं अवहीरमाणे दुपज्जवसिए सेत्तं दावरजुम्मे। जे णं रासी चउक्कएणं अवहारेणं अवहीरमाणे एगपज्जवसिए सेत्तं कलिओगे। से तेणट्ठेणं गोयमा! एवं वुच्चइ जाव कलिओगे। नेरइया णं भंते! किं कडजुम्मा? तेयोगा? दावरजुम्मा? कलिओगा? गोयमा! जहन्नपदे कडजुम्मा, उक्कोसपदे तेयोगा, अजहण्णुक्कोसपदे सिय कडजुम्मा जाव सिय कलियोगा। एवं जाव थणियकुमारा। वणस्सइकाइया णं–पुच्छा। गोयमा! जहन्नपदे अपदा, उक्कोसपदे य अपदा, अजहण्णुक्कोसपदे सिय कडजुम्मा जाव सिय कलिओगा। बेंदिया णं–पुच्छा। गोयमा! जहन्नपदे कडजुम्मा, उक्कोसपदे दावरजुम्मा, अजहन्न-मणुक्कोसपदे सिय कडजुम्मा जाव सिय कलियोगा। एवं जाव चउरिंदिया। सेसा एगिंदिया जहा बेंदिया। पंचिंदियतिरिक्खजोणिया जाव वेमाणिया जहा नेरइया। सिद्धा जहा वणस्सइकाइया। इत्थीओ णं भंते! किं कडजुम्मा–पुच्छा। गोयमा! जहन्नपदे कडजुम्माओ, उक्कोसपदे कडजुम्माओ, अजहन्नमणुक्कोसपदे सिय कडजुम्माओ जाव सिय कलिओगाओ। एवं असुरकुमारित्थीओ वि जाव थणियकुमारित्थीओ। एवं तिरिक्खजोणित्थीओ, एवं मणुसित्थीओ, एवं वाणमंतर-जोइ-सिय-वेमानियदेवित्थीओ।
Sutra Meaning : જુઓ સૂત્ર ૭૩૩
Mool Sutra Transliteration : [sutra] kati nam bhamte! Kasaya pannatta? Goyama! Chattari kasaya pannatta, tam jaha–kasayapadam niravasesam bhaniyavvam java nijjarissamti lobhenam. Kati nam bhamte! Jumma pannatta? Goyama! Chattari jumma pannatta, tam jaha–kadajumme, teyoge, davarajumme, kalioge. Se kenatthenam bhamte! Evam vuchchai–java kalioge? Goyama! Je nam rasi chaukkaenam avaharenam avahiramane chaupajjavasie settam kadajumme. Je nam rasi chaukkaenam avaharenam ava-hiramane tipajjavasie settam teyoge. Je nam rasi chaukkaenam avaharenam avahiramane dupajjavasie settam davarajumme. Je nam rasi chaukkaenam avaharenam avahiramane egapajjavasie settam kalioge. Se tenatthenam goyama! Evam vuchchai java kalioge. Neraiya nam bhamte! Kim kadajumma? Teyoga? Davarajumma? Kalioga? Goyama! Jahannapade kadajumma, ukkosapade teyoga, ajahannukkosapade siya kadajumma java siya kaliyoga. Evam java thaniyakumara. Vanassaikaiya nam–puchchha. Goyama! Jahannapade apada, ukkosapade ya apada, ajahannukkosapade siya kadajumma java siya kalioga. Bemdiya nam–puchchha. Goyama! Jahannapade kadajumma, ukkosapade davarajumma, ajahanna-manukkosapade siya kadajumma java siya kaliyoga. Evam java chaurimdiya. Sesa egimdiya jaha bemdiya. Pamchimdiyatirikkhajoniya java vemaniya jaha neraiya. Siddha jaha vanassaikaiya. Itthio nam bhamte! Kim kadajumma–puchchha. Goyama! Jahannapade kadajummao, ukkosapade kadajummao, ajahannamanukkosapade siya kadajummao java siya kaliogao. Evam asurakumaritthio vi java thaniyakumaritthio. Evam tirikkhajonitthio, evam manusitthio, evam vanamamtara-joi-siya-vemaniyadevitthio.
Sutra Meaning Transliteration : Juo sutra 733