Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104008
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-११

 Translated Chapter :

શતક-૧૧
Section : उद्देशक-९ शिवराजर्षि Translated Section : ઉદ્દેશક-૯ શિવરાજર્ષિ
Sutra Number : 508 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं से सिवे रायरिसी दोच्चं छट्ठक्खमणं उवसंपज्जित्ताणं विहरइ। तए णं से सिवे रायरिसी दोच्चे छट्ठक्खमणपारणगंसि आयावणभूमीओ पच्चोरुहइ, पच्चोरुहित्ता वागलवत्थनियत्थे जेणेव सए उडए तेणेव उवागच्छइ, उवागच्छित्ता किढिण-संकाइयगं गिण्हइ, गिण्हित्ता दाहिणगं दिसं पोक्खेइ, दाहिणाए दिसाए जमे महाराया पत्थाणे पत्थियं अभिरक्खउ सिवं रायरिसिं, सेसं तं चेव जाव तओ पच्छा अप्पणा आहारमाहारेइ। तए णं से सिवे रायरिसी तच्चं छट्ठक्खमणं उवसंपज्जित्ताणं विहरइ। तए णं से सिवे रायरिसि तच्चे छट्ठक्खमणपारणगंसि आयावणभूमीओ पच्चोरुहइ, पच्चोरुहित्ता वागलवत्थनियत्थे जेणेव सए उडए तेणेव उवागच्छइ, उवागच्छित्ता किढिण-संकाइयगं गिण्हइ, गिण्हित्ता पच्चत्थिमं दिसं पोक्खेइ, पच्चत्थिमाए दिसाए वरुणे महाराया पत्थाणे पत्थियं अभिरक्खउ सिवं रायरिसिं, सेसं तं चेव जाव तओ पच्छा अप्पणा आहारमाहारेइ। तए णं से सिवे रायरिसी चउत्थं छट्ठक्खमणं उवसंपज्जित्ताणं विहरइ। तए णं से सिवे रायरिसी चउत्थे छट्ठक्खमण पारणगंसि आयावणभूमीओ पच्चोरुहइ, पच्चोरुहित्ता वागलवत्थनियत्थे जेणेव सए उडए तेणेव उवागच्छइ, उवागच्छित्ता किढिण-संकाइयगं गिण्हइ, गिण्हित्ता उत्तरदिसं पोक्खेइ, उत्तराए दिसाए वेसमणे महाराया पत्थाणे पत्थियं अभिरक्खउ सिवं रायरिसिं, सेसं तं चेव जाव तओ पच्छा अप्पणा आहारमाहारेइ। तए णं तस्स सिवस्स रायरिसिस्स छट्ठंछट्ठेणं अनिक्खित्तेणं दिसाचक्कवालेणं तवोकम्मेणं उड्ढं बाहाओ पगिज्झिय-पगिज्झिय सूराभिमुहस्स आयावणभूमीए आयावेमाणस्स पगइभद्दयाए पगइउवसंतयाए पगइपयणुकोहमाणमायालोभयाए मिउ-मद्दवसंपन्नयाए अल्लीणयाए विणीययाए अन्नया कयाइ तयावरणिज्जाणं कम्माणं खओवसमेणं ईहापूहमग्गणगवेसणं करेमाणस्स विब्भंगे नामं नाणे समुप्पन्ने। से णं तेणं विब्भंगनाणेणं समुप्पन्नेणं पासति अस्सिं लोए सत्त दीवे सत्त समुद्दे, तेण परं न जाणइ, न पासइ। तए णं तस्स सिवस्स रायरिसिस्स अयमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था–अत्थि णं ममं अतिसेसे नाणदंसणे समुप्पन्ने, एवं खलु अस्सिं लोए सत्त दीवा सत्त समुद्दा, तेण परं वोच्छिन्ना दीवा य समुद्दा य–एवं संपेहेइ, संपेहेत्ता आयावणभूमीओ पच्चोरुहइ, पच्चोरुहित्ता वागलवत्थनियत्थे जेणेव सए उडए तेणेव उवागच्छइ, उवागच्छित्ता सुबहुं लोही-लोहकडाह-कडच्छुय तंबियं तावस भंडगं किढिण-संकाइयगं च गेण्हइ, गेण्हित्ता जेणेव हत्थिणापुरे नगरे जेणेव तावसाव-सहे तेणेव उवागच्छइ, उवागच्छित्ता भंडनिक्खेवं करेइ, करेत्ता हत्थिणापुरे नगरे सिंधाडग-तिग-चउक्क-चच्चर-चउम्मुह-महापह-पहेसु बहुजणस्स एवमाइक्खइ जाव एवं परूवेइ अत्थि णं