Sutra Navigation: Samavayang ( સમવયાંગ સૂત્ર )

Search Details

Mool File Details

Anuvad File Details

Sr No : 1103332
Scripture Name( English ): Samavayang Translated Scripture Name : સમવયાંગ સૂત્ર
Mool Language : Ardha-Magadhi Translated Language : Gujarati
Chapter :

समवाय प्रकीर्णक

 Translated Chapter :

સમવાય પ્રકીર્ણક
Section : Translated Section :
Sutra Number : 232 Category : Ang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : –सेत्तं पुव्वगए। से किं तं अणुओगे? अणुओगे दुविहे पन्नत्ते, तं जहा–मूलपढमाणुओगे य गंडियाणुओगे य। से किं तं मूलपढमाणुओगे? मूलपढमाणुओगे–एत्थ णं अरहंताणं भगवंताणं पुव्वभवा, देवलोगगमणाणि, आउं, चव-णाणि, जम्मणाणि य अभिसेया, रायवरसिरीओ, सीयाओ पव्वज्जाओ, तवा य भत्ता, केवलनाणु-प्पाता, तित्थपवत्तणाणि य, संघयणं, संठाणं, उच्चत्तं, आउयं, वण्णविभातो, सीसा, गणा, गणहरा य, अज्जा, पवत्तिणीओ–संघस्स चउव्विहस्स जं वावि परिमाणं, जिणमनपज्जव-ओहिनाणी सम्मत्तसुयनाणिणो य, वाई, अणुत्तरगई य जत्तिया, जत्तिया सिद्धा, पातोवगता य जे जहिं जत्तियाइं भत्ताइं छेयइत्ता अंतगडा मुनिवरुत्तमा तम-रओघ-विप्पमुक्का सिद्धिपहमनुत्तरं च पत्ता। एए अन्ने य एवमादी भावा मूलपढमाणुओगे कहिया आघविज्जंति पन्नविज्जंति परूविज्जंति दंसिज्जंति निदंसिज्जंति उवदंसिज्जंति। सेत्तं मूलपढमाणुओगे। से किं तं गंडियानुओगे? गंडियानुओगे अनेगविहे पन्नत्ते, तं जहा–कुलगरगंडियाओ, तित्थगरगंडियाओ, गणधरगंडियाओ, चक्कवट्टिगंडियाओ, दसारगंडियाओ, बलदेवगंडियाओ, वासुदेवगंडियाओ, हरिवंसगंडियाओ, भद्दबाहुगंडियाओ, तवोकम्मगंडियाओ, चित्ततरगंडियाओ, उस्सप्पिणीगंडियाओ, ओसप्पिणी-गंडियाओ, अमर-नर-तिरिय-निरय-गइ-गमण-विविह-परियट्टणाणुओगे, एवमाइयाओ गंडियाओ आघविज्जंति पन्नविज्जंति परूविज्जंति दंसिज्जंति निदंसिज्जंति उवदंसिज्जंति। सेत्तं गंडियानुओगे। से किं तं चूलियाओ? चूलियाओ–आइल्लाणं चउण्हं पुव्वाणं चूलियाओ, सेसाइं पुव्वाइं अचूलियाइं। सेत्तं चूलियाओ। दिट्ठिवायस्स णं परित्ता वायणा संखेज्जा अनुओगदारा संखेज्जाओ पडिवत्तीओ संखेज्जा वेढा संखेज्जा सिलोगा संखेज्जाओ निज्जुत्तीओ संखेज्जाओ संगहणीओ। से णं अंगट्ठयाए बारसमे अंगे एगे सुयखंधे चोद्दस पुव्वाइं संखेज्जा वत्थू संखेज्जा चूलवत्थू संखेज्जा पाहुडा संखेज्जा पाहुड-पाहुडा संखेज्जाओ पाहुडियाओ संखेज्जाओ पाहुडपाहुडियाओ संखेज्जाणि पयसयसहस्साणि पयग्गेणं, संखेज्जा अक्खरा अनंता गमा अनंता पज्जवा परित्ता तसा अनंता थावरा सासया कडा निबद्धा निकाइया जिनपन्नत्ता भावा आघविज्जंति पन्नविज्जंति परूविज्जंति दंसिज्जंति निदंसिज्जंति उवदंसिज्जंति। से एवं आया एवं नाया एवं विन्नाया एवं चरण-करण-परूवणया आघविज्जति पन्नविज्जति परूविज्जति दंसिज्जति निदंसिज्जति उवदंसिज्जति। सेत्तं दिट्ठिवाए। सेत्तं दुवालसंगे गणिपिडगे।
