Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104035
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१२

 Translated Chapter :

શતક-૧૨
Section : उद्देशक-२ जयंति Translated Section : ઉદ્દેશક-૨ જયંતિ
Sutra Number : 535 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तेणं कालेणं तेणं समएणं सामी समोसढे जाव परिसा पज्जुवासइ। तए णं से उदयणे राया इमीसे कहाए लद्धट्ठे समाणे हट्ठतुट्ठे कोडुंबियपुरिसे सद्दावेइ, सद्दावेत्ता एवं वयासी–खिप्पामेव भो देवानुप्पिया! कोसंबिं नगरिं सब्भिंतर-बाहिरियं आसित्त-सम्मज्जिओवलित्तं करेत्ता य कारवेत्ता य एयमाणत्तियं पच्चप्पिणह एवं जहा कूणिओ तहेव सव्वं जाव पज्जुवासइ। तए णं सा जयंती समणोवासिया इमीसे कहाए लद्धट्ठा समाणी हट्ठतुट्ठा जेणेव मिगावती देवी तेणेव उवागच्छइ, उवागच्छित्ता मिगावतिं देविं एवं वयासी–एवं खलु देवानुप्पिए! समणे भगवं महावीरे आदिगरे जाव सव्वण्णू सव्वदरिसी आगा-सगएणं चक्केणं जाव सुहंसुहेणं विहरमाणे चंदोतरणे चेइए अहापडिरूवं ओग्गहं ओगिण्हित्ता संजमेणं तवसा अप्पाणं भावेमाणे विहरइ। तं महप्फलं खलु देवानुप्पिए! तहारूवाणं अरहंताणं भगवंताणं नामगोयस्स वि सवणयाए जाव एयं णे इहभवे य, परभवे य हियाए सुहाए खमाए निस्सेसाए आनुगामियत्ताए भविस्सइ। तए णं सा मिगावती देवी जयंतीए समणोवासियाए एवं वुत्ता समाणी हट्ठतुट्ठचित्तमानंदिया नंदिया पीइमणा परमसोमणस्सिया हरिसवसविसप्पमाणहियया करयलपरिग्गहियं दसनहं सिरसावत्तं मत्थए अंजलिं कट्टु जयंतीए समणोवासियाए एयमट्ठं विनएणं पडिसुणेइ। तए णं सा मिगावती देवी कोडुंबियपुरिसे सद्दावेइ, सद्दावेत्ता एवं वयासी–खिप्पामेव भो देवानुप्पिया! लहुकरण-जुत्त-जोइय जाव धम्मियं जाणप्पवरं जुत्तामेव उवट्ठवेह उवट्ठवेत्ता मम एयमाणत्तियं पच्चप्पिणह। तए णं ते कोडुंबियपुरिसा मिगावतीए देवीए एवं वुत्ता समाणा धम्मियं जाणप्पवरं जुत्तामेव उवट्ठवेंति, उवट्ठवेत्ता तमाणत्तियं पच्चप्पिणंति। तए णं सा मिगावती देवी जयंतीए समणोवासियाए सद्धिं ण्हाया कयबलिकम्मा जाव अप्पमहग्घाभरणालंकियसरीरा बहूहिं खुज्जाहिं जाव चेडियाचक्कवाल-वरिसधर-थेरकंचुइज्ज-महत्तरगवंदपरिक्खित्ता अंतेउराओ निग्गच्छइ, निग्गच्छित्ता जेणेव बाहिरिया उवट्ठाणसाला जेणेव धम्मिए जाणप्पवरे तेणेव उवागच्छइ, उवागच्छित्ता धम्मिए जाणप्पवरं दुरूढा। तए णं सा मिगावती देवी जयंतीए समणोवासियाए सद्धिं धम्मियं जाणप्पवरं दुरूढा समाणी नियगपरियालसंपरि-वुडा जहा उसभदत्तो जाव धम्मियाओ जाणप्पवराओ पच्चोरुहइ। तए णं सा मिगावती देवी जयंतीए समणोवासियाए सद्धिं बहूहिं जहा देवानंदा जाव वंदइ नमंसइ, वंदित्ता नमंसित्ता उदयणं रायं पुरओ कट्टु ठिया चेव सपरिवारा सुस्सूसमाणी नमंसमाणी अभिमुहा विनएणं पंजलिकडा पज्जुवासइ। तए णं समणे भगवं महावीरे उदयणस्स रन्नो मिगावतीए देवीए जयंतीए समणोवासियाए तीसे य महतिमहलि-याए परिसाए जाव धम्मं परिकहेइ जाव पुरिसा पडिगया, उदयणे पडिगए, मिगावती वि पडिगया।
Sutra Meaning : જુઓ સૂત્ર ૫૩૪
