Sutra Navigation: Upasakdashang ( ઉપાસક દશાંગ સૂત્ર )

Search Details

Mool File Details

Anuvad File Details

Sr No : 1105117
Scripture Name( English ): Upasakdashang Translated Scripture Name : ઉપાસક દશાંગ સૂત્ર
Mool Language : Ardha-Magadhi Translated Language : Gujarati
Chapter :

अध्ययन-१ आनंद

 Translated Chapter :

અધ્યયન-૧ આનંદ
Section : Translated Section :
Sutra Number : 17 Category : Ang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तेणं कालेणं तेणं समएणं भगवं महावीरे समोसरिए। परिसा निग्गया जाव पडिगया। तेणं कालेणं तेणं समएणं समणस्स भगवओ महावीरस्स जेट्ठे अंतेवासी इंदभूई नामं अनगारे गोयमसगोत्ते णं सत्तुस्सेहे समचउरंससंठाणसंठिए वज्जरिसहनारायसंघयणे कनगपुलगनिघस- पम्हगोरे उग्गतवे दित्ततवे तत्ततवे महातवे ओराले घोरे घोरगुणे घोरतवस्सी घोरबंभचेरवासी उच्छूढसरीरे संखित्तविउलतेयलेस्से छट्ठंछट्ठेणं अनिक्खित्तेणं तवोकम्मेणं संजमेणं तवसा अप्पाणं भावेमाणे विहरइ। तए णं से भगवं गोयमे छट्ठक्खमणपारणगंसि पढमाए पोरिसीए सज्झायं करेइ, बिइयाए पोरिसीए ज्झाणं ज्झियाइ, तइयाए पोरिसीए अतुरियमचवलमसंभंते मुहपोत्तियं पडिलेहेइ, पडिलेहेत्ता भायणवत्थाइं, पडिलेहेइ पडिलेहेत्ता भायणाइं पमज्जइ, पमज्जित्ता भायणाइं उग्गाहेइ, उग्गाहेत्ता जेणेव समणे भगवं महावीरे, तेणेव उवागच्छइ, उवागच्छित्ता समणं भगवं महावीरं वंदइ नमंसइ, वंदित्ता नमंसित्ता एवं वयासी– इच्छामि णं भंते! तुब्भेहिं अब्भणुण्णाए समाणे छट्ठक्खमण-पारणगंसि वाणियगामे नयरे उच्च-नीच-मज्झिमाइं कुलाइं घरसमुदानस्स भिक्खायरियाए अडित्तए। अहासुहं देवानुप्पिया! मा पडिबंधं करेह। तए णं भगवं गोयमे समणेणं भगवया महावीरेणं अब्भणुण्णाए समाणे समणस्स भगवओ महावीरस्स अंतियाओ दूइपलासाओ चेइयाओ पडिनिक्खमइ, पडिनिक्खमित्ता अतुरियमचवलम-संभंते जुगंतरपलोयणाए दिट्ठीए पुरओ रियं सोहेमाणे-सोहेमाणे जेणेव वाणियगामे नयरे, तेणेव उवागच्छइ, उवागच्छित्ता वाणियगामे नयरे उच्च-नीय-मज्झिमाइं कुलाइं घरसमुदानस्स भिक्खा-यरियं अडइ। तए णं से भगवं गोयमे वाणियगामे नयरे उच्च-नीय-मज्झिमाइं कुलाइं घरसमुदानस्स भिक्खायरियाए अडमाणे अहापज्जत्तं भत्तपाणं पडिग्गाहेइ, पडिग्गाहेत्ता वाणियगामाओ नयराओ पडिनिग्गच्छइ, पडिनिग्गच्छित्ता कोल्लायस्स सन्निवेसस्स अदूरसामंतेणं वीईवयमाणे बहुजनसद्दं निसामेइ। बहुजनो अन्नमन्नस्स एवमाइक्खइ, एवं भासइ, एवं पन्नवेइ, एवं परूवेइ– एवं खलु देवानुप्पिया! समणस्स भगवओ महावीरस्स अंतेवासी आनंदे नामं समणोवासए पोसहसालाए अपच्छिम मारणंतिय-संलेहणा-ज्झूसणा-ज्झूसिए, भत्तपाणपडियाइक्खिए कालं अणवकंखमाणे विहरइ। तए णं तस्स गोयमस्स बहुजनस्स अंतिए एयमट्ठं सोच्चा निसम्म अयमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था–तं गच्छामि णं आनंदं समणोवासयं पासामि–एवं संपेहेइ, संपेहेत्ता जेणेव कोल्लाए सन्निवेसे जेणेव पोसहसाला, जेणेव आनंदे समणोवासए, तेणेव उवागच्छइ। तए णं से आनंदे समणोवासए भगवं गोयमं एज्जमाणं पासइ, पासित्ता हट्ठतुट्ठ-चित्तमाणंदिए पीइमणे परमसोमणस्सिए हरिसवस-विसप्पमाणहियए भगवं गोयमं वंदइ नमंसइ, वंदित्ता नमंसित्ता एवं वयासी– एवं खलु भंते! अहं इमेणं ओरालेणं विउलेणं पयत्तेण पग्गहिएणं तवोकम्मेणं सुक्के लुक्खे निम्मंसे अट्ठिचम्मावणद्धे किडिकिडियाभूए किसे धमणिसंतए जाए नो संचाएमि देवानुप्पियस्स अंतियं पाउब्भवित्ता णं तिक्खुत्तो मुद्धाणेणं पादेसु अभिवंदित्तए। तुब्भे णं भंते! इच्छाकारेणं अनभिओएणं इओ चेव एह, जेणं देवानुप्पियाणं तिक्खुत्तो मुद्धाणेणं पादेसु वंदामि नमंसामि। तए णं से भगवं गोयमे जेणेव आनंदे समणोवासए, तेणेव उवागच्छइ।
Sutra Meaning : જુઓ સૂત્ર ૧૬
