Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104224
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१८

 Translated Chapter :

શતક-૧૮
Section : उद्देशक-१ प्रथम Translated Section : ઉદ્દેશક-૧ પ્રથમ
Sutra Number : 724 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जीवे णं भंते! जीवभावेण किं चरिमे? अचरिमे? गोयमा! नो चरिमे, अचरिमे। नेरइए णं भंते! नेरइयभावेणं–पुच्छा। गोयमा! सिय चरिमे, सिय अचरिमे। एवं जाव वेमाणिए। सिद्धे जहा जीवे। जीवा णं–पुच्छा। गोयमा! नो चरिमा, अचरिमा।नेरइया चरिमा वि, अचरिमा वि।एवं जाव वेमाणिया। सिद्धा जहा जीवा आहारए सव्वत्थ एगत्तेणं सिय चरिमे, सिय अचरिमे; पुहत्तेणं चरिमा वि, अचरिमा वि। अनाहारओ जीवो सिद्धो य एगत्तेण वि पुहत्तेण वि नो चरिमो, अचरिमो। सेसट्ठाणेसु एगत्त-पुहत्तेणं जहा आहारओ। भवसिद्धीओ जीवपदे एगत्त-पुहत्तेणं चरिमे, नो अचरिमे। सेसट्ठाणेसु जहा आहारओ। अभवसिद्धीओ सव्वत्थ एगत्त-पुहत्तेणं नो चरिमे, अचरिमे। नोभवसिद्धीय-नोअभवसिद्धीयजीवा सिद्धा य एगत्त-पुहत्तेणं जहा अभवसिद्धीओ। सण्णी जहा आहारओ, एवं असण्णी वि। नोसण्णी-नोअसण्णी जीवपदे सिद्धपदे य अचरिमे, मनुस्सपदे चरिमे एगत्त-पुहत्तेणं। सलेस्सो जाव सुक्कलेस्सो जहा आहारओ, नवरं–जस्स जा अत्थि। अलेस्सो जहा नोसण्णी-नोअसण्णी। सम्मदिट्ठी जहा अनाहारओ। मिच्छादिट्ठी जहा आहारओ। सम्मामिच्छदिट्ठी एगिंदिय-विगलिंदियवज्जं सिय चरिमे, सिय अचरिमे। पुहत्तेणं चरिमा वि, अचरिमा वि। संजमो जीवो मनुस्सो य जहा आहारओ। अस्संजओ वि तहेव। संजयासंजए वि तहेव, नवरं–जस्स जं अत्थि। नोसंजय-नोअसंजय-नोसंजयासंजओ जहा नोभवसिद्धीय-नोअभवसिद्धीओ। सकसायी जाव लोभकसायी सव्वट्ठाणेसु जहा आहारओ। अकसायी जीवपदे सिद्धे य नो चरिमे, अचरिमे। मनुस्सपदे सिय चरिमे, सिय अचरिमे। नाणी जहा सम्मद्दिट्ठी सव्वत्थ। आभिनिबोहियनाणी जाव मनपज्जवनाणी जहा आहारओ, नवरं–जस्स जं अत्थि। केवलनाणी जहा नोसण्णी-नोअसण्णी। अन्नाणी जाव विभंगनाणी जहा आहारओ। सजोगी जाव कायजोगी जहा आहारओ, जस्स जो जोगो अत्थि। अजोगी जहा नोसण्णी-नोअसण्णी। सागारोवउत्तो अनागारोवउत्तो य जहा अनाहारओ। सवेदओ जाव नपुंसगवेदओ जहा आहारओ। अवेदओ जहा अकसायी। ससरीरी जाव कम्मगसरीरी जहा आहारओ, नवरं–जस्स जं अत्थि। असरीरी जहा नोभवसिद्धीय-नोअभवसिद्धीओ पंचहिं पज्जत्तीहिं पंचहिं अपज्जत्तीहिं जहा आहारओ, सव्वत्थ एगत्त-पुहत्तेणं दंडगा भाणियव्वा। इमा लक्खणगाहा
Sutra Meaning : જુઓ સૂત્ર ૭૨૨
Mool Sutra Transliteration : [sutra] jive nam bhamte! Jivabhavena kim charime? Acharime? Goyama! No charime, acharime. Neraie nam bhamte! Neraiyabhavenam–puchchha. Goyama! Siya charime, siya acharime. Evam java vemanie. Siddhe jaha jive. Jiva nam–puchchha. Goyama! No charima, acharimA.Neraiya charima vi, acharima vI.Evam java vemaniya. Siddha jaha jiva Aharae savvattha egattenam siya charime, siya acharime; puhattenam charima vi, acharima vi. Anaharao jivo siddho ya egattena vi puhattena vi no charimo, acharimo. Sesatthanesu egatta-puhattenam jaha aharao. Bhavasiddhio jivapade egatta-puhattenam charime, no acharime. Sesatthanesu jaha aharao. Abhavasiddhio savvattha egatta-puhattenam no charime, acharime. Nobhavasiddhiya-noabhavasiddhiyajiva siddha ya egatta-puhattenam jaha abhavasiddhio. Sanni jaha aharao, evam asanni vi. Nosanni-noasanni jivapade siddhapade ya acharime, manussapade charime egatta-puhattenam. Salesso java sukkalesso jaha aharao, navaram–jassa ja atthi. Alesso jaha nosanni-noasanni. Sammaditthi jaha anaharao. Michchhaditthi jaha aharao. Sammamichchhaditthi egimdiya-vigalimdiyavajjam siya charime, siya acharime. Puhattenam charima vi, acharima vi. Samjamo jivo manusso ya jaha aharao. Assamjao vi taheva. Samjayasamjae vi taheva, navaram–jassa jam atthi. Nosamjaya-noasamjaya-nosamjayasamjao jaha nobhavasiddhiya-noabhavasiddhio. Sakasayi java lobhakasayi savvatthanesu jaha aharao. Akasayi jivapade siddhe ya no charime, acharime. Manussapade siya charime, siya acharime. Nani jaha sammadditthi savvattha. Abhinibohiyanani java manapajjavanani jaha aharao, navaram–jassa jam atthi. Kevalanani jaha nosanni-noasanni. Annani java vibhamganani jaha aharao. Sajogi java kayajogi jaha aharao, jassa jo jogo atthi. Ajogi jaha nosanni-noasanni. Sagarovautto anagarovautto ya jaha anaharao. Savedao java napumsagavedao jaha aharao. Avedao jaha akasayi. Sasariri java kammagasariri jaha aharao, navaram–jassa jam atthi. Asariri jaha nobhavasiddhiya-noabhavasiddhio Pamchahim pajjattihim pamchahim apajjattihim jaha aharao, savvattha egatta-puhattenam damdaga bhaniyavva. Ima lakkhanagaha
Sutra Meaning Transliteration : Juo sutra 722