Sutra Navigation: Gyatadharmakatha ( ધર્મકથાંગ સૂત્ર )

Search Details

Mool File Details

Anuvad File Details

Sr No : 1104862
Scripture Name( English ): Gyatadharmakatha Translated Scripture Name : ધર્મકથાંગ સૂત્ર
Mool Language : Ardha-Magadhi Translated Language : Gujarati
Chapter :

श्रुतस्कंध-१

अध्ययन-१६ अवरकंका

 Translated Chapter :

શ્રુતસ્કંધ-૧

અધ્યયન-૧૬ અવરકંકા
Section : Translated Section :
Sutra Number : 162 Category : Ang-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तत्थ णं चंपाए नयरीए जिनदत्ते नामं सत्थवाहे–अड्ढे। तस्स णं जिनदत्तस्स भद्दा भारिया–सूमाला इट्ठा मानुस्सए कामभोगे पच्चणुब्भवमाणा विहरइ। तस्स णं जिनदत्तस्स पुत्ते भद्दाए भारियाए अत्तए सागरए नामं दारए–सुकुमालपाणिपाए जाव सुरूवे। तए णं से जिनदत्ते सत्थवाहे अन्नया कयाइ सयाओ गिहाओ पडिनिक्खमइ, पडिनिक्खमित्ता सागरदत्तस्स सत्थवाहस्स अदूरसामंतेणं वीईवयइ। इमं च णं सूमालिया दारिया ण्हाया चेडिया-चक्कवाल-संपरिवुडा उप्पिं आगासतलगंसि कनग-तिंदूसएणं कीलमाणी-कीलमाणी विहरइ। तए णं से जिनदत्ते सत्थवाहे सुमालियं दारियं पासइ, पासित्ता सुमालियाए दारियाए रूवे य जोव्वणे य लावण्णे य जायविम्हए कोडुंबियपुरिसे सद्दावेइ, सद्दावेत्ता एवं वयासी– एस णं देवानुप्पिया! कस्स दारिया? किं वा नामधेज्जं से? तए णं ते कोडुंबियपुरिसा जिनदत्तेणं सत्थवाहेणं एवं वुत्ता समाणा हट्ठतुट्ठा करयल परिग्गहियं सिरसावत्तं मत्थए अंजलिं कट्टु एवं वयासी–एस णं देवानुप्पिया! सागरदत्तस्स सत्थवाहस्स धूया भद्दाए भारियाए अत्तया सूमालिया नामं दारिया–सुकुमालपाणिपाया जाव रूवेण य जोव्वणेण य लावण्णेण य उक्किट्ठा। तए णं जिनदत्ते सत्थवाहे तेसिं कोडुंबियाणं अंतिए एयमट्ठं सोच्चा जेणेव सए गिहे तेणेव उवागच्छइ, उवागच्छित्ता ण्हाए मित्त-नाइ-परिवुडे चंपाए नयरीए मज्झंमज्झेणं जेणेव सागरदत्तस्स गिहे तेणेव उवागए। तए णं से सागरदत्ते सत्थवाहे जिनदत्तं सत्थवाहं एज्जमाणं पासइ, पासित्ता आसणाओ अब्भुट्ठेइ, अब्भुट्ठेत्ता आसणेणं उवनिमंतेइ, उवनिमंतेत्ता आसत्थं वीसत्थं सुहासणवरगयं एवं वयासी–भण देवानुप्पिया! किमागमनपओयणं? तए णं से जिनदत्ते सागरदत्तं एवं वयासी–एवं खलु अहं देवानुप्पिया! तव धूयं भद्दाए अत्तियं सूमालियं सागरस्स भारियत्ताए वरेमि। जह णं जाणह देवानुप्पिया! जुत्तं वा पत्तं वा सलाहणिज्जं वा सरिसो वा संजोगो, ता दिज्जउ णं सूमा-लिया सागरदारगस्स। तए णं देवानुप्पिया! भण किं दलयामो सुकं सुमालियाए? तए णं से सागरदत्ते सत्थवाहे जिनदत्तं सत्थवाहं एवं वयासी–एवं खलु देवानुप्पिया! सूमालिया दारिया एगा एग जाया इट्ठा कंता पिया मणुण्णा मणामा जाव उंबरपुप्फं व दुल्लहा सवणयाए, किमंग पुण पासणयाए? तं नो खलु अहं इच्छामि सूमालियाए दारियाए खणमवि विप्पओगं। तं जइ णं देवानुप्पिया! सागरए दारए मम धरजामाउए भवइ, तो णं अहं सागरस्स सूमालियं दलयामि। तए णं से जिनदत्ते सत्थवाहे सागरदत्तेणं सत्थवाहेणं एवं वुत्ते समाणे जेणेव सए गिहे तेणेव उवागच्छइ, उवागच्छित्ता