Sutra Navigation: Antkruddashang ( અંતકૃર્દ્દશાંગસૂત્ર )

Search Details

Mool File Details

Anuvad File Details

Sr No : 1105205
Scripture Name( English ): Antkruddashang Translated Scripture Name : અંતકૃર્દ્દશાંગસૂત્ર
Mool Language : Ardha-Magadhi Translated Language : Gujarati
Chapter :

वर्ग-१

अध्ययन-१ गौतम

 Translated Chapter :

વર્ગ-૧

અધ્યયન-૧ ગૌતમ
Section : Translated Section :
Sutra Number : 5 Category : Ang-08
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] नवरं–गोयमो नामेणं। अट्ठण्हं रायवरकण्णाणं एगदिवसेणं पाणिं गेण्हावेंति। अट्ठट्ठओ दाओ। तेणं कालेणं तेणं समएणं अरहा अरिट्ठनेमी आदिकरे जाव संजमेणं तवसा अप्पाणं भावेमाणे विहरइ। चउव्विहा देवा आगया। कण्हे वि निग्गए। तए णं तस्स गोयमस्स कुमारस्स तं महाजनसद्दं च जनकलकलं च सुणेत्ता य पासेत्ता य इमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था। जहा मेहे तहा निग्गए। धम्मं सोच्चा निसम्म हट्ठतुट्ठेजं नवरं–देवानुप्पिया! अम्मापियरो आपुच्छामि। तओ पच्छा देवानुप्पियाणं अंतिए मुंडा भवित्ता अगाराओ अनगारियं पव्वयामि। तए णं से गोयमे कुमारे एवं जहा मेहे जाव अनगारे जाए–इरियासमिए जाव इणमेव निग्गंथं पावयणं पुरओ काउं विहरइ। तए णं से गोयमे अन्नया कयाइ अरहओ अरिट्ठनेमिस्स तहारूवाणं थेराणं अंतिए सामाइय-माइयाइं एक्कारस अंगाइं अहिज्जइ, अहिज्जित्ता बहूहिं चउत्थ-छट्ठट्ठम-दसम-दुवालसेहिं मासद्धमास-खमणेहिं विविहेहिं तवोकम्मेहिं अप्पाणं भावेमाणे विहरइ। तए णंअरहा अरिट्ठनेमी अन्नया कयाइ बारवईओ नयरीओ नंदनवनाओ पडिनिक्खमइ, बहिया विहारं विहरइ। तए णं से गोयमे अनगारे अन्नया कयाइ जेणेव अरहा अरिट्ठनेमी तेणेव उवागच्छइ, उवागच्छित्ता अरहं अरिट्ठनेमिं तिक्खुत्तो आयाहिण-पयाहिणं करेइ, करेत्ता वंदइ नमंसइ, वंदित्ता नमंसित्ता एवं वयासी– इच्छामि णं भंते! तुब्भेहिं अब्भणुन्नाए समाणे मासियं भिक्खुपडिमं उवसंपज्जित्ता णं विहरित्तए। एवं जहा खंदओ तहा बारस भिक्खुपडिमाओ फासेइ। गुणरयणं पि तवोकम्मं तहेव फासेइ निरवसेसं। जहा खंदओ तहा चिंतेइ। तहा आपुच्छइ। तहा थेरेहिं सद्धिं सेत्तुंजं दुरूहइ। तए णं से गोयमे अनगारे बारस वासाइं सामन्नपरियागं पाउणित्ता मासियाए संलेहणाए अत्ताणं ज्झूसित्ता सट्ठिं भत्ताइं अणसणाए छेदित्ता जाव केवलवरनाणदंसणं समुप्पाडेत्ता तओ पच्छासिद्धे।
Sutra Meaning : જુઓ સૂત્ર ૪
Mool Sutra Transliteration : [sutra] navaram–goyamo namenam. Atthanham rayavarakannanam egadivasenam panim genhavemti. Atthatthao dao. Tenam kalenam tenam samaenam araha aritthanemi adikare java samjamenam tavasa appanam bhavemane viharai. Chauvviha deva agaya. Kanhe vi niggae. Tae nam tassa goyamassa kumarassa tam mahajanasaddam cha janakalakalam cha sunetta ya pasetta ya imeyaruve ajjhatthie chimtie patthie manogae samkappe samuppajjittha. Jaha mehe taha niggae. Dhammam sochcha nisamma hatthatutthejam navaram–devanuppiya! Ammapiyaro apuchchhami. Tao pachchha devanuppiyanam amtie mumda bhavitta agarao anagariyam pavvayami. Tae nam se goyame kumare evam jaha mehe java anagare jae–iriyasamie java inameva niggamtham pavayanam purao kaum viharai. Tae nam se goyame annaya kayai arahao aritthanemissa taharuvanam theranam amtie samaiya-maiyaim ekkarasa amgaim ahijjai, ahijjitta bahuhim chauttha-chhatthatthama-dasama-duvalasehim masaddhamasa-khamanehim vivihehim tavokammehim appanam bhavemane viharai. Tae namaraha aritthanemi annaya kayai baravaio nayario namdanavanao padinikkhamai, bahiya Viharam viharai. Tae nam se goyame anagare annaya kayai jeneva araha aritthanemi teneva uvagachchhai, uvagachchhitta araham aritthanemim tikkhutto ayahina-payahinam karei, karetta vamdai namamsai, vamditta namamsitta evam vayasi– ichchhami nam bhamte! Tubbhehim abbhanunnae samane masiyam bhikkhupadimam uvasampajjitta nam viharittae. Evam jaha khamdao taha barasa bhikkhupadimao phasei. Gunarayanam pi tavokammam taheva phasei niravasesam. Jaha khamdao taha chimtei. Taha apuchchhai. Taha therehim saddhim settumjam duruhai. Tae nam se goyame anagare barasa vasaim samannapariyagam paunitta masiyae samlehanae attanam jjhusitta satthim bhattaim anasanae chheditta java kevalavarananadamsanam samuppadetta tao pachchhasiddhe.
Sutra Meaning Transliteration : Juo sutra 4