Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104302
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-२०

 Translated Chapter :

શતક-૨૦
Section : उद्देशक-९ चारण Translated Section : ઉદ્દેશક-૯ ચારણ
Sutra Number : 802 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] से केणट्ठेणं भंते! एवं वुच्चइ–जंघाचारणे-जंघाचारणे? गोयमा! तस्स णं अट्ठमंअट्ठमेणं अनिक्खित्तेणं तवोकम्मेणं अप्पाणं भावेमाणस्स जंघाचारणलद्धी नाम लद्धी समुप्पज्जति। से तेणट्ठेणं गोयमा! एवं वुच्चइ–जंघाचारणे-जंघाचारणे। जंघाचारणस्स णं भंते! कहं सीहा गती, कहं सीहे गतिविसए पन्नत्ते? गोयमा! अयन्नं जंबुद्दीवे दीवे जाव किंचिविसेसाहिए परिक्खेवेणं। देवे णं महिड्ढीए जाव महेसक्खे जाव इणामेव-इणामेव त्ति कट्टु केवलकप्पं जंबुद्दीवं दीवं तिहि अच्छरानिवाएहिं तिसत्तखुत्तो अनुपरियट्टित्ता णं हव्वमागच्छेज्जा, जंघाचारणस्स णं गोयमा! तहा सीहा गती, तहा सीहे गतिविसए पन्नत्ते। जंघाचारणस्स णं भंते! तिरियं केवतिए गतिविसए पन्नत्ते? गोयमा! से णं इओ एगेणं उप्पाएणं रुयगवरे दीवे समोसरणं करेति, करेत्ता तहिं चेइयाइं वंदति, वंदित्ता तओ पडिनियत्तमाणे बितिएणं उप्पाएणं नंदीसरवरदीवे समोसरणं करेति, करेत्ता तहिं चेइयाइं वंदति, वंदित्ता इहमागच्छइ, आगच्छित्ता इहं चेइ-याइं वंदति, जंघाचारणस्स णं गोयमा! तिरियं एवतिए गतिविसए पन्नत्ते। जंघाचारणस्स णं भंते! उड्ढं केवतिए गतिविसए पन्नत्ते? गोयमा! से णं इओ एगेणं उप्पाएणं पंडगवने समोसरणं करेति, करेत्ता तहिं चेइयाइं वंदति, वंदित्ता तओ पडिनियत्तमाणे बितिएणं उप्पाएणं नंदनवने समोसरणं करेति, करेत्ता तहिं चेइयाइं वंदति, वंदित्ता इहमागच्छइ, आगच्छित्ता इह चेइयाइं वंदति, जंघाचारणस्स णं गोयमा! उड्ढं एवतिए गतिविसए पन्नत्ते। से णं तस्स ठाणस्स अनालोइय-पडिक्कंते कालं करेइ नत्थि तस्स आराहणा। से णं तस्स ठाणस्स आलोइय-पडिक्कंते कालं करेति अत्थि तस्स आराहणा। सेवं भंते! सेवं भंते! जाव विहरइ।
Sutra Meaning : જુઓ સૂત્ર ૮૦૧
Mool Sutra Transliteration : [sutra] se kenatthenam bhamte! Evam vuchchai–jamghacharane-jamghacharane? Goyama! Tassa nam atthamamatthamenam anikkhittenam tavokammenam appanam bhavemanassa jamghacharanaladdhi nama laddhi samuppajjati. Se tenatthenam goyama! Evam vuchchai–jamghacharane-jamghacharane. Jamghacharanassa nam bhamte! Kaham siha gati, kaham sihe gativisae pannatte? Goyama! Ayannam jambuddive dive java kimchivisesahie parikkhevenam. Deve nam mahiddhie java mahesakkhe java inameva-inameva tti kattu kevalakappam jambuddivam divam tihi achchharanivaehim tisattakhutto anupariyattitta nam havvamagachchhejja, jamghacharanassa nam goyama! Taha siha gati, taha sihe gativisae pannatte. Jamghacharanassa nam bhamte! Tiriyam kevatie gativisae pannatte? Goyama! Se nam io egenam uppaenam ruyagavare dive samosaranam kareti, karetta tahim cheiyaim vamdati, vamditta tao padiniyattamane bitienam uppaenam namdisaravaradive samosaranam kareti, karetta tahim cheiyaim vamdati, vamditta ihamagachchhai, agachchhitta iham chei-yaim vamdati, jamghacharanassa nam goyama! Tiriyam evatie gativisae pannatte. Jamghacharanassa nam bhamte! Uddham kevatie gativisae pannatte? Goyama! Se nam io egenam uppaenam pamdagavane samosaranam kareti, karetta tahim cheiyaim vamdati, vamditta tao padiniyattamane bitienam uppaenam namdanavane samosaranam kareti, karetta tahim cheiyaim vamdati, vamditta ihamagachchhai, agachchhitta iha cheiyaim vamdati, jamghacharanassa nam goyama! Uddham evatie gativisae pannatte. Se nam tassa thanassa analoiya-padikkamte kalam karei natthi tassa arahana. Se nam tassa thanassa aloiya-padikkamte kalam kareti atthi tassa arahana. Sevam bhamte! Sevam bhamte! Java viharai.
Sutra Meaning Transliteration : Juo sutra 801