Sutra Navigation: Anuttaropapatikdashang ( અનુત્તરોપપાતિક દશાંગસૂત્ર )
Search Details
| Mool File Details |
|
Anuvad File Details |
|
| Sr No : | 1105310 | ||
| Scripture Name( English ): | Anuttaropapatikdashang | Translated Scripture Name : | અનુત્તરોપપાતિક દશાંગસૂત્ર |
| Mool Language : | Ardha-Magadhi | Translated Language : | Gujarati |
| Chapter : |
वर्ग-३ धन्य, सुनक्षत्र, ऋषिदास, पेल्लक, रामपुत्र... अध्ययन-१ |
Translated Chapter : |
વર્ગ-૩ ધન્ય, સુનક્ષત્ર, ઋષિદાસ, પેલ્લક, રામપુત્ર... અધ્યયન-૧ |
| Section : | Translated Section : | ||
| Sutra Number : | 10 | Category : | Ang-09 |
| Gatha or Sutra : | Sutra | Sutra Anuyog : | |
| Author : | Deepratnasagar | Original Author : | Gandhar |
| Century : | Sect : | Svetambara1 | |
| Source : | |||
| Mool Sutra : | [सूत्र] जइ णं भंते! समणेणं भगवया महावीरेणं जाव संपत्तेणं अनुत्तरोववाइयदसाणं तच्चस्स वग्गस्स दस अज्झयणा पन्नत्ता, पढमस्स णं भंते! अज्झयणस्स समणेणं भगवया महावीरेणं जाव संपत्तेणं के अट्ठे पन्नत्ते? एवं खलु जंबू! तेणं कालेणं तेणं समएणं काकंदी नामं नयरी होत्था–रिद्धत्थिमियसमिद्धा। सहसंबवणे उज्जाणे–सव्वोउय-पुप्फ-फल-समिद्धे। जियसत्तू राया। तत्थ णं काकंदीए नयरीए भद्दा नामं सत्थवाही परिवसइ–अड्ढा जाव अपरिभूया। तीसे णं भद्दाए सत्थवाहीए पुत्ते धन्ने नामं दारए होत्था–अहीणपडिपुण्ण-पंचेंदियसरीरे जाव सुरूवे। पंचधाईपरिग्गहिए जहा महब्बलो जाव बावत्तरिं कलाओ अहीए जाव अलंभोगसमत्थे जाए यावि होत्था। तए णं सा भद्दा सत्थवाही धन्न दारयं उम्मुक्कबालभावं जाव अलंभोगसमत्थं वा वि जाणित्ता बत्तीसं पासायवडेंसए कारेइ–अब्भुग्गयमूसिए जाव पडिरूवे। तेसिं मज्झे एगं च णं महं भवणं कारेइ–अनेगखंभसयसन्निविट्ठं जाव पडिरूवं। तए णं सा भद्दा सत्थवाही तं धन्न दारयं बत्तीसाए इब्भवरकन्नगाणं एगदिवसेणं पाणिं गेण्हावेइ। बत्तीसओ दाओ तए णं से धन्ने दारए उप्पिं पासायवरगए फुट्टमाणेहिं मुइंगमत्थएहिं जाव विउले मानुस्सए कामभोगे पच्चणुभवमाणे विहरइ। तेणं कालेणं तेणं समएणं समणे भगवं महावीरे समोसढे। परिसा निग्गया। राया जहा कोणिओतहा निग्गओ। तए णं तस्स धन्नस्स दारगस्स तं महया जनसद्दं वा जाव जनसन्निवायं वा सुनमाणस्स वा पासमाणस्स वा अयमेयारूवे अज्झत्थिए चिंतिए पत्थिए मणोगए संकप्पे समुप्पज्जित्था–किण्णं अज्ज काकंदीए नयरीए इंदमहे इ वा जण्णं एते बहवे उग्गा भोगा जाव निग्गच्छंति– एवं संपेहेइ, संपेहेत्ता कंचुइपुरिसं सद्दावेइ, सद्दावेत्ता एवं वयासी–किण्णं देवानुप्पिया! अज्ज काकंदीए नयरीए इंदमहे इ वा जाव निग्गच्छंति? तए णं से कंचुइपुरिसे समणस्स भगवओ महावीरस्स आगमणगहियविणिच्छए धन्नं दारयं एवं वयासी– एवं खलु देवानुप्पिया! अज्ज समणे भगवं महावीरे काकंदीए नयरीए बहिया सहसंबवणे उज्जाने अहापडिरूवं ओग्गहं ओगिण्हित्ता संजमेणं तवसा अप्पाणं भावेमाणे विहरइ, तए णं एते बहवे उग्गा भोगा जाव निग्गच्छंति। तए णं से धन्ने दारए कंचुइपुरिसस्स अंतियं एयमट्ठं सोच्चा निसम्म हट्ठतुट्ठे जाव पायचारेणं जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरे तिक्खुत्तो आयाहिण-पयाहिणं करेइ, करेत्ता वंदइ नमंसइ, वंदित्ता नमंसित्ता तिविहाए पज्जुवासणाए पज्जुवासइ। तए णं समणे भगवं महावीरे धन्नस्स दारयस्स तीसे य महइमहालियाए इसिपरिसाए जाव धम्मं परिकहेइ। तए णं से धन्ने दारए समणस्स भगवओ महावीरस्स अंतिए धम्मं सोच्चा निसम्म हट्ठतुट्ठे समणं भगवं महावीरं तिक्खुत्तो आयाहिण-पयाहिणं करेइ, करेत्ता वंदइ नमंसइ, वंदित्ता नमंसित्ता एवं वयासी–सद्दहामि णं भंते! निग्गंथं पावयणं जाव अम्मयं भद्दं सत्थवाहिं आपुच्छामि, तए णं अहं देवानुप्पियाणं अंतियं मुंडे भवित्ता अगाराओ अणगारियं पव्वयामि। अहासुहं देवानुप्पिया। जहा जमाली तहा आपुच्छइ। तए णं सा भद्दा सत्थवाही तं अणिट्ठं अकंतं अप्पियं अमणुण्णं अमणामं असुयपुव्वं फरुसं गिरं सोच्चा निसम्म धसत्ति सव्वंगेहिं संनिवडिया। वुत्तपडिवुत्तया जहा महब्बले। तए णं तं धन्न दारयं भद्दा सत्थवाही जाहे नो संचाएइ जाव जियसत्तुं आपुच्छइ–इच्छामि णं देवानुप्पिया! धन्नस्स दारयस्स निक्खममाणस्स छत्त-मउड-चामराओ य विदिन्नाओ। तए णं जियसत्तू राया भद्दं सत्थवाहिं एवं वयासी–अच्छाहि णं तुमं देवानुप्पिए! सुनिव्वुत-वीसत्था, अहण्णं सयमेव धन्नस्स दारयस्स निक्खमणसक्कारं करिस्सामि। सयमेव जियसत्तू निक्खमणं करेइ, जहा थावच्चापुत्तस्स कण्हो। तए णं से धन्ने दारए सयमेव पंचमुट्ठियं लोयं करेइ जाव पव्वइए। तए णं से धन्ने दारए अनगारे जाए–इरियासमिए भासासमिए एसणासमिए आयाण-भंड-मत्त-निक्खेवणासमिए उच्चार-पासवण-खेल-सिंघाण-जल्ल-पारिट्ठावणियासमिए मनसमिए वइसमिए कायसमिए मनगुत्ते वइगुत्ते कायगुत्ते गुत्ते गुत्तिंदिए गुत्तबंभयारी। तए णं से धन्ने अनगारे जं चेव दिवसं मुंडे भवित्ता अगाराओ अणगारियं पव्वइए, तं चेव दिवसं समणं भगवं महावीरं वंदइ नमंसइ, वंदित्ता नमंसित्ता एवं वयासी–इच्छामि णं भंते! तुब्भेहिं अब्भणुण्णाए समाणे जावज्जीवाए छट्ठंछट्ठेणं अनिक्खित्तेणं आयंबिलपरिग्गहिएणं तवोकम्मेणं अप्पाणं भावेमाणे विहरित्तए छट्ठस्स वि य णं पारणयंसि कप्पइ मे आयंबिलं पडिगाहेत्तए, नो चेव णं अनायंबिलं। तं पि य संसट्ठं, नो चेव णं असंसट्ठं। तं पि य णं उज्झियधम्मियं, नो चेव णं अनुज्झिय-धम्मियं तं पि य जं अन्ने बहवे समण-माहण-अतिहि-किवण-वणीमगा नावकंखंति। अहासुहं देवानुप्पिया! मा पडिबंधं करेहि। तए णं से धन्ने अनगारे समणेणं भगवया महावीरेणं अब्भणुण्णाए समाणे हट्ठतुट्ठे जावज्जीवाए छट्ठंछट्ठेणं अनिक्खित्तेणं आयंबिलपरिग्गहिएणं तवोकम्मेणं अप्पाणं भावेमाणे विहरइ। तए णं से धन्ने अनगारे पढम-छट्ठखमणपारणयंसि पढमाए पोरिसीए सज्झायं करेइ, जहा गोयमसामी तहेव आपुच्छइ, जाव जेणेव काकंदी नयरी तेणेव उवागच्छइ, उवागच्छित्ता काकंदीए नयरीए उच्च-नीय-मज्झिमाइं कुलाइं घरसमुदाण-स्स भिक्खायरियाए अडमाणे आयंबिलं पडि-गाहेति, नो चेव णं