Sutra Navigation: Anuyogdwar ( अनुयोगद्वारासूत्र )

Search Details

Mool File Details

Anuvad File Details

Sr No : 1024329
Scripture Name( English ): Anuyogdwar Translated Scripture Name : अनुयोगद्वारासूत्र
Mool Language : Ardha-Magadhi Translated Language : Hindi
Chapter :

अनुयोगद्वारासूत्र

 Translated Chapter :

अनुयोगद्वारासूत्र
Section : Translated Section :
Sutra Number : 329 Category : Chulika-02
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] से तं नोआगमओ</em> भावज्झीणे। से तं भावज्झीणे। से तं अज्झीणे। से किं तं आए? आए चउव्विहे पन्नत्ते, तं जहा–नामाए ठवणाए दव्वाए भावाए। नाम-ट्ठवणाओ गयाओ। से किं तं दव्वाए? दव्वाए दुविहे पन्नत्ते, तं जहा–आगमओ</em> य नोआगमओ</em> य। से किं तं आगमओ</em> दव्वाए? आगमओ</em> दव्वाए–जस्स णं आए त्ति पदं सिक्खियं ठियं जियं मियं परिजियं नाम-समं घोससमं अहीणक्खरं अणच्चक्खरं अव्वाइद्धक्खरं अक्खलियं अमिलियं अवच्चामेलियं पडिपुण्णं पडिपुन्नघोसं कंठोट्ठविप्पमुक्कं गुरुवायणोवगयं, से णं तत्थ वायणाए पुच्छणाए परियट्टणाए धम्मकहाए, नो अनुप्पेहाए। कम्हा? अनुवओगो दव्वमिति कट्टु। नेगमस्स एगो अनुवउत्तो आगमओ</em> एगे दव्वाए, दोन्नि अनुवउत्ता आगमओ</em> दोन्नि दव्वाया, तिन्नि अनुव-उत्ता आगमओ</em> तिन्नि दव्वाया, एवं जावइया अनुवउत्ता तावइया ते नेगमस्स आगमओ</em> दव्वाया। एवमेव ववहारस्स वि। संगहस्स एगो वा अनेगा वा अनुवउत्तो वा अनुवउत्ता वा आगमओ</em> दव्वाए वा दव्वाया वा से एगे दव्वाए। उज्जुसुयस्स एगो अनुवउत्तो आगमओ</em> एगे दव्वाए, पुहत्तं नेच्छइ। तिण्हं सद्दनयाणं जाणए अनुवउत्ते अवत्थू। कम्हा? जइ जाणए अनुवउत्ते न भवइ। से तं आगमओ</em> दव्वाए। से किं तं नोआगमओ</em> दव्वाए? नोआगमओ</em> दव्वाए तिविहे पन्नत्ते, तं जहा–जाणगसरीर-दव्वाए भवियसरीरदव्वाए जाणगसरीर-भवियसरीर-वतिरित्ते दव्वाए। से किं तं जाणगसरीरदव्वाए? जाणगसरीरदव्वाए–आए त्ति पयत्थाहिगारजाणगस्स जं सरीरयं ववगय-चुय-चाविय-चत्तदेहं जीवविप्पजढं सेज्जागयं वा संथारगयं वा निसीहियागयं वा सिद्धसिलातलगयं वा पासित्ता णं कोइ वएज्जा– अहो णं इमेणं सरीरसमुस्सएणं जिनदिट्ठेणं भावेणं आए त्ति पयं आघवियं पन्नवियं परूवियं दंसियं निदंसियं उवदंसियं। जहा को दिट्ठंतो? अयं महुकुंभे आसी, अयं घयकुंभे आसी। से तं जाणगसरीरदव्वाए। से किं तं भवियसरीरदव्वाए? भवियसरीरदव्वाए– जे जीवे जोणिजम्मणनिक्खंते इमेणं चेव आदत्तएणं सरीरसमुस्सएणं जिनदिट्ठेणं भावेणं आए त्ति पयं सेयकाले सिक्खिस्सइ, न ताव सिक्खइ। जह