Sutra Navigation: Pushpika ( પૂષ્પિકા )

Search Details

Mool File Details

Anuvad File Details

Sr No : 1108203
Scripture Name( English ): Pushpika Translated Scripture Name : પૂષ્પિકા
Mool Language : Ardha-Magadhi Translated Language : Gujarati
Chapter :

अध्ययन-१ चंद्र

 Translated Chapter :

અધ્યયન-૧ ચંદ્ર
Section : Translated Section :
Sutra Number : 3 Category : Upang-10
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जइ णं भंते! समणेणं भगवया महावीरेणं जाव संपत्तेणं पुप्फियाणं दस अज्झयणा पन्नत्ता, पढमस्स णं भंते! अज्झयणस्स पुप्फियाणं समणेणं भगवया महावीरेणं जाव संपत्तेणं के अट्ठे पन्नत्ते? एवं खलु जंबू! तेणं कालेणं तेणं समएणं रायगिहे नामं नयरे। गुणसिलए चेइए। सेणिए राया। तेणं कालेणं तेणं समएणं सामी समोसढे। परिसा निग्गया। तेणं कालेणं तेणं समएणं चंदे जोइसिंदे जोइसराया चंदवडिंसए विमाने सभाए सुहम्माए चंदंसि सीहासणंसि चउहिं सामानियसाहस्सीहिं जाव विहरइ। इमं च णं केवलकप्पं जंबुद्दीवं दीवं विउलेणं ओहिणा आभोएमाणे-आभोएमाणे पासइ, पच्छा समणं भगवं महावीरं जहा सूरियाभे आभियोगं देवं सद्दावेत्ता जाव सुरिंदाभिगमणजोग्गं करेत्ता तमाणत्तियं पच्चप्पिणंति। सूसरा घंटा जाव विउव्वणा, नवरं–जानविमानं जोयणसहस्सविच्छिण्णं अद्धतेवट्ठिजोयणमूसियं महिंदज्झओ पणुवीसं जोयणमूसिओ सेसं जहा सूरियाभस्स जाव आगओ नट्टविही तहेव पडिगओ। भंते! त्ति भगवं गोयमे समणं भगवं महावीरं पुच्छा। कूडागारसाला दिट्ठंतो सरीरं अनुपविट्ठा। पुव्वभवो–एवं खलु गोयमा! तेणं कालेणं तेणं समएणं सावत्थी नामं नयरी होत्था। कोट्ठए चेइए। तत्थ णं सावत्थीए नयरीए अंगई नामं गाहावई होत्था–अड्ढे जाव अपरिभूए। तए णं से अंगई गाहावई सावत्थीए नयरीए बहूणं राईसर तलवर माडंबिय कोडुंबिय इब्भ सेट्ठि सेनावइ सत्थवाहाणं बहूसु कज्जेसु य कारणेसु य कुडुंबेसु य मंतेसु य गुज्झेसु य रहस्सेसु य निच्छएसु य ववहारेसु य आपुच्छणिज्जे पडिपुच्छणिज्जे, सयस्स वि य णं कुडुंबस्स मेढी पमाणं आहारे आलंबनं चक्खू मेढीभूए पमाणभूए आहारभूए आलंबणभूए चक्खुभूए सव्वकज्जवड्ढावए यावि होत्था। तेणं कालेणं तेणं समएणं पासे णं अरहा पुरिसादानीए आइगरे जहा महावीरो नवुस्सेहे सोलसहिं समणसाहस्सीहिं अट्ठतीसाए अज्जियासहस्सेहिं जाव कोट्ठए समोसढे। परिसा निग्गया। तए णं से अंगई गाहावई इमीसे कहाए लद्धट्ठे समाणे हट्ठतुट्ठे जहा कत्तिओ सेट्ठी निग्गच्छइ जाव पज्जुवासइ धम्मं सोच्चा निसम्म जं, नवरं–देवानुप्पिया! जेट्ठपुत्तं कुडुंबे ठावेमि, तए णं अहं देवानुप्पियाणं अंतिए मुंडे भवित्ता अगाराओ अनगारियं पव्वयामि, जहा गंगदत्ते तहा पव्वइए। अनगारे जाए– इरियासमिए जाव गुत्तबंभयारी। तए णं से अंगई अनगारे पासस्स अरहओ तहारूवाणं थेराणं अंतिए सामाइयमाइयाइं एक्कारस अंगाइं अहिज्जइ, अहिज्जित्ता बहूहिं चउत्थ छट्ठट्ठम दसम दुवालसेहिं मासद्धमास-खमणेहिं विचित्तेहिं तवोकम्मेहिं अप्पाणं भावेमाणे बहूइं वासाइं सामण्णपरियागं पाउणइ, पाउणित्ता अद्धमासियाए संलेहणाए तीसं भत्ताइं अनसनाए छेदित्ता विराहियसामण्णे कालमासे कालं किच्चा चंदवडिंसए विमाने उववातसभाए देवसयणिज्जंसि देवदूसंतरिए चंदजोइसिंदत्ताए उववन्ने। तए णं से चंदे जोइसिंदे जोइसराया अहुणोववन्ने समाणे पंचविहाए पज्जत्तीए– आहार-पज्जत्तीए सरीरपज्जत्तीए इंदियपज्जत्तीए आनपानपज्जत्तीए भासमनपज्जत्तीए पज्जत्तभावं गए। चंदस्स णं भंते! जोइसिंदस्स जोइसरण्णो केवइयं कालं ठिई पन्नत्ता? गोयमा! पलिओवमं वाससय-सहस्समब्भहियं। एवं खलु गोयमा! चंदस्स जोइसिंदस्स जोइसरण्णो सा दिव्वा देविड्ढी। चंदे णं भंते! जोइसिंदे जोइसराया ताओ देवलोगाओ आउक्खएणं भवक्खएणं ठिइक्खएणं चयं चइत्ता कहिं गच्छिहिइ? कहिं उववज्जिहिइ? गोयमा! महाविदेहे वासे सिज्झिहिइ। एवं खलु जंबू! समणेणं भगवया महावीरेणं पुप्फियाणं पढमस्स अज्झयणस्स अयमट्ठे पन्नत्ते।
Sutra Meaning : જુઓ સૂત્ર ૧