सागरयं दारगं सद्दावेइ, सद्दावेत्ता एवं वयासी–एवं खलु पुत्ता! सागरदत्ते सत्थवाहे ममं एवं वयासी–एवं खलु देवानुप्पिया! सूमालिया दारिया–इट्ठा कंता पिया मणुण्णा मणामा जाव उंबरपुप्फं व दुल्लहा सवणयाए, किमंग पुण पासणयाए? तं नो खलु अहं इच्छामि सूमालियाए दारियाए खणमवि विप्पओगं। तं जइ णं सागरए दारए मम घरजामाउए भवइ, तो णं दलयामि। तए णं से सागरए दारए जिनदत्तेणं सत्थवाहेणं एवं वुत्ते समाणे तुसिणीए। तए णं जिनदत्ते सत्थवाहे अन्नया कयाइ सोहणंसि तिहि-करण-नक्खत्त-मुहुत्तंसि विपुलं असन-पान-खाइम-साइमं उवक्खडावेह, उवक्खडावेत्ता मित्त-नाइ-नियग-सयण-संबंधि-परियणं आमंतेइ, जाव सक्कारेत्ता सम्मानेत्ता सागरं दारगं ण्हायं जाव सव्वालंकारविभूसियं करेइ, करेत्ता पुरिससहस्सवाहिणीयं सीयं दुरूहावेइ, मित्त-नाइ-नियग-सयण-संबंधि-परियणेणं सद्धिं परिवुडे सव्विड्ढीए सयाओ गिहाओ निग्गच्छइ, निग्गच्छित्ता चंपं नयरिं मज्झंमज्झेणं जेणेव सागरदत्तस्स गिहे तेणेव उवागच्छइ, उवागच्छित्ता सीयाओ पच्चोरुहइ, पच्चोरुहित्ता सागरगं दारगं सागरदत्तस्स सत्थवाहस्स उवनेइ। तए णं से सागरदत्ते सत्थवाहे विपुलं असन-पान-खाइम-साइमं उवक्खडावेइ, उवक्खडावेत्ता जाव सम्मानेत्ता सागरगं दारगं सूमालियाए दारियाए सद्धिं पट्टयं दुरूहावेइ, दुरूहावेत्ता सेयापीएहिं कलसेहिं मज्जावेइ, मज्जावेत्ता अग्गिहोम करावेइ करावेत्ता सागरगं दारयं सूमालियाए दारियाए पाणिं गेण्हावेइ।
Sutra Meaning : જુઓ સૂત્ર ૧૬૧
Mool Sutra Transliteration : [sutra] tattha nam champae nayarie jinadatte namam satthavahe–addhe. Tassa nam jinadattassa bhadda bhariya–sumala ittha manussae kamabhoge pachchanubbhavamana viharai. Tassa nam jinadattassa putte bhaddae bhariyae attae sagarae namam darae–sukumalapanipae java suruve. Tae nam se jinadatte satthavahe annaya kayai sayao gihao padinikkhamai, padinikkhamitta sagaradattassa satthavahassa adurasamamtenam viivayai. Imam cha nam sumaliya dariya nhaya chediya-chakkavala-samparivuda uppim agasatalagamsi kanaga-timdusaenam kilamani-kilamani viharai. Tae nam se jinadatte satthavahe sumaliyam dariyam pasai, pasitta sumaliyae dariyae ruve ya jovvane ya lavanne ya jayavimhae kodumbiyapurise saddavei, saddavetta evam vayasi– esa nam devanuppiya! Kassa dariya? Kim va namadhejjam se? Tae nam te kodumbiyapurisa jinadattenam satthavahenam evam vutta samana hatthatuttha karayala pariggahiyam sirasavattam matthae amjalim kattu evam vayasi–esa nam devanuppiya! Sagaradattassa satthavahassa dhuya bhaddae bhariyae attaya sumaliya namam dariya–sukumalapanipaya java ruvena ya jovvanena ya lavannena ya ukkittha. Tae nam jinadatte satthavahe tesim kodumbiyanam amtie eyamattham sochcha jeneva sae gihe teneva uvagachchhai, uvagachchhitta nhae mitta-nai-parivude champae nayarie majjhammajjhenam jeneva sagaradattassa