Sutra Navigation: Bhagavati ( ભગવતી સૂત્ર )
Search Details
| Mool File Details |
|
Anuvad File Details |
|
| Sr No : | 1104447 | ||
| Scripture Name( English ): | Bhagavati | Translated Scripture Name : | ભગવતી સૂત્ર |
| Mool Language : | Ardha-Magadhi | Translated Language : | Gujarati |
| Chapter : |
शतक-२५ |
Translated Chapter : |
શતક-૨૫ |
| Section : | उद्देशक-७ संयत | Translated Section : | ઉદ્દેશક-૭ સંયત |
| Sutra Number : | 947 | Category : | Ang-05 |
| Gatha or Sutra : | Sutra | Sutra Anuyog : | |
| Author : | Deepratnasagar | Original Author : | Gandhar |
| Century : | Sect : | Svetambara1 | |
| Source : | |||
| Mool Sutra : | [सूत्र] सामाइयसंजयस्स णं भंते! केवइया चरित्तपज्जवा पन्नत्ता? गोयमा! अनंता चरित्तपज्जवा पन्नत्ता। एवं जाव अहक्खायसंजयस्स। सामाइयसंजए णं भंते! सामाइयसंजयस्स सट्ठाणसण्णिगासेनं चरित्तपज्जवेहिं किं हीने? तुल्ले? अब्भहिए? गोयमा! सिय हीने–छट्ठाणवडिए। सामाइयसंजए णं भंते! छेदोवट्ठावणियसंजयस्स परट्ठाणसण्णिगासेनं चरित्तपज्जवेहिं–पुच्छा। गोयमा! सिय हीने–छट्ठाणवडिए। एवं परिहारविसुद्धियस्स वि। सामाइयसंजए णं भंते! सुहुमसंपरागसंजयस्स परट्ठाणसण्णिगासेनं चरित्तपज्जवेहिं–पुच्छा। गोयमा! हीने, नो तुल्ले, नो अब्भहिए, अनंतगुणहीने। एवं अहक्खायसंजयस्स वि। एवं छेदोवट्ठावणिए वि हेट्ठिल्लेसु तिसु वि समं छट्ठाणवडिए, उवरिल्लेसु दोसु तहेव हीने। जहा छेदोवट्ठावणिए तहा परिहारविसुद्धिए वि। सुहुमसंपरागसंजए णं भंते! सामाइयसंजयस्स परट्ठाण–पुच्छा। गोयमा! नो हीने, नो तुल्ले, अब्भहिए–अनंतगुणमब्भहिए। एवं छेओवट्ठावणिय परिहारविसुद्धिएसु वि समं। सट्ठाणे सिय हीने, नो तुल्ले, सिय अब्भहिए। जइ हीने अनंतगुणहीने, अह अब्भहिए अनंतगुणमब्भहिए। सुहुमसंपरायसंजयस्स अहक्खायसंजयस्स परट्ठाण–पुच्छा। गोयमा! हीने, नो तुल्ले, नो अब्भहिए; अनंतगुणहीने। अहक्खाए हेट्ठिल्लाणं चउण्ह वि नो हीने, नो तुल्ले, अब्भहिए–अनंतगुणमब्भहिए। सट्ठाणे नो हीने, तुल्ले, नो अब्भहिए। एएसि णं भंते! सामाइय- छेदोवट्ठावणिय- परिहारविसुद्धिय- सुहुमसंपराय- अहक्खायसंजयाणं जहन्नुक्कोसगाणं चरित्तज्जवाणं कयरे कयरेहिंतो अप्पा वा? बहुया वा? तुल्ला वा? विसेसाहिया वा? गोयमा! सामाइयसंजयस्स छेओवट्ठावणियसंजयस्स य एएसि णं जहन्नगा चरित्तपज्जवा दोण्ह वि तुल्ला सव्वत्थोवा, परिहारविसुद्धियसंजयस्स जहन्नगा चरित्तपज्जवा अनंतगुणा, तस्स चेव उक्कोसगा चरित्तपज्जवा अनंतगुणा, सामाइयसंजयस्स छेओवट्ठावणियसंजयस्स य एएसि णं उक्कोसगा चरित्तपज्जवा दोण्ह वि तुल्ला अनंतगुणा, सुहुमसंपरायसंजयस्स जहन्नगा चरित्तपज्जवा अनंतगुणा, तस्स चेव उक्कोसगा चरित्तपज्जवा अनंतगुणा, अहक्खायसंजयस्स अजहन्नमणुक्को-सगा चरित्तपज्जवा अनंतगुणा। सामाइयसंजए णं भंते! किं सजोगी होज्जा? अजोगी होज्जा? गोयमा! सजोगी जहा पुलाए। एवं जाव सुहुमसंपरायसंजए। अहक्खाए जहा सिणाए। सामाइयसंजए णं भंते! किं सागारोवउत्ते होज्जा? अनागारोवउत्ते होज्जा? गोयमा! सागरोवउत्ते जहा पुलाए। एवं जाव अहक्खाए, नवरं–सुहुमसंपराए सागारोवउत्ते होज्जा, नो अनागारोवउत्ते होज्जा सामाइयसंजए णं भंते! किं सकसायी होज्जा? अकसायी होज्जा? गोयमा! सकसायी होज्जा, नो अकसायी होज्जा जहा कसायकुसीले। एवं छेदोवट्ठावणिए वि। परिहारविसुद्धिए जहा पुलाए। सुहुमसंपरागसंजए–पुच्छा। गोयमा! सकसायी होज्जा, नो अकसायी होज्जा। जइ सकसायी होज्जा, से णं भंते! कतिसु कसायेसु होज्जा? गोयमा! एगम्मि संजलणलोभे होज्जा। अहक्खायसंजए जहा नियंठे। सामाइयसंजए णं भंते! किं सलेस्से होज्जा? अलेस्से होज्जा? गोयमा! सलेस्से होज्जा जहा कसायकुसीले। एवं छेदोवट्ठावणिए वि। परिहारविसुद्धिए जहा पुलाए। सुहुमसंपराए जहा नियंठे। अहक्खाए जहा सिणाए, नवरं–जइ सलेस्से होज्जा, एगाए सुक्कलेस्साए होज्जा | ||
