Sutra Navigation: Antkruddashang ( અંતકૃર્દ્દશાંગસૂત્ર )

Search Details

Mool File Details

Anuvad File Details

Sr No : 1105250
Scripture Name( English ): Antkruddashang Translated Scripture Name : અંતકૃર્દ્દશાંગસૂત્ર
Mool Language : Ardha-Magadhi Translated Language : Gujarati
Chapter :

वर्ग-८ कालि आदि

अध्ययन-१ थी १०

 Translated Chapter :

વર્ગ-૮ કાલિ આદિ

અધ્યયન-૧ થી ૧૦
Section : Translated Section :
Sutra Number : 50 Category : Ang-08
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं सा काली अज्जा रयणावली-तवोकम्मं पंचहिं संवच्छरेहिं दोहि य मासेहिं अट्ठावीसाए य दिवसेहिं अहासुत्तं जाव आराहेत्ता जेणेव अज्जचंदना अज्जा तेणेव उवागच्छइ, उवागच्छित्ता अज्जचंदनं अज्जं वंदइ नमंसइ, वंदित्ता नमंसित्ता बहूहिं चउत्थ जाव अप्पाणं भावेमाणी विहरइ। तए णं सा काली अज्जा तेणं ओरालेणं विउलेणं पयत्तेणं पग्गहिएणं कल्लाणेणं सिवेणं धन्नेणं मंगल्लेणं सस्सिरीएण उदग्गेणं उदत्तेणं उत्तमेणं उदारेणं महानुभागेणं तवोकम्मेणं सुक्का लुक्खा निम्मंसा अट्ठिचम्मावणद्धा किडिकिडियाभूया किसाधमनिसंतया जाया यावि होत्था जीवंजीवेण गच्छइ जाव सुहयहुयासणेइव भासरासिपलिच्छण्णा तवेणं, तेएणं, तवतेयसिरीए अईव-अईव उवसोहेमाणी-उवसोहेमाणी चिट्ठइ। तए णं तीसे कालीए अज्जाए अन्नया कयाइ पुव्वरत्तावरत्तकाले अयमज्झत्थिए चिंतिए पत्थिए मनोगए संकप्पे समुप्पज्जित्था, जहा खंदयस्स चिंता जाव अत्थि उट्ठाणे कम्मे बले वीरिए पुरिसक्कार-परक्कमे तावता मे सेयं कल्लं पाउप्पभायाए रयणीए जाव उट्ठियम्मि सूरे सहस्सरस्सिम्मि दिनयरे तेयसा जलंते अज्जचंदनं अज्जं आपुच्छित्ता अज्जचंदनाए अज्जाए अब्भणुन्नायाए समाणीए संलेहणा-ज्झूसणा-ज्झूसियाए भत्तपाण-पडियाइक्खियाए कालं अनवकंखमाणीए विहरित्तए त्ति कट्टु एवं संपेहेइ, संपेहेत्ता कल्लं जेणेव अज्जचंदना अज्जा तेणेव उवागच्छइ, उवागच्छित्ता अज्जचंदण अज्जं वंदइ नमंसइ, वंदित्ता नमंसित्ता एवं वयासी– इच्छामि णं अज्जो! तुब्भेहिं अब्भणुन्नाया समाणी संलेहणा-ज्झूसणा-ज्झूसियाए भत्तपान-पडियाइक्खियाए कालं अणवकंखमाणीएविहरित्तए। अहासुहं। तए णं सा काली अज्जा अज्जचंदनाए अब्भणुन्नाया समाणा संलेहणा-ज्झूसणा-ज्झूसिया जाव विहरइ। तए णं सा काली अज्जा अज्जचंदनाए अतिए सामाइयमाइयाइं एक्कारस अंगाइं अहिज्जित्ता बहुपडिपुण्णाइं अट्ठ संवच्छराइं सामन्नपरियागं पाउणित्ता, मासियाए संलेहणाए अत्ताणं ज्झूसित्ता, सट्ठिं भत्ताइं अनसणाए छेदित्ता, जस्सट्ठाए कीरइ नग्गभावे जाव चरिमुस्सासेहिं सिद्धा। निक्खेवओ।
Sutra Meaning : જુઓ સૂત્ર ૪૮
Mool Sutra Transliteration : [sutra] tae nam sa kali ajja rayanavali-tavokammam pamchahim samvachchharehim dohi ya masehim atthavisae ya divasehim ahasuttam java arahetta jeneva ajjachamdana ajja teneva uvagachchhai, uvagachchhitta ajjachamdanam ajjam vamdai namamsai, vamditta namamsitta bahuhim chauttha java appanam bhavemani viharai. Tae nam sa kali ajja tenam oralenam viulenam payattenam paggahienam kallanenam sivenam dhannenam mamgallenam sassiriena udaggenam udattenam uttamenam udarenam mahanubhagenam tavokammenam sukka lukkha nimmamsa atthichammavanaddha kidikidiyabhuya kisadhamanisamtaya jaya yavi hottha jivamjivena gachchhai java suhayahuyasaneiva bhasarasipalichchhanna tavenam, teenam, tavateyasirie aiva-aiva uvasohemani-uvasohemani chitthai. Tae nam tise kalie ajjae annaya kayai puvvarattavarattakale ayamajjhatthie chimtie patthie manogae samkappe samuppajjittha, jaha khamdayassa chimta java atthi utthane kamme bale virie purisakkara-parakkame tavata me seyam kallam pauppabhayae rayanie java utthiyammi sure sahassarassimmi dinayare teyasa jalamte ajjachamdanam ajjam apuchchhitta ajjachamdanae ajjae abbhanunnayae samanie samlehana-jjhusana-jjhusiyae bhattapana-padiyaikkhiyae kalam anavakamkhamanie viharittae tti kattu evam sampehei, sampehetta kallam jeneva ajjachamdana ajja teneva uvagachchhai, uvagachchhitta ajjachamdana ajjam vamdai namamsai, vamditta namamsitta evam vayasi– ichchhami nam ajjo! Tubbhehim abbhanunnaya samani samlehana-jjhusana-jjhusiyae bhattapana-padiyaikkhiyae kalam anavakamkhamanieviharittae. Ahasuham. Tae nam sa kali ajja ajjachamdanae abbhanunnaya samana samlehana-jjhusana-jjhusiya java viharai. Tae nam sa kali ajja ajjachamdanae atie samaiyamaiyaim ekkarasa amgaim ahijjitta bahupadipunnaim attha samvachchharaim samannapariyagam paunitta, masiyae samlehanae attanam jjhusitta, satthim bhattaim anasanae chheditta, jassatthae kirai naggabhave java charimussasehim siddha. Nikkhevao.
Sutra Meaning Transliteration : Juo sutra 48