Sutra Navigation: Upasakdashang ( उपासक दशांग सूत्र )

Search Details

Mool File Details

Anuvad File Details

Sr No : 1005135
Scripture Name( English ): Upasakdashang Translated Scripture Name : उपासक दशांग सूत्र
Mool Language : Ardha-Magadhi Translated Language : Hindi
Chapter :

अध्ययन-५ चुल्लशतक

 Translated Chapter :

अध्ययन-५ चुल्लशतक
Section : Translated Section :
Sutra Number : 35 Category : Ang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं तस्स चुल्लसयगस्स समणोवासयस्स पुव्वरत्तावरत्तकालसमयंसि एगे देवे अंतियं पाउब्भूए। तए णं से देवे एगं महं नीलुप्पल-गवलगुलिय-अयसिकुसुमप्पगासं खुरधारं असिं गहायं एवं वयासी–हंभो! चुल्लसयगा! समणोवासया! अप्पत्थियपत्थिया! दुरंत-पंत-लक्खणा! हीणपुण्णचाउद्दसिया! सिरि-हिरि-धिइ-कित्ति-परिवज्जिया धम्मकामया! पुण्णकामया! सग्गकामया! मोक्खकामया! धम्मकंखिया! पुण्णकंखिया! सग्गकंखिया! मोक्खकंखिया! धम्म पिवासिया! पुण्णपिवासिया! सग्गपिवासिया! मोक्खपिवासिया! नो खलु कप्पइ तव देवानुप्पिया! सीलाइं वयाइं वेरमणाइं पच्चक्खाणाइं पोसहोववासाइं चालित्तए वा खोभित्तए वा खंडित्तए वा भंजित्तए वा उज्झित्तए वा परिच्चइत्तए वा, तं जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज जेट्ठपुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता सत्त मंससोल्ले करेमि, करेत्ता आदानभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं से चुल्लसयए समणोवासए तेणं देवेणं एवं वुत्ते समाणे अभीए अतत्थे अणुव्विग्गे अखुभिए अचलिए असंभंते तुसिणीए धम्मज्झाणोवगए विहरइ। तए णं से देवे चुल्लसयगं समणोवासयं अभीयं अतत्थं अणुव्विग्गं अखुभियं अचलियं असंभंतं तुसिणीयं धम्म-ज्झाणोवगयं विहरमाणं पासइ, पासित्ता दोच्चं पि तच्चं पि चुल्लसययं समणोवासयं एवं वयासी–हंभो! चुल्लसयगा! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज जेट्ठ-पुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता सत्त मंससोल्ले करेमि, करेत्ता आदानभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं से चुल्लसयए समणोवासए तेणं देवेणं दोच्चं पि तच्चं पि एवं वुत्ते समाणे अभीए जाव विहरइ। तए णं से देवे चुल्लसयगं समणोवासयं अभीयं जाव पासइ, पासित्ता आसुरत्ते रुट्ठे कुविए चंडिक्किए मिसिमिसीयमाणे चुल्लसयगस्स समणोवासयस्स जेट्ठपुत्तं गिहाओ नीणेइ, नीणेत्ता अग्गओ घाएइ, घाएत्ता सत्त मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता चुल्लसयगस्स समणोवासयस्स गायं मंसेण य सोणिएण य आइंचइ। तए णं से चुल्लसयए समणोवासए तं उज्जलं विउलं कक्कसं पगाढं चंडं दुक्खं दुरहियासं वेयणं सम्मं सहइ खमइ तितिक्खइ अहियासेइ। तए णं से देवे चुल्लसयगं समणोवासयं अभीयं जाव पासइ, पासित्ता चुल्लसयगं समणोवासयं एवं वयासी–हंभो चुल्लसयगा! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज मज्झिमं पुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता सत्त मंससोल्ले करेमि, करेत्ता आदानभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं से चुल्लसयए समणोवासए तेणं देवेणं एवं वुत्ते समाणे अभीए जाव विहरइ। तए णं से देवे चुल्लसयगं समणोवासयं अभीयं जाव पासइ, पासित्ता दोच्चं पि तच्चं पि चुल्लसयगं समणोवासयं एवं वयासी–हंभो! चुल्लसयया! