Sutra Navigation: Chandrapragnapati ( चंद्रप्रज्ञप्ति सूत्र )

Search Details

Mool File Details

Anuvad File Details

Sr No : 1007427
Scripture Name( English ): Chandrapragnapati Translated Scripture Name : चंद्रप्रज्ञप्ति सूत्र
Mool Language : Ardha-Magadhi Translated Language : Hindi
Chapter :

प्राभृत-१

 Translated Chapter :

प्राभृत-१
Section : प्राभृत-प्राभृत-१ Translated Section : प्राभृत-प्राभृत-१
Sutra Number : 127 Category : Upang-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] ता चंदविमाने णं किंसंठिते पन्नत्ते? ता अद्धकविट्ठगसंठाणसंठिते सव्वफलिहामए अब्भुग्गयमूसिय-पहसिए विविहमणिरयणभत्तिचित्ते जाव पडिरूवे। एवं सूरविमाने गहविमाने नक्खत्तविमाने ताराविमाने। ता चंदविमाने णं केवतियं आयाम-विक्खंभेणं, केवतियं परिक्खेवेणं, केवतियं बाहल्लेणं पन्नत्ते? ता छप्पन्नं एगट्ठिभागे जोयणस्स आयाम-विक्खंभेणं, तं तिगुणं सविसेसं परिरएणं, अट्ठवीसं एगट्ठिभागे जोयणस्स बाहल्लेणं पन्नत्ते। ता सूरविमाने णं केवतियं आयाम-विक्खंभेणं पुच्छा। ता अडयालीसं एगट्ठिभागे जोयणस्स आयाम-विक्खंभेणं, तं तिगुणं सविसं परिरएणं, चउव्वीसं एगट्ठिभागे जोयणस्स बाहल्लेणं पन्नत्ते। ता गहविमाने णं पुच्छा। ता अद्धजोयणं आयाम-विक्खंभेणं, तं तिगुणं सविसेसं परिरएणं कोसं बाहल्लेणं पन्नत्ते। ता नक्खत्तविमाने णं केवतियं पुच्छा। ता कोसं आयाम-विक्खंभेणं, तं तिगुणं सविसं परिरएणं, अद्धकोसं बाहल्लेणं पन्नत्ते। ता ताराविमाने णं केवतियं पुच्छा। ता अद्धकोसं आयाम-विक्खंभेणं, तं तिगुणं सविसेसं परिरएणं, पंच धणुसयाइं बाहल्लेणं पन्नत्ते। ता चंदविमानं कति देवसाहस्सीओ परिवहंति? ता सोलस देवसाहस्सीओ परिवहंति, तं जहा–पुरत्थिमेणं सीहरूवधारीणं चत्तारि देवसाहस्सीओ परिवहंति, दाहिणेणं गयरूवधारीणं चत्तारि देवसाहस्सीओ परिवहंति, पच्चत्थिमेणं वसहरूवधारीणं चत्तारि देवसाहस्सीओ परिवहंति, उत्तरेणं तुरगरूवधारीणं चत्तारि देवसाहस्सीओ परिवहंति। एवं सूरविमानंपि। ता गहविमाणं कति देवसाहस्सीओ परिवहंति? ता अट्ठ देवसाहस्सीओ परिवहंति, तं जहा–पुरत्थिमेणं सीहरूवधारीणं देवाणं दो देवसाहस्सीओ परिवहंति, एवं जाव उत्तरेणं तुरगरूवधारीणं। ता नक्खत्तविमाणं कति देवसाहस्सीओ परिवहंति? ता चत्तारि देवसाहस्सीओ परिवहंति, तं जहा–पुरत्थिमेणं सीह रूवधारीणं देवाणं एक्का देवसाहस्सी परिवहति, एवं जाव उत्तरेणं तुरगरूवधारीणं देवाणं। ता ताराविमाणं कति देवसाहस्सीओ परिवहंति? ता दो देवसाहस्सीओ परिवहंति, तं जहा–पुरत्थिमेणं सीहरूवधारीणं देवाणं पंच देवसता परिवहंति, एवं जाव उत्तरेणं तुरगरूवधारीणं।
Sutra Meaning : जंबूद्वीप के मंडलमें नक्षत्र के सम्बन्ध में प्रश्न – अभिजीत नक्षत्र जंबूद्वीप के सर्वाभ्यन्तर मंडलमें गमन करता है, मूलनक्षत्र सर्वबाह्य मंडलमें, स्वातिनक्षत्र सर्वोपरी मंडलमें, भरणी नक्षत्र सर्वाधस्तन मंडलमें गमन करते हैं
Mool Sutra Transliteration : [sutra] ta chamdavimane nam kimsamthite pannatte? Ta addhakavitthagasamthanasamthite savvaphalihamae abbhuggayamusiya-pahasie vivihamanirayanabhattichitte java padiruve. Evam suravimane gahavimane nakkhattavimane taravimane. Ta chamdavimane nam kevatiyam ayama-vikkhambhenam, kevatiyam parikkhevenam, kevatiyam bahallenam pannatte? Ta chhappannam egatthibhage joyanassa ayama-vikkhambhenam, tam tigunam savisesam pariraenam, atthavisam egatthibhage joyanassa bahallenam pannatte. Ta suravimane nam kevatiyam ayama-vikkhambhenam puchchha. Ta adayalisam egatthibhage joyanassa ayama-vikkhambhenam, tam tigunam savisam pariraenam, chauvvisam egatthibhage joyanassa bahallenam pannatte. Ta gahavimane nam puchchha. Ta addhajoyanam ayama-vikkhambhenam, tam tigunam savisesam pariraenam kosam bahallenam pannatte. Ta nakkhattavimane nam kevatiyam puchchha. Ta kosam ayama-vikkhambhenam, tam tigunam savisam pariraenam, addhakosam bahallenam pannatte. Ta taravimane nam kevatiyam puchchha. Ta addhakosam ayama-vikkhambhenam, tam tigunam savisesam pariraenam, pamcha dhanusayaim bahallenam pannatte. Ta chamdavimanam kati devasahassio parivahamti? Ta solasa devasahassio parivahamti, tam jaha–puratthimenam siharuvadharinam chattari devasahassio parivahamti, dahinenam gayaruvadharinam chattari devasahassio parivahamti, pachchatthimenam vasaharuvadharinam chattari devasahassio parivahamti, uttarenam turagaruvadharinam chattari devasahassio parivahamti. Evam suravimanampi. Ta gahavimanam kati devasahassio parivahamti? Ta attha devasahassio parivahamti, tam jaha–puratthimenam siharuvadharinam devanam do devasahassio parivahamti, evam java uttarenam turagaruvadharinam. Ta nakkhattavimanam kati devasahassio parivahamti? Ta chattari devasahassio parivahamti, tam jaha–puratthimenam siha ruvadharinam devanam ekka devasahassi parivahati, evam java uttarenam turagaruvadharinam devanam. Ta taravimanam kati devasahassio parivahamti? Ta do devasahassio parivahamti, tam jaha–puratthimenam siharuvadharinam devanam pamcha devasata parivahamti, evam java uttarenam turagaruvadharinam.
Sutra Meaning Transliteration : Jambudvipa ke mamdalamem nakshatra ke sambandha mem prashna – abhijita nakshatra jambudvipa ke sarvabhyantara mamdalamem gamana karata hai, mulanakshatra sarvabahya mamdalamem, svatinakshatra sarvopari mamdalamem, bharani nakshatra sarvadhastana mamdalamem gamana karate haim