अनायंबिलं। तं पि य संसट्ठं, नो चेव णं असंसट्ठं। तं पि य उज्झिय-धम्मियं, नो चेव णं अनुज्झिय-धम्मियं तं पि य जं अन्ने बहवे समण-माहण-अतिहि-किवण-वनीमगा नावकंखंति। तए णं से धन्ने अनगारे ताए अब्भुज्जयाए पययाए पयत्ताए पग्गहियाए एसणाए एसमाणे जइ भत्तं लभइ तो पाणं न लभइ, अह पाणं लभइ तो भत्तं न लभइ। तए णं से धन्ने अनगारे अदीने अविमने अकलुसे अविसादी अपरितंत-जोगी जयण-घडण-जोगचरित्ते अहापज्जत्तं समुदाणं पडिगाहेइ, पडिगाहेत्ता काकंदीओ नयरीओ पडिनिक्खमइ, पडिनिक्खमित्ता जहा गोयमे जाव पडिदंसेइ। तए णं से धन्ने अनगारे समणेणं भगवया महावीरेणं अब्भणुण्णाए समाणे अमुच्छिए अगिद्धे अगढिए अणज्झोववन्ने बिलमिव पन्नगभूएणं अप्पाणेणं आहारं आहारेइ, आहारेत्ता संजमेणं तवसा अप्पाणं भावेमाणे विहरइ। तए णं समणे भगवं महावीरे अण्णया कयाइ कायंदीओ नयरीओ सहसंबवनाओ उज्जाणाओ पडिनिक्खमइ, पडिनिक्खमित्ता बहिया जनवयविहारं विहरइ। तए णं से धन्ने अनगारे समणस्स भगवओ महावीरस्स तहारूवाणं थेराणं अंतिए सामाइय-माइयाइं एक्कारस अंगाइं अहिज्जइ, अहिज्जित्ता संजमेणं तवसा अप्पाणं भावेमाणे विहरइ। तए णं से धन्ने अनगारे तेणं ओरालेणं विउलेणं पयत्तेणं पग्गहिएणं कल्लाणेणं सिवेणं धन्नेणं मंगल्लेणं सस्सिरोएणं उदग्गेणं उदत्तेणं उत्तमेणं उदारेणं महानुभागेणं तवोकम्मेणं सुक्के लुक्खे निम्मंसे अट्ठिचम्मावणद्धे किडिकिडियाभूए किसे धमनिसंतए जाए यावि होत्था। जीवंजीवेणं गच्छइ, जीवंजीवेणं चिट्ठइ, भासं भासित्ता वि गिलाइ, भासं भासमाणे गिलाइ, भासं भासिस्सामीति गिलाइ। से जहानामए कट्ठसगडिया इ वा पत्तसगडिया इ वा पत्त-तिल-भंडग-सगडिया इ वा एरंडकट्ठ-सगडिया इ वा, इंगालसगडिया इ वा उण्हे दिन्ना सुक्का समाणी ससद्दं गच्छइ, ससद्दं चिट्ठइ, एवामेव धन्ने अनगारे ससद्दं गच्छइ, ससद्दं चिट्ठइ, उवचिए तवेणं, अवचिए मंससोणिएणं, हुयासणे विव भासरासिपडिच्छण्णे तवेणं, तेएणं, तवतेयसिरीए अतीव-अतीव उवसोभेमाणे-उवसोभेमाणे चिट्ठइ। धन्नस्स णं अनगारस्स पायाणं अयमेयारूवे तव-रूव-लावण्णे होत्था–से जहानामए सुक्कछल्ली इ वा कट्ठपाउया इ वा जरग्गओवाहणा इ वा, एवामेव धन्नस्स अनगारस्स पाया सुक्का लुक्खा निम्मंसा अट्ठिचम्मछिरत्ताए पन्नायंति, नो चेव णं मंससोणियत्ताए। धन्नस्स णं अनगारस्स पायंगुलियाणं अयमेयारूवे तव रूव-लावण्णे होत्था–से जहानामए कलसंगलिया इ वा मुग्गसंगलिया इ वा माससंगलिया इ वा तरुणिया छिण्णा उण्हे दिन्ना सुक्का समाणी मिलायमाणी चिट्ठंति, एवामेव धन्नस्स अनगारस्स पायंगुलियाओ सुक्काओ लुक्खाओ निम्मंसाओ अट्ठि-चम्म-छिरत्ताए पन्नायंति, नो चेव णं मंस-सोणियत्ताए। धन्नस्स णं अनगारस्स जंघाणं अयमेयारूवे तव-रूव-लावण्णे होत्था–से जहानामए काकजंघा इ वा ढेणियालि-याजंघा इ वा, एवामेव धन्नस्स अनगारस्स जंघाओ सुक्काओ लुक्खाओ निम्मंसाओ अट्ठि-चम्म-छिरत्ताए पन्नायंति, नो चेव णं मंस-सोणियत्ताए। धन्नस्स अनगारस्स जाणूणं अयमेयारूवे तव-रूव-लावण्णे होत्था–से जहानामए कालिपोरे इ वा मऊरपोरे इ वा ढेणियालियापोरे इ वा, एवामेव धन्नस्स अनगारस्स जाणू सुक्का लुक्खा निम्मंसा अट्ठि-चम्म-छिरत्ताए पन्नायंति, नो चेव णं मंस-सोणियत्ताए। धन्नस्स णं अनगारस्स ऊरूणं अयमेयारूवे तव-रूव-लावण्णे होत्था–से जहानामए सामकरिल्ले इ वा बोरीकरिल्ले इ वा सल्लइकरिल्ले इ वासामलिकरिल्ले इ वा तरुणए छिण्णे उण्हे दिण्णे सुक्के समाणे मिलायमाणे चिट्ठइ, एवामेव धन्नस्स अनगारस्स ऊरू सुक्का लुक्खा निम्मंसा अट्ठि-चम्म-छिरत्ताए पन्नायंति, नो चेव णं मंसं-सोणियत्ताए। धन्नस्स णं अनगारस्स कडिपत्तस्स अयमेयारूवे तव-रूव-लावण्णे होत्था–से जहानामए उट्टपदे इ वा जरग्गपए इ वा महिसपए इ वा, एवामेव धन्नस्स अनगारस्स कडिपत्ते सुक्के लुक्खे निम्मंसे अट्ठिचम्म-छिरत्ताए पन्नायंति, नो चेव णं मंसं-सोणियत्ताए। धन्नस्स णं अनगारस्स उदर-भायणस्स अयमेयारूवे तव-रूव-लावण्णे होत्था–से जहानामए सुक्क-दिए इ वा भज्जणयक भल्ले इ वा कट्ठ-कोलंबए इ वा, एवामेव धनस्स अनगारस्स उदरं सुक्कं लुक्खं निम्मसं चम्म-छिर-त्ताए पन्नायंति, नो चेव णं मंस-सोणियत्ताए। धन्नस्स णं अनगारस्स पासुलिय-कडयाणं अयमेयारूवे तव-रूव-लावण्णे होत्था–से जहानामए थासयावली इ वा पाणावली इ वा मुंडावली इ वा, एवामेव धन्नस्स अनगारस्स पासुलिय-कडया सुक्का लुक्खा निम्मंसा अट्ठि-चम्म-छिरत्ताए पन्नायंति, नो चेव णं मंस-सोणियत्ताए। धन्नस्स णं अनगारस्स पिट्ठि-करंडयाणं अयमेयारूवे तव-रूव-लावण्णे होत्था–से जहानामए कण्णावली इ वा गोलावली इ वा वट्टावली इ वा, एवामेव धन्नस्स अनगारस्स पिट्ठि-करंडया सुक्का लुक्खा निम्मंसा अट्ठि-चम्म-छिरत्ताए पन्नायंति नो चेव णं मंससोणियत्ताए। धन्नस्स णं अनगारस्सउर-कडयस्स अयमेयारूवे तव-रूव-लावण्णे होत्था–से जहानामए चित्तकट्टरे इ वा वीयणपत्ते इ वा तालियंटपत्ते इ वा, एवामेव धन्नस्स अनगारस्स उर-कडए सुक्के लुक्खे निम्मंसे अट्ठि-चम्म-छिरत्ताए पण्णायति, नो चेव णं मंस-सोणियत्ताए। धन्नस्स णं अनगारस्स बाहाणं अयमेयारूवे तव-रूव-लावण्णे होत्था–से जहानामए समिसं-गलिया इ वा बाहाया-संगलिया इ वाअगत्थिय-संगलिया इ वा, एवामेव धन्नस्स अनगारस्स बाहाओ सुक्काओ लुक्खाओ निम्मंसाओ अट्ठि-चम्म-छिर-त्ताए पन्नायंति, नो चेव णं मंस-सोणियत्ताए। धन्नस्स णं अनगारस्स हत्थाणं अयमेयारूवे तव-रूव-लावण्णे होत्था–से जहानामए सुक्कछगणिया इ वा वडपत्ते इ वा पलासपत्ते इ वा, एवामेव धन्नस्स अनगारस्स हत्था सुक्का लुक्खा निम्मंसा अट्ठि-चम्म-छिरत्ताए पन्नायंति, नो चेव णं मंस-सोणियत्ताए। धन्नस्स णं अनगारस्स हत्थंगुलियाणं अयमेयारूवे तव-रूव-लावण्णे होत्था–से जहानामए कलसंगलिया इ वा मुग्गसंगलिया इ वा माससंगलिया इ वा तरुणिया छिन्ना आयवे दिन्ना सुक्का समाणी मिलायमाणी चिट्ठंति, एवामेव धन्नस्स अनगारस्स हत्थंगुलियाओ सुक्काओ लुक्खाओ निम्मंसाओ अट्ठिचम्म-छिरत्ताए पन्नायंति, नो चेव णं मंससोणियत्ताए। धन्नस्स णं अनगारस्स गीवाए अयमेयारूवे तव-रूव-लावण्णे होत्था–से जहानामए करग-गीवा इ वा कुंडिया-गीवा इ वा उच्चत्थवणए इ वा, एवामेव