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज मज्झिमं पुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता सत्त मंससोल्ले करेमि, करेत्ता आदानभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं से चुल्लसयए समणोवासए तेणं देवेणं दोच्चं पि तच्चं पि एवं वुत्ते समाणे अभीए जाव विहरइ। तए णं से देवे चुल्लसयगं समणोवासयं अभीयं जाव पासइ, पासित्ता आसुरत्ते रुट्ठे कुविए चंडिक्किए मिसिमिसीयमाणे चुल्लसयगस्स समणोवासयस्स मज्झिमं पुत्तं गिहाओ नीणेइ, नीणेत्ता अग्गओ घाएइ, घाएत्ता सत्त मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता चुल्लसयगस्स समणोवासयस्स गाय मंसेण य सोणिएण य आइंचइ। तए णं से चुल्लसयए समणोवासए तं उज्जलं जाव वेयणं सम्मं सहइ खमइ तितिक्खइ अहियासेइ। तए णं से देवे चुल्लसयगं समणोवासयं अभीयं जाव पासइ, पासित्ता चुल्लसयगं समणोवासयं एवं वयासी–हंभो! चुल्लसयगा! समणोवासया! जाव जइ णं तुमं अज्ज! सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज कनीयसं पुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता सत्त मंससोल्ले करेमि, करेत्ता आदानभरियंसि कडाहयंसि अद्दहेमि, अद्दहेत्ता तव गाय मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं से चुल्लसयए समणोवासए तेणं देवेणं एवं वुत्ते समाणे अभीए जाव विहरइ। तए णं से देवे चुल्लसयगं समणोवासयं अभीयं जाव पासइ, पासित्ता दोच्चं पि तच्चं पि चुल्लसयगं समणोवासयं एवं वयासी–हंभो! चुल्लसयगा! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज कनीयसं पुत्तं साओ गिहाओ नीणेमि, नीणेत्ता तव अग्गओ घाएमि, घाएत्ता सत्त मंससोल्ले करेमि, करेत्ता आदानभरियंसि कडाहयंसि अद्दहेमि, अद्दहेत्ता तव गायं मंसेण य सोणिएण य आइंचामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं से चुल्लसयए समणोवासए तेणं देवेणं दोच्चं पि तच्चं पि एवं वुत्ते समाणे अभीए जाव विहरइ। तए णं से देवे चुल्लसयगं समणोवासयं अभीय जाव पासइ, पासित्ता आसुरत्ते रुट्ठे कुविए चंडिक्किए मिसिमिसीयमाणे चुल्लसयगस्स समणोवासयस्स कनीयसं पुत्तं गिहाओ नीणेइ, नीणेत्ता अग्गओ घाएइ, घाएत्ता सत्त मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता चुल्लसयगस्स समणोवासयस्स गायं मंसेण य सोणिएण य आइंचइ। तए णं से चुल्लसयए समणोवासए तं उज्जलं जाव वेयणं सम्मं सहइ खमइ तितिक्खइ अहियासेइ। तए णं से देवे चुल्लसयगं समणोवासयं अभीयं जाव पासइ, पासित्ता चउत्थं पि चुल्लसयगं समणोवासयं एवं वयासी–हंभो! चुल्लसयगा! समणोवासिया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज जाओ इमाओ छ हिरण्णकोडीओ निहाणपउत्ताओ, छ हिरण्णकोडीओ वड्ढिपउत्ताओ, छ हिरण्णकोडीओ पवित्थरपउत्ताओ, ताओ साओ गिहाओ नीणेमि, नीणेत्ता आलभियाए नयरीए सिंघाडग-तिय-चउक्क-चच्चर-चउम्मुह-महापहपहेसु सव्वओ समंता विप्पइरामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं से चुल्लसयए समणोवासए तेणं देवेणं एवं वुत्ते समाणे अभीए जाव विहरइ। तए णं से देवे चुल्लसयग समणोवासयं अभीयं जाव पासइ, पासित्ता दोच्चं पि तच्चं पि एवं वयासी–हंभो! चुल्ल सयगा! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अहं अज्ज जाओ इमाओ छ हिरण्णकोडीओ निहाणपउत्ताओ, छ हिरण्णकोडीओ वड्ढिपउत्ताओ, छ हिरण्णकोडीओ पवित्थरपउत्ताओ, ताओ साओ गिहाओ नीणेमि, नीणेत्ता आलभियाए नयरीए सिंघाडग-तिय-चउक्क-चच्चर-चउम्मुह-महापहपहेसु सव्वओ समंता विप्पइरामि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं तस्स चुल्लसयगस्स समणोवासयस्स तेणं देवेणं दोच्चं पि तच्चं पि एवं वुत्तस्स समाणस्स अयमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था–अहो णं इमे पुरिसे अनारिए अनारियबुद्धी अनारियाइं पावाइं कम्माइं समाचरति, जे णं ममं जेट्ठं पुत्तं साओ गिहाओ नीणेइ, नीणेत्ता मम अग्गओ घाएइ, घाएत्ता सत्त मंससोल्ले करेइ, करेत्ता आदाण-भरियंसि कडाहयंसि अद्दहेइ, अद्दहेत्ता ममं गायं मंसेण य सोणिएण य आइंचइ, जे णं ममं मज्झिमं पुत्तं साओ गिहाओ नीणेइ, नीणेत्ता मम अग्गओ घाएइ, घाएत्ता सत्त मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता ममं गायं मंसेण य सोणिएण य आइंचइ, जे णं ममं कनीयसं पुत्तं साओ गिहाओ नीणेइ, नीणेत्ता मम अग्गओ घाएइ, घाएत्ता सत्त मंससोल्ले करेइ, करेत्ता आदानभरियंसि कडाहयंसि अद्दहेइ, अद्दहेत्ता ममं गायं मंसेण य सोणिएण य आइंचइ, जाओ वि य णं इमाओ ममं छ हिरण्णकोडीओ निहाणपउत्ताओ, छ हिरण्णकोडीओ वड्ढिपउत्ताओ, छ हिरण्णकोडीओ पवित्थरपउत्ताओ, ताओ वि य णं इच्छइ ममं साओ गिहाओ नीणेत्ता आलभियाए नयरीए सिंघाडग-तिय-चउक्क-चच्चर-चउम्मुह-महापहपहेसु सव्वओ समंता विप्पइरित्तए, तं सेयं खलु ममं एयं पुरिस गिण्हित्तए त्ति कट्टु उद्धाविए जहा सुरादेव तहेव भारिय पुच्छइ तहेव कहेइ।
Sutra Meaning : एक दिन की बात है, आधी रात के समय चुल्लशतक के समक्ष एक देव प्रकट हुआ। उसने तलवार नीकालकर कहा – अरे श्रमणोपासक चुल्लशतक ! यदि तुम अपने व्रतों का त्याग नहीं करोगे तो मैं आज तुम्हारे ज्येष्ठ पुत्र को घर से उठा लाऊंगा। चुलनीपिता के समान घटित हुआ। देव ने बड़े, मंझले तथा छोटे – तीनों पुत्रों को क्रमशः मारा, मांस – खण्ड किए। मांस और रक्त से चुल्लशतक की देह को छींटा। विशेषता यह कि यहाँ देव ने सात सात खंड किए। तब भी श्रमणोपासक चुल्लशतक निर्भय भाव से उपासनारत रहा। देव ने श्रमणोपासक चुल्लशतक को चौथी बार कहा – अरे श्रमणोपासक चुल्लशतक ! तुम अब भी अपने व्रतों को भंग नहीं करोगे तो मैं खजाने में रखी तुम्हारी छह करोड़ स्वर्ण – मुद्राओं, व्यापार में लगी तुम्हारी छह करोड़ स्वर्ण – मुद्राओं तथा घर के वैभव और साज – सामान में लगी छह करोड़ स्वर्ण – मुद्राओं को ले आऊंगा। लाकर आलभिका नगरी के शृंगाटक यावत्‌ राजमार्गों में सब तरफ – बिखेर दूँगा। जिससे तुम आर्त्तध्यान एवं विकट दुःख से पीड़ित होकर असमय में ही जीवन से हाथ धो बैठोगे। उस देव द्वारा यों कहे जाने पर भी श्रमणोपासक चुल्लशतक निर्भीकतापूर्वक अपनी उपासना में लगा रहा। जब उस देव ने श्रमणोपासक चुल्लशतक को यों निर्भीक देखा तो उससे दूसरी बार, तीसरी बार फिर वैसा ही कहा और धमकाया – अरे ! प्राण खो बैठोगे ! उस देव ने जब दूसरी बार, तीसरी बार श्रमणोपासक चुल्लशतक को ऐसा कहा, तो उसके मन में चुलनीपिता की तरह विचार आया, इस अधम पुरुष ने मेरे बड़े, मझले और छोटे – तीनों पुत्रों को बारी – बारी से मार कर, उनके मांस और रक्त से सींचा। अब यह मेरी खजाने में रखी छह करोड़ सुवर्ण – मुद्राओं, यावत्‌ उन्हें आलभिका नगरी के तिकोने आदि स्थानों में बिखेर देखा चाहता है। इसलिए, मेरे लिए यही श्रेयस्कर है कि मैं इस पुरुष को पकड़ लूँ। यों सोचकर वह उसे पकड़ने के लिए सुरादेव की तरह दौड़ा। आगे सुरादेव के समान घटित हुआ था। सुरादेव की पत्नी की तरह उसकी पत्नी ने भी उससे सब पूछा। उसने सारी बात बतलाई। आगे की घटना चुलनीपिता की तरह है। देह – त्याग कर चुल्लशतक सौधर्म देवलोक में अरुणसिद्ध विमान में देव के रूप में उत्पन्न हुआ। वहाँ उसकी आयुस्थिति चार पल्योपम की बतलाई गई है। यावत्‌ वह महाविदेह क्षेत्र में सिद्ध होगा।
Mool Sutra Transliteration : [sutra] tae nam tassa chullasayagassa samanovasayassa puvvarattavarattakalasamayamsi ege deve amtiyam paubbhue. Tae nam se deve egam maham niluppala-gavalaguliya-ayasikusumappagasam khuradharam asim gahayam evam vayasi–hambho! Chullasayaga! Samanovasaya! Appatthiyapatthiya! Duramta-pamta-lakkhana! Hinapunnachauddasiya! Siri-hiri-dhii-kitti-parivajjiya dhammakamaya! Punnakamaya! Saggakamaya! Mokkhakamaya! Dhammakamkhiya! Punnakamkhiya! Saggakamkhiya! Mokkhakamkhiya! Dhamma pivasiya! Punnapivasiya! Saggapivasiya! Mokkhapivasiya! No khalu kappai