Sutra Meaning : જુઓ સૂત્ર ૨૨૮
Mool Sutra Transliteration : –settam puvvagae. Se kim tam anuoge? Anuoge duvihe pannatte, tam jaha–mulapadhamanuoge ya gamdiyanuoge ya. Se kim tam mulapadhamanuoge? Mulapadhamanuoge–ettha nam arahamtanam bhagavamtanam puvvabhava, devalogagamanani, aum, chava-nani, jammanani ya abhiseya, rayavarasirio, siyao pavvajjao, tava ya bhatta, kevalananu-ppata, titthapavattanani ya, samghayanam, samthanam, uchchattam, auyam, vannavibhato, sisa, gana, ganahara ya, ajja, pavattinio–samghassa chauvvihassa jam vavi parimanam, jinamanapajjava-ohinani sammattasuyananino ya, vai, anuttaragai ya jattiya, jattiya siddha, patovagata ya je jahim jattiyaim bhattaim chheyaitta amtagada munivaruttama tama-raogha-vippamukka siddhipahamanuttaram cha patta. Ee anne ya evamadi bhava mulapadhamanuoge kahiya aghavijjamti pannavijjamti paruvijjamti damsijjamti nidamsijjamti uvadamsijjamti. Settam mulapadhamanuoge. Se kim tam gamdiyanuoge? Gamdiyanuoge anegavihe pannatte, tam jaha–kulagaragamdiyao, titthagaragamdiyao, ganadharagamdiyao, chakkavattigamdiyao, dasaragamdiyao, baladevagamdiyao, vasudevagamdiyao, harivamsagamdiyao, bhaddabahugamdiyao, tavokammagamdiyao, chittataragamdiyao, ussappinigamdiyao, osappini-gamdiyao, amara-nara-tiriya-niraya-gai-gamana-viviha-pariyattananuoge, evamaiyao gamdiyao aghavijjamti pannavijjamti paruvijjamti damsijjamti nidamsijjamti uvadamsijjamti. Settam gamdiyanuoge. Se kim tam chuliyao? Chuliyao–aillanam chaunham puvvanam chuliyao, sesaim puvvaim achuliyaim. Settam chuliyao. Ditthivayassa nam paritta vayana samkhejja anuogadara samkhejjao padivattio samkhejja vedha samkhejja siloga samkhejjao nijjuttio samkhejjao samgahanio. Se nam amgatthayae barasame amge ege suyakhamdhe choddasa puvvaim samkhejja vatthu samkhejja chulavatthu samkhejja pahuda samkhejja pahuda-pahuda samkhejjao pahudiyao samkhejjao pahudapahudiyao samkhejjani payasayasahassani payaggenam, samkhejja akkhara anamta gama anamta pajjava paritta tasa anamta thavara sasaya kada nibaddha nikaiya jinapannatta bhava aghavijjamti pannavijjamti paruvijjamti damsijjamti nidamsijjamti uvadamsijjamti. Se evam aya evam naya evam vinnaya evam charana-karana-paruvanaya aghavijjati pannavijjati paruvijjati damsijjati nidamsijjati uvadamsijjati. Settam ditthivae. Settam duvalasamge ganipidage.
Sutra Meaning Transliteration : Juo sutra 228