देवानुप्पिया! ममं अतिसेसे नाणदंसणे समुप्पन्ने, एवं खलु अस्सिं लोए सत्त दीवा सत्त समुद्दा, तेण परं वोच्छिन्ना दीवा य समुद्दा य। तए णं तस्स सिवस्स रायरिसिस्स अंतियं एयमट्ठं सोच्चा निसम्म हत्थिणापुरे नगरे सिंधाडग-तिग-चउक्क-चच्चर-चउम्मुह-महापह-पहेसु बहुजनो अन्नमन्नस्स एवमाइक्खइ जाव परूवेइ–एवं खलु देवानुप्पिया! सिवे रायरिसी एवमाइक्खइ जाव परूवेइ–अत्थि णं देवानुप्पिया! ममं अतिसेसे नाणदंसणे समुप्पन्ने, एवं खलु अस्सिं लोए सत्त दीवा सत्त समुद्दा, तेण परं वोच्छिन्ना दीवा य समुद्दा य। से कहमेयं मन्ने एवं? तेणं कालेणं तेणं समएणं सामी समोसढे, परिसा निग्गया। धम्मो कहिओ परिसा पडिगया। तेणं कालेणं तेणं समएणं समणस्स भगवओ महावीरस्स जेट्ठे अंतेवासी इंदभूई नामं अनगारे जहा बितियसए नियंठुद्देसए जाव घरसमुदानस्स भिक्खायरियाए अडमाणे बहुजनसद्दं निसामेइ, बहुजनो अन्नमन्नस्स एवमाइक्खइ जाव एवं परूवेइ– एवं खलु देवानुप्पिया! सिवे रायरिसि एवमाइक्खइ जाव एवं परूवेइ–अत्थि णं देवानुप्पिया! ममं अतिसेसे नाणदंसणे समुप्पन्ने, एवं खलु अस्सिं लोए सत्त दीवा सत्त समुद्दा, तेण परं वोच्छिन्ना दीवा य समुद्दा य। से कहमेयं मन्ने एवं? तए णं भगवं गोयमे बहुजणस्स अंतियं एयमट्ठं सोच्चा निसम्म जायसड्ढे जाव समणं भगवं महावीरं वंदइ नमंसइ, वंदित्ता नमंसित्ता एवं वदासी–एवं खलु भंते! अहं तुब्भेहिं अब्भणुण्णाए समाणे हत्थिणापुरे नयरे उच्चनीय-मज्झिमाणि कुलाणि घरसमुदानस्स भिक्खायरियाए अडमाणे बहुजणसद्दं निसामेमि– एवं खलु देवानुप्पिया! सिवे रायरिसी एवमाइक्खइ जाव परूवेइ–अत्थि णं देवानुप्पिया! ममं अतिसेसे नाणदंसणे समुप्पन्ने, एवं खलु अस्सिं लोए सत्त दीवा सत्त समुद्दा, तेण परं वोच्छिन्ना दीवा य समुद्दा य। से कहमेयं भंते! एवं? गोयमादि! समणे भगवं महावीरे भगवं गोयमं एवं वयासी–जण्णं गोयमा! एवं खलु एयस्स सिवस्स रायरिसिस्स छट्ठंछट्ठेणं अनिक्खितेणं दिसाचक्कवालेणं तवोकम्मेणं उड्ढं बाहाओ पगिज्झिय-पगिज्झिय सूराभिमुहस्स आयावणभूमीए आयावेमाणस्स पगइभद्दयाए पगइउवसंतयाए पगइपयणुकोहमाणमायालोभयाए मिउमद्दवसंपन्नयाए अल्लीणयाए विणीययाए अन्नया कयाइ तयावरणिज्जाणं कम्माणं खओवसमेणं ईहापूहमग्गणगवेसणं करेमाणस्स विब्भंगे नामं नाणे समुप्पन्ने। तं चेव सव्वं भाणियव्वं जाव भंड-निक्खेवं करेइ, करेत्ता हत्थिणापुरे नगरे सिंघाडग-तिग-चउक्क-चउम्मुह-महापह-पहेसु बहुजणस्स एवमाइक्खइ जाव एवं परूवेइ–अत्थि णं देवानुप्पिया! ममं अतिसेसे नाणदंसणे समुप्पन्ने, एवं खलु अस्सिं लोए सत्त दीवा सत्त समुद्दा, तेण परं वोच्छिन्ना दीवा य समुद्दा य। तए णं तस्स सिवस्स रायरिसिस्स अंतिए एयमट्ठं सोच्चा निसम्म हत्थिणापुरे नगरे सिंघाडग-तिग-चउक्क-चच्चर-चउम्मुह-महा-पह-पहेसु बहुजनो अन्नमन्नस्स एवमाइक्खइ जाव परूवेइ–एवं खलु देवानुप्पिया! सिवे रायरिसी एवमाइक्खइ जाव परूवेइ– अत्थि णं देवानुप्पिया! ममं अतिसेसे नाणदंसणे समुप्पन्ने, एवं खलु अस्सिं लोए सत्त दीवा सत्त