Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106605
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-४ स्थिति

 Translated Chapter :

પદ-૪ સ્થિતિ
Section : Translated Section :
Sutra Number : 305 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जोइसियाणं भंते! देवाणं केवतियं कालं ठिती पन्नत्ता? गोयमा! जहन्नेणं पलिओवमट्ठभागो, उक्कोसेणं पलिओवमं वाससतसहस्समब्भहियं। अपज्जत्तयजोइसियाणं पुच्छा। गोयमा! जहन्नेण वि उक्कोसेण वि अंतोमुहुत्तं। पज्जत्तयजोइसियाणं पुच्छा। गोयमा! जहन्नेणं पलिओवमट्ठभागो अंतोमुहुत्तूणो, उक्कोसेणं पलिओवमं वाससतसहस्समब्भहियं अंतोमुहुत्तूणं। जोइसिणीणं भंते! देवीणं केवतियं कालं ठिती पन्नत्ता? गोयमा! जहन्नेणं पलिओवमट्ठभागो, उक्कोसेणं अद्ध पलिओवमं पण्णासवाससहस्समब्भहियं। अपज्जत्तियाणं जोइसिणीणं पुच्छा। गोयमा! जहन्नेण वि उक्कोसेण वि अंतोमुहुत्तं। पज्जत्तियाणं जोइसिणीणं पुच्छा। गोयमा! जहन्नेणं पलिओवमट्ठभागो अंतोमुहुत्तूणो, उक्कोसेणं अद्धपलिओवमं पण्णासाए वाससहस्सेहिं अब्भहियं अंतोमुहुत्तूणं। चंदविमाने णं भंते! देवाणं पुच्छा। गोयमा! जहन्नेणं चउभागपलिओवमं, उक्कोसेणं पलिओवमं वाससतसहस्समब्भहियं। चंदविमाने णं भंते! अपज्जत्तयदेवाणं पुच्छा। गोयमा! जहन्नेण वि उक्कोसेण वि अंतोमुहुत्तं। चंदविमाने णं पज्जत्तयदेवाणं पुच्छा। गोयमा! जहन्नेणं चउभागपलिओवमं अंतोमुहुत्तूणं, उक्कोसेणं पलिओवमं वाससतसहस्समब्भहियं अंतोमुहुत्तूणं। चंदविमाने णं भंते! देवीणं पुच्छा। गोयमा! जहन्नेणं चउभागपलिओवमं, उक्कोसेणं अद्धपलिओवमं पण्णासाए वाससहस्सेहिमब्भहियं। चंदविमाने णं भंते! अपज्जत्तियाणं देवीणं पुच्छा। गोयमा! जहन्नेण वि उक्कोसेण वि अंतो-मुहुत्तं। चंदविमाने णं भंते! पज्जत्तियाणं देवीणं पुच्छा। गोयमा! जहन्नेणं चउभागपलिओवमं अंतोमुहुत्तूणं, उक्कोसेणं अद्धपलिओवमं पण्णासाए वाससहस्सेहिं अब्भहियं अंतोमुहुत्तूणं। सूरविमाने णं भंते! देवाणं केवतियं कालं ठिती पन्नत्ता? गोयमा! जहन्नेणं चउभागपलिओवमं, उक्कोसेणं पलिओवमं वाससहस्समब्भहियं। सूरविमाने अपज्जत्तयदेवाणं पुच्छा। गोयमा! जहन्नेण वि उक्कोसेण वि अंतोमुहुत्तं। सूरविमाने पज्जत्तयदेवाणं पुच्छा। गोयमा! जहन्नेणं चउभागपलिओवमं अंतोमुहुत्तूणं, उक्कोसेणं पलिओवमं वाससहस्समब्भहियं अंतोमुहुत्तूणं। सूरविमाने देवीणं पुच्छा। गोयमा! जहन्नेणं चउभागपलिओवमं, उक्कोसेणं अद्धपलिओवमं पंचहिं वाससतेहिमब्भहियं। सूरविमाने अपज्जत्तियाणं देवीणं पुच्छा। गोयमा! जहन्नेण वि उक्कोसेण वि अंतोमुहुत्तं। सूरविमाने पज्जत्तियाणं देवीणं पुच्छा। गोयमा! जहन्नेणं चउभागपलिओवमं अंतोमुहुत्तूणं, उक्कोसेणं अद्धपलिओवमं पंचहिं वाससतेहि अब्भहियं अंतोमुहुत्तूणं। गहविमाने देवाणं पुच्छा। गोयमा! जहन्नेणं चउभागपलिओवमं, उक्कोसेणं पलिओवमं। गहविमाने अपज्जत्तयदेवाणं पुच्छा। गोयमा! जहन्नेण वि उक्कोसेण वि अंतोमुहुत्तं। गहविमाने पज्जत्तयदेवाणं पुच्छा। गोयमा! जहन्नेणं चउभागपलिओवमं अंतोमुहुत्तूणं, उक्कोसेणं पलिओवमं अंतोमुहुत्तूणं। गहविमाने देवीणं पुच्छा। गोयमा! जहन्नेणं चउभागपलिओवमं, उक्कोसेणं अद्धपलिओवमं। गहविमाने अपज्जत्तियाणं देवीणं पुच्छा। गोयमा! जहन्नेण वि उक्कोसेण वि अंतोमुहुत्तं। गहविमाने पज्जत्तियाणं देवीणं पुच्छा। गोयमा! जहन्नेणं चउभागपलिओवमं अंतोमुहुत्तूणं, उक्कोसेणं अद्धपलिओवमं अंतोमुहुत्तूणं। नक्खत्तविमाने देवाणं