धन्नस्स अनगारस्स गीवा सुक्का लुक्खा निम्मंसा अट्ठिचम्म-छिरत्ताए पन्नायंति, नो चेव णं मंस-सोणियत्ताए। धन्नस्स णं अनगारस्स हणुयाए अयमेयारूवे तव-रूव-लावण्णे होत्था–से जहानामए लाउफले इ वा हकुवफले इ वा अंबगट्ठिया इ वा आयवे दिण्णा सुक्का समाणी मिलायमाणी चिट्ठइ, एवामेव धन्नस्स अनगारस्स हणुया सुक्का लुक्खा निम्मंसा अट्ठि-चम्म-छिरत्ताए पन्नायति, नो चेव णं मंस-सोणियत्ताए। धन्नस्स णं अनगारस्स उट्ठाणं अयमेयारूवे तव-रूव-लावण्णे होत्था–से जहानामए सुक्क-जलोया इ वा सिलेसगुलिया इ वा अलत्तगुलिया इ वा, एवामेव धन्नस्स अनगारस्स उट्ठा सुक्का लुक्खा निम्मंसा चम्म-छिरत्ताए पन्नायंति, नो चेव णं मंससोणियत्ताए। धन्नस्स णं अनगारस्स जिब्भाए अयमेयारूवे तव-रूव-लावण्णे होत्था–से जहानामए वडपत्ते इ वा पलासपत्ते इ वा सागपत्ते इ वा, एवामेव धन्नस्स अनगारस्स जिब्भा सुक्का लुक्खा निम्मंसा चम्म-छिरत्ताए पन्नायति, नो चेव णं मंससोणियत्ताए। धन्नस्स णं अनगारस्स नासाए अयमेयारूवे तव-रूव-लावण्णे होत्था–से जहानामए अंबग-पेसिया इ वा अंबाडगपेसिया इ वा माउलुंगपेसिया इ वा तरुणिया छिण्णा आयवे दिन्ना सुक्का समाणी मिलायमाणी चिट्ठइ, एवामेव धन्नस्स अनगारस्स नासा सुक्का लुक्खा निम्मंसा अट्ठि-चम्म-छिरत्ताए पन्नायति, नो चेव णं मंससोणियत्ताए। धन्नस्स णं अनगारस्स अच्छीणं अयमेयारूवे तव-रूव-लावण्णे होत्था–से जहानामए वीणाछिद्दे इ वा बद्धीसगछिद्दे इ वा पाभाइयतारिगा इ वा, एवामेव धन्नस्स अनगारस्स अच्छीओ सुक्काओ लुक्खाओ निम्मंसाओ अट्ठिचम्म-छिरत्ताए पन्नायंति, नो चेव णं मंससोणियत्ताए। धन्नस्स णं अनगारस्स कण्णाणं अयमेयारूवे तव-रूव-लावण्णे होत्था–से जहानामए मूलाछल्लिया इ वा वालुंकछल्लिया इ वा कारेल्लयछल्लिया इ वा, एवामेव धन्नस्स अनगारस्स कण्णा सुक्का लुक्खा निम्मंसा चम्म-छिरत्ताए पन्नायंति, नो चेव णं मंससोणियत्ताए। धन्नस्स णं अनगारस्स सीसस्स अयमेयारूवे तव-रूव-लावण्णे होत्था–से जहानामए तरुण-गलाउए इ वा तरुणग-एलालुए इ वा सिण्हालए इ वा तरुणए छिन्ने आयवे दिन्ने सुक्के समाणे मिलायमाणे चिट्ठइ, एवामेव धन्नस्स अनगारस्स सीसं सुक्कं लुक्खं निम्मंसं अट्ठिचम्म-छिरत्ताए पन्नायइ, नो चेव णं मंससोणियत्ताए। धन्ने णं अनगारे सुक्केणं भुक्खेणं पायजंघोरुणा, विगय-तडि-करालेणं कडि-कडाहेणं, पिट्ठिमस्सिएणं उदरभायणेणं, जोइज्जमाणेहिं पासुलि-कडएहिं,अक्खसुत्तमाला तिव गणेज्ज-माणेहिं पिट्ठिकरंडगसंधीहिं, गंगातरंगभूएणं उरकडगदेसभाएणं, सुक्कसप्पसमाणाहिं बाहाहिं, सिढिलकडाली विवलंबतेहि य अग्गहत्थेहिं, कंपणवाइओ विव वेवमाणीए सीसघडीए पम्माण-वयणकमले उब्भडघडमुहे उच्छुद्धणयणकोसे जीवंजीवेणं गच्छइ, जीवंजीवेणं चिट्ठइ, भासं भासित्ता गिलाइ, भासं भासमाणे गिलाइ, भासं भासिस्सामि त्ति गिलाइ। से जहानामए इंगाल-सगडिया इ वा कट्ठसगडिया इ वा पत्तसगडिया इ वा तिलंडासगडिया इ वा एरंडसगडिया इ वा उण्हे दिन्ना सुक्का समाणी ससद्दं गच्छइ, ससद्दं चिट्ठइ, एवामेव धन्ने अनगारे ससद्दं गच्छइ, ससद्दं चिट्ठइ, उवचिए तवेणं, अवचिए मंससोणिएणं, हुयासणे इव भासरासिपलिच्छण्णे तवेणं तेएणं तवतेयसिरीए अईव-अईव उवसोभेमाणे-उवसोभेमाणे चिट्ठइ। | ||
| Sutra Meaning : | ભંતે ! જો ભગવંતે મહાવીરે અનુત્તરોપપાતિક દશાના ત્રીજા વર્ગના દશ અધ્યયનો કહ્યા છે તો પહેલા અધ્યયનનો અર્થ શો છે ? હે જંબૂ ! તે કાળે તે સમયે કાકંદી નામે ઋદ્ધ – નિર્ભય – સમૃદ્ધ નગરી હતી, સહસ્રામ્રવન નામે સર્વઋતુક ઉદ્યાન હતુ, જિતશત્રુ રાજા હતો. તે નગરીમાં ભદ્રા સાર્થવાહી રહેતી હતી, તેણી આઢ્યા યાવત્ અપરિભૂતા હતી. તેણીને ધન્ય નામે પુત્ર હતો. તે પૂર્ણ પંચેન્દ્રિય યાવત સ્વરૂપવાન હતો, ક્ષીરધાત્રી આદિ પાંચ ધાત્રી વડે પરિગૃહીત હતો. ધન્યકુમારનું સર્વ વર્ણન મહાબલકુમારમાં કહ્યા મુજબ જાણવું. યાવત્ તે ૭૨ – કલા ભણ્યો યાવત્ અનુક્રમે તે ભોગસમર્થ થયો. ત્યારે ભદ્રાએ, તેને બાલભાવનો ત્યાગ કરીને અનુક્રમે ભોગ સમર્થ થયો જાણી, ૩૨ – પ્રાસાદાવતંસક કરાવ્યા, જે અતિ ઊંચા હતા, યાવત્ તેની મધ્યે અનેકશત સ્તંભ સંનિવિષ્ટ ભવન હતું. ૩૨ – શ્રેષ્ઠી કન્યા સાથે એક દિવસે ધન્યકુમારનું પાણીગ્રહણ કરાવ્યુ, ૩૨ – દાયજા આપ્યા. યાવત્ ઉપરના પ્રાસાદે મૃદંગના સ્ફૂટ અવાજો સહિત યાવત્ (ભોગ ભોગવતો) વિચરે છે. તે કાળે તે સમયે ભગવંત મહાવીર પધાર્યા, પર્ષદા નીકળી, કોણિક રાજાની માફક જિતશત્રુ રાજા નીકળ્યો, ત્યારે તે ધન્યએ, મોટા અવાજથી ભગવંતના આગમનના સમાચાર જાણ્યા. જમાલીકુમારની માફક ધન્યકુમાર પણ નીકળ્યો. વિશેષ એ કે – તે પગે ચાલીને જાય છે. તેણે ધર્મકથા સાંભળી યાવત હું મારી માતા ભદ્રાને પૂછીને પછી આપ દેવાનુપ્રિય પાસે દીક્ષા લેવા ઈચ્છું છું. ધન્યકુમાર યાવત્ જમાલીની માફક પોતાની માતાને પૂછ્યું, માતા ભદ્રા મૂર્ચ્છા પામી, સાવધાન થતા મહાબલ માફક સંવાદ થયો. યુક્તિ – પ્રયુક્તિ દ્વારા, યાવત્ માતા સમજાવવા સમર્થ ન થઈ, ત્યારે થાવચ્ચાપુત્રની માતા માફક જિતશત્રુ રાજાને છત્ર – ચામરાદિ માટે પૂછ્યું, જેમ કૃષ્ણે થાચવચ્ચાપુત્રનો નિષ્ક્રમણ ઉત્સવ કરેલો તેમ સ્વયં જિતશત્રુરાજાએ ધન્યકુમારનો નિષ્ક્રમણ ઉત્સવ કર્યો, , યાવત્ ધન્ય્કુમારે દીક્ષા લીધી. તેઓ ઇર્યાસમિત યાવત્ બ્રહ્મચારી અણગાર થયા. ત્યારપછી ધન્ય અણગાર, જે દિવસે મુંડ થઈ યાવત્ દીક્ષા લીધી, તે દિવસે જ શ્રમણ ભગવંત મહાવીરને વાંદી – નમીને કહ્યું – ભંતે ! હું આપની અનુજ્ઞા પામી યાવજ્જીવ નિરંતર છઠ્ઠના પારણેછઠ્ઠ અને પારણે આયંબિલ તપ વડે આત્માને ભાવિત કરતા વિચરવા ઇચ્છુ છું. છઠ્ઠના પારણે પણ મારે શુદ્ધોદનાદિ આયંબિલ કરવું કલ્પે, અનાયંબિલ નહીં. તે પણ સંસૃષ્ટ(ભોજન વડે લિપ્ત હાથ વડે અપાય તે), અસંસૃષ્ટ નહીં, તે પણ ઉજ્ઝિત ધર્મવાળુ, (પ્રત્યેક સભ્યના જમ્યા પછી વધેલો, નાંખી દેવા જેવો આહાર)અનુજ્ઝિત ધર્મવાળુ નહીં, તે પણ બીજા ઘણા શ્રમણ, બ્રાહ્મણ, અતિથિ, કૃપણ, વનીપક ન ઇચ્છતા હોય તેવો તુચ્છ આહાર મને લેવો કલ્પે. દેવાનુપ્રિય ! સુખ ઉપજે તેમ કર, વિલંબ ન કર. ત્યારે ધન્ય અણગારે ભગવંત મહાવીરની અનુજ્ઞા પામી, હર્ષિત થયો, સંતુષ્ટ થયો યાવત છઠ્ઠ તપ વડે આત્માને ભાવતા