को दिट्ठंतो? अयं महुकुंभे भविस्सइ, अयं घयकुंभे भविस्सइ। से तं भवियसरीर दव्वाए। से किं तं जाणगसरीर-भवियसरीर-वतिरित्ते दव्वाए? जाणगसरीर-भवियसरीर-वतिरित्ते दव्वाए तिविहे पन्नत्ते, तं जहा–लोइए कुप्पावयणिए लोगुत्तरिए। से किं तं लोइए? लोइए तिविहे पन्नत्ते, तं जहा–सचित्ते अचित्ते मीसए। से किं तं सचित्ते? सचित्ते तिविहे पन्नत्ते, तं जहा–दुपयाणं चउप्पयाणं अपयाणं। दुपयाणं–दासाणं दासीणं, चउप्पयाणं–आसाणं हत्थीणं, अपयाणं–अंबाणं अंबाडगाणं आए। से तं सचित्ते। से किं तं अचित्ते? अचित्ते–सुवण्ण-रयय-मणि-मोत्तिय-संख-सिल-प्पवाल-रत्तरयणाणं संत-सार-सावएज्जस्स आए। से तं अचित्ते। से किं तं मीसए? मीसए–दासाणं दासीणं आसाणं हत्थीणं समाभरियाउज्जालं-कियाणं आए। से तं मीसए। से तं लोइए। से किं तं कुप्पावयणिए? कुप्पावयणिए तिविहे पन्नत्ते, तं जहा–सचित्ते अचित्ते मीसए। से किं तं सचित्ते? सचित्ते तिविहे पन्नत्ते, तं जहा–दुपयाणं चउप्पयाणं अपयाणं। दुपयाणं–दासाणं दासीणं, चउप्पयाणं–आसाणं हत्थीणं, अपयाणं–अंबाणं अंबाडगाणं आए। से तं सचित्ते। से किं तं अचित्ते? अचित्ते–सुवण्ण-रयय-मणि-मोत्तिय-संख-सिल-प्पवाल-रत्तरयणाणं संत-सार-सावएज्जस्स आए। से तं अचित्ते। से किं तं मीसए? मीसए–दासाणं दासीणं आसाणं हत्थीणं समाभरियाउज्जालंकियाणं आए। से तं मीसए। से तं कुप्पावयणिए। से किं तं लोगुत्तरिए? लोगुत्तरिए तिविहे पन्नत्ते, तं जहा–सचित्ते अचित्ते मीसए। से किं तं सचित्ते? सचित्ते–सीसाणं सिस्सिणीणं आए। से तं सचित्ते। से किं तं अचित्ते? अचित्ते–पडिग्गहाणं वत्थाणं कंबलाणं पायपुंछणाणं आए। से तं अचित्ते। से किं तं मीसए? मीसए–सीसाणं सिस्सिणियाणं सभंडमत्तोवगरणाणं आए। से तं मीसए। से तं लोगुत्तरिए। से तं जाणगसरीर-भवियसरीर-वतिरित्ते दव्वाए। से तं नोआगमओ</em> दव्वाए। से तं दव्वाए। से किं तं भावाए? भावाए दुविहे पन्नत्ते, तं जहा–आगमओ</em> य नोआगमओ</em> य। से किं तं आगमओ</em> भावाए-आगमओ</em> भावाए–जाणए उवउत्ते। से तं आगमओ</em> भावाए। से किं तं नोआगमओ</em> भावाए? नोआगमओ</em> भावाए दुविहे पन्नत्ते, तं–पसत्थे य अपसत्थे य। से किं तं पसत्थे? पसत्थे तिविहे पन्नत्ते, तं जहा–नाणाए दंसणाए चरित्ताए। से तं पसत्थे। से किं तं अपसत्थे? अपसत्थे चउव्विहे पन्नत्ते, तं जहा–कोहाए माणाए मायाए लोभाए। से तं अपसत्थे। से तं नोआगमओ</em> भावाए। से तं भावाए। से तं आए। से किं तं ज्झवणा? ज्झवणा चउव्विहा पन्नत्ता, तं जहा–नामज्झवणा ठवणज्झवणा दव्वज्झवणा भावज्झवणा। नाम-ट्ठवणाओ गयाओ। से किं तं दव्वज्झवणा? दव्वज्झवणा दुविहा पन्नत्ता, तं