समुद्दा, तेण परं वोच्छिन्ना दीवा य समुद्दा य, तण्णं मिच्छा। अहं पुण गोयमा! एवमाइक्खामि जाव परूवेमि–एवं खलु जंबुद्दीवादीया दीवा, लवणादीया समुद्दा संठाणओ एगविहिविहाणा, वित्थारओ अनेगविहिविहाणा एवं जहा जीवाभिगमे जाव सयंभूरमनपज्जवसाणा अस्सिं तिरियलोए असंखेज्जा दीवसमुद्दा पन्नत्ता समणाउसो! अत्थि णं भंते! जंबुद्दीवे दीवे दव्वाइं–सवण्णाइं पि, अवण्णाइं पि सगंधाइं पि अगंधाइं पि, सरसाइं पि अरसाइं पि, सफासाइं पि अफासाइं पि, अन्नमन्नबद्धाइं अन्नमन्नपुट्ठाइं अन्नमन्नबद्धपुट्ठाइं अन्नमन्नघडत्ताए चिट्ठंति? हंता अत्थि। अत्थि णं भंते! लवणसमुद्दे दव्वाइं–सवण्णाइं पि अवण्णाइं पि, सगंधाइं पि अगंधाइं पि, सरसाइं पि अरसाइं पि, सफासाइं पि अफासाइं पि अन्नमन्नबद्धाइं अन्नमन्नपुट्ठाइं अन्नमन्नबद्धपुट्ठाइं अन्नमन्न घडत्ताए चिट्ठंति? हंता अत्थि। अत्थि णं भंते! घायइसंडे दीवे दव्वाइं सवण्णाइं पि अवण्णाइं पि, सगंधाइं पि अगंधाइं पि, सरसाइं पि अरसाइं पि, सफासाइं पि अफासाइं पि अन्नमन्नबद्धाइं अन्नमन्नपुट्ठाइं अन्नमन्नबद्धपुट्ठाइं अन्नमन्नघडत्ताए चिट्ठंति? हंता अत्थि। एवं जाव– अत्थि णं भंते! सयंभूरमणसमुद्दे दव्वाइं–सवण्णाइं पि अवण्णाइं पि, सगंधाइं पि, अगंधाइं पि, सरसाइं पि अर-साइं पि, सफासाइं पि अफासाइं पि अन्नमन्नबद्धाइं अन्नमन्नपुट्ठाइं अन्नमन्नबद्धपुट्ठाइं अन्नमन्नघडत्ताए चिट्ठंति? हंता अत्थि। तए णं सा महतिमहालिया महच्चपरिसा समणस्स भगवओ महावीरस्स अंतिए एयमट्ठं सोच्चा निसम्म हट्ठतुट्ठा समणं भगवं महावीरं वंदइ नमंसइ, वंदित्ता नमंसित्ता जामेव दिसं पाउब्भूया तामेव दिसं पडिगया। तए णं हत्थिणापुरे नगरे सिंघाडग-तिग-चउक्क-चच्चर-चउम्मुह-महापह-पहेसु बहुजनो अन्नमन्नस्स एवमाइ-क्खइ जाव परूवेइ जण्णं देवानुप्पिया! सिवे रायरिसी एवमाइक्खइ जाव परूवेइ–अत्थि णं देवानुप्पिया! ममं अतिसेसे नाणदंसणे समुप्पन्ने, एवं खलु अस्सिं लोए सत्त दीवा सत्त समुद्दा, तेण परं वोच्छिन्ना दीवा य समुद्दा य। तं नो इणट्ठे समट्ठे, समणे भगवं महावीरे एवमाइक्खइ जाव परूवेइ–एवं खलु एयस्स सिवस्स रायरिसिस्स छट्ठंछट्ठेणं तं चेव जाव भंडनिक्खेवं करेइ, करेत्ता हत्थिणापुरे नगरे सिंघाडग-तिग-चउक्क-चच्चर-चउम्मुह-महापह-पहेसु बहुजणस्स एवमाइक्खइ जाव एवं परूवेइ–अत्थि णं देवानुप्पिया! ममं अतिसेसे नाणदंसणे समुप्पन्ने, एवं खलु अस्सिं लोए सत्त दीवा सत्त समुद्दा, तेण परं वोच्छिन्ना दीवा य समुद्दा य। तए णं तस्स सिवस्स रायरिसिस्स अंतियं एयमट्ठं सोच्चा निसम्म जाव तेण परं वोच्छिन्ना दीवा य समुद्दा य तण्णं मिच्छा, समणे भगवं महावीरे एवमाइक्खइ– एवं खलु जंबुद्दीवादीया दीवा लवणादीया समुद्दा तं चेव जाव असंखेज्जा दीवसमुद्दा पन्नत्ता समणाउसो! तए णं से सिवे रायरिसी बहुजणस्स अंतियं एयमट्ठं सोच्चा निसम्म संकिए कंखिए वितिगिच्छिए भेदसमावन्ने कलुससमावन्ने जाए यावि होत्था। तए णं तस्स सिवस्स रायरिसिस्स संकियस्स कंखियस्स वितिगिच्छियस्स भेदसमावन्नस्स