Sutra Navigation: Anuyogdwar ( अनुयोगद्वारासूत्र )

Search Details

Mool File Details

Anuvad File Details

Sr No : 1024070
Scripture Name( English ): Anuyogdwar Translated Scripture Name : अनुयोगद्वारासूत्र
Mool Language : Ardha-Magadhi Translated Language : Hindi
Chapter :

अनुयोगद्वारासूत्र

 Translated Chapter :

अनुयोगद्वारासूत्र
Section : Translated Section :
Sutra Number : 70 Category : Chulika-02
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] से किं तं उवक्कमे? उवक्कमे छव्वीहे पन्नत्ते तं जहा–१. नामोवक्कमे २. ठवणोवक्कमे ३. दव्वोवक्कमे ४. खेत्तोवक्कमे ५. कालोवक्कमे ६. भावोवक्कमे। से नामट्ठवणाओ गयाओ । से किं तं दव्वोवक्कमे? दव्वोवक्कमे दुविहे पन्नत्ते, तं जहा–आगमओ य नोआगमओ य। से किं तं आगमओ दव्वोवक्कमे? आगमओ दव्वोवक्कमे–जस्स णं उवक्कमे त्ति पदं सिक्खियं ठियं जियं मियं परिजियं नामसमं घोससमं अहीनक्खरं अनच्चक्खरं अव्वाइद्धक्खरं अक्खलियं अमिलियं अवच्चामेलियं पडिपुण्णं पडिपुन्नघोसं कंठोट्ठविप्पमुक्कं गुरुवायणोवगयं, से णं तत्थ वायणाए पुच्छणाए परियट्टणाए धम्मकहाए, नो अनुप्पेहाए। कम्हा? अनुवओगो दव्वमिति कट्टु। नेगमस्स एगो अनुवउत्तो आगमओ एगे दव्वोवक्कमे, दोन्नि अनुवउत्ता आगमओ दोन्नि दव्वोवक्कमाइं तिन्नि अनुवउत्ता आगमओ तिन्नि दव्वोवक्कमाइं एवं जावइया अनुवउत्ता तावइयाइं ताइं नेगमस्स आगमओ दव्वोवक्कमाइं। एवमेव ववहारस्स वि। संगहस्स एगो वा अनेगा वा अनुवउत्तो वा अनुवउत्ता वा आगमओ दव्वोवक्कमे वा दव्वोवक्कमाणि वा, से एगे दव्वोवक्कमे। उज्जुसुयस्स एगो अनुवउत्तो आगमओ एगे दव्वोवक्कमे, पुहत्तं नेच्छइ। तिण्हं सद्दनयाणं जाणए अनुवउत्ते अवत्थू। कम्हा? जइ जाणए अनुवउत्ते न भवइ। से तं आगमओ दव्वोवक्कमे। से किं तं नोआगमओ दव्वोवक्कमे? नोआगमओ दव्वोवक्कमे तिविहे पन्नत्ते, तं जहा– जाणगसरीरदव्वोवक्कमे भविय-सरीरदव्वोवक्कमे जाणगसरीर-भवियसरीर-वतिरित्ते दव्वोवक्कमे। से किं तं जाणगसरीरदव्वोवक्कमे? जाणगसरीरदव्वोवक्कमे–उवक्कमे त्ति पयत्थाहिगारजाणगस्स जं सरीरयं ववगय-चुय-चाविय-चत्तदेहं जीवविप्पजढं सेज्जागयं वा संथारगयं वा निसीहियागयं वा सिद्धसिलातलगयं वा पासित्ताणं कोइ वएज्जा–अहो णं इमेणं सरीरसमुस्सएणं जिनदिट्ठेणं भावेणं उवक्कमे त्ति पयं आघवियं पन्नवियं परूवियं दंसियं निदंसियं उवदंसियं। जहा को दिट्ठंतो? अयं महुकुंभे आसी, अयं घयकुंभे आसी। से तं जाणगगसरीरदव्वोवक्कमे। से किं तं भवियसरीरदव्वोवक्कमे? भवियसरीरदव्वोवक्कमे–जे जीवे जोणिजम्मणनिक्खंते इमेणं चेव आदत्तएणं सरीर-समुस्सएणं जिनदिट्ठेणं भावेणं उवक्कमे त्ति पयं सेयकाले सिक्खिस्सइ, न ताव सिक्खइ। जहा को दिट्ठंतो? अयं महुकुंभे भविस्सइ, अयं घयकुंभे भविस्सइ। से तं भवियसरीरदव्वोवक्कमे। से किं तं जाणगसरीर-भवियसरीर-वतिरित्ते दव्वोवक्कमे? जाणगसरीर-भवियसरीर-वतिरित्ते दव्वोवक्कमे तिविहे पन्नत्ते, तं० सचित्ते अचित्ते मीसए।
Sutra Meaning : उपक्रम क्या है ? उपक्रम के छह भेद हैं। नाम – उपक्रम, स्थापना – उपक्रम, द्रव्य – उपक्रम, क्षेत्र – उपक्रम, काल – उपक्रम, भाव – उपक्रम। नाम और स्थापना – उपक्रम का स्वरूप नाम एवं स्थापना आवश्यक के समान जानना द्रव्य – उपक्रम क्या है ? दो प्रकार का है – आगमद्रव्य – उपक्रम, नोआगमद्रव्य – उपक्रम इत्यादि पूर्ववत्‌ जानना यावत्‌ ज्ञायकशरीरभव्यशरीर – व्यतिरिक्त द्रव्य – उपक्रम के तीन प्रकार हैं। सचित्तद्रव्य – उपक्रम, अचित्तद्रव्य – उपक्रम, मिश्रशरीरद्रव्य – उपक्रम।
