Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106600
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-४ स्थिति

 Translated Chapter :

પદ-૪ સ્થિતિ
Section : Translated Section :
Sutra Number : 300 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] पुढविकाइयाणं भंते! केवतियं कालं ठिती पन्नत्ता? गोयमा! जहन्नेणं अंतोमुहुत्तं, उक्कोसेणं बावीसं वाससहस्साइं। अपज्जत्तयपुढविनेरइयाणं भंते! केवतियं कालं ठिती पन्नत्ता? गोयमा! जहन्नेण वि उक्कोसेण वि अंतोमुहुत्तं। पज्जत्तयपुढविकाइयाणं भंते! केवतियं कालं ठिती पन्नत्ता? गोयमा! जहन्नेणं अंतोमुहुत्तं, उक्कोसेणं बावीसं वाससहस्साइं अंतोमुहुत्तूणाइं। सुहुमपुढविकाइयाणं पुच्छा। गोयमा! जहन्नेण वि उक्कोसेण वि अंतोमुहुत्तं। अपज्जत्तयसुहुमपुढविकाइयाणं पुच्छा। गोयमा! जहन्नेण वि उक्कोसेण वि अंतोमुहुत्तं। पज्जत्तयसुहुमपुढविकाइयाणं पुच्छा। गोयमा! जहन्नेण वि उक्कोसेण वि अंतोमुहुत्तं। बादरपुढविकाइयाणं पुच्छा। गोयमा! जहन्नेणं अंतोमुहुत्तं उक्कोसेणं बावीसं वाससहस्साइं। अपज्जत्तयबादरपुढविकाइयाणं पुच्छा। गोयमा! जहन्नेण वि उक्कोसेण वि अंतोमुहुत्तं। पज्जत्तयबादरपुढविकाइयाणं पुच्छा। गोयमा! जहन्नेणं अंतोमुहुत्तं, उक्कोसेणं बावीसं वाससहस्साइं अंतोमुहुत्तूणाइं। आउकाइयाणं भंते! केवतियं कालं ठिती पन्नत्ता? गोयमा! जहन्नेणं अंतोमुहुत्तं, उक्कोसेणं सत्त वाससहस्साइं अपज्जत्तयआउकाइयाणं पुच्छा। गोयमा! जहन्नेण वि उक्कोसेण वि अंतोमुहुत्तं। पज्जत्तयआउकाइयाणं पुच्छा। गोयमा! जहन्नेणं अंतोमुहुत्तं, उक्कोसेणं सत्त वाससहस्साइं अंतोमुहुत्तूणाइं। सुहुमआउकाइयाणं ओहियाणं अपज्जत्तयाणं पज्जत्तयाण य जहा सुहुमपुढविकाइयाणं तहा भाणितव्वं। बादरआउकाइयाणं पुच्छा। गोयमा! जहन्नेणं अंतोमुहुत्तं, उक्कोसेणं सत्त वाससहस्साइं। अपज्जत्तयबादरआउकाइयाणं पुच्छा। गोयमा! जहन्नेण वि उक्कोसेण वि अंतोमुहुत्तं। पज्जत्तयाणं पुच्छा। गोयमा! जहन्नेणं अंतोमुहुत्तं, उक्कोसेणं सत्त वाससहस्साइं अंतो-मुहुत्तूणाइं। तेउकाइयाणं भंते! केवतियं कालं ठिती पन्नत्ता? गोयमा! जहन्नेणं अंतोमुहुत्तं, उक्कोसेणं तिन्नि रातिंदियाइं। अपज्जत्तयाणं पुच्छा। गोयमा! जहन्नेण वि उक्कोसेण वि अंतोमुहुत्तं। पज्जत्तयाणं पुच्छा। गोयमा! जहन्नेणं अंतोमुहुत्तं, उक्कोसेणं तिन्नि रातिंदियाइं अंतो-मुहुत्तूणाइं। सुहुमतेउकाइयाणं ओहियाणं अपज्जत्तयाणं पज्जत्तयाण य जहन्नेण वि उक्कोसेण वि अंतोमुहुत्तं। बादरतेउकाइयाणं पुच्छा। गोयमा! जहन्नेणं अंतोमुहुत्तं, उक्कोसेणं तिन्नि रातिंदियाइं। अपज्जत्तयबादरतेउकाइयाणं पुच्छा। गोयमा! जहन्नेण वि उक्कोसेण वि अंतोमुहुत्तं। पज्जत्ताणं पुच्छा। गोयमा! जहन्नेणं अंतोमुहुत्तं, उक्कोसेणं तिन्नि रातिंदियाइं अंतोमुहुत्तूणाइं। वाउकाइयाणं भंते! केवतियं कालं ठिती पन्नत्ता? गोयमा! जहन्नेणं अंतोमुहुत्तं, उक्कोसेण तिन्नि वाससहस्साइं। अपज्जत्तयवाउकाइयाणं पुच्छा। गोयमा! जहन्नेण वि उक्कोसेण वि अंतोमुहुत्तं। पज्जत्तयाणं पुच्छा। गोयमा! जहन्नेणं अंतोमुहुत्तं, उक्कोसेणं