વિચરવા લાગ્યા. પછી તે ધન્ય મુનિ પહેલા છઠ્ઠના પારણે, પહેલી પોરિસીમાં સજ્ઝાય કરે છે, યાવત ગૌતમસ્વામીવત્ જ પૂછે છે, યાવત્ કાકંદી નગરીમાં આવીને, ઉચ્ચ – નીચ – મધ્યમ ઘરોમાં યાવત્ આયંબિલ માટે લુખો સુકો અને જેને અન્ય કોઈ લેવા ન ઈચ્છે તેવો આહાર લેવા પરિભ્રમણ કરે છે. ત્યારે તે ધન્યમુનિ પોતાના ઉદ્યમવાળી, ઉત્કૃષ્ટ યત્નવાળી પ્રદત્ત પ્રગૃહીત એષણા વડે ભોજન મળે તો પાણી નહીં, પાણી મળે તો ભોજન નહીં. ત્યારે પણ તે ધન્યમુનિ દીન નહી થતા, ઉદાસ નહી થતા, અકલુષપણે, વિષાદ રહિત, વિમનસ્ક્તા અને આકુળ – વ્યાકુળતા રહિત, નિરંતર સમાધિમાં લીન રહેતા, તે અણગાર પ્રાપ્ત યોગમાં યાતના કરનાર, અપ્રાપ્ત યોગ માટે ઉદ્યમ કરનાર, કાકંદી નગરીથી નીકળ્યા, ગૌતમસ્વામીવત્ આહાર દેખાડ્યો. પછી ભગવંતની અનુજ્ઞા પામી અમૂર્ચ્છિત યાવત્ અનાસક્ત થઈ, બિલમાં પ્રવેશતા સર્પની માફક પોતે આહાર કરી, સંયમ અને તપથી યાવત્ વિચરે છે. ભગવંત કોઈ દિવસે કાકંદી નગરીના સહસ્રામ્રવન ઉદ્યાનથી નીકળીને બાહ્ય જનપદ વિહારથી વિચરે છે. તે ધન્ય મુનિ ભગવંતના તથારૂપ સ્થવિરો પાસે સામાયિકથી લઈ અગિયાર અંગો ભણ્યા, સંયમ – તપથી આત્માને ભાવતા વિચરે છે, પછી ધન્યમુનિ તે ઉદાર તપથી સ્કંદક માફક યાવત્ થઈ ગયા. તે ધન્ય મુનિના પગનું આવા પ્રકારે તપ – રૂપ – લાવણ્ય થયું, જેમ સૂકી છાલ, કાષ્ઠ પાદુકા, જૂના જુતા હોય, તેવા ધન્ય મુનિના પગ સૂકા, માંસરહિત, ચામડી – નસોથી યુક્ત માત્ર હાડકાથી જ પગ છે તેમ જણાતુ હતું, માંસ – લોહીથી નહીં. ધન્ય મુનિના પગની આંગળી આવી સુંદર હતી, જેમ તુવેર – મગ – અડદની કોમળ શીંગને છેદીને તડકો દેવાથી શુષ્ક, કરમાયેલી હોય, તેમ ધન્યના પગની આંગળીઓ હતી. ધન્યની જંઘાનું સૌંદર્ય આવું હતું. જેમ કાક – કંક કે ઢેણિકાલિકની જંઘા હોય, ધન્યના જાનૂ આવા પ્રકારે હતા – કાલિ – મયુર કે ઢેલિકાપર્વ હોય, ધન્યના સાથળનું સૌંદર્ય જેમ શામ, બોરી, શલ્લકી, શાલ્મલી વૃક્ષના છોડવા જે કોમળ હોય, તડકો દીધેલ હોય યાવત્ શુષ્ક થયેલ હોય, એવા ધન્યના પગ હતા. ધન્યમુનિનું કેડરૂપ પત્ર આવા સ્વરૂપનું હતુ. જેમ ઉંટ – જરગ – આદિના પગ હોય, ધન્યનું ઉદર રૂપ ભાજન આવુ હતું – જેમ શુષ્ક મસક, ભુંજવાની ઠીબ, કાષ્ઠ કથરોટની જેમ ઉદર શુષ્ક હતું. ધન્યનું પાંસળીરૂપ કટક આવું હતું – જેમ સ્થાસક, પાનક, મુંડની શ્રેણિ જેવું હતું. ધન્યની પૃષ્ઠ કરંડક કર્ણ – ગોલ – વર્તકશ્રેણી જેવું હતું. ધન્યની છાતીરૂપ કટક – ચિત્તતૃણની સાદડી, વ્યંજન પત્ર, તાલવૃંત્ત જેવું હતું. ધન્યની બાહા શમી – વાહા – અગસ્તિની શીંગ જેવી હતી. ધન્યના હાથ સૂકુ છાણું, વડ પત્ર, પલાશપત્ર જેવા હતા. ધન્યના હાથની આંગળી વટાણા – મગ – અડદની શીંગ, જે કોમળ હોય ત્યારે છેદીને તડકો દેવાથી સૂકી થયેલી હોય તેવી હતી. ધન્યની ડોક, ઘડા – કુંડિકા – ઉચ્ચ સ્થાપકની ગ્રીવા જેવી હતી. ધન્યની દાઢી, તુંબડા કે હકુવાના ફળ કે આંબાની ગોઠલી જેવી હતી. ધન્યના હોઠ, જેમ સૂકી જળો, શ્લેષ્મ ગોળી, લાખની ગોળીના જેવા હતા. ધન્યની જીભ, વડ – પલાશ કે શાકપત્ર જેવી હતી. ધન્યનું નાક, આમ્ર, અંબાડક, બીજોરુની સૂકી પેશી જેવું હતું. ધન્યની આંખ, વીણા કે બદ્ધીસકના છિદ્ર કે પ્રભાતકાળના તારા જેવી હતી. ધન્યના કાન, મૂળા – ચીભડા – કારેલાની છાલ જેવા હતા. ધન્યનું મસ્તક, કોમળ તુંબડુ કે આલુક, સેફાલ જેવું કોમળ હોય અને તડકે સૂકવ્યું હોય તેવું હતું. ધન્યમુનિનું શીર્ષ શુષ્ક, રુક્ષ, નિર્માંસ, માત્ર અસ્થિ, ચર્મ – નાડીથી ઓળખાતું હતું, માંસ – લોહીથી નહીં. આ પ્રમાણે દરેક અંગના વર્ણનમાં જાણવું. વિશેષ એ – ઉદર, કર્ણ, જીભ, હોઠના વર્ણનમાં ‘અસ્થિ’ શબ્દ ન કહેવો, પણ માત્ર ચામડી અને નસો વડે જણાય છે, તેમ કહેવું. (આ પ્રમાણે ધન્ય મુનિના શરીરનું સૌંદર્ય કેવું થયું હતું તે કહ્યું.) ધન્યમુનિના પગ – જંઘા – ઉરુ શુષ્ક અને રુક્ષ હતા, તેની કેડરૂપી કટાહ માંસ ન હોવાથી ઉંચા, બહાર નીકળતા હતા. પડખાનો ભાગ ઊંચો, ઉદરરૂપી ભાજન પીઠને અડી ગયેલ, પાંસળીરૂપ કડા દેખાતા હતા, અક્ષસૂત્ર માળાની જેમ ગણી શકાય તેવી પૃષ્ઠ કરંડક સંધિ, ગંગાના તરંગરૂપ ઉદરરૂપ કટકનો વિભાગ, બાહુ સૂકા સર્પ જેવી, શિથીલ ચોકડાની જેમ લબડતા અગ્ર હસ્ત, કંપવાતીની જેમ કંપતી મસ્તક રૂપ ઘડી, કરમાયેલ મુખકમળ, ઉદ્ભટ ઘડા જેવું મુખ, બૂડેલા નયનરૂપ કોશ હતા. આત્મવીર્ય વડે જ ચાલતા કે ઊભતા હતા, ભાષા બોલું એમ વિચારતા થાકી જતા હતા. કોલસાની ભરેલી ગાડીની જેમ, સ્કંદક મુનિ માફક જાણવું યાવત્ રાખથી ઢંકાયેલ અગ્નિની જેમ તપ – તેજ વડે અને તપ – તેજ લક્ષ્મીથી શોભતા હતા. | ||
| Mool Sutra Transliteration : | [sutra] jai nam bhamte! Samanenam bhagavaya mahavirenam java sampattenam anuttarovavaiyadasanam tachchassa vaggassa dasa ajjhayana pannatta, padhamassa nam bhamte! Ajjhayanassa samanenam bhagavaya mahavirenam java sampattenam ke atthe pannatte? Evam khalu jambu! Tenam kalenam tenam samaenam kakamdi namam nayari hottha–riddhatthimiyasamiddha. Sahasambavane ujjane–savvouya-puppha-phala-samiddhe. Jiyasattu raya. Tattha nam kakamdie nayarie bhadda namam satthavahi parivasai–addha java aparibhuya. Tise nam bhaddae satthavahie putte dhanne namam darae hottha–ahinapadipunna-pamchemdiyasarire java suruve. Pamchadhaipariggahie jaha mahabbalo java bavattarim kalao ahie java alambhogasamatthe jae yavi hottha. Tae nam sa bhadda satthavahi dhanna darayam ummukkabalabhavam java alambhogasamattham va vi janitta battisam pasayavademsae karei–abbhuggayamusie java padiruve. Tesim majjhe egam cha nam maham bhavanam karei–anegakhambhasayasannivittham java padiruvam. Tae nam sa bhadda satthavahi tam dhanna darayam battisae ibbhavarakannaganam egadivasenam panim genhavei. Battisao dao Tae nam se dhanne darae uppim pasayavaragae phuttamanehim muimgamatthaehim java viule manussae kamabhoge pachchanubhavamane viharai. Tenam kalenam tenam samaenam samane bhagavam mahavire samosadhe. Parisa niggaya. Raya