Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104073
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१३

 Translated Chapter :

શતક-૧૩
Section : उद्देशक-४ पृथ्वी Translated Section : ઉદ્દેશક-૪ પૃથ્વી
Sutra Number : 573 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] कहि णं भंते! लोगस्स आयाममज्झे पन्नत्ते? गोयमा! इमीसे रयणप्पभाए पुढवीए ओवासंतरस्स असंखेज्जइभागं ओगाहेत्ता, एत्थ णं लोगस्स आयाममज्झे पन्नत्ते। कहि णं भंते! अहेलोगस्स आयाममज्झे पन्नत्ते? गोयमा! चउत्थीए पंकप्पभाए पुढवीए ओवासंतरस्स सातिरेगं अद्धं ओगाहेत्ता, एत्थ णं अहेलोगस्स आयाममज्झे पन्नत्ते। कहि णं भंते! उड्ढलोगस्स आयाममज्झे पन्नत्ते? गोयमा! उप्पिं सणंकुमार-माहिंदाणं कप्पाणं हेट्ठिं बंभलोए कप्पे रिट्ठविमाने पत्थडे, एत्थ णं उड्ढलोगस्स आयाममज्झे पन्नत्ते कहि णं भंते! तिरियलोगस्स आयाममज्झे पन्नत्ते? गोयमा! जंबुद्दीवे दीवे मंदरस्स पव्वयस्स बहुमज्झदेसभाए इमीसे रयणप्पभाए पुढवीए उवरिम-हेट्ठिल्लेसु खुड्डगपयरेसु, एत्थ णं तिरियलोगमज्झे अट्ठपएसिए रुयए पन्नत्ते, जओ णं इमाओ दस दिसाओ पवहंति, तं जहा–१. पुरत्थिमा २. पुरत्थिमदाहिणा ३. दाहिणा ४. दाहिणपच्चत्थिमा ५. पच्चत्थिमा ६. पच्चत्थिमुत्तरा ७. उत्तरा ८. उत्तरपुरत्थिमा ९. उड्ढा १. अहो। एयासि णं भंते! दसण्हं दिसाणं कति नामधेज्जा पन्नत्ता? गोयमा! दस नामधेज्जा पन्नत्ता, तं जहा– इंदा अग्गेयी जमा य, नेरई वारुणी य वायव्वा । सोमा ईसानी या, विमला य तमा य बोद्धव्वा ॥
Sutra Meaning : જુઓ સૂત્ર ૫૭૦
Mool Sutra Transliteration : [sutra] kahi nam bhamte! Logassa ayamamajjhe pannatte? Goyama! Imise rayanappabhae pudhavie ovasamtarassa asamkhejjaibhagam ogahetta, ettha nam logassa ayamamajjhe pannatte. Kahi nam bhamte! Ahelogassa ayamamajjhe pannatte? Goyama! Chautthie pamkappabhae pudhavie ovasamtarassa satiregam addham ogahetta, ettha nam ahelogassa ayamamajjhe pannatte. Kahi nam bhamte! Uddhalogassa ayamamajjhe pannatte? Goyama! Uppim sanamkumara-mahimdanam kappanam hetthim bambhaloe kappe ritthavimane patthade, ettha nam uddhalogassa ayamamajjhe pannatte Kahi nam bhamte! Tiriyalogassa ayamamajjhe pannatte? Goyama! Jambuddive dive mamdarassa pavvayassa bahumajjhadesabhae imise rayanappabhae pudhavie uvarima-hetthillesu khuddagapayaresu, ettha nam tiriyalogamajjhe atthapaesie ruyae pannatte, jao nam imao dasa disao pavahamti, tam jaha–1. Puratthima 2. Puratthimadahina 3. Dahina 4. Dahinapachchatthima 5. Pachchatthima 6. Pachchatthimuttara 7. Uttara 8. Uttarapuratthima 9. Uddha 1. Aho. Eyasi nam bhamte! Dasanham disanam kati namadhejja pannatta? Goyama! Dasa namadhejja pannatta, tam jaha– Imda aggeyi jama ya, nerai varuni ya vayavva. Soma isani ya, vimala ya tama ya boddhavva.
Sutra Meaning Transliteration : Juo sutra 570