Sutra Navigation: Sthanang ( સ્થાનાંગ સૂત્ર )

Search Details

Mool File Details

Anuvad File Details

Sr No : 1103000
Scripture Name( English ): Sthanang Translated Scripture Name : સ્થાનાંગ સૂત્ર
Mool Language : Ardha-Magadhi Translated Language : Gujarati
Chapter :

स्थान-१०

 Translated Chapter :

સ્થાન-૧૦
Section : Translated Section :
Sutra Number : 1000 Category : Ang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] दसहिं ठाणेहिं सह तेयसा भासं कुज्जा, तं जहा– १. केइ तहारूवं समणं वा माहणं वा अच्चासातेज्जा, से य अच्चासातिते समाने तस्स तेयं निसिरेज्जा। से तं परितावेति, से तं परितावेत्ता तामेव सह तेयसा भासं कुज्जा। २. केइ तहारूवं समणं वा माहणं वा अच्चासातेज्जा, से य अच्चासातिते समाने देवे परिकुविए तस्स तेयं निसिरेज्जा। से तं परितावेति, से तं परितावेत्ता तामेव सह तेयसा भासं कुज्जा। ३. केइ तहारूवं समणं वा माहणं वा अच्चासातेज्जा, से य अच्चासातिते समाने परिकुविते देवेवि य परिकुविते ते दुहओ पडिण्णा तस्स तेयं निसिरेज्जा। ते तं परितावेंति, ते तं परितावेत्ता तामेव सह तेयसा भासं कुज्जा। ४. केइ तहारूवं समणं वा माहणं वा अच्चासातेज्जा, से य अच्चासातिते समाने परिकुविए तस्स तेयं निसिरेज्जा। तत्थ फोडा संमुच्छंति, ते फोडा भिज्जंति, ते फोडा भिन्ना समाना तामेव सह तेयसा भासं कुज्जा। ५. केइ तहारूवं समणं वा माहणं वा अच्चासातेज्जा, से य अच्चासातिते समाने देवे परिकुविए तस्स तेयं निसिरेज्जा। तत्थ फोडा संमुच्छंति, ते फोडा भिज्जंति, ते फोडा भिन्ना समाना तामेव सह तेयसा भासं कुज्जा। ६. केइ तहारूवं समणं वा माहणं वा अच्चासातेज्जा, से य अच्चासातिते समाने परिकुविए देवेवि य परिकुविए ते दुहओ पडिण्णा तस्स तेयं निसिरेज्जा। तत्थ फोडा संमुच्छंति, ते फोडा भिज्जंति, ते फोडा भिन्ना समानातामेव सह तेयसा भासं कुज्जा। ७. केइ तहारूवं समणं वा माहणं वा अच्चासातेज्जा, से य अच्चासातिते समानेपरिकुविए तस्स तेयं निसिरेज्जा। तत्थ फोडा संमुच्छंति, ते फोडा भिज्जंति, तत्थ पुला संमुच्छंति, ते पुला भिज्जंति, ते पुला भिन्ना समानातामेव सह तेयसा भासं कुज्जा। ८. केइ तहारूवं समणं वा माहणं वा अच्चासातेज्जा, से य अच्चासातिते समानेदेवे परिकुविए तस्स तेयं निसिरेज्जा। तत्थ फोडा संमुच्छंति, ते फोडा भिज्जंति, तत्थ पुला संमुच्छंति, ते पुला भिज्जंति, ते पुला भिन्ना समानातामेव सह तेयसा भासं कुज्जा। ९. केइ तहारूवं समणं वा माहणं वा अच्चासातेज्जा, से य अच्चासातिते समानेपरिकुविए देवेवि य परिकुविए ते दुहओ पडिण्णा तस्स तेयं निसिरेज्जा। तत्थ फोडा संमुच्छंति, तत्थ पुला संमुच्छंति, ते पुला भिज्जंति, ते पुला भिन्ना समानातामेव सह तेयसा भासं कुज्जा। १०. केइ तहारूवं समणं वा माहणं वा अच्चासातेमाने तेयं निसिरेज्जा, से य तत्थ नो कम्मति, नो पकम्मति, अंचिअंचियं करेति, करेत्ता आयाहिण-पयाहिणं करेति, करेत्ता उड्ढं वेहासं उप्पतति, उप्पतेत्ता से णं ततो पडिहते पडिनियत्तति, पडिनियत्तिता तमेव सरीरगं अनुदहमाने-अनुदहमाने सह तेयसा भासं कुज्जा– जहा वा गोसालस्स मंखलिपुत्तस्स तवेतेए।