jaha koniotaha niggao. Tae nam tassa dhannassa daragassa tam mahaya janasaddam va java janasannivayam va sunamanassa va pasamanassa va ayameyaruve ajjhatthie chimtie patthie manogae samkappe samuppajjittha–kinnam ajja kakamdie nayarie imdamahe i va jannam ete bahave ugga bhoga java niggachchhamti– evam sampehei, sampehetta kamchuipurisam saddavei, saddavetta evam vayasi–kinnam devanuppiya! Ajja kakamdie nayarie imdamahe i va java niggachchhamti? Tae nam se kamchuipurise samanassa bhagavao mahavirassa agamanagahiyavinichchhae dhannam darayam evam vayasi– evam khalu devanuppiya! Ajja samane bhagavam mahavire kakamdie nayarie bahiya sahasambavane ujjane ahapadiruvam oggaham oginhitta samjamenam tavasa appanam bhavemane viharai, tae nam ete bahave ugga bhoga java niggachchhamti. Tae nam se dhanne darae kamchuipurisassa amtiyam eyamattham sochcha nisamma hatthatutthe java payacharenam jeneva samane bhagavam mahavire teneva uvagachchhai, uvagachchhitta samanam bhagavam mahavire tikkhutto ayahina-payahinam karei, karetta vamdai namamsai, vamditta namamsitta tivihae pajjuvasanae pajjuvasai. Tae nam samane bhagavam mahavire dhannassa darayassa tise ya mahaimahaliyae isiparisae java dhammam parikahei. Tae nam se dhanne darae samanassa bhagavao mahavirassa amtie dhammam sochcha nisamma hatthatutthe samanam bhagavam mahaviram tikkhutto ayahina-payahinam karei, karetta vamdai namamsai, vamditta namamsitta evam vayasi–saddahami nam bhamte! Niggamtham pavayanam java ammayam bhaddam satthavahim apuchchhami, tae nam aham devanuppiyanam amtiyam mumde bhavitta agarao anagariyam pavvayami. Ahasuham devanuppiya. Jaha jamali taha apuchchhai. Tae nam sa bhadda satthavahi tam anittham akamtam appiyam amanunnam amanamam asuyapuvvam pharusam giram sochcha nisamma dhasatti savvamgehim samnivadiya. Vuttapadivuttaya jaha mahabbale. Tae nam tam dhanna darayam bhadda satthavahi jahe no samchaei java jiyasattum apuchchhai–ichchhami nam devanuppiya! Dhannassa darayassa nikkhamamanassa chhatta-mauda-chamarao ya vidinnao. Tae nam jiyasattu raya bhaddam satthavahim evam vayasi–achchhahi nam tumam devanuppie! Sunivvuta-visattha, ahannam sayameva dhannassa darayassa nikkhamanasakkaram karissami. Sayameva jiyasattu nikkhamanam karei, jaha thavachchaputtassa kanho. Tae nam se dhanne darae sayameva pamchamutthiyam loyam karei java pavvaie. Tae nam se dhanne darae anagare jae–iriyasamie bhasasamie esanasamie ayana-bhamda-matta-nikkhevanasamie uchchara-pasavana-khela-simghana-jalla-paritthavaniyasamie manasamie vaisamie kayasamie managutte vaigutte kayagutte gutte guttimdie guttabambhayari. Tae nam se dhanne anagare jam cheva divasam mumde bhavitta agarao anagariyam pavvaie, tam cheva divasam samanam bhagavam mahaviram vamdai namamsai, vamditta namamsitta evam vayasi–ichchhami nam bhamte! Tubbhehim abbhanunnae samane javajjivae chhatthamchhatthenam anikkhittenam ayambilapariggahienam tavokammenam appanam bhavemane viharittae chhatthassa vi ya nam paranayamsi kappai me ayambilam padigahettae, no cheva nam anayambilam. Tam pi ya samsattham, no cheva nam asamsattham. Tam pi ya nam ujjhiyadhammiyam, no cheva nam anujjhiya-dhammiyam tam pi ya jam anne bahave samana-mahana-atihi-kivana-vanimaga navakamkhamti. Ahasuham devanuppiya! Ma padibamdham karehi. Tae nam se dhanne anagare samanenam bhagavaya mahavirenam abbhanunnae samane hatthatutthe javajjivae chhatthamchhatthenam anikkhittenam ayambilapariggahienam tavokammenam appanam bhavemane viharai. Tae nam se dhanne anagare padhama-chhatthakhamanaparanayamsi padhamae porisie sajjhayam karei, jaha goyamasami taheva apuchchhai, java jeneva kakamdi nayari teneva uvagachchhai, uvagachchhitta kakamdie nayarie uchcha-niya-majjhimaim kulaim gharasamudana-ssa bhikkhayariyae adamane ayambilam padi-gaheti, no cheva nam anayambilam. Tam pi ya samsattham, no cheva nam asamsattham. Tam pi ya ujjhiya-dhammiyam, no cheva nam anujjhiya-dhammiyam tam pi ya jam anne bahave samana-mahana-atihi-kivana-vanimaga navakamkhamti. Tae nam se dhanne anagare tae abbhujjayae payayae payattae paggahiyae esanae esamane jai bhattam labhai to panam na labhai, aha panam labhai to bhattam na labhai. Tae nam se dhanne anagare adine avimane akaluse avisadi aparitamta-jogi jayana-ghadana-jogacharitte ahapajjattam samudanam padigahei, padigahetta kakamdio nayario padinikkhamai, padinikkhamitta jaha goyame java padidamsei. Tae nam se dhanne anagare samanenam bhagavaya mahavirenam abbhanunnae samane amuchchhie agiddhe agadhie anajjhovavanne bilamiva pannagabhuenam appanenam aharam aharei, aharetta samjamenam tavasa appanam bhavemane viharai. Tae nam samane bhagavam mahavire annaya kayai kayamdio nayario sahasambavanao ujjanao padinikkhamai, padinikkhamitta bahiya janavayaviharam viharai. Tae nam se dhanne anagare samanassa bhagavao mahavirassa taharuvanam theranam amtie samaiya-maiyaim ekkarasa amgaim ahijjai, ahijjitta samjamenam tavasa appanam bhavemane viharai. Tae nam se dhanne anagare tenam oralenam viulenam payattenam