कलुससमावन्नस्स से विभंगे नाणे खिप्पामेव परिवडिए। तए णं तस्स सिवस्स रायरिसिस्स अयमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था–एवं खलु समणे भगवं महावीरे तित्थगरे आदिगरे जाव सव्वण्णू सव्वदरिसी आगासगएणं चक्केणं जाव सहसंबवने उज्जाणे अहापडिरूवं ओग्गहं ओगिण्हित्ता संजमेणं तवसा अप्पाणं भावेमाणे विहरइ, तं महप्फलं खलु तहारूवाणं अरहंताणं भगवंताणं नामगोयस्स वि सवणयाए, किमंग पुण अभिगमन-वंदन-नमंसण-पडिपुच्छण-पज्जुवासणयाए? एगस्स वि आरियस्स धम्मियस्स सुवयणस्स सवणयाए, किमंग पुण विउलस्स अट्ठस्स गहणयाए? तं गच्छामि णं समणं भगवं महावीरं वंदामि जाव पज्जुवासामि, एयं णे इहभवे य परभवे य हियाए सुहाए खमाए निस्सेयसाए आनुगामियत्ताए भविस्सइ त्ति कट्टु एवं संपेहेइ, संपेहेत्ता जेणेव तावसावसहे तेणेव उवागच्छइ, उवागच्छित्ता तावसावसहं अनुप्पविसइ अनुप्पविसित्ता सुबहुं लोही-लोहकडाह-कडच्छुयं तंबियं तावस-भंडगं किढिण-संकाइयगं च गेण्हइ गेण्हित्ता तावसावसहाओ पडिनिक्खमइ, पडिनिक्खमित्ता पडिवडियविब्भंगे हत्थिणापुरं नगरं मज्झंमज्झेणं निग्गच्छइ, निग्गच्छित्ता जेणेव सहसंबवने उज्जाणे, जेणेव समणे भगवं महावीरे, तेणेव उवागच्छइ, उवागच्छित्ता समणं भगवं महावीरं तिक्खुत्तो वंदइ नमंसइ, वंदित्ता नमंसित्ता नच्चासन्ने नातिदूरे सुस्सूसमाणे नमंसमाणे अभिमुहे विनएणं पंजलिकडे पज्जुवासइ। तए णं समणे भगवं महावीरे सिवस्स रायरिसिस्स तीसे य महतिसहालियाए परिसाए धम्मं परिकहेइ जाव आणाए आराहए भवइ। तए णं से सिवे रायरिसी समणस्स भगवओ महावीरस्स अंतियं धम्मं सोच्चा निसम्म जहा खंदओ जाव उत्तरपुर-त्थिमं दिसीभागं अवक्कमइ, अवक्कमित्ता सुबहुं लोही-लोहकडाह-कडच्छुयं तंबियं तावसभंडगं किढिण-संकाइयगं च एगंते एडेइ, एडेत्ता सयमेव पंचमुट्ठियं लोयं करेइ, करेत्ता समणं भगवं महावीरं तिक्खुत्तो आयाहिण-पयाहिणं करेइ, करेत्ता वंदइ नमंसइ, वंदित्ता नमंसित्ता एवं जहेव उसभदत्तो तहेव पव्वइओ, तहेव एक्कारस अंगाइं अहिज्जइ, तहेव सव्वं जाव सव्वदुक्खप्पहीने।
Sutra Meaning : જુઓ સૂત્ર ૫૦૬
Mool Sutra Transliteration : [sutra] tae nam se sive rayarisi dochcham chhatthakkhamanam uvasampajjittanam viharai. Tae nam se sive rayarisi dochche chhatthakkhamanaparanagamsi ayavanabhumio pachchoruhai, pachchoruhitta vagalavatthaniyatthe jeneva sae udae teneva uvagachchhai, uvagachchhitta kidhina-samkaiyagam ginhai, ginhitta dahinagam disam pokkhei, dahinae disae jame maharaya patthane patthiyam abhirakkhau sivam rayarisim, sesam tam cheva java tao pachchha appana aharamaharei. Tae nam se sive rayarisi tachcham chhatthakkhamanam uvasampajjittanam viharai. Tae nam se sive rayarisi tachche chhatthakkhamanaparanagamsi ayavanabhumio pachchoruhai, pachchoruhitta vagalavatthaniyatthe jeneva sae udae teneva uvagachchhai, uvagachchhitta