Sutra Navigation: Sthanang ( સ્થાનાંગ સૂત્ર )

Search Details

Mool File Details

Anuvad File Details

Sr No : 1102682
Scripture Name( English ): Sthanang Translated Scripture Name : સ્થાનાંગ સૂત્ર
Mool Language : Ardha-Magadhi Translated Language : Gujarati
Chapter :

स्थान-७

 Translated Chapter :

સ્થાન-૭
Section : Translated Section :
Sutra Number : 682 Category : Ang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] चमरस्स णं असुरिंदस्स असुरकुमाररण्णो सत्त अनिया, सत्त अनियाधिपती पन्नत्ता, तं जहा–पायत्ताणिए, पीढाणिए, कुंजराणिए, महिसाणिए, रहाणिए, नट्टाणिए, गंधव्वाणिए। दुमे पायत्तानियाधिवती, सोदामे आसराया पीढानियाधिवती, कुंथू हत्थिराया कुंजरानियाधिवती, लोहितक्खे महिसानियाधिवती, किन्नरे रधाणियाधिवति, रिट्ठे नट्टानियाधिवती, गीतरती गंधव्वा-नियाधिवती। बलिस्स णं वइरोयणिंदस्स वइरोयणरण्णो सत्ताणिया, सत्त अनियाधिपती पन्नत्ता, तं जहा–पायत्ताणिए जाव गंधव्वाणिए। महद्दुमे पायत्तानियाधिवती जाव किंपुरिसे रधानियाधिपति, महारिट्ठे नट्टानियाधिवती, गीतजसे गंधव्वानियाधिवती। धरणस्स णं नागकुमारिंदस्स नागकुमाररण्णो सत्त अनिया, सत्त अनियाधिवती पन्नत्ता, तं जहा–पायत्ताणिए जाव गंधव्वाणिए। भद्दसेणे पायत्तानियाधिवती जाव आणंदे रधानियाधिवती, नंदने नट्टानियाधिवती, तेतली गंधव्वानियाधिवती। भूतानंदस्स णं नागकुमारिंदस्स नागकुमाररण्णो सत्त अनिया, सत्त अनियाहिवई पन्नत्ता, तं जहा–पायत्ताणिए जाव गंधव्वाणिए। दक्खे पायत्तानियाहिवती जाव नंदुत्तरे रहाणिया० रती नट्टाणियाहिवई, मानसे गंधव्वानियाहिवई। जधा धरणस्स तधा सव्वेसिं दाहिणिल्लाणं जाव घोसस्स। जधा भूतानंदस्स तधा सव्वेसिं उत्तरिल्लाणं जाव महाघोसस्स। सक्कस्स णं देविंदस्स देवरन्नो सत्त अनिया, सत्त अनियाहिवती पन्नत्ता, तं जहा– पायत्ताणिए जाव रहाणिए, नट्टाणिए, गंधव्वाणिए। हरिणेगमेसी पायत्तानियाधिवती जाव माढरे रधानियाधिवती, सेते नट्टानियाहिवती, तुंबुरु गंधव्वा-नियाधिवती। ईसानस्स णं देविंदस्स देवरन्नो सत्त अनिया, सत्त अनियाहिवई पन्नत्ता, तं जहा–पायत्ताणिए जाव गंधव्वाणिए। लहुपरक्कमे पायत्तानियाहिवती जाव महासेते णट्टानियाहिवती, रत्ते गंधव्वानिताधिपती। जधा सक्कस्स तहा सव्वेसिं दाहिणिल्लाणं जाव आरणस्स। जधा ईसानस्स तहा सव्वेसिं उत्तरिल्लाणं जाव अच्चुतस्स। चमरस्स णं असुरिंदस्स असुरकुमाररण्णो दुमस्स पायत्तानियाधिपतिस्स सत्त कच्छाओ पन्नत्ताओ, तं जहा–पढमा कच्छा जाव सत्तमा कच्छा।
Sutra Meaning : જુઓ સૂત્ર ૬૭૨
Mool Sutra Transliteration : [sutra] chamarassa nam asurimdassa asurakumararanno satta aniya, satta aniyadhipati pannatta, tam jaha–payattanie, pidhanie, kumjaranie, mahisanie, rahanie, nattanie, gamdhavvanie. Dume payattaniyadhivati, sodame asaraya pidhaniyadhivati, kumthu hatthiraya kumjaraniyadhivati, lohitakkhe mahisaniyadhivati, kinnare radhaniyadhivati, ritthe nattaniyadhivati, gitarati gamdhavva-niyadhivati. Balissa nam vairoyanimdassa vairoyanaranno sattaniya, satta aniyadhipati pannatta, tam jaha–payattanie java gamdhavvanie. Mahaddume payattaniyadhivati java kimpurise radhaniyadhipati, maharitthe nattaniyadhivati, gitajase gamdhavvaniyadhivati. Dharanassa nam nagakumarimdassa nagakumararanno satta aniya, satta aniyadhivati pannatta, tam jaha–payattanie java gamdhavvanie. Bhaddasene payattaniyadhivati java anamde radhaniyadhivati, namdane nattaniyadhivati, tetali gamdhavvaniyadhivati. Bhutanamdassa nam nagakumarimdassa nagakumararanno satta aniya, satta aniyahivai pannatta, tam jaha–payattanie java gamdhavvanie. Dakkhe payattaniyahivati java namduttare rahaniya0 rati nattaniyahivai, manase gamdhavvaniyahivai. Jadha dharanassa tadha savvesim dahinillanam java ghosassa. Jadha bhutanamdassa tadha savvesim uttarillanam java mahaghosassa. Sakkassa nam devimdassa devaranno satta aniya, satta aniyahivati pannatta, tam jaha– payattanie java rahanie, nattanie, gamdhavvanie. Harinegamesi payattaniyadhivati java madhare radhaniyadhivati, sete nattaniyahivati, tumburu gamdhavva-niyadhivati. Isanassa nam devimdassa devaranno satta aniya, satta aniyahivai pannatta, tam jaha–payattanie java gamdhavvanie. Lahuparakkame payattaniyahivati java mahasete nattaniyahivati, ratte gamdhavvanitadhipati. Jadha sakkassa taha savvesim dahinillanam java aranassa. Jadha isanassa taha savvesim uttarillanam java achchutassa. Chamarassa nam asurimdassa asurakumararanno dumassa payattaniyadhipatissa satta kachchhao pannattao, tam jaha–padhama kachchha java sattama kachchha.
Sutra Meaning Transliteration : Juo sutra 672