paggahienam kallanenam sivenam dhannenam mamgallenam sassiroenam udaggenam udattenam uttamenam udarenam mahanubhagenam tavokammenam sukke lukkhe nimmamse atthichammavanaddhe kidikidiyabhue kise dhamanisamtae jae yavi hottha. Jivamjivenam gachchhai, jivamjivenam chitthai, bhasam bhasitta vi gilai, bhasam bhasamane gilai, bhasam bhasissamiti gilai. Se jahanamae katthasagadiya i va pattasagadiya i va patta-tila-bhamdaga-sagadiya i va eramdakattha-sagadiya i va, imgalasagadiya i va unhe dinna sukka samani sasaddam gachchhai, sasaddam chitthai, evameva dhanne anagare sasaddam gachchhai, sasaddam chitthai, uvachie tavenam, avachie mamsasonienam, huyasane viva bhasarasipadichchhanne tavenam, teenam, tavateyasirie ativa-ativa uvasobhemane-uvasobhemane chitthai. Dhannassa nam anagarassa payanam ayameyaruve tava-ruva-lavanne hottha–se jahanamae sukkachhalli i va katthapauya i va jaraggaovahana i va, evameva dhannassa anagarassa paya sukka lukkha nimmamsa atthichammachhirattae pannayamti, no cheva nam mamsasoniyattae. Dhannassa nam anagarassa payamguliyanam ayameyaruve tava ruva-lavanne hottha–se jahanamae kalasamgaliya i va muggasamgaliya i va masasamgaliya i va taruniya chhinna unhe dinna sukka samani milayamani chitthamti, evameva dhannassa anagarassa payamguliyao sukkao lukkhao nimmamsao atthi-chamma-chhirattae pannayamti, no cheva nam mamsa-soniyattae. Dhannassa nam anagarassa jamghanam ayameyaruve tava-ruva-lavanne hottha–se jahanamae kakajamgha i va dheniyali-yajamgha i va, evameva dhannassa anagarassa jamghao sukkao lukkhao nimmamsao atthi-chamma-chhirattae pannayamti, no cheva nam mamsa-soniyattae. Dhannassa anagarassa janunam ayameyaruve tava-ruva-lavanne hottha–se jahanamae kalipore i va maurapore i va dheniyaliyapore i va, evameva dhannassa anagarassa janu sukka lukkha nimmamsa atthi-chamma-chhirattae pannayamti, no cheva nam mamsa-soniyattae. Dhannassa nam anagarassa urunam ayameyaruve tava-ruva-lavanne hottha–se jahanamae samakarille i va borikarille i va sallaikarille i vasamalikarille i va tarunae chhinne unhe dinne sukke samane milayamane chitthai, evameva dhannassa anagarassa uru sukka lukkha nimmamsa atthi-chamma-chhirattae pannayamti, no cheva nam mamsam-soniyattae. Dhannassa nam anagarassa kadipattassa ayameyaruve tava-ruva-lavanne hottha–se jahanamae uttapade i va jaraggapae i va mahisapae i va, evameva dhannassa anagarassa kadipatte sukke lukkhe nimmamse atthichamma-chhirattae pannayamti, no cheva nam mamsam-soniyattae. Dhannassa nam anagarassa udara-bhayanassa ayameyaruve tava-ruva-lavanne hottha–se jahanamae sukka-die i va bhajjanayaka bhalle i va kattha-kolambae i va, evameva dhanassa anagarassa udaram sukkam lukkham nimmasam chamma-chhira-ttae pannayamti, no cheva nam mamsa-soniyattae. Dhannassa nam anagarassa pasuliya-kadayanam ayameyaruve tava-ruva-lavanne hottha–se jahanamae thasayavali i va panavali i va mumdavali i va, evameva dhannassa anagarassa pasuliya-kadaya sukka lukkha nimmamsa atthi-chamma-chhirattae pannayamti, no cheva nam mamsa-soniyattae. Dhannassa nam anagarassa pitthi-karamdayanam ayameyaruve tava-ruva-lavanne hottha–se jahanamae kannavali i va golavali i va vattavali i va, evameva dhannassa anagarassa pitthi-karamdaya sukka lukkha nimmamsa atthi-chamma-chhirattae pannayamti no cheva nam mamsasoniyattae. Dhannassa nam anagarassaura-kadayassa ayameyaruve tava-ruva-lavanne hottha–se jahanamae chittakattare i va viyanapatte i va taliyamtapatte i va, evameva dhannassa anagarassa ura-kadae sukke lukkhe nimmamse atthi-chamma-chhirattae pannayati, no cheva nam mamsa-soniyattae. Dhannassa nam anagarassa bahanam ayameyaruve tava-ruva-lavanne hottha–se jahanamae samisam-galiya i va bahaya-samgaliya i vaagatthiya-samgaliya i va, evameva dhannassa anagarassa bahao sukkao lukkhao nimmamsao atthi-chamma-chhira-ttae pannayamti, no cheva nam mamsa-soniyattae. Dhannassa nam anagarassa hatthanam ayameyaruve tava-ruva-lavanne hottha–se jahanamae sukkachhaganiya i va vadapatte i va palasapatte i va, evameva dhannassa anagarassa hattha sukka lukkha nimmamsa atthi-chamma-chhirattae pannayamti, no cheva nam mamsa-soniyattae. Dhannassa nam anagarassa hatthamguliyanam ayameyaruve tava-ruva-lavanne hottha–se jahanamae kalasamgaliya i va muggasamgaliya i va masasamgaliya i va taruniya chhinna ayave dinna sukka samani milayamani chitthamti, evameva dhannassa anagarassa hatthamguliyao sukkao lukkhao nimmamsao atthichamma-chhirattae pannayamti, no cheva nam mamsasoniyattae. Dhannassa nam anagarassa givae ayameyaruve tava-ruva-lavanne hottha–se jahanamae karaga-giva i va kumdiya-giva i va uchchatthavanae i va, evameva dhannassa anagarassa giva sukka lukkha nimmamsa atthichamma-chhirattae pannayamti, no cheva nam mamsa-soniyattae. Dhannassa nam anagarassa hanuyae ayameyaruve tava-ruva-lavanne hottha–se jahanamae lauphale i va hakuvaphale i va ambagatthiya i va ayave dinna sukka samani milayamani chitthai, evameva dhannassa anagarassa hanuya sukka lukkha nimmamsa atthi-chamma-chhirattae