kidhina-samkaiyagam ginhai, ginhitta pachchatthimam disam pokkhei, pachchatthimae disae varune maharaya patthane patthiyam abhirakkhau sivam rayarisim, sesam tam cheva java tao pachchha appana aharamaharei. Tae nam se sive rayarisi chauttham chhatthakkhamanam uvasampajjittanam viharai. Tae nam se sive rayarisi chautthe chhatthakkhamana paranagamsi ayavanabhumio pachchoruhai, pachchoruhitta vagalavatthaniyatthe jeneva sae udae teneva uvagachchhai, uvagachchhitta kidhina-samkaiyagam ginhai, ginhitta uttaradisam pokkhei, uttarae disae vesamane maharaya patthane patthiyam abhirakkhau sivam rayarisim, sesam tam cheva java tao pachchha appana aharamaharei. Tae nam tassa sivassa rayarisissa chhatthamchhatthenam anikkhittenam disachakkavalenam tavokammenam uddham bahao pagijjhiya-pagijjhiya surabhimuhassa ayavanabhumie ayavemanassa pagaibhaddayae pagaiuvasamtayae pagaipayanukohamanamayalobhayae miu-maddavasampannayae allinayae viniyayae annaya kayai tayavaranijjanam kammanam khaovasamenam ihapuhamagganagavesanam karemanassa vibbhamge namam nane samuppanne. Se nam tenam vibbhamgananenam samuppannenam pasati assim loe satta dive satta samudde, tena param na janai, na pasai. Tae nam tassa sivassa rayarisissa ayameyaruve ajjhatthie chimtie patthie manogae samkappe samuppajjittha–atthi nam mamam atisese nanadamsane samuppanne, evam khalu assim loe satta diva satta samudda, tena param vochchhinna diva ya samudda ya–evam sampehei, sampehetta ayavanabhumio pachchoruhai, pachchoruhitta vagalavatthaniyatthe jeneva sae udae teneva uvagachchhai, uvagachchhitta subahum lohi-lohakadaha-kadachchhuya tambiyam tavasa bhamdagam kidhina-samkaiyagam cha genhai, genhitta jeneva hatthinapure nagare jeneva tavasava-sahe teneva uvagachchhai, uvagachchhitta bhamdanikkhevam karei, karetta hatthinapure nagare simdhadaga-tiga-chaukka-chachchara-chaummuha-mahapaha-pahesu bahujanassa evamaikkhai java evam paruvei atthi nam devanuppiya! Mamam atisese nanadamsane samuppanne, evam khalu assim loe satta diva satta samudda, tena param vochchhinna diva ya samudda ya. Tae nam tassa sivassa rayarisissa amtiyam eyamattham sochcha nisamma hatthinapure nagare simdhadaga-tiga-chaukka-chachchara-chaummuha-mahapaha-pahesu bahujano annamannassa evamaikkhai java paruvei–evam khalu devanuppiya! Sive rayarisi evamaikkhai java paruvei–atthi nam devanuppiya! Mamam atisese nanadamsane samuppanne, evam khalu assim loe satta diva satta samudda, tena param vochchhinna diva