| Sutra Meaning : | જુઓ સૂત્ર ૯૪૪ | ||
| Mool Sutra Transliteration : | [sutra] samaiyasamjayassa nam bhamte! Kevaiya charittapajjava pannatta? Goyama! Anamta charittapajjava pannatta. Evam java ahakkhayasamjayassa. Samaiyasamjae nam bhamte! Samaiyasamjayassa satthanasannigasenam charittapajjavehim kim hine? Tulle? Abbhahie? Goyama! Siya hine–chhatthanavadie. Samaiyasamjae nam bhamte! Chhedovatthavaniyasamjayassa paratthanasannigasenam charittapajjavehim–puchchha. Goyama! Siya hine–chhatthanavadie. Evam pariharavisuddhiyassa vi. Samaiyasamjae nam bhamte! Suhumasamparagasamjayassa paratthanasannigasenam charittapajjavehim–puchchha. Goyama! Hine, no tulle, no abbhahie, anamtagunahine. Evam ahakkhayasamjayassa vi. Evam chhedovatthavanie vi hetthillesu tisu vi samam chhatthanavadie, uvarillesu dosu taheva hine. Jaha chhedovatthavanie taha pariharavisuddhie vi. Suhumasamparagasamjae nam bhamte! Samaiyasamjayassa paratthana–puchchha. Goyama! No hine, no tulle, abbhahie–anamtagunamabbhahie. Evam chheovatthavaniya pariharavisuddhiesu vi samam. Satthane siya hine, no tulle, siya abbhahie. Jai hine anamtagunahine, aha abbhahie anamtagunamabbhahie. Suhumasamparayasamjayassa ahakkhayasamjayassa paratthana–puchchha. Goyama! Hine, no tulle, no abbhahie; anamtagunahine. Ahakkhae hetthillanam chaunha vi no hine, no tulle, abbhahie–anamtagunamabbhahie. Satthane no hine, tulle, no abbhahie. Eesi nam bhamte! Samaiya- chhedovatthavaniya- pariharavisuddhiya- suhumasamparaya- ahakkhayasamjayanam jahannukkosaganam charittajjavanam kayare kayarehimto appa va? Bahuya va? Tulla va? Visesahiya va? Goyama! Samaiyasamjayassa chheovatthavaniyasamjayassa ya eesi nam jahannaga charittapajjava donha vi tulla savvatthova, pariharavisuddhiyasamjayassa jahannaga charittapajjava anamtaguna, tassa cheva ukkosaga charittapajjava anamtaguna, samaiyasamjayassa chheovatthavaniyasamjayassa ya eesi nam ukkosaga charittapajjava donha vi tulla anamtaguna, suhumasamparayasamjayassa jahannaga charittapajjava anamtaguna, tassa cheva ukkosaga charittapajjava anamtaguna, ahakkhayasamjayassa ajahannamanukko-saga charittapajjava anamtaguna. Samaiyasamjae nam bhamte! Kim sajogi hojja? Ajogi hojja? Goyama! Sajogi jaha pulae. Evam java suhumasamparayasamjae. Ahakkhae jaha sinae. Samaiyasamjae nam bhamte! Kim sagarovautte hojja? Anagarovautte hojja? Goyama! Sagarovautte jaha pulae. Evam java ahakkhae, navaram–suhumasamparae sagarovautte hojja, no anagarovautte hojja Samaiyasamjae nam bhamte! Kim sakasayi hojja? Akasayi hojja? Goyama! Sakasayi hojja, no akasayi hojja jaha kasayakusile. Evam chhedovatthavanie vi. Pariharavisuddhie jaha pulae. Suhumasamparagasamjae–puchchha. Goyama! Sakasayi hojja, no akasayi hojja. Jai sakasayi hojja, se nam bhamte! Katisu kasayesu hojja? Goyama! Egammi samjalanalobhe hojja. Ahakkhayasamjae jaha niyamthe. Samaiyasamjae nam bhamte! Kim salesse hojja? Alesse hojja? Goyama! Salesse hojja jaha kasayakusile. Evam chhedovatthavanie vi. Pariharavisuddhie jaha pulae. Suhumasamparae jaha niyamthe. Ahakkhae jaha sinae, navaram–jai salesse hojja, egae sukkalessae hojja | ||
| Sutra Meaning Transliteration : | Juo sutra 944 | ||