Mool Sutra Transliteration : [sutra] se kim tam uvakkame? Uvakkame chhavvihe pannatte tam jaha–1. Namovakkame 2. Thavanovakkame 3. Davvovakkame 4. Khettovakkame 5. Kalovakkame 6. Bhavovakkame. Se namatthavanao gayao. Se kim tam davvovakkame? Davvovakkame duvihe pannatte, tam jaha–agamao ya noagamao ya. Se kim tam agamao davvovakkame? Agamao davvovakkame–jassa nam uvakkame tti padam sikkhiyam thiyam jiyam miyam parijiyam namasamam ghosasamam ahinakkharam anachchakkharam avvaiddhakkharam akkhaliyam amiliyam avachchameliyam padipunnam padipunnaghosam kamthotthavippamukkam guruvayanovagayam, se nam tattha vayanae puchchhanae pariyattanae dhammakahae, No anuppehae. Kamha? Anuvaogo davvamiti kattu. Negamassa ego anuvautto agamao ege davvovakkame, donni anuvautta agamao donni davvovakkamaim tinni anuvautta agamao tinni davvovakkamaim evam javaiya anuvautta tavaiyaim taim negamassa agamao davvovakkamaim. Evameva vavaharassa vi. Samgahassa ego va anega va anuvautto va anuvautta va agamao davvovakkame va davvovakkamani va, se ege davvovakkame. Ujjusuyassa ego anuvautto agamao ege davvovakkame, puhattam nechchhai. Tinham saddanayanam janae anuvautte avatthu. Kamha? Jai janae anuvautte na bhavai. Se tam agamao davvovakkame. Se kim tam noagamao davvovakkame? Noagamao davvovakkame tivihe pannatte, tam jaha– janagasariradavvovakkame bhaviya-sariradavvovakkame janagasarira-bhaviyasarira-vatiritte davvovakkame. Se kim tam janagasariradavvovakkame? Janagasariradavvovakkame–uvakkame tti payatthahigarajanagassa jam sarirayam vavagaya-chuya-chaviya-chattadeham jivavippajadham sejjagayam va samtharagayam va nisihiyagayam va siddhasilatalagayam va pasittanam koi vaejja–aho nam imenam sarirasamussaenam jinaditthenam bhavenam uvakkame tti payam aghaviyam pannaviyam paruviyam damsiyam nidamsiyam uvadamsiyam. Jaha ko ditthamto? Ayam mahukumbhe asi, ayam ghayakumbhe asi. Se tam janagagasariradavvovakkame. Se kim tam bhaviyasariradavvovakkame? Bhaviyasariradavvovakkame–je jive jonijammananikkhamte imenam cheva adattaenam sarira-samussaenam jinaditthenam bhavenam uvakkame tti payam seyakale sikkhissai, na tava sikkhai. Jaha ko ditthamto? Ayam mahukumbhe bhavissai, ayam ghayakumbhe bhavissai. Se tam bhaviyasariradavvovakkame. Se kim tam janagasarira-bhaviyasarira-vatiritte davvovakkame? Janagasarira-bhaviyasarira-vatiritte davvovakkame tivihe pannatte, tam0 sachitte achitte misae.
Sutra Meaning Transliteration : Upakrama kya hai\? Upakrama ke chhaha bheda haim. Nama – upakrama, sthapana – upakrama, dravya – upakrama, kshetra – upakrama, kala – upakrama, bhava – upakrama. Nama aura sthapana – upakrama ka svarupa nama evam sthapana avashyaka ke samana janana dravya – upakrama kya hai\? Do prakara ka hai – agamadravya – upakrama, noagamadravya – upakrama ityadi purvavat janana yavat jnyayakasharirabhavyasharira – vyatirikta dravya – upakrama ke tina prakara haim. Sachittadravya – upakrama, achittadravya – upakrama, mishrashariradravya – upakrama.