जहा–आगमओ</em> य नोआगमओ</em> य। से किं तं आगमओ</em> दव्वज्झयणा? आगमओ</em> दव्वज्झयणा– जस्स णं ज्झवणे त्ति पदं सिक्खियं ठियं जियं मियं परिजियं नामसमं घोससमं अहीनक्खरं अनच्चक्खरं अव्वाइद्धक्खरं अक्खलियं अमिलियं अवच्चामेलियं पडिपुण्णं पडिपुन्नघोसं कंटोट्ठविप्पमुक्कं गुरुवायणोवगयं, से णं तत्थ वायणाए पुच्छणाए परियट्टणाए धम्मकहाए, नो अनुप्पेहाए। कम्हा? अनुवओगो दव्वमिति कट्टु। नेगमस्स एगो अनुवउत्तो आगमओ</em> एगा दव्वज्झयणा, दोन्नि अनुवउत्ता आगमओ</em> दोन्नीओ दव्वज्झयणाओ, तिन्नि अनुवउत्ता आगमओ</em> तिन्नीओ दव्वज्झयणाओ, एवं जावइया अनुवउत्ता तावइयो ताओ नेगमस्स आगमओ</em> दव्वज्झय-णाओ। एवमेव ववहारस्स वि। संगहस्स एगो वा अनेगा वा अनुवउत्तो वा अनुवउत्ता वा आगमओ</em> दव्वज्झवणा वा दव्वज्झयणाओ वा सा एगा दव्वज्झ-वणा। उज्जुसुयस्स एगो अनुवउत्तो आगमओ</em> एगा दव्वज्झवणा, पुहत्तं नेच्छइ। तिण्हं सद्दनयाणं जाणए अनुवउत्ते अवत्थू। कम्हा? जइ जाणए अनुवउत्ते न भवइ०। से तं आगमओ</em> दव्वज्झवणा। से किं तं नो आगमओ</em> दव्वज्झवणा? नोआगमओ</em> दव्वज्झवणा तिविहा पन्नत्ता, तं–जाणग-सरीरदव्वज्झवणा भवियसरीरदव्वज्झवणा जाणगसरीर-भवियसरीर-वतिरित्ता दव्वज्झवणा। से किं तं जाणगसरीरदव्वज्झवणा? जाणगसरीरदव्वज्झवणा–ज्झवणे त्ति पयत्थाहिगार-जाणगस्स जं सरीरयं वव-गय-चुय-चाविय-चत्तदेहं जीवविप्पजढं सेज्जागयं वा संथारगयं वा निसीहियागयं वा सिद्धसिलातलगयं वा पासित्ता णं कोइ वएज्जा – अहो णं इमेणं सरीरसमुस्सएणं जिणदिट्ठेणं भावेणं ज्झवणे त्ति पयं आघवियं पन्नवियं परूवियं दंसियं निदंसियं उवदंसियं। जहा को दिट्ठंतो? अयं महुकुंभे आसी, अयं घयकुंभे आसी। से तं जाणगसरीरदव्वज्झवणा। से किं तं भवियसरीरदव्वज्झवणा? भवियसरीरदव्वज्झवणा–जे जीवे जोणिजम्मणनिक्खंते इमेणं चेव आदत्तएणं सरीरसमुस्सएणं जिनदिट्ठेणं भावेणं ज्झवणेत्ति पयं सेयकाले सिक्खिस्सइ, न ताव सिक्खइ। जहा को दिट्ठंतो? अयं महुकुंभे भविस्सइ, अयं घयकुंभे भविस्सइ। से तं भवियसरीरदव्वज्झवणा। से किं तं जाणगसरीर-भवियसरीर-वतिरित्ता दव्वज्झवणा? जाणगसरीर-भवियसरीर-वतिरित्ता दव्वज्झवणा तिविहा पन्नत्ता, तं जहा–लोइया कुप्पावयणिया लोगुत्तरिया। से किं तं लोइया? लोइया तिविहा पन्नत्ता, तं जहा–सचित्ता अचित्ता मीसया। से किं तं सचित्ता? सचित्ता तिविहा पन्नत्ता, तं जहा–दुपयाणं चउप्पयाणं अपयाणं। दुपयाणं–दासाणं दासीणं, चउप्पयाणं–आसाणं हत्थीणं, अपयाणं–अंबाणं अंबाडगाणं ज्झवणा। से तं सचित्ता। से किं तं अचित्ता? अचित्ता–सुवण्ण-रयय-मणि-मोत्तिय-संख-सिल-प्पवाल-रत्तरयणाणं