Sutra Navigation: Upasakdashang ( उपासक दशांग सूत्र )

Search Details

Mool File Details

Anuvad File Details

Sr No : 1005136
Scripture Name( English ): Upasakdashang Translated Scripture Name : उपासक दशांग सूत्र
Mool Language : Ardha-Magadhi Translated Language : Hindi
Chapter :

अध्ययन-५ चुल्लशतक

 Translated Chapter :

अध्ययन-५ चुल्लशतक
Section : Translated Section :
Sutra Number : 36 Category : Ang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] से वि य आगासे उप्पइए, तेण य खंभे आसाइए, महया-महया सद्देणं कोलाहले कए। तए णं सा बहुला भारिया तं कोलाहलसद्दं सोच्चा निसम्म जेणेव चुल्लसयए समणोवासए तेणेव उवागच्छइ, उवागच्छित्ता चुल्लसयगं समणोवासयं एवं वयासी–किण्णं देवानुप्पिया! तुब्भे णं महया-महया सद्देणं कोलाहले कए? तए णं से चुल्लसयए समणोवासए बहुलं भारियं एवं वयासी–एवं खलु बहुले! न याणामि के वि पुरिसे आसुरत्ते रुट्ठे कुविए चंडिक्किए मिसिमिसीयमाणे एगं महं नीलुप्पल-गवलगुलिय-अयसिकुसुमप्पगासं खुरधारं असिं गहाय ममं एवं वयासी–हंभो! चुल्लसयगा! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज जेट्ठपुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता सत्त मंससोल्ले करेमि, करेत्ता आदानभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं अहं तेणं पुरिसेणं एवं वुत्ते समाणे अभीए जाव विहरामि। तए णं से पुरिसे ममं अभीयं जाव पासइ, पासित्ता ममं दोच्चं पि तच्चं पि एवं वयासी–हंभो! सुरादेवा! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो जाव तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं अहं तेणं पुरिसेणं दोच्चं पि तच्चं पि एवं वुत्ते समाणे अभीए जाव विहरामि। तए णं से पुरिसे ममं अभीयं जाव पासइ, पासित्ता आसुरत्ते रुट्ठे कुविए चंडिक्किए मिसिमिसीयमाणे ममं जेट्ठपुत्तं गिहाओ नीणेइ, नीणेत्ता मम अग्गओ घाएइ, घाएत्ता सत्त मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता ममं गायं मंसेण य सोणिएण य आइंचइ। तए णं अहं तं उज्जलं जाव वेयणं सम्मं सहामि खमामि तितिक्खामि अहियासेमि। एवं मज्झिमं पुत्तं जाव वेयणं सम्मं सहामि खमामि तितिक्खामि अहियासेमि। एवं कनीयस्सं पुत्तं जाव वेयणं सम्मं सहामि खमामि तितिक्खामि अहियासेमि। तए णं से पुरिसे ममं अभीयं जाव पासइ, पासित्ता ममं चउत्थं पि एवं वयासी–हंभो! चुल्लसयगा! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज जाओ इमाओ छ हिरण्णकोडीओ निहाणपउत्ताओ, छ हिरण्णकोडीओ वड्ढिपउत्ताओ, छ हिरण्णकोडीओ पवित्थरपउत्ताओ, ताओ साओ गिहाओ नीणेमि, नीणेत्ता आलभियाए नयरीए सिंघाडग-तिय-चउक्क-चच्चर-चउम्मुह-महापहपहेसु सव्वओ समंता विप्पइरामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं अहं तेणं पुरिसेणं एवं वुत्ते समाणे अभीए जाव विहरामि। तए णं से पुरिसे ममं अभीयं जाव पासइ, पासित्ता दोच्चं पि तच्चं पि ममं एवं वयासी–हंभो! चुल्लसयगा! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो जाव तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं तेणं पुरिसेणं दोच्चं पि तच्चं पि ममं एवं वुत्तस्स समाणस्स अयमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था–अहो णं इमे पुरिसे अनारिए अनारियबुद्धी अनारियाइं पावाइं कम्माइं समाचरति, जे णं ममं जेट्ठं पुत्तं साओ गिहाओ नीणेइ, नीणेत्ता मम अग्गओ घाएइ, घाएत्ता सत्त मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता ममं गायं मंसेण य सोणिएण य आइंचइ, जे णं ममं मज्झिमं पुत्तं साओ गिहाओ नीणेइ, नीणेत्ता मम अग्गओ घाएइ, घाएत्ता सत्त मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता ममं गायं मंसेण य सोणिएण य आइंचइ, जे णं मम कनीयसं पुत्तं साओ गिहाओ नीणेइ, नीणेत्ता मम अग्गओ घाएइ, घाएत्ता सत्त मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता ममं गायं मंसेण य सोणिएण य आइंचइ, जाओ वि य णं इमाओ ममं छ हिरण्णकोडीओ निहाणपउत्ताओ, छ हिरण्णकोडीओ वड्ढिपउत्ताओ, छ हिरण्णकोडीओ पवित्थरपउत्ताओ, ताओ वि य णं इच्छइ ममं साओ गिहाओ नीणेत्ता आलभियाए नयरीए सिंघाडग-तिय-चउक्क-चच्चर-चउम्मुह-महापहपहेसु सव्वओ समंता विप्पइरित्तए, तं सेयं खलु ममं एयं पुरिसं गिण्हित्तए त्ति कट्टु उद्धाविए, से वि य आगासे उप्पइए, मए वि य खंभे आसाइए, महया-महया सद्देणं कोलाहले कए। तए णं सा बहुला भारिया चुल्लसयगं समणोवासयं एवं वयासी–नो खलु केइ पुरिसे तव जेट्ठपुत्तं साओ गिहाओ नीणेइ, नीणेत्ता तव अग्गओ घाएइ, नो खलु केइ पुरिसे तव मज्झिमं पुत्तं साओ गिहाओ नीणेइ, नीणेत्ता तव अग्गओ घाएइ, नो खलु केइ पुरिसे तव कनीयसं पुत्तं साओ गिहाओ नीणेइ, नीणेत्ता तव अग्गओ घाएइ, नो खलु देवानुप्पिया! तुब्भं के वि पुरिसे तव छ हिरण्णकोडीओ निहाणपउत्ताओ, छ हिरण्णकोडीओ वड्ढिपउत्ताओ, छ हिरण्णकोडीओ पवित्थरपउत्ताओ, साओ गिहाओ नीणेत्ता आलभियाए नयरीए सिंघाडग-तिय-चउक्क-चच्चर-चउम्मुह-महापहपहेसु सव्वओ समंता विप्पइरइ, एस णं केइ पुरिसे तव उवसग्गं करेइ, एस णं तुमे विदरिसणे दिट्ठे, तं णं तुमं इयाणिं भग्गवए भग्गनियमे भग्गपोसहे विहरसि। तं णं तुमं पिया! एयस्स ठाणस्स आलोएहि पडिक्कमाहि निंदाहि गरिहाहि विउट्टाहि विसोहेहि अकरणयाए अब्भुट्ठाहि अहारिहं पायच्छित्तं तवोकम्मं पडिवज्जाहि। तए णं से चुल्लसयए समणोवासए बहुलाए भारियाए तह त्ति एयमट्ठं विनएणं पडिसुणेइ, पडिसुणेत्ता तस्स ठाणस्स आलोएइ पडिक्कमइ निंदइ गरिहइ विउट्टइ विसोहेइ अकरणयाए अब्भुट्ठेइ अहारिहं पायच्छित्तं तवोकम्मं पडिवज्जइ। तए णं से चुल्लसयए समणोवासए पढमं उवासगपडिमं उवसंपज्जित्ता णं विहरइ। तए णं से चुल्लसयए समणोवासए पढमं उवासगपडिमं अहासुत्तं अहाकप्पं अहामग्गं अहातच्चं सम्मं काएणं फासेइ पालेइ सोहेइ तीरेइ कित्तेइ आराहेइ। तए णं से चुल्लसयए समणोवासए दोच्चं उवासगपडिमं, एवं तच्चं, चउत्थं, पंचमं, छट्ठं, सत्तमं, अट्ठमं, नवमं, दसमं, एक्कारसमं उवासगपडिमं अहासुत्तं अहाकप्पं अहामग्गं अहातच्चं सम्मं काएणं फासेइ पालेइ सोहेइ तीरेइ कित्तेइ आराहेइ। तए णं से चुल्लसयए समणोवासए तेणं ओरालेणं विउलेणं पयत्तेणं पग्गहिएणं तवोकम्मेणं सुक्के लुक्खे निम्मंसे अट्ठिचम्मावणद्धे किडिकिडियाभूए किसे धमणिसंतए जाए। तए णं तस्स चुल्लसयगस्स समणोवासगस्स अन्नदा कदाइ पुव्वरत्तावरत्तकालसमयंसि धम्मजागरियं जागरमाणस्स अयं अज्झत्थिए चिंतिए पत्थिए मनोगए संकप्पे समुप्पज्जित्था–एवं खलु अहं इमेणं एयारूवेणं ओरालेणं विउलेणं पयत्तेणं पग्गहिएणं तवोकम्मेणं सुक्के लुक्खे निम्मंसे अट्ठिचम्मावणद्धे किडिकिडियाभूए किसे धमणिसंतए जाए। तं अत्थि ता मे उट्ठाणे कम्मे बले वीरिए पुरिसक्कार-परक्कमे सद्धा-धिइ-संवेगे, तं जावता मे अत्थि उट्ठाणे कम्मे बले वीरिए पुरिसक्कार-परक्कमे सद्धा-धिइ-संवेगे, जाव य मे धम्मायरिए धम्मोवएसए समणे भगवं महावीरे जिणे सुहत्थी विहरइ, तावता मे सेयं कल्ला पाउप्पभायाए रयणीए जाव उट्ठियम्मि सूरे