ya samudda ya. Se kahameyam manne evam? Tenam kalenam tenam samaenam sami samosadhe, parisa niggaya. Dhammo kahio parisa padigaya. Tenam kalenam tenam samaenam samanassa bhagavao mahavirassa jetthe amtevasi imdabhui namam anagare jaha bitiyasae niyamthuddesae java gharasamudanassa bhikkhayariyae adamane bahujanasaddam nisamei, bahujano annamannassa evamaikkhai java evam paruvei– evam khalu devanuppiya! Sive rayarisi evamaikkhai java evam paruvei–atthi nam devanuppiya! Mamam atisese nanadamsane samuppanne, evam khalu assim loe satta diva satta samudda, tena param vochchhinna diva ya samudda ya. Se kahameyam manne evam? Tae nam bhagavam goyame bahujanassa amtiyam eyamattham sochcha nisamma jayasaddhe java samanam bhagavam mahaviram vamdai namamsai, vamditta namamsitta evam vadasi–evam khalu bhamte! Aham tubbhehim abbhanunnae samane hatthinapure nayare uchchaniya-majjhimani kulani gharasamudanassa bhikkhayariyae adamane bahujanasaddam nisamemi– evam khalu devanuppiya! Sive rayarisi evamaikkhai java paruvei–atthi nam devanuppiya! Mamam atisese nanadamsane samuppanne, evam khalu assim loe satta diva satta samudda, tena param vochchhinna diva ya samudda ya. Se kahameyam bhamte! Evam? Goyamadi! Samane bhagavam mahavire bhagavam goyamam evam vayasi–jannam goyama! Evam khalu eyassa sivassa rayarisissa chhatthamchhatthenam anikkhitenam disachakkavalenam tavokammenam uddham bahao pagijjhiya-pagijjhiya surabhimuhassa ayavanabhumie ayavemanassa pagaibhaddayae pagaiuvasamtayae pagaipayanukohamanamayalobhayae miumaddavasampannayae allinayae viniyayae annaya kayai tayavaranijjanam kammanam khaovasamenam ihapuhamagganagavesanam karemanassa vibbhamge namam nane samuppanne. Tam cheva savvam bhaniyavvam java bhamda-nikkhevam karei, karetta hatthinapure nagare simghadaga-tiga-chaukka-chaummuha-mahapaha-pahesu bahujanassa evamaikkhai java evam paruvei–atthi nam devanuppiya! Mamam atisese nanadamsane samuppanne, evam khalu assim loe satta diva satta samudda, tena param vochchhinna diva ya samudda ya. Tae nam tassa sivassa rayarisissa amtie eyamattham sochcha nisamma hatthinapure nagare simghadaga-tiga-chaukka-chachchara-chaummuha-maha-paha-pahesu bahujano annamannassa evamaikkhai java paruvei–evam khalu devanuppiya! Sive rayarisi evamaikkhai java paruvei– Atthi nam devanuppiya! Mamam atisese nanadamsane samuppanne, evam khalu assim loe satta diva satta samudda, tena param vochchhinna diva ya samudda ya, tannam michchha. Aham puna