tava devanuppiya! Silaim vayaim veramanaim pachchakkhanaim posahovavasaim chalittae va khobhittae va khamdittae va bhamjittae va ujjhittae va parichchaittae va, tam jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja jetthaputtam sao gihao ninemi, ninetta tava aggao ghaemi, ghaetta satta mamsasolle karemi, karetta adanabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam se chullasayae samanovasae tenam devenam evam vutte samane abhie atatthe anuvvigge akhubhie achalie asambhamte tusinie dhammajjhanovagae viharai. Tae nam se deve chullasayagam samanovasayam abhiyam atattham anuvviggam akhubhiyam achaliyam asambhamtam tusiniyam dhamma-jjhanovagayam viharamanam pasai, pasitta dochcham pi tachcham pi chullasayayam samanovasayam evam vayasi–hambho! Chullasayaga! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja jettha-puttam sao gihao ninemi, ninetta tava aggao ghaemi, ghaetta satta mamsasolle karemi, karetta adanabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam se chullasayae samanovasae tenam devenam dochcham pi tachcham pi evam vutte samane abhie java viharai. Tae nam se deve chullasayagam samanovasayam abhiyam java pasai, pasitta asuratte rutthe kuvie chamdikkie misimisiyamane chullasayagassa samanovasayassa jetthaputtam gihao ninei, ninetta aggao ghaei, ghaetta satta mamsasolle karei, karetta adanabhariyamsi kadahayamsi addahei, addahetta chullasayagassa samanovasayassa gayam mamsena ya soniena ya aimchai. Tae nam se chullasayae samanovasae tam ujjalam viulam kakkasam pagadham chamdam dukkham durahiyasam veyanam sammam sahai khamai titikkhai ahiyasei. Tae nam se deve chullasayagam samanovasayam abhiyam java pasai, pasitta chullasayagam samanovasayam evam vayasi–hambho chullasayaga! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja majjhimam puttam sao gihao ninemi, ninetta tava aggao ghaemi, ghaetta satta mamsasolle karemi, karetta adanabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam se chullasayae samanovasae tenam devenam evam vutte samane abhie java viharai. Tae nam se deve chullasayagam samanovasayam abhiyam java pasai, pasitta dochcham pi tachcham pi chullasayagam samanovasayam evam vayasi–hambho! Chullasayaya! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja majjhimam puttam sao gihao ninemi, ninetta tava aggao ghaemi, ghaetta satta mamsasolle karemi, karetta adanabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam se chullasayae samanovasae tenam devenam dochcham pi tachcham pi evam vutte samane abhie java viharai. Tae nam se deve chullasayagam samanovasayam abhiyam java pasai, pasitta asuratte rutthe kuvie chamdikkie misimisiyamane chullasayagassa samanovasayassa majjhimam puttam gihao ninei, ninetta aggao ghaei, ghaetta satta mamsasolle karei, karetta adanabhariyamsi kadahayamsi addahei, addahetta chullasayagassa samanovasayassa gaya mamsena ya soniena ya aimchai. Tae nam se chullasayae samanovasae tam ujjalam java veyanam sammam sahai khamai titikkhai ahiyasei. Tae nam se deve chullasayagam samanovasayam abhiyam java pasai, pasitta chullasayagam samanovasayam evam vayasi–hambho! Chullasayaga! Samanovasaya! Java