Sutra Navigation: Sthanang ( સ્થાનાંગ સૂત્ર )

Search Details

Mool File Details

Anuvad File Details

Sr No : 1102805
Scripture Name( English ): Sthanang Translated Scripture Name : સ્થાનાંગ સૂત્ર
Mool Language : Ardha-Magadhi Translated Language : Gujarati
Chapter :

स्थान-९

 Translated Chapter :

સ્થાન-૯
Section : Translated Section :
Sutra Number : 805 Category : Ang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] नवविहा संसारसमावन्नगा जीवा पन्नत्ता, तं जहा–पुढविकाइया, आउकाइया, तेउकाइया, वाउकाइया, वणस्सइकाइया, बेइंदिया, तेइंदिया, चउरिंदिया, पंचिंदिया। पुढविकाइया नवगतिया नवआगतिया पन्नत्ता, तं जहा– पुढविकाइए पुढविकाइएसु उवव-ज्जमाणे पुढविकाइएहिंतो वा, आउकाइएहिंतो वा, तेउकाइएहिंतो वा, वाउकाइएहिंतो वा, वणस्सइकाइएहिंतो वा, बेइंदिएहिंतो वा, तेइंदिएहिंतो वा, चउरिंदिएहिंतो वा, पंचिंदिएहिंतो वा उववज्जेज्जा। से चेव णं से पुढविकाइए पुढविकायत्तं विप्पजहमाने पुढविकाइयत्ताए वा, आउकाइयत्ताए वा, तेउकाइयत्ताए वा, वाउकाइयत्ताए वा, वनस्सइकाइयत्ताए वा, बेइंदियत्ताए वा, तेइंदियत्ताए वा, चउरिंदियत्ताए वा, पंचिंदियत्ताए वा गच्छेज्जा। एवमाउकाइयावि जाव पंचिंदियत्ति। नवविधा सव्वजीवा पन्नत्ता, तं जहा–एगिंदिया, बेइंदिया, तेइंदिया, चउरिंदिया, नेरइया, पंचेंदियतिरिक्खजोणिया, मनुया, देवा, सिद्धा। अहवा– नवविहा सव्वजीवा पन्नत्ता, तं जहा– पढमसमयनेरइया, अपढमसमयनेरइया, पढमसमयतिरिया, अपढमसमयतिरिया, पढमसमयमनुया, अपढमसमयमनुया, पढमसमययदेवा, अपढमसमयदेवा, सिद्धा। नवविहा सव्वजीवोगाहणा पन्नत्ता, तं जहा– पुढविकाइओगाहणा, आउकाइओगाहणा, तेउ-काइओगाहणा, वाउकाइओगाहणा, वणस्सइकाइओगाहणा, बेइंदियओगाहणा, तेइंदियओगाहणा, चउरिंदियओगाहणा, पंचिंदियओगाहणा। जीवा णं नवहिं ठाणेहिं संसारं वत्तिंसु वा वत्तंति वा वत्तिस्संति वा, तं जहा– पुढविकाइयत्ताए, आउकाइयत्ताए, तेउकाइयत्ताए, वाउकाइयत्ताए, वणस्सइकाइयत्ताए, बेइंदियत्ताए, तेइंदियत्ताए, चउरिंदियत्ताए, पंचिंदियत्ताए।
Sutra Meaning : જુઓ સૂત્ર ૮૦૩
Mool Sutra Transliteration : [sutra] navaviha samsarasamavannaga jiva pannatta, tam jaha–pudhavikaiya, aukaiya, teukaiya, vaukaiya, vanassaikaiya, beimdiya, teimdiya, chaurimdiya, pamchimdiya. Pudhavikaiya navagatiya navaagatiya pannatta, tam jaha– pudhavikaie pudhavikaiesu uvava-jjamane pudhavikaiehimto va, aukaiehimto va, teukaiehimto va, vaukaiehimto va, vanassaikaiehimto va, beimdiehimto va, teimdiehimto va, chaurimdiehimto va, pamchimdiehimto va uvavajjejja. Se cheva nam se pudhavikaie pudhavikayattam vippajahamane pudhavikaiyattae va, aukaiyattae va, teukaiyattae va, vaukaiyattae va, vanassaikaiyattae va, beimdiyattae va, teimdiyattae va, chaurimdiyattae va, pamchimdiyattae va gachchhejja. Evamaukaiyavi java pamchimdiyatti. Navavidha savvajiva pannatta, tam jaha–egimdiya, beimdiya, teimdiya, chaurimdiya, neraiya, pamchemdiyatirikkhajoniya, manuya, deva, siddha. Ahava– navaviha savvajiva pannatta, tam jaha– padhamasamayaneraiya, apadhamasamayaneraiya, padhamasamayatiriya, apadhamasamayatiriya, padhamasamayamanuya, apadhamasamayamanuya, padhamasamayayadeva, apadhamasamayadeva, siddha. Navaviha savvajivogahana pannatta, tam jaha– pudhavikaiogahana, aukaiogahana, teu-kaiogahana, vaukaiogahana, vanassaikaiogahana, beimdiyaogahana, teimdiyaogahana, chaurimdiyaogahana, pamchimdiyaogahana. Jiva nam navahim thanehim samsaram vattimsu va vattamti va vattissamti va, tam jaha– pudhavikaiyattae, aukaiyattae, teukaiyattae, vaukaiyattae, vanassaikaiyattae, beimdiyattae, teimdiyattae, chaurimdiyattae, pamchimdiyattae.
Sutra Meaning Transliteration : Juo sutra 803