goyama! Evamaikkhami java paruvemi–evam khalu jambuddivadiya diva, lavanadiya samudda samthanao egavihivihana, vittharao anegavihivihana evam jaha jivabhigame java sayambhuramanapajjavasana assim tiriyaloe asamkhejja divasamudda pannatta samanauso! Atthi nam bhamte! Jambuddive dive davvaim–savannaim pi, avannaim pi sagamdhaim pi agamdhaim pi, sarasaim pi arasaim pi, saphasaim pi aphasaim pi, annamannabaddhaim annamannaputthaim annamannabaddhaputthaim annamannaghadattae chitthamti? Hamta atthi. Atthi nam bhamte! Lavanasamudde davvaim–savannaim pi avannaim pi, sagamdhaim pi agamdhaim pi, sarasaim pi arasaim pi, saphasaim pi aphasaim pi annamannabaddhaim annamannaputthaim annamannabaddhaputthaim annamanna ghadattae chitthamti? Hamta atthi. Atthi nam bhamte! Ghayaisamde dive davvaim savannaim pi avannaim pi, sagamdhaim pi agamdhaim pi, sarasaim pi arasaim pi, saphasaim pi aphasaim pi annamannabaddhaim annamannaputthaim annamannabaddhaputthaim annamannaghadattae chitthamti? Hamta atthi. Evam java– Atthi nam bhamte! Sayambhuramanasamudde davvaim–savannaim pi avannaim pi, sagamdhaim pi, agamdhaim pi, sarasaim pi ara-saim pi, saphasaim pi aphasaim pi annamannabaddhaim annamannaputthaim annamannabaddhaputthaim annamannaghadattae chitthamti? Hamta atthi. Tae nam sa mahatimahaliya mahachchaparisa samanassa bhagavao mahavirassa amtie eyamattham sochcha nisamma hatthatuttha samanam bhagavam mahaviram vamdai namamsai, vamditta namamsitta jameva disam paubbhuya tameva disam padigaya. Tae nam hatthinapure nagare simghadaga-tiga-chaukka-chachchara-chaummuha-mahapaha-pahesu bahujano annamannassa evamai-kkhai java paruvei jannam devanuppiya! Sive rayarisi evamaikkhai java paruvei–atthi nam devanuppiya! Mamam atisese nanadamsane samuppanne, evam khalu assim loe satta diva satta samudda, tena param vochchhinna diva ya samudda ya. Tam no inatthe samatthe, samane bhagavam mahavire evamaikkhai java paruvei–evam khalu eyassa sivassa rayarisissa chhatthamchhatthenam tam cheva java bhamdanikkhevam karei, karetta hatthinapure nagare simghadaga-tiga-chaukka-chachchara-chaummuha-mahapaha-pahesu bahujanassa evamaikkhai java evam paruvei–atthi nam devanuppiya! Mamam atisese nanadamsane samuppanne, evam khalu assim loe satta diva satta samudda, tena param vochchhinna diva ya samudda ya. Tae nam tassa sivassa rayarisissa amtiyam eyamattham sochcha nisamma java tena param vochchhinna diva ya samudda ya tannam michchha, samane bhagavam mahavire evamaikkhai– evam