Mool Sutra Transliteration : [sutra] jai nam bhamte! Samanenam bhagavaya mahavirenam java sampattenam pupphiyanam dasa ajjhayana pannatta, padhamassa nam bhamte! Ajjhayanassa pupphiyanam samanenam bhagavaya mahavirenam java sampattenam ke atthe pannatte? Evam khalu jambu! Tenam kalenam tenam samaenam rayagihe namam nayare. Gunasilae cheie. Senie raya. Tenam kalenam tenam samaenam sami samosadhe. Parisa niggaya. Tenam kalenam tenam samaenam chamde joisimde joisaraya chamdavadimsae vimane sabhae suhammae chamdamsi sihasanamsi chauhim samaniyasahassihim java viharai. Imam cha nam kevalakappam jambuddivam divam viulenam ohina abhoemane-abhoemane pasai, pachchha samanam bhagavam mahaviram jaha suriyabhe abhiyogam devam saddavetta java surimdabhigamanajoggam karetta tamanattiyam pachchappinamti. Susara ghamta java viuvvana, navaram–janavimanam joyanasahassavichchhinnam addhatevatthijoyanamusiyam mahimdajjhao panuvisam joyanamusio sesam jaha suriyabhassa java agao nattavihi taheva padigao. Bhamte! Tti bhagavam goyame samanam bhagavam mahaviram puchchha. Kudagarasala ditthamto sariram anupavittha. Puvvabhavo–evam khalu goyama! Tenam kalenam tenam samaenam savatthi namam nayari hottha. Kotthae cheie. Tattha nam savatthie nayarie amgai namam gahavai hottha–addhe java aparibhue. Tae nam se amgai gahavai savatthie nayarie bahunam raisara talavara madambiya kodumbiya ibbha setthi senavai satthavahanam bahusu kajjesu ya karanesu ya kudumbesu ya mamtesu ya gujjhesu ya rahassesu ya nichchhaesu ya vavaharesu ya apuchchhanijje padipuchchhanijje, sayassa vi ya nam kudumbassa medhi pamanam ahare alambanam chakkhu medhibhue pamanabhue aharabhue alambanabhue chakkhubhue savvakajjavaddhavae yavi hottha. Tenam kalenam tenam samaenam pase nam araha purisadanie aigare jaha mahaviro navussehe solasahim samanasahassihim atthatisae ajjiyasahassehim java kotthae samosadhe. Parisa niggaya. Tae nam se amgai gahavai imise kahae laddhatthe samane hatthatutthe jaha kattio setthi niggachchhai java pajjuvasai dhammam sochcha nisamma jam, navaram–devanuppiya! Jetthaputtam kudumbe thavemi, tae nam aham devanuppiyanam amtie mumde bhavitta agarao anagariyam pavvayami, jaha gamgadatte taha pavvaie. Anagare jae– iriyasamie java guttabambhayari. Tae nam se amgai anagare pasassa arahao taharuvanam theranam amtie samaiyamaiyaim ekkarasa amgaim ahijjai, ahijjitta bahuhim chauttha chhatthatthama dasama duvalasehim masaddhamasa-khamanehim vichittehim tavokammehim appanam bhavemane bahuim vasaim samannapariyagam paunai, paunitta addhamasiyae samlehanae tisam bhattaim anasanae chheditta virahiyasamanne kalamase kalam kichcha chamdavadimsae vimane uvavatasabhae devasayanijjamsi devadusamtarie chamdajoisimdattae uvavanne. Tae nam se chamde joisimde joisaraya ahunovavanne samane pamchavihae pajjattie– ahara-pajjattie sarirapajjattie imdiyapajjattie anapanapajjattie bhasamanapajjattie pajjattabhavam gae. Chamdassa nam bhamte! Joisimdassa joisaranno kevaiyam kalam thii pannatta? Goyama! Paliovamam vasasaya-sahassamabbhahiyam. Evam khalu goyama! Chamdassa joisimdassa joisaranno sa divva deviddhi. Chamde nam bhamte! Joisimde joisaraya tao devalogao aukkhaenam bhavakkhaenam thiikkhaenam chayam chaitta kahim gachchhihii? Kahim uvavajjihii? Goyama! Mahavidehe vase sijjhihii. Evam khalu jambu! Samanenam bhagavaya mahavirenam pupphiyanam padhamassa ajjhayanassa ayamatthe pannatte.
Sutra Meaning Transliteration : Juo sutra 1