Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104058
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१२

 Translated Chapter :

શતક-૧૨
Section : उद्देशक-९ देव Translated Section : ઉદ્દેશક-૯ દેવ
Sutra Number : 558 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] भवियदव्वदेवा णं भंते! अनंतरं उव्वट्टित्ता कहिं गच्छंति? कहिं उवज्जंति–किं नेरइएसु उववज्जंति जाव देवेसु उववज्जंति? गोयमा! नो नेरइएसु उववज्जंति, नो तिरिक्खजोणिएसु, नो मनुस्सेसु, देवेसु उववज्जंति। जइ देवेसु उववज्जंति? सव्वदेवेसु उववज्जंति जाव सव्वट्ठसिद्धत्ति। नरदेवा णं भंते! अनंतरं उव्वट्टित्ता–पुच्छा। गोयमा! नेरइएसु उववज्जंति, नो तिरिक्खजोणिएसु, नो मनुस्सेसु, नो देवेसु उववज्जंति। जइ नेरइएसु उववज्जंति? सत्तसु वि पुढवीसु उववज्जंति। धम्मदेवा णं भंते! अनंतरं उव्वट्टित्ता–पुच्छा। गोयमा! नो नेरइएसु उववज्जंति, नो तिरिक्खजोणिएसु, नो मनुस्सेसु, देवेसु उववज्जंति। जइ देवेसु उववज्जंति किं भवनवासि–पुच्छा। गोयमा! नो भवनवासिदेवेसु उववज्जंति, नो वाणमंतरदेवेसु उववज्जंति, नो जोइसियदेवेसु उववज्जंति, वेमानियदेवेसु उववज्जंति। सव्वेसु वेमाणिएसु उववज्जंति जाव सव्वट्ठसिद्धअनुत्तरो-ववाइय वेमानियदेवेसु उववज्जंति, अत्थेगतिया सिज्झंति जाव सव्वदुक्खाणं अंतं करेंति। देवातिदेवा अनंतरं उव्वट्टित्ता कहिं गच्छंति? कहिं उववज्जंति? गोयमा! सिज्झंति जाव सव्वदुक्खाणं अंतं करेंति। भावदेवा णं भंते! अनंतरं उव्वट्टित्ता–पुच्छा। जहा वक्कंतीए असुरकुमाराणं उव्वट्टणा तहा भाणियव्वा। भवियदव्वदेवे णं भंते! भवियदव्वदेवे त्ति कालओ केवच्चिरं होइ? गोयमा! जहन्नेणं अंतोमुहुत्तं, उक्कोसेणं तिन्नि पलिओवमाइं। एवं जच्चेव ठिई सच्चेव संचिट्ठणा वि जाव भावदेवस्स, नवरं –धम्मदेवस्स जहन्नेणं एक्कं समयं, उक्कोसेणं देसूणा पुव्वकोडी। भवियदव्वदेवस्स णं भंते! केवतियं कालं अंतरं होइ? गोयमा! जहन्नेणं दसवाससहस्साइं अंतोमुहुत्तमब्भहियाइं, उक्कोसेणं अनंतं कालं–वणस्सइकालो नरदेवाणं–पुच्छा। गोयमा! जहन्नेणं सातिरेगं सागरोवमं, उक्कोसेणं अनंतं कालं–अवड्ढं पोग्गलपरियट्टं देसूणं। धम्मदेवस्स णं–पुच्छा। गोयमा! जहन्नेणं पलिओवमपुहत्तं, उक्कोसेणं अनंतं कालं जाव अवड्ढं पोग्गलपरियट्टं देसूणं। देवातिदेवाणं–पुच्छा। गोयमा! नत्थि अंतरं। भावदेवस्स णं–पुच्छा। गोयमा! जहन्नेणं अंतोमुहुत्तं, उक्कोसेणं अनंतं कालं–वणस्सइकालो।
Sutra Meaning : જુઓ સૂત્ર ૫૫૪
Mool Sutra Transliteration : [sutra] bhaviyadavvadeva nam bhamte! Anamtaram uvvattitta kahim gachchhamti? Kahim uvajjamti–kim neraiesu uvavajjamti java devesu uvavajjamti? Goyama! No neraiesu uvavajjamti, no tirikkhajoniesu, no manussesu, devesu uvavajjamti. Jai devesu uvavajjamti? Savvadevesu uvavajjamti java savvatthasiddhatti. Naradeva nam bhamte! Anamtaram uvvattitta–puchchha. Goyama! Neraiesu uvavajjamti, no tirikkhajoniesu, no manussesu, no devesu uvavajjamti. Jai neraiesu uvavajjamti? Sattasu vi pudhavisu uvavajjamti. Dhammadeva nam bhamte! Anamtaram uvvattitta–puchchha. Goyama! No neraiesu uvavajjamti, no tirikkhajoniesu, no manussesu, devesu uvavajjamti. Jai devesu uvavajjamti kim bhavanavasi–puchchha. Goyama! No bhavanavasidevesu uvavajjamti, no vanamamtaradevesu uvavajjamti, no joisiyadevesu uvavajjamti, vemaniyadevesu uvavajjamti. Savvesu vemaniesu uvavajjamti java savvatthasiddhaanuttaro-vavaiya vemaniyadevesu uvavajjamti, atthegatiya sijjhamti java savvadukkhanam amtam karemti. Devatideva anamtaram uvvattitta kahim gachchhamti? Kahim uvavajjamti? Goyama! Sijjhamti java savvadukkhanam amtam karemti. Bhavadeva nam bhamte! Anamtaram uvvattitta–puchchha. Jaha vakkamtie asurakumaranam uvvattana taha bhaniyavva. Bhaviyadavvadeve nam bhamte! Bhaviyadavvadeve tti kalao kevachchiram hoi? Goyama! Jahannenam amtomuhuttam, ukkosenam tinni paliovamaim. Evam jachcheva thii sachcheva samchitthana vi java bhavadevassa, navaram –dhammadevassa jahannenam ekkam samayam, ukkosenam desuna puvvakodi. Bhaviyadavvadevassa nam bhamte! Kevatiyam kalam amtaram hoi? Goyama! Jahannenam dasavasasahassaim amtomuhuttamabbhahiyaim, ukkosenam anamtam kalam–vanassaikalo Naradevanam–puchchha. Goyama! Jahannenam satiregam sagarovamam, ukkosenam anamtam kalam–avaddham poggalapariyattam desunam. Dhammadevassa nam–puchchha. Goyama! Jahannenam paliovamapuhattam, ukkosenam anamtam kalam java avaddham poggalapariyattam desunam. Devatidevanam–puchchha. Goyama! Natthi amtaram. Bhavadevassa nam–puchchha. Goyama! Jahannenam amtomuhuttam, ukkosenam anamtam kalam–vanassaikalo.
Sutra Meaning Transliteration : Juo sutra 554