Sutra Navigation: Suryapragnapti ( સૂર્યપ્રજ્ઞપ્તિ સૂત્ર )

Search Details

Mool File Details

Anuvad File Details

Sr No : 1107151
Scripture Name( English ): Suryapragnapti Translated Scripture Name : સૂર્યપ્રજ્ઞપ્તિ સૂત્ર
Mool Language : Ardha-Magadhi Translated Language : Gujarati
Chapter :

प्राभृत-१९

 Translated Chapter :

પ્રાભૃત-૧૯
Section : Translated Section :
Sutra Number : 151 Category : Upang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] ता पुक्खरवरस्स णं दीवस्स बहुमज्झदेसभाए माणुसुत्तरे नामं पव्वते पन्नत्ते–वट्टे वलयागारसंठाण संठिते जे णं पुक्खरवरं दीवं दुधा विभयमाणे-विभयमाणे चिट्ठति, तं जहा–अब्भिंतरपुक्खरद्धं च बाहिरपुक्खरद्धं च। ता अब्भिंतरपुक्खरद्धे णं किं समचक्कवालसंठिते? विसमचक्कवालसंठिते? ता समचक्क-वालसंठिते, नो विसमचक्कवालसंठिते। ता अब्भिंतरपुक्खरद्धे णं केवतियं चक्कवालविक्खंभेणं केवतियं परिक्खेवेणं आहितेति वदेज्जा? ता अट्ठ जोयणसयसहस्साइं चक्कवालविक्खंभेणं, एक्का जोयणकोडी बायालीसं च सयसहस्साइं तीसं च सहस्साइं दो अउणापन्ने जोयणसते परिक्खेवेणं आहितेति वदेज्जा। ता अब्भिंतरपुक्खरद्धे णं केवतिया चंदा पभासेंसु वा पभासेंति वा पभासिस्संति वा? केवतिया सूरा तविंसु वा पुच्छा। ता बावत्तरिं चंदा पभासिंसु वा पभासेंति वा पभासिस्संति वा, बावत्तरिं सूरिया तवइंसु वा तवइंति वा तवइस्संति वा, दोन्नि सोला नक्खत्तसहस्सा जोयं जोएंसु वा जोएंति वा जोइस्संति वा, छ महग्गहसहस्सा तिन्नि य सया छत्तीसा चारं चरेंसु वा चरेंति वा चरिस्संति वा, अडतालीससतसहस्सा बावीसं च सहस्सा दोन्नि य सता तारागणकोडिकोडीणं सोभं सोभिंसु वा सोभेंति वा सोभिस्संति वा। ता समयक्खेत्ते णं केवतियं आयाम-विक्खंभेणं, केवतियं परिक्खेवेणं आहितेति वदेज्जा? ता पणतालीसं जोयणसयसहस्साइं आयाम-विक्खंभेणं, एगा जोयणकोडी बायालीसं च सत-सहस्साइं [तीसं च सहस्साइं?] दोन्नि य अउणापन्ने जोयणसते परिक्खेवेणं आहितेति वदेज्जा। ता समयक्खेत्ते णं केवतिया चंदा पभासेसु वा पुच्छा तहेव। ता बत्तीसं चंदसतं पभासेंसु वा पभासेंति वा पभासिस्संति वा, बत्तीसं सूरियाणं सतं तवइंसु वा तवइंति वा तवइस्संति वा, तिन्नि सहस्सा छच्च छन्नउता नक्खत्तसता जोयं जोएंसु वा जोएंति वा जोइस्संति वा, एक्कारस सहस्सा छच्च सोलस महग्गहसता चारं चरिंसु वा चरेंति वा चरिस्संति वा, अट्ठासीतिं सतसहस्साइं चत्तालीसं च सहस्सा सत्त य सया तारागणकोडिकोडीणं सोभं सोभिंसु वा सोभेंति वा सोभिस्संति वा।
Sutra Meaning : જુઓ સૂત્ર ૧૨૯
Mool Sutra Transliteration : [sutra] ta pukkharavarassa nam divassa bahumajjhadesabhae manusuttare namam pavvate pannatte–vatte valayagarasamthana samthite je nam pukkharavaram divam dudha vibhayamane-vibhayamane chitthati, tam jaha–abbhimtarapukkharaddham cha bahirapukkharaddham cha. Ta abbhimtarapukkharaddhe nam kim samachakkavalasamthite? Visamachakkavalasamthite? Ta samachakka-valasamthite, no visamachakkavalasamthite. Ta abbhimtarapukkharaddhe nam kevatiyam chakkavalavikkhambhenam kevatiyam parikkhevenam ahiteti vadejja? Ta attha joyanasayasahassaim chakkavalavikkhambhenam, ekka joyanakodi bayalisam cha sayasahassaim tisam cha sahassaim do aunapanne joyanasate parikkhevenam ahiteti vadejja. Ta abbhimtarapukkharaddhe nam kevatiya chamda pabhasemsu va pabhasemti va pabhasissamti va? Kevatiya sura tavimsu va puchchha. Ta bavattarim chamda pabhasimsu va pabhasemti va pabhasissamti va, bavattarim suriya tavaimsu va tavaimti va tavaissamti va, donni sola nakkhattasahassa joyam joemsu va joemti va joissamti va, chha mahaggahasahassa tinni ya saya chhattisa charam charemsu va charemti va charissamti va, adatalisasatasahassa bavisam cha sahassa donni ya sata taraganakodikodinam sobham sobhimsu va sobhemti va sobhissamti va. Ta samayakkhette nam kevatiyam ayama-vikkhambhenam, kevatiyam parikkhevenam ahiteti vadejja? Ta panatalisam joyanasayasahassaim ayama-vikkhambhenam, ega joyanakodi bayalisam cha sata-sahassaim [tisam cha sahassaim?] donni ya aunapanne joyanasate parikkhevenam ahiteti vadejja. Ta samayakkhette nam kevatiya chamda pabhasesu va puchchha taheva. Ta battisam chamdasatam pabhasemsu va pabhasemti va pabhasissamti va, battisam suriyanam satam tavaimsu va tavaimti va tavaissamti va, tinni sahassa chhachcha chhannauta nakkhattasata joyam joemsu va joemti va joissamti va, ekkarasa sahassa chhachcha solasa mahaggahasata charam charimsu va charemti va charissamti va, atthasitim satasahassaim chattalisam cha sahassa satta ya saya taraganakodikodinam sobham sobhimsu va sobhemti va sobhissamti va.
Sutra Meaning Transliteration : Juo sutra 129