jai nam tumam ajja! Silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja kaniyasam puttam sao gihao ninemi, ninetta tava aggao ghaemi, ghaetta satta mamsasolle karemi, karetta adanabhariyamsi kadahayamsi addahemi, addahetta tava gaya mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam se chullasayae samanovasae tenam devenam evam vutte samane abhie java viharai. Tae nam se deve chullasayagam samanovasayam abhiyam java pasai, pasitta dochcham pi tachcham pi chullasayagam samanovasayam evam vayasi–hambho! Chullasayaga! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja kaniyasam puttam sao gihao ninemi, ninetta tava aggao ghaemi, ghaetta satta mamsasolle karemi, karetta adanabhariyamsi kadahayamsi addahemi, addahetta tava gayam mamsena ya soniena ya aimchami, jaha nam tumam atta-duhatta-vasatte akale cheva jiviyao vavarovijjasi. Tae nam se chullasayae samanovasae tenam devenam dochcham pi tachcham pi evam vutte samane abhie java viharai. Tae nam se deve chullasayagam samanovasayam abhiya java pasai, pasitta asuratte rutthe kuvie chamdikkie misimisiyamane chullasayagassa samanovasayassa kaniyasam puttam gihao ninei, ninetta aggao ghaei, ghaetta satta mamsasolle karei, karetta adanabhariyamsi kadahayamsi addahei, addahetta chullasayagassa samanovasayassa gayam mamsena ya soniena ya aimchai. Tae nam se chullasayae samanovasae tam ujjalam java veyanam sammam sahai khamai titikkhai ahiyasei. Tae nam se deve chullasayagam samanovasayam abhiyam java pasai, pasitta chauttham pi chullasayagam samanovasayam evam vayasi–hambho! Chullasayaga! Samanovasiya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja jao imao chha hirannakodio nihanapauttao, chha hirannakodio vaddhipauttao, chha hirannakodio pavittharapauttao, tao sao gihao ninemi, ninetta alabhiyae nayarie simghadaga-tiya-chaukka-chachchara-chaummuha-mahapahapahesu savvao samamta vippairami, jaha nam tumam atta-duhatta-vasatte akale cheva jiviyao vavarovijjasi. Tae nam se chullasayae samanovasae tenam devenam evam vutte samane abhie java viharai. Tae nam se deve chullasayaga samanovasayam abhiyam java pasai, pasitta dochcham pi tachcham pi evam vayasi–hambho! Chulla sayaga! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te aham ajja jao imao chha hirannakodio nihanapauttao, chha hirannakodio vaddhipauttao, chha hirannakodio pavittharapauttao, tao sao gihao ninemi, ninetta alabhiyae nayarie simghadaga-tiya-chaukka-chachchara-chaummuha-mahapahapahesu savvao samamta vippairami, jaha nam tumam atta-duhatta-vasatte akale cheva jiviyao vavarovijjasi. Tae nam tassa chullasayagassa samanovasayassa tenam devenam dochcham pi tachcham pi evam vuttassa samanassa ayameyaruve ajjhatthie chimtie patthie manogae samkappe samuppajjittha–aho nam ime purise anarie anariyabuddhi anariyaim pavaim kammaim samacharati, je nam mamam jettham puttam sao gihao ninei, ninetta mama aggao ghaei, ghaetta satta mamsasolle karei, karetta adana-bhariyamsi kadahayamsi addahei, addahetta mamam gayam mamsena ya soniena ya aimchai, je nam mamam majjhimam puttam sao gihao ninei, ninetta mama aggao ghaei, ghaetta