gihe teneva uvagae. Tae nam se sagaradatte satthavahe jinadattam satthavaham ejjamanam pasai, pasitta asanao abbhutthei, abbhutthetta asanenam uvanimamtei, uvanimamtetta asattham visattham suhasanavaragayam evam vayasi–bhana devanuppiya! Kimagamanapaoyanam? Tae nam se jinadatte sagaradattam evam vayasi–evam khalu aham devanuppiya! Tava dhuyam bhaddae attiyam sumaliyam sagarassa bhariyattae varemi. Jaha nam janaha devanuppiya! Juttam va pattam va salahanijjam va sariso va samjogo, ta dijjau nam suma-liya sagaradaragassa. Tae nam devanuppiya! Bhana kim dalayamo sukam sumaliyae? Tae nam se sagaradatte satthavahe jinadattam satthavaham evam vayasi–evam khalu devanuppiya! Sumaliya dariya ega ega jaya ittha kamta piya manunna manama java umbarapuppham va dullaha savanayae, kimamga puna pasanayae? Tam no khalu aham ichchhami sumaliyae dariyae khanamavi vippaogam. Tam jai nam devanuppiya! Sagarae darae mama dharajamaue bhavai, to nam aham sagarassa sumaliyam dalayami. Tae nam se jinadatte satthavahe sagaradattenam satthavahenam evam vutte samane jeneva sae gihe teneva uvagachchhai, uvagachchhitta sagarayam daragam saddavei, saddavetta evam vayasi–evam khalu putta! Sagaradatte satthavahe mamam evam vayasi–evam khalu devanuppiya! Sumaliya dariya–ittha kamta piya manunna manama java umbarapuppham va dullaha savanayae, kimamga puna pasanayae? Tam no khalu aham ichchhami sumaliyae dariyae khanamavi vippaogam. Tam jai nam sagarae darae mama gharajamaue bhavai, to nam dalayami. Tae nam se sagarae darae jinadattenam satthavahenam evam vutte samane tusinie. Tae nam jinadatte satthavahe annaya kayai sohanamsi tihi-karana-nakkhatta-muhuttamsi vipulam asana-pana-khaima-saimam uvakkhadaveha, uvakkhadavetta mitta-nai-niyaga-sayana-sambamdhi-pariyanam amamtei, java sakkaretta sammanetta sagaram daragam nhayam java savvalamkaravibhusiyam karei, karetta purisasahassavahiniyam siyam duruhavei, mitta-nai-niyaga-sayana-sambamdhi-pariyanenam saddhim parivude savviddhie sayao gihao niggachchhai, niggachchhitta champam nayarim majjhammajjhenam jeneva sagaradattassa gihe teneva uvagachchhai, uvagachchhitta siyao pachchoruhai, pachchoruhitta sagaragam daragam sagaradattassa satthavahassa uvanei. Tae nam se sagaradatte satthavahe vipulam asana-pana-khaima-saimam uvakkhadavei, uvakkhadavetta java sammanetta sagaragam daragam sumaliyae dariyae saddhim pattayam duruhavei, duruhavetta seyapiehim kalasehim majjavei, majjavetta aggihoma karavei karavetta sagaragam darayam sumaliyae dariyae panim genhavei.
Sutra Meaning Transliteration : Juo sutra 161