Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104130
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१४

 Translated Chapter :

શતક-૧૪
Section : उद्देशक-८ अंतर Translated Section : ઉદ્દેશક-૮ અંતર
Sutra Number : 630 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] अत्थि णं भंते! जंभगा देवा, जंभगा देवा? हंता अत्थि। से केणट्ठेणं भंते! एवं वुच्चइ–जंभगा देवा, जंभगा देवा? गोयमा! जंभगा णं देवा निच्चं पमुदित-पक्कीलिया कंदप्परतिमोहणसीला। जे णं ते देवे कुद्धे पासेज्जा, से णं पुरिसे महंतं अयसं पाउणेज्जा। जे णं ते देवे तुट्ठे पासेज्जा, से णं महंतं जसं पाउणेज्जा। से तेणट्ठेणं गोयमा! एवं वुच्चइ–जंभगा देवा, जंभगा देवा। कतिविहा णं भंते! जंभगा देवा पन्नत्ता? गोयमा! दसविहा पन्नत्ता, तं जहा– अन्नजंभगा, पाणजंभगा, वत्थजंभगा, लेणजंभगा, सयणजंभगा, पुप्फजंभगा, फलजं-भगा, पुप्फ-फल-जंभगा, विज्जाजंभगा अवियत्तिजंभगा। जंभगा णं भंते! देवा कहिं वसहिं उवेंति? गोयमा! सव्वेसु चेव दीहवेयड्ढेसु, चित्त-विचित्त-जमगपव्वएसु, कंचणपव्वएसु य, एत्थ णं जंभगा देवा वसहिं उवेंति। जंभगाणं भंते! देवाणं केवतियं कालं ठिती पन्नत्ता? गोयमा! एगं पलिओवमं ठिती पन्नत्ता। सेवं भंते! सेवं भंते! त्ति जाव विहरइ।
Sutra Meaning : જુઓ સૂત્ર ૬૨૮
Mool Sutra Transliteration : [sutra] atthi nam bhamte! Jambhaga deva, jambhaga deva? Hamta atthi. Se kenatthenam bhamte! Evam vuchchai–jambhaga deva, jambhaga deva? Goyama! Jambhaga nam deva nichcham pamudita-pakkiliya kamdapparatimohanasila. Je nam te deve kuddhe pasejja, se nam purise mahamtam ayasam paunejja. Je nam te deve tutthe pasejja, se nam mahamtam jasam paunejja. Se tenatthenam goyama! Evam vuchchai–jambhaga deva, jambhaga deva. Kativiha nam bhamte! Jambhaga deva pannatta? Goyama! Dasaviha pannatta, tam jaha– annajambhaga, panajambhaga, vatthajambhaga, lenajambhaga, sayanajambhaga, pupphajambhaga, phalajam-bhaga, puppha-phala-jambhaga, vijjajambhaga aviyattijambhaga. Jambhaga nam bhamte! Deva kahim vasahim uvemti? Goyama! Savvesu cheva dihaveyaddhesu, chitta-vichitta-jamagapavvaesu, kamchanapavvaesu ya, ettha nam jambhaga deva vasahim uvemti. Jambhaganam bhamte! Devanam kevatiyam kalam thiti pannatta? Goyama! Egam paliovamam thiti pannatta. Sevam bhamte! Sevam bhamte! Tti java viharai.
Sutra Meaning Transliteration : Juo sutra 628