सहस्सरस्सिम्मि दिनयरे तेयसं जलंते अपच्छिममारणंतियसंलेहणा-ज्झूसणा-ज्झूसियस्स भत्तपान-पडिया-इक्खियस्स कालं अणवकंख-माणस्स विहरित्तए–एवं संपेहेइ, संपेहेत्ता कल्लं पाउप्पभायाए रयणीए जाव उट्ठियम्मि सूरे सहस्सरस्सिम्मि दिनयरे तेयसा जलंते अपच्छिममारणंतियसंलेहणा-ज्झूसणा-ज्झूसिए भत्तपान-पडियाइक्खिए कालं अणवकंखमाणे विहरइ तए णं से चुल्लसयए समणोवासए बहूहिं सील-व्वय-गुण-वेरमण-पच्चक्खाण-पोसहोववासेहिं अप्पाणं भावेत्ता, वीसं वासाइं समणोवासगपरियागं पाउणित्ता, एक्कारस य उवासगपडिमाओ सम्मं काएणं फासित्ता, मासियाए संलेहणाए अत्ताणं ज्झूसित्ता, सट्ठिं भत्ताइं अनसणाए छेदेत्ता, आलोइय-पडिक्कंते, समाहिपत्ते, कालमासे कालं किच्चा सोहम्मे कप्पे अरुणसिद्धे विमाणे देवत्ताए उववन्ने। तत्थ णं अत्थेगइयाणं देवाणं चत्तारि पलिओवमाइं ठिई पन्नत्ता। चुल्लसयगस्स वि देवस्स चत्तारि पलिओवमाइं ठिई पन्नत्ता। से णं भंते! चुल्लसयए ताओ देवलोगाओ आउक्खएणं भवक्खएणं ठिइक्खएणं अनंतरं चयं चइत्ता कहिं गमिहिइ? कहिं उववज्जिहिइ? गोयमा! महाविदेहे वासे सिज्झिहिइ बुज्झिहिइ मुच्चिहिइ सव्वदुक्खाणमंतं काहिइ। एवं खलु जंबू! समणेणं भगवया महावीरेणं उवासगदसाणं पंचमस्स अज्झयणस्स अयमट्ठे पन्नत्ते।
Sutra Meaning : MISSING_TEXT_IN_ORIGINAL
Mool Sutra Transliteration : [sutra] se vi ya agase uppaie, tena ya khambhe asaie, mahaya-mahaya saddenam kolahale kae. Tae nam sa bahula bhariya tam kolahalasaddam sochcha nisamma jeneva chullasayae samanovasae teneva uvagachchhai, uvagachchhitta chullasayagam samanovasayam evam vayasi–kinnam devanuppiya! Tubbhe nam mahaya-mahaya saddenam kolahale kae? Tae nam se chullasayae samanovasae bahulam bhariyam evam vayasi–evam khalu bahule! Na yanami ke vi purise asuratte rutthe kuvie chamdikkie misimisiyamane egam maham niluppala-gavalaguliya-ayasikusumappagasam khuradharam asim gahaya mamam evam vayasi–hambho! Chullasayaga! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja jetthaputtam sao gihao ninemi, ninetta tava aggao ghaemi, ghaetta satta mamsasolle karemi, karetta adanabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam aham tenam purisenam evam vutte samane abhie java viharami. Tae nam se purise mamam abhiyam java pasai, pasitta mamam dochcham pi tachcham pi evam vayasi–hambho! Suradeva! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to java tumam atta-duhatta-vasatte akale cheva jiviyao vavarovijjasi. Tae nam aham tenam purisenam dochcham pi tachcham pi evam vutte samane abhie java viharami. Tae nam se purise mamam abhiyam java pasai, pasitta asuratte rutthe kuvie chamdikkie misimisiyamane mamam jetthaputtam gihao ninei, ninetta mama aggao ghaei, ghaetta satta mamsasolle karei, karetta adanabhariyamsi kadahayamsi addahei, addahetta mamam gayam mamsena ya soniena ya aimchai. Tae nam aham tam ujjalam java veyanam sammam sahami khamami titikkhami ahiyasemi. Evam majjhimam puttam java veyanam sammam sahami khamami titikkhami ahiyasemi. Evam kaniyassam puttam java veyanam sammam sahami khamami titikkhami ahiyasemi. Tae nam se purise mamam abhiyam java pasai, pasitta mamam chauttham pi evam vayasi–hambho! Chullasayaga! