Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104055
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१२

 Translated Chapter :

શતક-૧૨
Section : उद्देशक-९ देव Translated Section : ઉદ્દેશક-૯ દેવ
Sutra Number : 555 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] भवियदव्वदेवा णं भंते! कओहिंतो उववज्जंति–किं नेरइएहिंतो उववज्जंति? तिरिक्ख-मनुस्स-देवेहिंतो उववज्जंति? गोयमा! नेरइएहिंतो उववज्जंति, तिरिक्ख-मनुस्स-देवेहिंतो वि उववज्जंति। भेदो जहा वक्कंतीए सव्वेसु उववाएयव्वा जाव अनुत्तरोववाइय त्ति, नवरं– असंखेज्जवासाउय-अकम्मभूमगअंतर-दीवगसव्वट्ठसिद्धवज्जं जाव अपराजियदेवेहिंतो वि उववज्जंति। नरदेवा णं भंते! कओहिंतो उववज्जंति–किं नेरइएहिंतो–पुच्छा। गोयमा! नेरइएहिंतो उववज्जंति, नो तिरिक्खजोणिएहिंतो, नो मनुस्सेहिंतो, देवेहिंतो वि उववज्जंति। जइ नेरइएहिंतो उववज्जंति–किं रयणप्पभापुढविनेरइएहिंतो उववज्जंति जाव अहेसत्तमा-पुढवि-नेरइएहिंतो उववज्जंति? गोयमा! रयणप्पभापुढविनेरइएहिंतो उववज्जंति, नो सक्करप्पभापुढविनेरइएहिंतो जाव नो अहेसत्तमापुढविनेरइएहिंतो उववज्जंति। जइ देवेहिंतो उववज्जंति किं भवनवासिदेवेहिंतो उववज्जंति? वाणमंतर-जोइसिय-वेमानिय-देवेहिंतो उववज्जंति? गोयमा! भवनवासिदेवेहिंतो वि उववज्जंति, वाणमंतरदेवेहिंतो, एवं सव्वदेवेसु उववाएयव्वा, वक्कंतीए भेदेणं जाव सव्वट्ठसिद्धत्ति। धम्मदेवा णं भंते! कओहिंतो उववज्जंति–किं नेरइएहिंतो उववज्जंति–पुच्छा। एवं वक्कंतीभेदेणं सव्वेसु उववाएयव्वा जाव सव्वट्ठसिद्धत्ति, नवरं–तम-अहेसत्तम-तेउ-वाउ-असंखेज्जवासाउयअकम्मभूमगअंतरदीवगवज्जेसु। देवातिदेवा णं भंते! कओहिंतो उववज्जंति–किं नेरइएहिंतो उववज्जंति–पुच्छा। गोयमा! नेरइएहिंतो उववज्जंति, नो तिरिक्खजोणिएहिंतो, नो मन्नुस्सेहिंतो, देवेहिंतो वि उववज्जंति जइ नेरइएहिंतो? एवं तिसु पुढवीसु उववज्जंति, सेसाओ खोडेयव्वाओ। जइ देवेहिंतो? वेमाणिएसु सव्वेसु उववज्जंति जाव सव्वट्ठसिद्धत्ति, सेसा खोडेयव्वा। भावदेवा णं भंते! कओहिंतो उववज्जंति? एवं जहा वक्कंतीए भवनवासीणं उववाओ तहा भाणियव्वो।
Sutra Meaning : જુઓ સૂત્ર ૫૫૪
Mool Sutra Transliteration : [sutra] bhaviyadavvadeva nam bhamte! Kaohimto uvavajjamti–kim neraiehimto uvavajjamti? Tirikkha-manussa-devehimto uvavajjamti? Goyama! Neraiehimto uvavajjamti, tirikkha-manussa-devehimto vi uvavajjamti. Bhedo jaha vakkamtie savvesu uvavaeyavva java anuttarovavaiya tti, navaram– asamkhejjavasauya-akammabhumagaamtara-divagasavvatthasiddhavajjam java aparajiyadevehimto vi uvavajjamti. Naradeva nam bhamte! Kaohimto uvavajjamti–kim neraiehimto–puchchha. Goyama! Neraiehimto uvavajjamti, no tirikkhajoniehimto, no manussehimto, devehimto vi Uvavajjamti. Jai neraiehimto uvavajjamti–kim rayanappabhapudhavineraiehimto uvavajjamti java ahesattama-pudhavi-neraiehimto uvavajjamti? Goyama! Rayanappabhapudhavineraiehimto uvavajjamti, no sakkarappabhapudhavineraiehimto java no ahesattamapudhavineraiehimto uvavajjamti. Jai devehimto uvavajjamti kim bhavanavasidevehimto uvavajjamti? Vanamamtara-joisiya-vemaniya-devehimto uvavajjamti? Goyama! Bhavanavasidevehimto vi uvavajjamti, vanamamtaradevehimto, evam savvadevesu uvavaeyavva, vakkamtie bhedenam java savvatthasiddhatti. Dhammadeva nam bhamte! Kaohimto uvavajjamti–kim neraiehimto uvavajjamti–puchchha. Evam vakkamtibhedenam savvesu uvavaeyavva java savvatthasiddhatti, navaram–tama-ahesattama-teu-vau-asamkhejjavasauyaakammabhumagaamtaradivagavajjesu. Devatideva nam bhamte! Kaohimto uvavajjamti–kim neraiehimto uvavajjamti–puchchha. Goyama! Neraiehimto uvavajjamti, no tirikkhajoniehimto, no mannussehimto, devehimto vi uvavajjamti Jai neraiehimto? Evam tisu pudhavisu uvavajjamti, sesao khodeyavvao. Jai devehimto? Vemaniesu savvesu uvavajjamti java savvatthasiddhatti, sesa khodeyavva. Bhavadeva nam bhamte! Kaohimto uvavajjamti? Evam jaha vakkamtie bhavanavasinam uvavao taha bhaniyavvo.
Sutra Meaning Transliteration : Juo sutra 554