Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104153
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१५ गोशालक

 Translated Chapter :

શતક-૧૫ ગોશાલક
Section : Translated Section :
Sutra Number : 653 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं तस्स गोसालस्स मंखलिपुत्तस्स सत्तरत्तंसि परिणममाणंसि पडिलद्धसम्मत्तस्स अयमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था–नो खलु अहं जिने जिनप्पलावी, अरहा अरहप्पलावी, केवली केवलिप्पलावी, सव्वण्णू सव्वण्णुप्पलावी, जिने जिनसद्दं पगासेमाणे विहरिते अहण्णं गोसाले चेव मंखलिपुत्ते समणघायए समणमारए समणपडिनीए आयरिय-उवज्झायाणं अयसकारए अवण्णकारए अकित्तिकारए बहूहिं असब्भावुब्भावणाहिं मिच्छत्ताभिनिवेसेहिं य अप्पाणं वा परं वा तदुभयं वा वुग्गाहेमाणे वुप्पाएमाणे विहरित्ता सएणं तेएणं अन्नाइट्ठे समाणे अंतो सत्तरत्तस्स पित्तज्जरपरिगयसरीरे दाहवक्कंतीए छउमत्थे चेव कालं करेस्सं। समणे भगवं महावीरे जिने जिनप्पलावी, अरहा अरहप्पलावी, केवली केवलिप्पलावी, सव्व ण्णू सव्वण्णुप्पलावी, जिने जिनसद्दं पगासेमाणे विहरइ–एवं संपेहेति, संपेहेत्ता आजीविए थेरे सद्दावेइ, सद्दावेत्ता उच्चावय-सवह -सावियए पकरेति, पकरेत्ता एवं वयासी–नो खलु अहं जिने जिनप्पलावी जाव पगासेमाणे विहरिए। अहण्णं गोसाले चेव मंखलिपुत्ते समणघायए समणमारए समणपडिनीए आयरिय-उवज्झायाणं अयसकारए अवण्णकारए अकित्तिकारए बहूहिं असब्भावु-ब्भावणाहिं मिच्छत्ताभिनिवेसेहिं य अप्पाणं वा परं वा तदुभयं वा वुग्गाहेमाणे वुप्पाएमाणे विहरित्ता सएणं तेएणं अन्नाइट्ठे समाणे अंतो सत्तरत्तस्स पित्तज्जरपरिगयसरीरे दाहवक्कंतीए छउमत्थे चेव कालं करेस्सं। समणे भगवं महावीरे जिने जिनप्पलावी जाव जिनसद्दं पगासेमाणे विहरइ, तं तुब्भं णं देवानुप्पिया! ममं कालगयं जाणित्ता वामे पाए सुंबेण बंधेह, बंधेत्ता तिक्खुत्तो मुहे उट्ठु-भेह, उट्ठुभेत्ता सावत्थीए नगरीए सिंघाडग-तिग-चउक्क-चच्चर-चउम्मुह-महापह-पहेसु आकट्ट-विकट्टिं करेमाणा महया-महया सद्देणं उग्घोसेमाणा-उग्घोसेमाणा एवं वदह–नो खलु देवानुप्पिया! गोसाले मंखलिपुत्ते जिने जिनप्पलावी जाव विहरिए। एस णं गोसाले चेव मंखलिपुत्ते समणघायए जाव छउमत्थे चेव कालगए। समणे भगवं महावीरे जिने जिनप्पलावी जाव विहरइ। महया अणिड्ढी-असक्कारसमुदएणं ममं सरीरगस्स नीहरणं करेज्जाह–एवं वदित्ता कालगए।
Sutra Meaning : જુઓ સૂત્ર ૬૪૯
Mool Sutra Transliteration : [sutra] tae nam tassa gosalassa mamkhaliputtassa sattarattamsi parinamamanamsi padiladdhasammattassa ayameyaruve ajjhatthie chimtie patthie manogae samkappe samuppajjittha–no khalu aham jine jinappalavi, araha arahappalavi, kevali kevalippalavi, savvannu savvannuppalavi, jine jinasaddam pagasemane viharite ahannam gosale cheva mamkhaliputte samanaghayae samanamarae samanapadinie ayariya-uvajjhayanam ayasakarae avannakarae akittikarae bahuhim asabbhavubbhavanahim michchhattabhinivesehim ya appanam va param va tadubhayam va vuggahemane vuppaemane viharitta saenam teenam annaitthe samane amto sattarattassa pittajjaraparigayasarire dahavakkamtie chhaumatthe cheva kalam karessam. Samane bhagavam mahavire jine jinappalavi, araha arahappalavi, kevali kevalippalavi, savva nnu savvannuppalavi, jine jinasaddam pagasemane viharai–evam sampeheti, sampehetta ajivie there saddavei, saddavetta uchchavaya-savaha -saviyae pakareti, pakaretta evam vayasi–no khalu aham jine jinappalavi java pagasemane viharie. Ahannam gosale cheva mamkhaliputte samanaghayae samanamarae samanapadinie ayariya-uvajjhayanam ayasakarae avannakarae akittikarae bahuhim asabbhavu-bbhavanahim michchhattabhinivesehim ya appanam va param va tadubhayam va vuggahemane vuppaemane viharitta saenam teenam annaitthe samane amto sattarattassa pittajjaraparigayasarire dahavakkamtie chhaumatthe cheva kalam karessam. Samane bhagavam mahavire jine jinappalavi java jinasaddam pagasemane viharai, tam tubbham nam devanuppiya! Mamam kalagayam janitta vame pae sumbena bamdheha, bamdhetta tikkhutto muhe utthu-bheha, utthubhetta savatthie nagarie simghadaga-tiga-chaukka-chachchara-chaummuha-mahapaha-pahesu akatta-vikattim karemana mahaya-mahaya saddenam ugghosemana-ugghosemana evam vadaha–no khalu devanuppiya! Gosale mamkhaliputte jine jinappalavi java viharie. Esa nam gosale cheva mamkhaliputte samanaghayae java chhaumatthe cheva kalagae. Samane bhagavam mahavire jine jinappalavi java viharai. Mahaya aniddhi-asakkarasamudaenam mamam sariragassa niharanam karejjaha–evam vaditta kalagae.
Sutra Meaning Transliteration : Juo sutra 649