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja jao imao chha hirannakodio nihanapauttao, chha hirannakodio vaddhipauttao, chha hirannakodio pavittharapauttao, tao sao gihao ninemi, ninetta alabhiyae nayarie simghadaga-tiya-chaukka-chachchara-chaummuha-mahapahapahesu savvao samamta vippairami, jaha nam tumam atta-duhatta-vasatte akale cheva jiviyao vavarovijjasi. Tae nam aham tenam purisenam evam vutte samane abhie java viharami. Tae nam se purise mamam abhiyam java pasai, pasitta dochcham pi tachcham pi mamam evam vayasi–hambho! Chullasayaga! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to java tumam atta-duhatta-vasatte akale cheva jiviyao vavarovijjasi. Tae nam tenam purisenam dochcham pi tachcham pi mamam evam vuttassa samanassa ayameyaruve ajjhatthie chimtie patthie manogae samkappe samuppajjittha–aho nam ime purise anarie anariyabuddhi anariyaim pavaim kammaim samacharati, je nam mamam jettham puttam sao gihao ninei, ninetta mama aggao ghaei, ghaetta satta mamsasolle karei, karetta adanabhariyamsi kadahayamsi addahei, addahetta mamam gayam mamsena ya soniena ya aimchai, je nam mamam majjhimam puttam sao gihao ninei, ninetta mama aggao ghaei, ghaetta satta mamsasolle karei, karetta adanabhariyamsi kadahayamsi addahei, addahetta mamam gayam mamsena ya soniena ya aimchai, je nam mama kaniyasam puttam sao gihao ninei, ninetta mama aggao ghaei, ghaetta satta mamsasolle karei, karetta adanabhariyamsi kadahayamsi addahei, addahetta mamam gayam mamsena ya soniena ya aimchai, jao vi ya nam imao mamam chha hirannakodio nihanapauttao, chha hirannakodio vaddhipauttao, chha hirannakodio pavittharapauttao, tao vi ya nam ichchhai mamam sao gihao ninetta alabhiyae nayarie simghadaga-tiya-chaukka-chachchara-chaummuha-mahapahapahesu savvao samamta vippairittae, tam seyam khalu mamam eyam purisam ginhittae tti kattu uddhavie, se vi ya agase uppaie, mae vi ya khambhe asaie, mahaya-mahaya saddenam kolahale kae. Tae nam sa bahula bhariya chullasayagam samanovasayam evam vayasi–no khalu kei purise tava jetthaputtam sao gihao ninei, ninetta tava aggao ghaei, no khalu kei purise tava majjhimam puttam sao gihao ninei, ninetta tava aggao ghaei, no khalu kei purise tava kaniyasam puttam sao gihao ninei, ninetta tava aggao ghaei, no khalu devanuppiya! Tubbham ke vi purise tava chha hirannakodio nihanapauttao, chha hirannakodio vaddhipauttao, chha hirannakodio pavittharapauttao, sao gihao ninetta alabhiyae nayarie simghadaga-tiya-chaukka-chachchara-chaummuha-mahapahapahesu savvao samamta vippairai, esa nam kei purise tava uvasaggam karei, esa nam tume vidarisane ditthe, tam nam tumam iyanim bhaggavae bhagganiyame bhaggaposahe viharasi. Tam nam tumam piya! Eyassa thanassa aloehi padikkamahi nimdahi garihahi viuttahi visohehi akaranayae abbhutthahi ahariham payachchhittam tavokammam padivajjahi. Tae