Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104386
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-२५

 Translated Chapter :

શતક-૨૫
Section : उद्देशक-४ युग्म Translated Section : ઉદ્દેશક-૪ યુગ્મ
Sutra Number : 886 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जीवा णं भंते! किं सेया? निरेया? गोयमा! जीवा सेया वि, निरेया वि। से केणट्ठेणं भंते! एवं वुच्चइ–जीवा सेया वि, निरेया वि? गोयमा! जीवा दुविहा पन्नत्ता, तं जहा–संसारसमावन्नगा य, असंसारसमावन्नगा य। तत्थ णं जे ते असंसारसमावन्नगा ते णं सिद्धा। सिद्धा णं दुविहा पन्नत्ता, तं जहा–अनंतरसिद्धा य, परंपरसिद्धा य। तत्थ णं जे ते परंपरसिद्धा ते णं निरेया। तत्थ णं जे ते अनंतरसिद्धा ते णं सेया। ते णं भंते! किं देसेया? सव्वेया? गोयमा! नो देसेया, सव्वेया। तत्थ णं जे ते संसारसमावन्नगा ते दुविहा पन्नत्ता, तं जहा–सेलेसिपडिवन्नगा य, असेलेसि-पडिवन्नगा य। तत्थ णं जे ते सेलोसिपडिवन्नगा ते णं निरेया, तत्थ णं जे ते असेलेसीपडिवन्नगा ते णं सेया। ते णं भंते! किं देसेया? सव्वेया? गोयमा! देसेया वि, सव्वेया वि। से तेणट्ठेणं गोयमा! एवं वुच्चइ–जीवा सेया वि, निरेया वि। नेरइया णं भंते! किं देसेया? सव्वेया? गोयमा! देसेया वि, सव्वेया वि। से केणट्ठेणं जाव सव्वेया वि? गोयमा! नेरइया दुविहा पन्नत्ता, तं जहा–विग्गहगतिसमावन्नगा य, अविग्गहगतिसमावन्नगा य। तत्थ णं जे ते विग्गहगतिसमावन्नगा ते णं सव्वेया, तत्थ णं जे ते अविग्गहगतिसमावन्नगा ते णं देसेया। से तेणट्ठेणं जाव सव्वेया वि। एवं जाव वेमाणिया।
Sutra Meaning : જુઓ સૂત્ર ૮૮૫
Mool Sutra Transliteration : [sutra] jiva nam bhamte! Kim seya? Nireya? Goyama! Jiva seya vi, nireya vi. Se kenatthenam bhamte! Evam vuchchai–jiva seya vi, nireya vi? Goyama! Jiva duviha pannatta, tam jaha–samsarasamavannaga ya, asamsarasamavannaga ya. Tattha nam je te asamsarasamavannaga te nam siddha. Siddha nam duviha pannatta, tam jaha–anamtarasiddha ya, paramparasiddha ya. Tattha nam je te paramparasiddha te nam nireya. Tattha nam je te anamtarasiddha te nam seya. Te nam bhamte! Kim deseya? Savveya? Goyama! No deseya, savveya. Tattha nam je te samsarasamavannaga te duviha pannatta, tam jaha–selesipadivannaga ya, aselesi-padivannaga ya. Tattha nam je te selosipadivannaga te nam nireya, tattha nam je te aselesipadivannaga te nam seya. Te nam bhamte! Kim deseya? Savveya? Goyama! Deseya vi, savveya vi. Se tenatthenam goyama! Evam vuchchai–jiva seya vi, nireya vi. Neraiya nam bhamte! Kim deseya? Savveya? Goyama! Deseya vi, savveya vi. Se kenatthenam java savveya vi? Goyama! Neraiya duviha pannatta, tam jaha–viggahagatisamavannaga ya, aviggahagatisamavannaga ya. Tattha nam je te viggahagatisamavannaga te nam savveya, tattha nam je te aviggahagatisamavannaga te nam deseya. Se tenatthenam java savveya vi. Evam java vemaniya.
Sutra Meaning Transliteration : Juo sutra 885