Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104043
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१२

 Translated Chapter :

શતક-૧૨
Section : उद्देशक-५ अतिपात Translated Section : ઉદ્દેશક-૫ અતિપાત
Sutra Number : 543 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] अह भंते! पाणाइवायवेरमणे, जाव परिग्गहवेरमणे, कोहविवेगे जाव मिच्छादंसणसल्लविवेगे–एस णं कतिवण्णे जाव कतिफासे पन्नत्ते? गोयमा! अवण्णे, अगंधे, अरसे, अफासे पन्नत्ते। अह भंते! उप्पत्तिया, वेणइया, कम्मया, पारिणामिया–एस णं कतिवण्णा जाव कतिफासा पन्नत्ता? गोयमा! अवण्णा, अगंधा, अरसा, अफासा पन्नत्ता। अह भंते! ओग्गहे, ईहा, अवाए, धारणा–एस णं कतिवण्णा जाव कतिफासा पन्नत्ता? गोयमा! अवण्णा, अगंधा, अरसा, अफासा पन्नत्ता। अह भंते! उट्ठाणे, कम्मे, बले, वीरिए, पुरिसक्कार-परक्कमे–एस णं कतिवण्णे जाव कति फासे पन्नत्ते? गोयमा! अवण्णे, अगंधे, अरसे, अफासे पन्नत्ते। सत्तमे णं भंते! ओवासंतरे कतिवण्णे जाव कतिफासे पन्नत्ते? गोयमा! अवण्णे, अगंधे, अरसे, अफासे पन्नत्ते। सत्तमे णं भंते! तनुवाए कतिवण्णे जाव कतिफासे पन्नत्ते? गोयमा! पंचवण्णे, दुगंधे, पंचरसे अट्ठफासे पन्नत्ते। एवं जहा सत्तमे तनुवाए तहा सत्तमे घनवाए, घनोदधी, पुढवी। छट्ठे ओवासंतरे अवण्णे। तनुवाए जाव छट्ठी पुढवी–एयाइं अट्ठफासाइं। एवं जहा सत्तमाए पुढवीए वत्तव्वया भणिया तहा जाव पढमाए पुढवीए भाणियव्वं। जंबुद्दीवे दीवे जाव सयंभुरमणे समुद्दे, सोहम्मे कप्पे जाव ईसिपब्भारा पुढवी, नेरइयवासा जाव वेमानियवासा–एयाणि सव्वाणि अट्ठफासाणि। नेरइयाणं भंते! कतिवण्णा जाव कतिफासा पन्नत्ता? गोयमा! वेउव्विय-तेयाइं पडुच्च पंचवण्णा, दुगंधा, पंचरसा, अट्ठफासा पन्नत्ता। कम्मगं पडुच्च पंचवण्णा, दुगंधा, पंच-रसा, चउफासा पन्नत्ता। जीवं पडुच्च अवण्णा जाव अफासा पन्नत्ता। एवं जाव थणियकुमारा। पुढविकाइयाणं–पुच्छा। गोयमा! ओरालिय-तेयगाइं पडुच्च पंचवण्णा जाव अट्ठफासा पन्नत्ता। कम्मगं पडुच्च जहा नेरइयाणं। जीवं पडुच्च तहेव। एवं जाव चउरिंदिया, नवरं–वाउक्काइया ओरालिय-वेउव्विय-तेयगाइं पडुच्च पंचवण्णा जाव अट्ठफासा पन्नत्ता, सेसं जहा नेरइयाणं। पंचिंदियतिरिक्खजोणिया जहा वाउक्काइया। मनुस्साणं–पुच्छा। ओरालिय-वेउव्विय-आहारग-तेयगाइं पडुच्च पंचवण्णा जाव अट्ठफासा पन्नत्ता। कम्मगं जीवं च पडुच्च जहा नेरइयाणं वाणमंतर-जोइसिय-वेमाणिया जहा नेरइया। धम्मत्थिकाए जाव पोग्गलत्थिकाए–एए सव्वे अवण्णा, नवरं–पोग्गलत्थिकाए पंचवण्णे, दुगंधे, पंचरसे, अट्ठफासे पन्नत्ते। नाणावरणिज्जे जाव अंतराइए–एयाणि चउफासाणि। कण्हलेसा णं भंते! कतिवण्णा जाव कतिफासा पन्नत्ता? दव्वलेसं पडुच्च पंचवण्णा जाव अट्ठफासा पन्नत्ता। भावलेसं पडुच्च अवण्णा, अगंधा, अरसा, अफासा पन्नत्ता। एवं जाव सुक्कलेस्सा। सम्मदिट्ठी, मिच्छदिट्ठी, सम्मामिच्छदिट्ठी, चक्खुदंसणे, अचक्खुदंसणे, ओहिदंसणे, केवल-दंसणे, आभिनिबोहियनाणे जाव विब्भंगनाणे, आहारसण्णा जाव परिग्गहसण्णा–एयाणि अवण्णाणि, अगंधाणि, अरसाणि, अफासाणि। ओरालियसरीरे जाव तेयगसरीरे–एयाणि अट्ठफासाणि। कम्मगसरीरे चउफासे। मणजोगे, वइजोगे य चउफासे, कायजोगे अट्ठफासे। सागारोवओगे अनागारोवओगे य अवण्णे। सव्वदव्वा णं भंते! कतिवण्णा जाव कतिफासा पन्नत्ता? गोयमा! अत्थेगतिया सव्वदव्वा पंचवण्णा जाव अट्ठफासा पन्नत्ता। अत्थेगतिया सव्वदव्वा पंचवण्णा जाव चउफासा पन्नत्ता। अत्थेगतिया सव्वदव्वा एगवण्णा, एगगंधा, एगरसा, दुफासा पन्नत्ता। अत्थेगतिया सव्वदव्वा अवण्णा जाव अफासा पन्नत्ता। एवं सव्वपएसा वि, सव्वपज्जवा वि। तीयद्धा अवण्णा जाव अफासा। एवं अनागयद्धा वि, सव्वद्धा वि।
Sutra Meaning : જુઓ સૂત્ર ૫૪૨