pannayati, no cheva nam mamsa-soniyattae. Dhannassa nam anagarassa utthanam ayameyaruve tava-ruva-lavanne hottha–se jahanamae sukka-jaloya i va silesaguliya i va alattaguliya i va, evameva dhannassa anagarassa uttha sukka lukkha nimmamsa chamma-chhirattae pannayamti, no cheva nam mamsasoniyattae. Dhannassa nam anagarassa jibbhae ayameyaruve tava-ruva-lavanne hottha–se jahanamae vadapatte i va palasapatte i va sagapatte i va, evameva dhannassa anagarassa jibbha sukka lukkha nimmamsa chamma-chhirattae pannayati, no cheva nam mamsasoniyattae. Dhannassa nam anagarassa nasae ayameyaruve tava-ruva-lavanne hottha–se jahanamae ambaga-pesiya i va ambadagapesiya i va maulumgapesiya i va taruniya chhinna ayave dinna sukka samani milayamani chitthai, evameva dhannassa anagarassa nasa sukka lukkha nimmamsa atthi-chamma-chhirattae pannayati, no cheva nam mamsasoniyattae. Dhannassa nam anagarassa achchhinam ayameyaruve tava-ruva-lavanne hottha–se jahanamae vinachhidde i va baddhisagachhidde i va pabhaiyatariga i va, evameva dhannassa anagarassa achchhio sukkao lukkhao nimmamsao atthichamma-chhirattae pannayamti, no cheva nam mamsasoniyattae. Dhannassa nam anagarassa kannanam ayameyaruve tava-ruva-lavanne hottha–se jahanamae mulachhalliya i va valumkachhalliya i va karellayachhalliya i va, evameva dhannassa anagarassa kanna sukka lukkha nimmamsa chamma-chhirattae pannayamti, no cheva nam mamsasoniyattae. Dhannassa nam anagarassa sisassa ayameyaruve tava-ruva-lavanne hottha–se jahanamae taruna-galaue i va tarunaga-elalue i va sinhalae i va tarunae chhinne ayave dinne sukke samane milayamane chitthai, evameva dhannassa anagarassa sisam sukkam lukkham nimmamsam atthichamma-chhirattae pannayai, no cheva nam mamsasoniyattae. Dhanne nam anagare sukkenam bhukkhenam payajamghoruna, vigaya-tadi-karalenam kadi-kadahenam, pitthimassienam udarabhayanenam, joijjamanehim pasuli-kadaehim,akkhasuttamala tiva ganejja-manehim pitthikaramdagasamdhihim, gamgataramgabhuenam urakadagadesabhaenam, sukkasappasamanahim bahahim, sidhilakadali vivalambatehi ya aggahatthehim, kampanavaio viva vevamanie sisaghadie pammana-vayanakamale ubbhadaghadamuhe uchchhuddhanayanakose jivamjivenam gachchhai, jivamjivenam chitthai, bhasam bhasitta gilai, bhasam bhasamane gilai, bhasam bhasissami tti gilai. Se jahanamae imgala-sagadiya i va katthasagadiya i va pattasagadiya i va tilamdasagadiya i va eramdasagadiya i va unhe dinna sukka samani sasaddam gachchhai, sasaddam chitthai, evameva dhanne anagare sasaddam gachchhai, sasaddam chitthai, uvachie tavenam, avachie mamsasonienam, huyasane iva bhasarasipalichchhanne tavenam teenam tavateyasirie aiva-aiva uvasobhemane-uvasobhemane chitthai. | ||
| Sutra Meaning Transliteration : | Bhamte ! Jo bhagavamte mahavire anuttaropapatika dashana trija vargana dasha adhyayano kahya chhe to pahela adhyayanano artha sho chhe\? He jambu ! Te kale te samaye kakamdi name riddha – nirbhaya – samriddha nagari hati, sahasramravana name sarvarituka udyana hatu, jitashatru raja hato. Te nagarimam bhadra sarthavahi raheti hati, teni adhya yavat aparibhuta hati. Tenine dhanya name putra hato. Te purna pamchendriya yavata svarupavana hato, kshiradhatri adi pamcha dhatri vade parigrihita hato. Dhanyakumaranum sarva varnana mahabalakumaramam kahya mujaba janavum. Yavat te 72 – kala bhanyo yavat anukrame te bhogasamartha thayo. Tyare bhadrae, tene balabhavano tyaga karine anukrame bhoga samartha thayo jani, 32 – prasadavatamsaka karavya, je ati umcha hata, yavat teni madhye anekashata stambha samnivishta bhavana hatum. 32 – shreshthi kanya sathe eka divase dhanyakumaranum panigrahana karavyu, 32 – dayaja apya. Yavat uparana prasade mridamgana sphuta avajo sahita yavat (bhoga bhogavato) vichare chhe. Te kale te samaye bhagavamta mahavira padharya, parshada nikali, konika rajani maphaka jitashatru raja nikalyo, tyare te dhanyae, mota avajathi bhagavamtana agamanana samachara janya. Jamalikumarani maphaka dhanyakumara pana nikalyo. Vishesha e ke – te page chaline jaya chhe. Tene dharmakatha sambhali yavata hum mari mata bhadrane puchhine pachhi apa devanupriya pase diksha leva ichchhum chhum. Dhanyakumara yavat jamalini maphaka potani matane puchhyum, mata bhadra murchchha pami, savadhana thata mahabala maphaka samvada thayo. Yukti – prayukti dvara, yavat mata samajavava samartha na thai, tyare thavachchaputrani mata maphaka jitashatru rajane chhatra – chamaradi mate puchhyum, jema krishne thachavachchaputrano nishkramana utsava karelo tema svayam jitashatrurajae dhanyakumarano nishkramana utsava karyo,, yavat dhanykumare diksha lidhi. Teo iryasamita yavat brahmachari anagara thaya. Tyarapachhi dhanya anagara, je divase mumda thai yavat diksha lidhi, te divase ja shramana bhagavamta mahavirane vamdi – namine kahyum – bhamte ! Hum apani anujnya pami yavajjiva niramtara chhaththana paranechhaththa ane parane ayambila tapa vade atmane bhavita karata vicharava ichchhu chhum. Chhaththana parane pana mare shuddhodanadi ayambila karavum