satta mamsasolle karei, karetta adanabhariyamsi kadahayamsi addahei, addahetta mamam gayam mamsena ya soniena ya aimchai, je nam mamam kaniyasam puttam sao gihao ninei, ninetta mama aggao ghaei, ghaetta satta mamsasolle karei, karetta adanabhariyamsi kadahayamsi addahei, addahetta mamam gayam mamsena ya soniena ya aimchai, jao vi ya nam imao mamam chha hirannakodio nihanapauttao, chha hirannakodio vaddhipauttao, chha hirannakodio pavittharapauttao, tao vi ya nam ichchhai mamam sao gihao ninetta alabhiyae nayarie simghadaga-tiya-chaukka-chachchara-chaummuha-mahapahapahesu savvao samamta vippairittae, tam seyam khalu mamam eyam purisa ginhittae tti kattu uddhavie jaha suradeva taheva bhariya puchchhai taheva kahei.
Sutra Meaning Transliteration : Eka dina ki bata hai, adhi rata ke samaya chullashataka ke samaksha eka deva prakata hua. Usane talavara nikalakara kaha – are shramanopasaka chullashataka ! Yadi tuma apane vratom ka tyaga nahim karoge to maim aja tumhare jyeshtha putra ko ghara se utha laumga. Chulanipita ke samana ghatita hua. Deva ne bare, mamjhale tatha chhote – tinom putrom ko kramashah mara, mamsa – khanda kie. Mamsa aura rakta se chullashataka ki deha ko chhimta. Visheshata yaha ki yaham deva ne sata sata khamda kie. Taba bhi shramanopasaka chullashataka nirbhaya bhava se upasanarata raha. Deva ne shramanopasaka chullashataka ko chauthi bara kaha – are shramanopasaka chullashataka ! Tuma aba bhi apane vratom ko bhamga nahim karoge to maim khajane mem rakhi tumhari chhaha karora svarna – mudraom, vyapara mem lagi tumhari chhaha karora svarna – mudraom tatha ghara ke vaibhava aura saja – samana mem lagi chhaha karora svarna – mudraom ko le aumga. Lakara alabhika nagari ke shrimgataka yavat rajamargom mem saba tarapha – bikhera dumga. Jisase tuma arttadhyana evam vikata duhkha se pirita hokara asamaya mem hi jivana se hatha dho baithoge. Usa deva dvara yom kahe jane para bhi shramanopasaka chullashataka nirbhikatapurvaka apani upasana mem laga raha. Jaba usa deva ne shramanopasaka chullashataka ko yom nirbhika dekha to usase dusari bara, tisari bara phira vaisa hi kaha aura dhamakaya – are ! Prana kho baithoge ! Usa deva ne jaba dusari bara, tisari bara shramanopasaka chullashataka ko aisa kaha, to usake mana mem chulanipita ki taraha vichara aya, isa adhama purusha ne mere bare, majhale aura chhote – tinom putrom ko bari – bari se mara kara, unake mamsa aura rakta se simcha. Aba yaha meri khajane mem rakhi chhaha karora suvarna – mudraom, yavat unhem alabhika nagari ke tikone adi sthanom mem bikhera dekha chahata hai. Isalie, mere lie yahi shreyaskara hai ki maim isa purusha ko pakara lum. Yom sochakara vaha use pakarane ke lie suradeva ki taraha daura. Age suradeva ke samana ghatita hua tha. Suradeva ki patni ki taraha usaki patni ne bhi usase saba puchha. Usane sari bata batalai. Age ki ghatana chulanipita ki taraha hai. Deha – tyaga kara chullashataka saudharma devaloka mem arunasiddha vimana mem deva ke rupa mem utpanna hua. Vaham usaki ayusthiti chara palyopama ki batalai gai hai. Yavat vaha mahavideha kshetra mem siddha hoga.