तिन्नि वाससहस्साइं अंतो-मुहुत्तूणाइं। सुहुमवाउकाइयाणं पुच्छा। गोयमा! जहन्नेण वि उक्कोसेण वि अंतोमुहुत्तं। अपज्जत्तयसुहुमवाउकाइयाणं पुच्छा। गोयमा! जहन्नेण वि उक्कोसेण वि अंतोमुहुत्तं। पज्जत्तयाणं पुच्छा। गोयमा! जहन्नेण वि उक्कोसेण वि अंतोमुहुत्तं। बादरवाउकाइयाणं पुच्छा। गोयमा! जहन्नेणं अंतोमुहुत्तं, उक्कोसेणं तिन्नि वाससहस्साइं। अपज्जत्तबादरवाउकाइयाणं पुच्छा। गोयमा! जहन्नेण वि उक्कोसेण वि अंतोमुहुत्तं। पज्जत्तबादरवाउकाइयाणं पुच्छा। गोयमा! जहन्नेणं अंतोमुहुत्तं, उक्कोसेणं तिन्नि वाससहस्साइं अंतोमुहुत्तूणाइं। वणस्सइकाइयाणं भंते! केवतियं कालं ठिती पन्नत्ता? गोयमा! जहन्नेणं अंतोमुहुत्तं, उक्कोसेणं दस वाससहस्साइं। अपज्जत्तवणस्सतिकाइयाणं पुच्छा। गोयमा! जहन्नेण वि उक्कोसेण वि अंतोमुहुत्तं। पज्जत्तवणस्सइकाइयाणं पुच्छा। गोयमा! जहन्नेणं अंतोमुहुत्तं, उक्कोसेणं दस वाससहस्साइं अंतोमुहुत्तूणाइं। सुहुमवणस्सइकाइयाणं ओहियाणं अपज्जत्ताणं पज्जत्ताण य जहन्नेण वि उक्कोसेण वि अंतोमुहुत्तं। बादरवणस्सइकाइयाणं पुच्छा। गोयमा! जहन्नेणं अंतोमुहुत्तं, उक्कोसेणं दस वाससहस्साइं। अपज्जत्तबादरवणस्सइकाइयाणं पुच्छा। गोयमा! जहन्नेण वि उक्कोसेण वि अंतोमुहुत्तं। पज्जत्तबादरवणस्सइकाइयाणं पुच्छा। गोयमा! जहन्नेणं अंतोमुहुत्तं, उक्कोसेणं दस वास-सहस्साइं अंतोमुहुत्तूणाइं।
Sutra Meaning : જુઓ સૂત્ર ૨૯૯
Mool Sutra Transliteration : [sutra] pudhavikaiyanam bhamte! Kevatiyam kalam thiti pannatta? Goyama! Jahannenam amtomuhuttam, ukkosenam bavisam vasasahassaim. Apajjattayapudhavineraiyanam bhamte! Kevatiyam kalam thiti pannatta? Goyama! Jahannena vi ukkosena vi amtomuhuttam. Pajjattayapudhavikaiyanam bhamte! Kevatiyam kalam thiti pannatta? Goyama! Jahannenam amtomuhuttam, ukkosenam bavisam vasasahassaim amtomuhuttunaim. Suhumapudhavikaiyanam puchchha. Goyama! Jahannena vi ukkosena vi amtomuhuttam. Apajjattayasuhumapudhavikaiyanam puchchha. Goyama! Jahannena vi ukkosena vi amtomuhuttam. Pajjattayasuhumapudhavikaiyanam puchchha. Goyama! Jahannena vi ukkosena vi amtomuhuttam. Badarapudhavikaiyanam puchchha. Goyama! Jahannenam amtomuhuttam ukkosenam bavisam vasasahassaim. Apajjattayabadarapudhavikaiyanam puchchha. Goyama! Jahannena vi ukkosena vi amtomuhuttam. Pajjattayabadarapudhavikaiyanam puchchha. Goyama! Jahannenam amtomuhuttam, ukkosenam bavisam vasasahassaim amtomuhuttunaim. Aukaiyanam bhamte! Kevatiyam kalam thiti pannatta? Goyama! Jahannenam amtomuhuttam, ukkosenam satta vasasahassaim Apajjattayaaukaiyanam puchchha. Goyama! Jahannena vi ukkosena vi amtomuhuttam. Pajjattayaaukaiyanam puchchha. Goyama! Jahannenam amtomuhuttam, ukkosenam satta vasasahassaim amtomuhuttunaim. Suhumaaukaiyanam ohiyanam apajjattayanam pajjattayana ya jaha suhumapudhavikaiyanam