kalpe, anayambila nahim. Te pana samsrishta(bhojana vade lipta hatha vade apaya te), asamsrishta nahim, te pana ujjhita dharmavalu, (pratyeka sabhyana jamya pachhi vadhelo, namkhi deva jevo ahara)anujjhita dharmavalu nahim, te pana bija ghana shramana, brahmana, atithi, kripana, vanipaka na ichchhata hoya tevo tuchchha ahara mane levo kalpe. Devanupriya ! Sukha upaje tema kara, vilamba na kara. Tyare dhanya anagare bhagavamta mahavirani anujnya pami, harshita thayo, samtushta thayo yavata chhaththa tapa vade atmane bhavata vicharava lagya. Pachhi te dhanya muni pahela chhaththana parane, paheli porisimam sajjhaya kare chhe, yavata gautamasvamivat ja puchhe chhe, yavat kakamdi nagarimam avine, uchcha – nicha – madhyama gharomam yavat ayambila mate lukho suko ane jene anya koi leva na ichchhe tevo ahara leva paribhramana kare chhe. Tyare te dhanyamuni potana udyamavali, utkrishta yatnavali pradatta pragrihita eshana vade bhojana male to pani nahim, pani male to bhojana nahim. Tyare pana te dhanyamuni dina nahi thata, udasa nahi thata, akalushapane, vishada rahita, vimanaskta ane akula – vyakulata rahita, niramtara samadhimam lina raheta, te anagara prapta yogamam yatana karanara, aprapta yoga mate udyama karanara, kakamdi nagarithi nikalya, gautamasvamivat ahara dekhadyo. Pachhi bhagavamtani anujnya pami amurchchhita yavat anasakta thai, bilamam praveshata sarpani maphaka pote ahara kari, samyama ane tapathi yavat vichare chhe. Bhagavamta koi divase kakamdi nagarina sahasramravana udyanathi nikaline bahya janapada viharathi vichare chhe. Te dhanya muni bhagavamtana tatharupa sthaviro pase samayikathi lai agiyara amgo bhanya, samyama – tapathi atmane bhavata vichare chhe, pachhi dhanyamuni te udara tapathi skamdaka maphaka yavat thai gaya. Te dhanya munina paganum ava prakare tapa – rupa – lavanya thayum, jema suki chhala, kashtha paduka, juna juta hoya, teva dhanya munina paga suka, mamsarahita, chamadi – nasothi yukta matra hadakathi ja paga chhe tema janatu hatum, mamsa – lohithi nahim. Dhanya munina pagani amgali avi sumdara hati, jema tuvera – maga – adadani komala shimgane chhedine tadako devathi shushka, karamayeli hoya, tema dhanyana pagani amgalio hati. Dhanyani jamghanum saumdarya avum hatum. Jema kaka – kamka ke dhenikalikani jamgha hoya, dhanyana janu ava prakare hata – kali – mayura ke dhelikaparva hoya, dhanyana sathalanum saumdarya jema shama, bori, shallaki, shalmali vrikshana chhodava je komala hoya, tadako didhela hoya yavat shushka thayela hoya, eva dhanyana paga hata. Dhanyamuninum kedarupa patra ava svarupanum hatu. Jema umta – jaraga – adina paga hoya, dhanyanum udara rupa bhajana avu hatum – jema shushka masaka, bhumjavani thiba, kashtha katharotani jema udara shushka hatum. Dhanyanum pamsalirupa kataka avum hatum – jema sthasaka, panaka, mumdani shreni jevum hatum. Dhanyani prishtha karamdaka karna – gola – vartakashreni jevum hatum. Dhanyani chhatirupa kataka – chittatrinani sadadi, vyamjana patra, talavrimtta jevum hatum. Dhanyani baha shami – vaha – agastini shimga jevi hati. Dhanyana hatha suku chhanum, vada patra, palashapatra jeva hata. Dhanyana hathani amgali vatana – maga – adadani shimga, je komala hoya tyare chhedine tadako devathi suki thayeli hoya tevi hati. Dhanyani doka, ghada – kumdika – uchcha sthapakani griva jevi hati. Dhanyani dadhi, tumbada ke hakuvana phala ke ambani gothali jevi hati. Dhanyana hotha, jema suki jalo, shleshma goli, lakhani golina jeva hata. Dhanyani jibha, vada – palasha ke shakapatra jevi hati. Dhanyanum naka, amra, ambadaka, bijoruni suki peshi jevum hatum. Dhanyani amkha, vina ke baddhisakana chhidra ke prabhatakalana tara jevi hati. Dhanyana kana, mula – chibhada – karelani chhala jeva hata. Dhanyanum mastaka, komala tumbadu ke aluka, sephala jevum komala hoya ane tadake sukavyum hoya tevum hatum. Dhanyamuninum shirsha shushka, ruksha, nirmamsa, matra asthi, charma – nadithi olakhatum hatum, mamsa – lohithi nahim. A pramane dareka amgana varnanamam janavum. Vishesha e – udara, karna, jibha, hothana varnanamam ‘asthi’ shabda na kahevo, pana matra chamadi ane naso vade janaya chhe, tema kahevum. (a pramane dhanya munina shariranum saumdarya kevum thayum hatum te kahyum.) Dhanyamunina paga – jamgha – uru shushka ane ruksha hata, teni kedarupi kataha mamsa na hovathi umcha, bahara nikalata hata. Padakhano bhaga umcho, udararupi bhajana pithane adi gayela, pamsalirupa kada dekhata hata, akshasutra malani jema gani shakaya tevi prishtha karamdaka samdhi, gamgana taramgarupa udararupa katakano vibhaga, bahu suka sarpa jevi, shithila chokadani jema labadata agra hasta, kampavatini jema kampati mastaka rupa ghadi, karamayela mukhakamala, udbhata ghada jevum mukha, budela nayanarupa kosha hata. Atmavirya vade ja chalata ke ubhata hata, bhasha bolum ema vicharata thaki jata hata. Kolasani bhareli gadini jema, skamdaka muni maphaka janavum yavat rakhathi dhamkayela agnini jema tapa – teja vade ane tapa – teja lakshmithi shobhata hata. | ||