Mool Sutra Transliteration : [sutra] aha bhamte! Panaivayaveramane, java pariggahaveramane, kohavivege java michchhadamsanasallavivege–esa nam kativanne java katiphase pannatte? Goyama! Avanne, agamdhe, arase, aphase pannatte. Aha bhamte! Uppattiya, venaiya, kammaya, parinamiya–esa nam kativanna java katiphasa pannatta? Goyama! Avanna, agamdha, arasa, aphasa pannatta. Aha bhamte! Oggahe, iha, avae, dharana–esa nam kativanna java katiphasa pannatta? Goyama! Avanna, agamdha, arasa, aphasa pannatta. Aha bhamte! Utthane, kamme, bale, virie, purisakkara-parakkame–esa nam kativanne java kati phase pannatte? Goyama! Avanne, agamdhe, arase, aphase pannatte. Sattame nam bhamte! Ovasamtare kativanne java katiphase pannatte? Goyama! Avanne, agamdhe, arase, aphase pannatte. Sattame nam bhamte! Tanuvae kativanne java katiphase pannatte? Goyama! Pamchavanne, dugamdhe, pamcharase atthaphase pannatte. Evam jaha sattame tanuvae taha sattame ghanavae, ghanodadhi, pudhavi. Chhatthe ovasamtare avanne. Tanuvae java chhatthi pudhavi–eyaim atthaphasaim. Evam jaha sattamae pudhavie vattavvaya bhaniya taha java padhamae pudhavie bhaniyavvam. Jambuddive dive java sayambhuramane samudde, sohamme kappe java isipabbhara pudhavi, neraiyavasa java vemaniyavasa–eyani savvani atthaphasani. Neraiyanam bhamte! Kativanna java katiphasa pannatta? Goyama! Veuvviya-teyaim paduchcha pamchavanna, dugamdha, pamcharasa, atthaphasa pannatta. Kammagam paduchcha pamchavanna, dugamdha, pamcha-rasa, chauphasa pannatta. Jivam paduchcha avanna java aphasa pannatta. Evam java thaniyakumara. Pudhavikaiyanam–puchchha. Goyama! Oraliya-teyagaim paduchcha pamchavanna java atthaphasa pannatta. Kammagam paduchcha jaha neraiyanam. Jivam paduchcha taheva. Evam java chaurimdiya, navaram–vaukkaiya oraliya-veuvviya-teyagaim paduchcha pamchavanna java atthaphasa pannatta, sesam jaha neraiyanam. Pamchimdiyatirikkhajoniya jaha vaukkaiya. Manussanam–puchchha. Oraliya-veuvviya-aharaga-teyagaim paduchcha pamchavanna java atthaphasa pannatta. Kammagam jivam cha paduchcha jaha neraiyanam vanamamtara-joisiya-vemaniya jaha neraiya. Dhammatthikae java poggalatthikae–ee savve avanna, navaram–poggalatthikae pamchavanne, dugamdhe, pamcharase, atthaphase pannatte. Nanavaranijje java amtaraie–eyani chauphasani. Kanhalesa nam bhamte! Kativanna java katiphasa pannatta? Davvalesam paduchcha pamchavanna java atthaphasa pannatta. Bhavalesam paduchcha avanna, agamdha, arasa, aphasa pannatta. Evam java sukkalessa. Sammaditthi, michchhaditthi, sammamichchhaditthi, chakkhudamsane, achakkhudamsane, ohidamsane, kevala-damsane, abhinibohiyanane java vibbhamganane, aharasanna java pariggahasanna–eyani avannani, agamdhani, arasani, aphasani. Oraliyasarire java teyagasarire–eyani atthaphasani. Kammagasarire chauphase. Manajoge, vaijoge ya chauphase, kayajoge atthaphase. Sagarovaoge anagarovaoge ya avanne. Savvadavva nam bhamte! Kativanna java katiphasa pannatta? Goyama! Atthegatiya savvadavva pamchavanna java atthaphasa pannatta. Atthegatiya savvadavva pamchavanna java chauphasa pannatta. Atthegatiya savvadavva egavanna, egagamdha, egarasa, duphasa pannatta. Atthegatiya savvadavva avanna java aphasa pannatta. Evam savvapaesa vi, savvapajjava vi. Tiyaddha avanna java aphasa. Evam anagayaddha vi, savvaddha vi.
Sutra Meaning Transliteration : Juo sutra 542