taha bhanitavvam. Badaraaukaiyanam puchchha. Goyama! Jahannenam amtomuhuttam, ukkosenam satta vasasahassaim. Apajjattayabadaraaukaiyanam puchchha. Goyama! Jahannena vi ukkosena vi amtomuhuttam. Pajjattayanam puchchha. Goyama! Jahannenam amtomuhuttam, ukkosenam satta vasasahassaim amto-muhuttunaim. Teukaiyanam bhamte! Kevatiyam kalam thiti pannatta? Goyama! Jahannenam amtomuhuttam, ukkosenam tinni ratimdiyaim. Apajjattayanam puchchha. Goyama! Jahannena vi ukkosena vi amtomuhuttam. Pajjattayanam puchchha. Goyama! Jahannenam amtomuhuttam, ukkosenam tinni ratimdiyaim amto-muhuttunaim. Suhumateukaiyanam ohiyanam apajjattayanam pajjattayana ya jahannena vi ukkosena vi amtomuhuttam. Badarateukaiyanam puchchha. Goyama! Jahannenam amtomuhuttam, ukkosenam tinni ratimdiyaim. Apajjattayabadarateukaiyanam puchchha. Goyama! Jahannena vi ukkosena vi amtomuhuttam. Pajjattanam puchchha. Goyama! Jahannenam amtomuhuttam, ukkosenam tinni ratimdiyaim amtomuhuttunaim. Vaukaiyanam bhamte! Kevatiyam kalam thiti pannatta? Goyama! Jahannenam amtomuhuttam, ukkosena tinni vasasahassaim. Apajjattayavaukaiyanam puchchha. Goyama! Jahannena vi ukkosena vi amtomuhuttam. Pajjattayanam puchchha. Goyama! Jahannenam amtomuhuttam, ukkosenam tinni vasasahassaim amto-muhuttunaim. Suhumavaukaiyanam puchchha. Goyama! Jahannena vi ukkosena vi amtomuhuttam. Apajjattayasuhumavaukaiyanam puchchha. Goyama! Jahannena vi ukkosena vi amtomuhuttam. Pajjattayanam puchchha. Goyama! Jahannena vi ukkosena vi amtomuhuttam. Badaravaukaiyanam puchchha. Goyama! Jahannenam amtomuhuttam, ukkosenam tinni vasasahassaim. Apajjattabadaravaukaiyanam puchchha. Goyama! Jahannena vi ukkosena vi amtomuhuttam. Pajjattabadaravaukaiyanam puchchha. Goyama! Jahannenam amtomuhuttam, ukkosenam tinni vasasahassaim amtomuhuttunaim. Vanassaikaiyanam bhamte! Kevatiyam kalam thiti pannatta? Goyama! Jahannenam amtomuhuttam, ukkosenam dasa vasasahassaim. Apajjattavanassatikaiyanam puchchha. Goyama! Jahannena vi ukkosena vi amtomuhuttam. Pajjattavanassaikaiyanam puchchha. Goyama! Jahannenam amtomuhuttam, ukkosenam dasa vasasahassaim amtomuhuttunaim. Suhumavanassaikaiyanam ohiyanam apajjattanam pajjattana ya jahannena vi ukkosena vi amtomuhuttam. Badaravanassaikaiyanam puchchha. Goyama! Jahannenam amtomuhuttam, ukkosenam dasa vasasahassaim. Apajjattabadaravanassaikaiyanam puchchha. Goyama! Jahannena vi ukkosena vi amtomuhuttam. Pajjattabadaravanassaikaiyanam puchchha. Goyama! Jahannenam amtomuhuttam, ukkosenam dasa vasa-sahassaim amtomuhuttunaim.
Sutra Meaning Transliteration : Juo sutra 299