Mool Sutra Transliteration : [sutra] tenam kalenam tenam samaenam sami samosadhe java parisa pajjuvasai. Tae nam se udayane raya imise kahae laddhatthe samane hatthatutthe kodumbiyapurise saddavei, saddavetta evam vayasi–khippameva bho devanuppiya! Kosambim nagarim sabbhimtara-bahiriyam asitta-sammajjiovalittam karetta ya karavetta ya eyamanattiyam pachchappinaha evam jaha kunio taheva savvam java pajjuvasai. Tae nam sa jayamti samanovasiya imise kahae laddhattha samani hatthatuttha jeneva migavati devi teneva uvagachchhai, uvagachchhitta migavatim devim evam vayasi–evam khalu devanuppie! Samane bhagavam mahavire adigare java savvannu savvadarisi aga-sagaenam chakkenam java suhamsuhenam viharamane chamdotarane cheie ahapadiruvam oggaham oginhitta samjamenam tavasa appanam bhavemane viharai. Tam mahapphalam khalu devanuppie! Taharuvanam arahamtanam bhagavamtanam namagoyassa vi savanayae java eyam ne ihabhave ya, parabhave ya hiyae suhae khamae nissesae anugamiyattae bhavissai. Tae nam sa migavati devi jayamtie samanovasiyae evam vutta samani hatthatutthachittamanamdiya namdiya piimana paramasomanassiya harisavasavisappamanahiyaya karayalapariggahiyam dasanaham sirasavattam matthae amjalim kattu jayamtie samanovasiyae eyamattham vinaenam padisunei. Tae nam sa migavati devi kodumbiyapurise saddavei, saddavetta evam vayasi–khippameva bho devanuppiya! Lahukarana-jutta-joiya java dhammiyam janappavaram juttameva uvatthaveha uvatthavetta mama eyamanattiyam pachchappinaha. Tae nam te kodumbiyapurisa migavatie devie evam vutta samana dhammiyam janappavaram juttameva uvatthavemti, uvatthavetta tamanattiyam pachchappinamti. Tae nam sa migavati devi jayamtie samanovasiyae saddhim nhaya kayabalikamma java appamahagghabharanalamkiyasarira bahuhim khujjahim java chediyachakkavala-varisadhara-therakamchuijja-mahattaragavamdaparikkhitta amteurao niggachchhai, niggachchhitta jeneva bahiriya uvatthanasala jeneva dhammie janappavare teneva uvagachchhai, uvagachchhitta dhammie janappavaram durudha. Tae nam sa migavati devi jayamtie samanovasiyae saddhim dhammiyam janappavaram durudha samani niyagapariyalasampari-vuda jaha usabhadatto java dhammiyao janappavarao pachchoruhai. Tae nam sa migavati devi jayamtie samanovasiyae saddhim bahuhim jaha devanamda java vamdai namamsai, vamditta namamsitta udayanam rayam purao kattu thiya cheva saparivara sussusamani namamsamani abhimuha vinaenam pamjalikada pajjuvasai. Tae nam samane bhagavam mahavire udayanassa ranno migavatie devie jayamtie samanovasiyae tise ya mahatimahali-yae parisae java dhammam parikahei java purisa padigaya, udayane padigae, migavati vi padigaya.
Sutra Meaning Transliteration : Juo sutra 534