पुच्छा। गोयमा! जहन्नेणं चउभागपलिओवमं, उक्कोसेणं अद्ध-पलिओवमं। नक्खत्तविमाने अपज्जत्तयदेवाणं पुच्छा। गोयमा! जहन्नेण वि उक्कोसेण वि अंतोमुहुत्तं। नक्खत्तविमाने पज्जत्तयदेवाणं पुच्छा। गोयमा! जहन्नेणं चउभागपलिओवमं अंतोमुहुत्तूणं, उक्कोसेणं अद्धपलिओवमं अंतोमुहुत्तूणं। नक्खत्तविमाने देवीणं पुच्छा। गोयमा! जहन्नेणं चउभागपलिओवमं, उक्कोसेणं सातिरेगं चउभागपलिओवमं। नक्खत्तविमाने अपज्जत्तियाणं देवीणं पुच्छा। गोयमा! जहन्नेण वि उक्कोसेण वि अंतोमुहुत्तं। नक्खत्तविमाने पज्जत्तियाणं देवीणं पुच्छा। गोयमा! जहन्नेणं चउभागपलिओवमं अंतो-मुहुत्तूणं, उक्कोसेणं सातिरेगं चउभागपलिओवमं अंतोमुहुत्तूणं। ताराविमाने देवाणं पुच्छा। गोयमा! जहन्नेणं अट्ठभागपलिओवमं, उक्कोसेणं चउभाग-पलिओवमं। ताराविमाने अपज्जत्तयदेवाणं पुच्छा। गोयमा! जहन्नेण वि उक्कोसेण वि अंतोमुहुत्तं। ताराविमाने पज्जत्तयदेवाणं पुच्छा। गोयमा! जहन्नेणं अट्ठभागपलिओवमं अंतोमुहुत्तूणं, उक्कोसेणं चउभागपलिओवमं अंतोमुहुत्तूणं। ताराविमाने देवीणं पुच्छा। गोयमा! जहन्नेणं अट्ठभागपलिओवमं, उक्कोसेणं सातिरेगं अट्ठभागपलिओवमं। ताराविमाने अपज्जत्तियाणं देवीणं पुच्छा। गोयमा! जहन्नेण वि उक्कोसेण वि अंतोमुहुत्तं। ताराविमाने पज्जत्तियाणं देवीणं पुच्छा। गोयमा! जहन्नेणं अट्ठभागपलिओवमं अंतोमुहुत्तूणं, उक्कोसेणं सातिरेगं अट्ठभागपलिओवमं अंतोमुहुत्तूणं।
Sutra Meaning : જુઓ સૂત્ર ૨૯૯
Mool Sutra Transliteration : [sutra] joisiyanam bhamte! Devanam kevatiyam kalam thiti pannatta? Goyama! Jahannenam paliovamatthabhago, ukkosenam paliovamam vasasatasahassamabbhahiyam. Apajjattayajoisiyanam puchchha. Goyama! Jahannena vi ukkosena vi amtomuhuttam. Pajjattayajoisiyanam puchchha. Goyama! Jahannenam paliovamatthabhago amtomuhuttuno, ukkosenam paliovamam vasasatasahassamabbhahiyam amtomuhuttunam. Joisininam bhamte! Devinam kevatiyam kalam thiti pannatta? Goyama! Jahannenam paliovamatthabhago, ukkosenam addha paliovamam pannasavasasahassamabbhahiyam. Apajjattiyanam joisininam puchchha. Goyama! Jahannena vi ukkosena vi amtomuhuttam. Pajjattiyanam joisininam puchchha. Goyama! Jahannenam paliovamatthabhago amtomuhuttuno, ukkosenam addhapaliovamam pannasae vasasahassehim abbhahiyam amtomuhuttunam. Chamdavimane nam bhamte! Devanam puchchha. Goyama! Jahannenam chaubhagapaliovamam, ukkosenam paliovamam vasasatasahassamabbhahiyam. Chamdavimane nam bhamte! Apajjattayadevanam puchchha. Goyama! Jahannena vi ukkosena vi amtomuhuttam. Chamdavimane nam pajjattayadevanam puchchha. Goyama! Jahannenam chaubhagapaliovamam amtomuhuttunam, ukkosenam paliovamam vasasatasahassamabbhahiyam amtomuhuttunam. Chamdavimane nam bhamte! Devinam puchchha. Goyama! Jahannenam chaubhagapaliovamam, ukkosenam addhapaliovamam pannasae vasasahassehimabbhahiyam. Chamdavimane nam bhamte! Apajjattiyanam devinam puchchha. Goyama! Jahannena vi ukkosena vi amto-muhuttam. Chamdavimane nam bhamte! Pajjattiyanam devinam puchchha. Goyama! Jahannenam chaubhagapaliovamam amtomuhuttunam, ukkosenam addhapaliovamam pannasae vasasahassehim abbhahiyam amtomuhuttunam. Suravimane