Sutra Navigation: Auppatik ( औपपातिक उपांग सूत्र )

Search Details

Mool File Details

Anuvad File Details

Sr No : 1005640
Scripture Name( English ): Auppatik Translated Scripture Name : औपपातिक उपांग सूत्र
Mool Language : Ardha-Magadhi Translated Language : Hindi
Chapter :

समवसरण वर्णन

 Translated Chapter :

समवसरण वर्णन
Section : Translated Section :
Sutra Number : 40 Category : Upang-01
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जह रागेण कडाणं, कम्माणं पावगो फलविवागो । जह य परिहीणकम्मा, सिद्धा सिद्धालयमुवेंति । तमेव धम्मं दुविहं आइक्खइ, तं जहा–अगारधम्मं अनगारधम्मं च। अनगारधम्मो ताव–इह खलु सव्वओ सव्वत्ताए मुंडे भवित्ता अगाराओ अनगारियं पव्वइयस्स सव्वाओ पाणाइवायाओ वेरमणं मुसावाय अदत्तादाण मेहुण परिग्गह राईभोयणाओ वेरमण। अयमाउसो! अनगारसामाइए धम्मे पन्नत्ते। एयस्स धम्मस्स सिक्खाए उवट्ठिए निग्गंथे वा निग्गंथी वा विहरमाणे आणाए आराहए भवति। अगारधम्मं दुवालसविहं आइक्खइ, तं जहा–पंच अणुव्वयाइं, तिन्नि गुणव्वयाइं, चत्तारि सिक्खावयाइं। पंच अणुव्वयाइं, तं जहा–थूलाओ पाणाइवायाओ वेरमणं, थूलाओ मुसावायाओ वेरमणं, थूलाओ अदिन्नादाणाओ वेरमणं, सदारसंतोसे, इच्छापरिमाणे। तिन्नि गुणव्वयाइं, तं जहा–दिसिव्वयं, उवभोगपरिभोगपरिमाणं, अनत्थदंडवेरमणं। चत्तारि सिक्खावयाइं, तं जहा–सामाइयं, देसावयासियं, पोसहोववासे, अतिहिसंविभागे। अपच्छिमा मारणंतिया संलेहणाझूसणाराहणा। अयमाउसो! अगारसामाइए धम्मे पन्नत्ते। एयस्स धम्मस्स सिक्खाए उवट्ठिए समणोवासए वा समणोवासिया वा विहरमाणे आणाए आराहए भवइ।
Sutra Meaning : देखो सूत्र ३७
Mool Sutra Transliteration : [sutra] jaha ragena kadanam, kammanam pavago phalavivago. Jaha ya parihinakamma, siddha siddhalayamuvemti. Tameva dhammam duviham aikkhai, tam jaha–agaradhammam anagaradhammam cha. Anagaradhammo tava–iha khalu savvao savvattae mumde bhavitta agarao anagariyam pavvaiyassa savvao panaivayao veramanam musavaya adattadana mehuna pariggaha raibhoyanao veramana. Ayamauso! Anagarasamaie dhamme pannatte. Eyassa dhammassa sikkhae uvatthie niggamthe va niggamthi va viharamane anae arahae bhavati. Agaradhammam duvalasaviham aikkhai, tam jaha–pamcha anuvvayaim, tinni gunavvayaim, chattari sikkhavayaim. Pamcha anuvvayaim, tam jaha–thulao panaivayao veramanam, thulao musavayao veramanam, thulao adinnadanao veramanam, sadarasamtose, ichchhaparimane. Tinni gunavvayaim, tam jaha–disivvayam, uvabhogaparibhogaparimanam, anatthadamdaveramanam. Chattari sikkhavayaim, tam jaha–samaiyam, desavayasiyam, posahovavase, atihisamvibhage. Apachchhima maranamtiya samlehanajhusanarahana. Ayamauso! Agarasamaie dhamme pannatte. Eyassa dhammassa sikkhae uvatthie samanovasae va samanovasiya va viharamane anae arahae bhavai.
Sutra Meaning Transliteration : Dekho sutra 37