Mool Sutra Transliteration : [sutra] tenam kalenam tenam samaenam bhagavam mahavire samosarie. Parisa niggaya java padigaya. Tenam kalenam tenam samaenam samanassa bhagavao mahavirassa jetthe amtevasi imdabhui namam anagare goyamasagotte nam sattussehe samachauramsasamthanasamthie vajjarisahanarayasamghayane kanagapulaganighasa- pamhagore uggatave dittatave tattatave mahatave orale ghore ghoragune ghoratavassi ghorabambhacheravasi uchchhudhasarire samkhittaviulateyalesse chhatthamchhatthenam anikkhittenam tavokammenam samjamenam tavasa appanam bhavemane viharai. Tae nam se bhagavam goyame chhatthakkhamanaparanagamsi padhamae porisie sajjhayam karei, biiyae porisie jjhanam jjhiyai, taiyae porisie aturiyamachavalamasambhamte muhapottiyam padilehei, padilehetta bhayanavatthaim, padilehei padilehetta bhayanaim pamajjai, pamajjitta bhayanaim uggahei, uggahetta jeneva samane bhagavam mahavire, teneva uvagachchhai, uvagachchhitta samanam bhagavam mahaviram vamdai namamsai, vamditta namamsitta evam vayasi– Ichchhami nam bhamte! Tubbhehim abbhanunnae samane chhatthakkhamana-paranagamsi vaniyagame nayare uchcha-nicha-majjhimaim kulaim gharasamudanassa bhikkhayariyae adittae. Ahasuham devanuppiya! Ma padibamdham kareha. Tae nam bhagavam goyame samanenam bhagavaya mahavirenam abbhanunnae samane samanassa bhagavao mahavirassa amtiyao duipalasao cheiyao padinikkhamai, padinikkhamitta aturiyamachavalama-sambhamte jugamtarapaloyanae ditthie purao riyam sohemane-sohemane jeneva vaniyagame nayare, teneva uvagachchhai, uvagachchhitta vaniyagame nayare uchcha-niya-majjhimaim kulaim gharasamudanassa bhikkha-yariyam adai. Tae nam se bhagavam goyame vaniyagame nayare uchcha-niya-majjhimaim kulaim gharasamudanassa bhikkhayariyae adamane ahapajjattam bhattapanam padiggahei, padiggahetta vaniyagamao nayarao padiniggachchhai, padiniggachchhitta kollayassa sannivesassa adurasamamtenam viivayamane bahujanasaddam nisamei. Bahujano annamannassa evamaikkhai, evam bhasai, evam pannavei, evam paruvei– Evam khalu devanuppiya! Samanassa bhagavao mahavirassa amtevasi anamde namam samanovasae posahasalae apachchhima maranamtiya-samlehana-jjhusana-jjhusie, bhattapanapadiyaikkhie kalam anavakamkhamane viharai. Tae nam tassa goyamassa bahujanassa amtie eyamattham sochcha nisamma ayameyaruve ajjhatthie chimtie patthie manogae samkappe samuppajjittha–tam gachchhami nam anamdam samanovasayam pasami–evam sampehei, sampehetta jeneva kollae sannivese jeneva posahasala, jeneva anamde samanovasae, teneva uvagachchhai. Tae nam se anamde samanovasae bhagavam goyamam ejjamanam pasai, pasitta hatthatuttha-chittamanamdie piimane paramasomanassie harisavasa-visappamanahiyae bhagavam goyamam vamdai namamsai, vamditta namamsitta evam vayasi– Evam khalu bhamte! Aham imenam oralenam viulenam payattena paggahienam tavokammenam sukke lukkhe nimmamse atthichammavanaddhe kidikidiyabhue kise dhamanisamtae jae no samchaemi devanuppiyassa amtiyam paubbhavitta nam tikkhutto muddhanenam padesu abhivamdittae. Tubbhe nam bhamte! Ichchhakarenam anabhioenam io cheva eha, jenam devanuppiyanam tikkhutto muddhanenam padesu vamdami namamsami. Tae nam se bhagavam goyame jeneva anamde samanovasae, teneva uvagachchhai.
Sutra Meaning Transliteration : Juo sutra 16