nam bhamte! Devanam kevatiyam kalam thiti pannatta? Goyama! Jahannenam chaubhagapaliovamam, ukkosenam paliovamam vasasahassamabbhahiyam. Suravimane apajjattayadevanam puchchha. Goyama! Jahannena vi ukkosena vi amtomuhuttam. Suravimane pajjattayadevanam puchchha. Goyama! Jahannenam chaubhagapaliovamam amtomuhuttunam, ukkosenam paliovamam vasasahassamabbhahiyam amtomuhuttunam. Suravimane devinam puchchha. Goyama! Jahannenam chaubhagapaliovamam, ukkosenam addhapaliovamam pamchahim vasasatehimabbhahiyam. Suravimane apajjattiyanam devinam puchchha. Goyama! Jahannena vi ukkosena vi amtomuhuttam. Suravimane pajjattiyanam devinam puchchha. Goyama! Jahannenam chaubhagapaliovamam amtomuhuttunam, ukkosenam addhapaliovamam pamchahim vasasatehi abbhahiyam amtomuhuttunam. Gahavimane devanam puchchha. Goyama! Jahannenam chaubhagapaliovamam, ukkosenam paliovamam. Gahavimane apajjattayadevanam puchchha. Goyama! Jahannena vi ukkosena vi amtomuhuttam. Gahavimane pajjattayadevanam puchchha. Goyama! Jahannenam chaubhagapaliovamam amtomuhuttunam, ukkosenam paliovamam amtomuhuttunam. Gahavimane devinam puchchha. Goyama! Jahannenam chaubhagapaliovamam, ukkosenam addhapaliovamam. Gahavimane apajjattiyanam devinam puchchha. Goyama! Jahannena vi ukkosena vi amtomuhuttam. Gahavimane pajjattiyanam devinam puchchha. Goyama! Jahannenam chaubhagapaliovamam amtomuhuttunam, ukkosenam addhapaliovamam amtomuhuttunam. Nakkhattavimane devanam puchchha. Goyama! Jahannenam chaubhagapaliovamam, ukkosenam addha-paliovamam. Nakkhattavimane apajjattayadevanam puchchha. Goyama! Jahannena vi ukkosena vi amtomuhuttam. Nakkhattavimane pajjattayadevanam puchchha. Goyama! Jahannenam chaubhagapaliovamam amtomuhuttunam, ukkosenam addhapaliovamam amtomuhuttunam. Nakkhattavimane devinam puchchha. Goyama! Jahannenam chaubhagapaliovamam, ukkosenam satiregam chaubhagapaliovamam. Nakkhattavimane apajjattiyanam devinam puchchha. Goyama! Jahannena vi ukkosena vi amtomuhuttam. Nakkhattavimane pajjattiyanam devinam puchchha. Goyama! Jahannenam chaubhagapaliovamam amto-muhuttunam, ukkosenam satiregam chaubhagapaliovamam amtomuhuttunam. Taravimane devanam puchchha. Goyama! Jahannenam atthabhagapaliovamam, ukkosenam chaubhaga-paliovamam. Taravimane apajjattayadevanam puchchha. Goyama! Jahannena vi ukkosena vi amtomuhuttam. Taravimane pajjattayadevanam puchchha. Goyama! Jahannenam atthabhagapaliovamam amtomuhuttunam, ukkosenam chaubhagapaliovamam amtomuhuttunam. Taravimane devinam puchchha. Goyama! Jahannenam atthabhagapaliovamam, ukkosenam satiregam atthabhagapaliovamam. Taravimane apajjattiyanam devinam puchchha. Goyama! Jahannena vi ukkosena vi amtomuhuttam. Taravimane pajjattiyanam devinam puchchha. Goyama! Jahannenam atthabhagapaliovamam amtomuhuttunam, ukkosenam satiregam atthabhagapaliovamam amtomuhuttunam.
Sutra Meaning Transliteration : Juo sutra 299