nam se chullasayae samanovasae bahulae bhariyae taha tti eyamattham vinaenam padisunei, padisunetta tassa thanassa aloei padikkamai nimdai garihai viuttai visohei akaranayae abbhutthei ahariham payachchhittam tavokammam padivajjai. Tae nam se chullasayae samanovasae padhamam uvasagapadimam uvasampajjitta nam viharai. Tae nam se chullasayae samanovasae padhamam uvasagapadimam ahasuttam ahakappam ahamaggam ahatachcham sammam kaenam phasei palei sohei tirei kittei arahei. Tae nam se chullasayae samanovasae dochcham uvasagapadimam, evam tachcham, chauttham, pamchamam, chhattham, sattamam, atthamam, navamam, dasamam, ekkarasamam uvasagapadimam ahasuttam ahakappam ahamaggam ahatachcham sammam kaenam phasei palei sohei tirei kittei arahei. Tae nam se chullasayae samanovasae tenam oralenam viulenam payattenam paggahienam tavokammenam sukke lukkhe nimmamse atthichammavanaddhe kidikidiyabhue kise dhamanisamtae jae. Tae nam tassa chullasayagassa samanovasagassa annada kadai puvvarattavarattakalasamayamsi dhammajagariyam jagaramanassa ayam ajjhatthie chimtie patthie manogae samkappe samuppajjittha–evam khalu aham imenam eyaruvenam oralenam viulenam payattenam paggahienam tavokammenam sukke lukkhe nimmamse atthichammavanaddhe kidikidiyabhue kise dhamanisamtae jae. Tam atthi ta me utthane kamme bale virie purisakkara-parakkame saddha-dhii-samvege, tam javata me atthi utthane kamme bale virie purisakkara-parakkame saddha-dhii-samvege, java ya me dhammayarie dhammovaesae samane bhagavam mahavire jine suhatthi viharai, tavata me seyam kalla pauppabhayae rayanie java utthiyammi sure sahassarassimmi dinayare teyasam jalamte apachchhimamaranamtiyasamlehana-jjhusana-jjhusiyassa bhattapana-padiya-ikkhiyassa kalam anavakamkha-manassa viharittae–evam sampehei, sampehetta kallam pauppabhayae rayanie java utthiyammi sure sahassarassimmi dinayare teyasa jalamte apachchhimamaranamtiyasamlehana-jjhusana-jjhusie bhattapana-padiyaikkhie kalam anavakamkhamane viharai Tae nam se chullasayae samanovasae bahuhim sila-vvaya-guna-veramana-pachchakkhana-posahovavasehim appanam bhavetta, visam vasaim samanovasagapariyagam paunitta, ekkarasa ya uvasagapadimao sammam kaenam phasitta, masiyae samlehanae attanam jjhusitta, satthim bhattaim anasanae chhedetta, aloiya-padikkamte, samahipatte, kalamase kalam kichcha sohamme kappe arunasiddhe vimane devattae uvavanne. Tattha nam atthegaiyanam devanam chattari paliovamaim thii pannatta. Chullasayagassa vi devassa chattari paliovamaim thii pannatta. Se nam bhamte! Chullasayae tao devalogao aukkhaenam bhavakkhaenam thiikkhaenam anamtaram chayam chaitta kahim gamihii? Kahim uvavajjihii? Goyama! Mahavidehe vase sijjhihii bujjhihii muchchihii savvadukkhanamamtam kahii. Evam khalu jambu! Samanenam bhagavaya mahavirenam uvasagadasanam pamchamassa ajjhayanassa ayamatthe pannatte.
Sutra Meaning Transliteration : MishshinngteXtinoriinginal