Sutra Meaning : જુઓ સૂત્ર ૯૯૭
Mool Sutra Transliteration : [sutra] dasahim thanehim saha teyasa bhasam kujja, tam jaha– 1. Kei taharuvam samanam va mahanam va achchasatejja, se ya achchasatite samane tassa teyam nisirejja. Se tam paritaveti, se tam paritavetta tameva saha teyasa bhasam kujja. 2. Kei taharuvam samanam va mahanam va achchasatejja, se ya achchasatite samane deve parikuvie tassa teyam nisirejja. Se tam paritaveti, se tam paritavetta tameva saha teyasa bhasam kujja. 3. Kei taharuvam samanam va mahanam va achchasatejja, se ya achchasatite samane parikuvite devevi ya parikuvite te duhao padinna tassa teyam nisirejja. Te tam paritavemti, te tam paritavetta tameva saha teyasa bhasam kujja. 4. Kei taharuvam samanam va mahanam va achchasatejja, se ya achchasatite samane parikuvie tassa teyam nisirejja. Tattha phoda sammuchchhamti, te phoda bhijjamti, te phoda bhinna samana tameva saha teyasa bhasam kujja. 5. Kei taharuvam samanam va mahanam va achchasatejja, se ya achchasatite samane deve parikuvie tassa teyam nisirejja. Tattha phoda sammuchchhamti, te phoda bhijjamti, te phoda bhinna samana tameva saha teyasa bhasam kujja. 6. Kei taharuvam samanam va mahanam va achchasatejja, se ya achchasatite samane parikuvie devevi ya parikuvie te duhao padinna tassa teyam nisirejja. Tattha phoda sammuchchhamti, te phoda bhijjamti, te phoda bhinna samanatameva saha teyasa bhasam kujja. 7. Kei taharuvam samanam va mahanam va achchasatejja, se ya achchasatite samaneparikuvie tassa teyam nisirejja. Tattha phoda sammuchchhamti, te phoda bhijjamti, tattha pula sammuchchhamti, te pula bhijjamti, te pula bhinna samanatameva saha teyasa bhasam kujja. 8. Kei taharuvam samanam va mahanam va achchasatejja, se ya achchasatite samanedeve parikuvie tassa teyam nisirejja. Tattha phoda sammuchchhamti, te phoda bhijjamti, tattha pula sammuchchhamti, te pula bhijjamti, te pula bhinna samanatameva saha teyasa bhasam kujja. 9. Kei taharuvam samanam va mahanam va achchasatejja, se ya achchasatite samaneparikuvie devevi ya parikuvie te duhao padinna tassa teyam nisirejja. Tattha phoda sammuchchhamti, tattha pula sammuchchhamti, te pula bhijjamti, te pula bhinna samanatameva saha teyasa bhasam kujja. 10. Kei taharuvam samanam va mahanam va achchasatemane teyam nisirejja, se ya tattha no kammati, no pakammati, amchiamchiyam kareti, karetta ayahina-payahinam kareti, karetta uddham vehasam uppatati, uppatetta se nam tato padihate padiniyattati, padiniyattita tameva sariragam anudahamane-anudahamane saha teyasa bhasam kujja– jaha va gosalassa mamkhaliputtassa tavetee.
Sutra Meaning Transliteration : Juo sutra 997