khalu jambuddivadiya diva lavanadiya samudda tam cheva java asamkhejja divasamudda pannatta samanauso! Tae nam se sive rayarisi bahujanassa amtiyam eyamattham sochcha nisamma samkie kamkhie vitigichchhie bhedasamavanne kalusasamavanne jae yavi hottha. Tae nam tassa sivassa rayarisissa samkiyassa kamkhiyassa vitigichchhiyassa bhedasamavannassa kalusasamavannassa se vibhamge nane khippameva parivadie. Tae nam tassa sivassa rayarisissa ayameyaruve ajjhatthie chimtie patthie manogae samkappe samuppajjittha–evam khalu samane bhagavam mahavire titthagare adigare java savvannu savvadarisi agasagaenam chakkenam java sahasambavane ujjane ahapadiruvam oggaham oginhitta samjamenam tavasa appanam bhavemane viharai, tam mahapphalam khalu taharuvanam arahamtanam bhagavamtanam namagoyassa vi savanayae, kimamga puna abhigamana-vamdana-namamsana-padipuchchhana-pajjuvasanayae? Egassa vi ariyassa dhammiyassa suvayanassa savanayae, kimamga puna viulassa atthassa gahanayae? Tam gachchhami nam samanam bhagavam mahaviram vamdami java pajjuvasami, eyam ne ihabhave ya parabhave ya hiyae suhae khamae nisseyasae anugamiyattae bhavissai tti kattu evam sampehei, sampehetta jeneva tavasavasahe teneva uvagachchhai, uvagachchhitta tavasavasaham anuppavisai anuppavisitta subahum lohi-lohakadaha-kadachchhuyam tambiyam tavasa-bhamdagam kidhina-samkaiyagam cha genhai genhitta tavasavasahao padinikkhamai, padinikkhamitta padivadiyavibbhamge hatthinapuram nagaram majjhammajjhenam niggachchhai, niggachchhitta jeneva sahasambavane ujjane, jeneva samane bhagavam mahavire, teneva uvagachchhai, uvagachchhitta samanam bhagavam mahaviram tikkhutto vamdai namamsai, vamditta namamsitta nachchasanne natidure sussusamane namamsamane abhimuhe vinaenam pamjalikade pajjuvasai. Tae nam samane bhagavam mahavire sivassa rayarisissa tise ya mahatisahaliyae parisae dhammam parikahei java anae arahae bhavai. Tae nam se sive rayarisi samanassa bhagavao mahavirassa amtiyam dhammam sochcha nisamma jaha khamdao java uttarapura-tthimam disibhagam avakkamai, avakkamitta subahum lohi-lohakadaha-kadachchhuyam tambiyam tavasabhamdagam kidhina-samkaiyagam cha egamte edei, edetta sayameva pamchamutthiyam loyam karei, karetta samanam bhagavam mahaviram tikkhutto ayahina-payahinam karei, karetta vamdai namamsai, vamditta namamsitta evam jaheva usabhadatto taheva pavvaio, taheva ekkarasa amgaim ahijjai, taheva savvam java savvadukkhappahine.
Sutra Meaning Transliteration : Juo sutra 506