Sutra Navigation: Antkruddashang ( અંતકૃર્દ્દશાંગસૂત્ર )
Search Details
| Mool File Details |
|
Anuvad File Details |
|
| Sr No : | 1105203 | ||
| Scripture Name( English ): | Antkruddashang | Translated Scripture Name : | અંતકૃર્દ્દશાંગસૂત્ર |
| Mool Language : | Ardha-Magadhi | Translated Language : | Gujarati |
| Chapter : |
वर्ग-१ अध्ययन-१ गौतम |
Translated Chapter : |
વર્ગ-૧ અધ્યયન-૧ ગૌતમ |
| Section : | Translated Section : | ||
| Sutra Number : | 3 | Category : | Ang-08 |
| Gatha or Sutra : | Sutra | Sutra Anuyog : | |
| Author : | Deepratnasagar | Original Author : | Gandhar |
| Century : | Sect : | Svetambara1 | |
| Source : | |||
| Mool Sutra : | [सूत्र] जइ णं भंते! समणेणं भगवया महावीरेणं जाव संपत्तेणं अट्ठमस्स अंगस्स अंतगडदसाणं पढमस्स वग्गस्स दस अज्झयणा पन्नत्ता, पढमस्स णं भंते! अज्झयणस्स अंतगडदसाणं समणेणं भगवया महावीरेणं जाव संपत्तेण के अट्ठे पन्नत्ते? एवं खलु जंबू! तेणं कालेणं तेणं समएणं बारवई नामं नयरी होत्था–दुवालसजोयणायामा नवजोयणवित्थिण्णा धणवति-मइणिम्मया चामीकरपागारा नाणामणि-पंचवन्न-कविसीसगमंडिया सुरम्मा अलकापुरिसंकासा पमुदियपक्कीलिया पच्चक्खं देवलोगभूया पासादीया दरिसणिज्जा अभिरूवा पडिरूवा। तीसे णं बारवईए णयरीए बहिया उत्तरपुरत्थिमे दिसीभाए, एत्थ णं रेवयए नामं पव्वए होत्था–वन्नओ। तत्थ णं रेवयए पव्वए नंदणवणे नामं उज्जाणे होत्था–वन्नओ। तस्स णं उजाणस्स बहुमज्झदेसभाए सुरप्पिए नामं जक्खायतणे होत्था–चिराइए पुव्वपुरिस-पन्नत्ते पोराणे। से णं एगेणं वणसंडेणं सव्वओ समंता संपरिक्खित्ते तस्स णं वणसंडस्स बहुमज्झदेसभाए, एत्थ णं महं एगे असोगवरपायवे। तत्थ णं बारवईए णयरीए कण्हे नामं वासुदेवे राया परिवसइ–महयारायवन्नओ। से णं तत्थ समुद्दविजयपामोक्खाणं दसण्हं दसाराणं बलदेवपामोक्खाणं पंचण्हं महावीराणं, पज्जुन्नपामोक्खाणं अद्धुट्ठाणं कुमारकोडीणं, संबपामोक्खाणं सट्ठीए दुद्दंतसाहस्सीणं, महासेन-पामोक्खाणं छप्पन्नाए बलवगसाहस्सीणं, वीरसेनपामोक्खाणं एग वीसाए वीरसाहस्सीणं, उग्गसेन पामोक्खाणं सोलसण्हं रायसाहस्सीणं, रुप्पिणीपामोक्खाणं सोलसण्हं देवीसाहस्सीणंअनंगसेना पामोक्खाणं अणेगाणं गणियासाहस्सीणं, अन्नेसिं च बहूणं, ईसर-तलवर-माडंबिय-कोडुंबिय-इब्भ-सेट्ठि-सेनावइसत्थवाहाणं बारवईए नयरीए अद्धभरहस्स य समंतस्स आहेवच्चं पोरेवच्चं सामित्तं भट्टित्तं महत्तरगतं आणा-ईसर-सेनावच्चं कारेमाणे पालेमाणे विहरइ। तत्थ णं बारवईए नयरीए अंधगवण्ही नामं राया परिवसइ–महयाहिमवंत-महंत-मलय-मंदर-महिंदसारे वन्नओ। तस्स णं अंधगवण्हिस्स रन्नो धारिणी नामं देवी होत्था–वन्नओ। तए णं सा धारिणी देवी अन्नया कयाइ तंसि तारिसगंसि सयणिज्जंसि जाव नियगवयणमइवयंतं सीहं सुविणे पासित्ता णं पडिबुद्धा। एवं जहा महब्बले। | ||
| Sutra Meaning : | જુઓ સૂત્ર ૧ | ||
| Mool Sutra Transliteration : | [sutra] jai nam bhamte! Samanenam bhagavaya mahavirenam java sampattenam atthamassa amgassa amtagadadasanam padhamassa vaggassa dasa ajjhayana pannatta, padhamassa nam bhamte! Ajjhayanassa amtagadadasanam samanenam bhagavaya mahavirenam java sampattena ke atthe pannatte? Evam khalu jambu! Tenam kalenam tenam samaenam baravai namam nayari hottha–duvalasajoyanayama navajoyanavitthinna dhanavati-mainimmaya chamikarapagara nanamani-pamchavanna-kavisisagamamdiya suramma alakapurisamkasa pamudiyapakkiliya pachchakkham devalogabhuya pasadiya darisanijja abhiruva padiruva. Tise nam baravaie nayarie bahiya uttarapuratthime disibhae, ettha nam revayae namam pavvae hottha–vannao. Tattha nam revayae pavvae namdanavane namam ujjane hottha–vannao. Tassa nam ujanassa bahumajjhadesabhae surappie namam jakkhayatane hottha–chiraie puvvapurisa-pannatte porane. Se nam egenam vanasamdenam savvao samamta samparikkhitte Tassa nam vanasamdassa bahumajjhadesabhae, ettha nam maham ege asogavarapayave. Tattha nam baravaie nayarie kanhe namam vasudeve raya parivasai–mahayarayavannao. Se nam tattha samuddavijayapamokkhanam dasanham dasaranam baladevapamokkhanam pamchanham mahaviranam, pajjunnapamokkhanam addhutthanam kumarakodinam, sambapamokkhanam satthie duddamtasahassinam, mahasena-pamokkhanam chhappannae balavagasahassinam, virasenapamokkhanam ega visae virasahassinam, uggasena pamokkhanam solasanham rayasahassinam, ruppinipamokkhanam solasanham devisahassinamanamgasena pamokkhanam aneganam ganiyasahassinam, annesim cha bahunam, isara-talavara-madambiya-kodumbiya-ibbha-setthi-senavaisatthavahanam baravaie nayarie addhabharahassa ya samamtassa ahevachcham porevachcham samittam bhattittam mahattaragatam ana-isara-senavachcham karemane palemane viharai. Tattha nam baravaie nayarie amdhagavanhi namam raya parivasai–mahayahimavamta-mahamta-malaya-mamdara-mahimdasare vannao. Tassa nam amdhagavanhissa ranno dharini namam devi hottha–vannao. Tae nam sa dharini devi annaya kayai tamsi tarisagamsi sayanijjamsi java niyagavayanamaivayamtam siham suvine pasitta nam padibuddha. Evam jaha mahabbale. | ||
| Sutra Meaning Transliteration : | Juo sutra 1 | ||