Sutra Navigation: Bhagavati ( ભગવતી સૂત્ર )
Search Details
| Mool File Details |
|
Anuvad File Details |
|
| Sr No : | 1103666 | ||
| Scripture Name( English ): | Bhagavati | Translated Scripture Name : | ભગવતી સૂત્ર |
| Mool Language : | Ardha-Magadhi | Translated Language : | Gujarati |
| Chapter : |
शतक-३ |
Translated Chapter : |
શતક-૩ |
| Section : | उद्देशक-१ चमर विकुर्वणा | Translated Section : | ઉદ્દેશક-૧ ચમર વિકુર્વણા |
| Sutra Number : | 166 | Category : | Ang-05 |
| Gatha or Sutra : | Sutra | Sutra Anuyog : | |
| Author : | Deepratnasagar | Original Author : | Gandhar |
| Century : | Sect : | Svetambara1 | |
| Source : | |||
| Mool Sutra : | [सूत्र] अत्थि णं भंते! तेसिं सक्कीसाणाणं देविंदाणं देवराईणं किच्चाइं करणिज्जाइं समुप्पज्जंति? हंता अत्थि। कहमिदानिं पकरेंति? गोयमा! ताहे चेव णं से सक्के देविंदे देवराया ईसानस्स देविंदस्स देवरन्नो अंतियं पाउब्भवति, ईसाने वा देविंदे देवराया सक्कस्स देविंदस्स देवरन्नो अंतियं पाउब्भवति इति भो! सक्का! देविंदा! देवराया! दाहिणड्ढलोगाहिवई! इति भो! ईसाणा! देविंदा! देवराया! उत्तरड्ढलोगाहिवई! इति भो! इति भो! त्ति ते अन्नमन्नस्स किच्चाइं करणिज्जाइं पच्चणुब्भवमाणा विहरंति। अत्थि णं भंते! तेसिं सक्कीसाणाणं देविंदाणं देवराईणं विवादा समुप्पज्जंति? हंता अत्थि। से कहमिदाणिं पकरेंति? गोयमा! ताहे चेव णं ते सक्कीसाणा देविंदा देवरायाणो सणंकुमारं देविंदं देवरायं मनसीकरेंति। तए णं से सणंकुमारे देविंदे देवराया तेहिं सक्कीसाणेहिं देविंदेहिं देवराईहिं मनसीकए समाणे खिप्पामेव सक्कीसाणाणं देविंदाणं देवराईणं अंतियं पाउब्भवति, जं से वदइ तस्स आणा-उववाय-वयण-निद्देसे चिट्ठंति। | ||
| Sutra Meaning : | જુઓ સૂત્ર ૧૬૪ | ||
| Mool Sutra Transliteration : | [sutra] atthi nam bhamte! Tesim sakkisananam devimdanam devarainam kichchaim karanijjaim samuppajjamti? Hamta atthi. Kahamidanim pakaremti? Goyama! Tahe cheva nam se sakke devimde devaraya isanassa devimdassa devaranno amtiyam paubbhavati, isane va devimde devaraya sakkassa devimdassa devaranno amtiyam paubbhavati iti bho! Sakka! Devimda! Devaraya! Dahinaddhalogahivai! Iti bho! Isana! Devimda! Devaraya! Uttaraddhalogahivai! Iti bho! Iti bho! Tti te annamannassa kichchaim karanijjaim pachchanubbhavamana viharamti. Atthi nam bhamte! Tesim sakkisananam devimdanam devarainam vivada samuppajjamti? Hamta atthi. Se kahamidanim pakaremti? Goyama! Tahe cheva nam te sakkisana devimda devarayano sanamkumaram devimdam devarayam manasikaremti. Tae nam se sanamkumare devimde devaraya tehim sakkisanehim devimdehim devaraihim manasikae samane khippameva sakkisananam devimdanam devarainam amtiyam paubbhavati, jam se vadai tassa ana-uvavaya-vayana-niddese chitthamti. | ||
| Sutra Meaning Transliteration : | Juo sutra 164 | ||