संत-सार-सावएज्जस्स ज्झवणा। से तं अचित्ता। से किं तं मीसया? मीसया–दासाणं दासीणं आसाणं हत्थीणं समाभरियाउज्जालं कियाणं ज्झवणा। से तं मीसया। से तं लोइया। से किं तं कुप्पावयणिया? कुप्पावयणिया तिविहा पन्नत्ता, तं जहा–सचित्ता अचित्ता मीसया। से किं तं सचित्ता? सचित्ता तिविहा पन्नत्ता, तं जहा–दुपयाणं चउप्पयाणं अपयाणं। दुपयाणं–दासाणं दासीणं, चउप्पयाणं–आसाणं हत्थीणं, अपयाणं–अंबाणं अंबाडगाणं ज्झवणा। से तं सचित्ता। से किं तं अचित्ता? अचित्ता–सुवण्ण-रयय-मणि-मोत्तिय-संख-सिल-प्पवाल-रत्तरयणाणं संत-सार-सावएज्जस्स ज्झवणा। से तं अचित्ता। से किं तं मीसया? मीसया-दासाणं दासीणं आसाणं हत्थीणं समाभरियाउज्जालं-कियाणं ज्झवणा। से तं मीसया से तं कुप्पावयणिया। से किं तं लोगुत्तरिया? लोगुत्तरिया तिविहा पन्नत्ता, तं जहा–सचित्ता अचित्ता मीसया। से किं तं सचित्ता? सचित्ता–सीसाणं सिस्सिणीणं ज्झवणा। से तं सचित्ता। से किं तं अचित्ता? अचित्ता–पडिग्गहाणं वत्थाणं कंबलाणं पायपुंछणाणं ज्झवणा। से तं अचित्ता। से किं तं मीसया? मीसया–सीसाणं सिस्सिणियाणं सभंडमत्तोवगरणाणं ज्झवणा। से तं मीसया। से तं लोगुत्तरिया। से तं जाणगसरीर-भवियसरीर-वतिरित्ता दव्वज्झवणा। से तं नोआगमओ</em> दव्वज्झवणा। से तं दव्वज्झवणा। से किं तं भावज्झवणा? भावज्झवणा दुविहा पन्नत्ता, तं जहा–आगमओ</em> य नोआगमओ</em> य। से किं तं आगमओ</em> भावज्झवणा? आगमओ</em> भावज्झवणा–जाणए उवउत्ते। से तं आगमओ</em> भावज्झवणा। से किं तं नोआगमओ</em> भावज्झवणा? नोआगमओ</em> भावज्झवणा दुविहा पन्नत्ता, तं जहा–पसत्था य अपसत्था य। से किं तं पसत्था? पसत्था चउव्विहा पन्नत्ता, तं जहा–कोहज्झवणा माणज्झवणा मायज्झवणा लोभज्झवणा। से तं पसत्था। से किं तं अपसत्था? अपसत्था तिविहा पन्नत्ता, तं जहा–नाणज्झवणा दंसणज्झवणा चरित्तज्झवणा। से तं अपसत्था। से तं नोआगमओ</em> भावज्झवणा। से तं भावज्झवणा। से तं ज्झवणा। से तं ओहनिप्फन्ने। से किं तं नामनिप्फन्ने? नामनिप्फन्ने–सामाइए। से समासओ चउव्विहे पन्नत्ते, तं जहा–नामसामाइए ठवणसामाइए दव्वसामाइए भावसामाइए। नाम-ट्ठवणाओ गयाओ। से किं तं दव्वसामाइए? दव्वसामाइए दुविहे पन्नत्ते, तं जहा–आगमओ</em> य नोआगमओ</em> य। से किं तं आगमओ</em> दव्वसामाइए? आगमओ</em> दव्वसामाइए–जस्स णं सामाइए त्ति पदं सिक्खियं ठियं जियं मियं परिजियं नामसमं घोससमं अहीनक्खरं अनच्चक्खरं अव्वाइद्धक्खरं अक्खलियं अमिलियं अवच्चामेलियं पडिपुण्णं पडिपुन्नघोसं कंटोट्ठविप्पमुक्कं गुरुवायणोवगयं, से णं वायणाए पुच्छणाए परियट्टणाए धम्मकहाए, नो अनुप्पेहाए। कम्हा? अनुवओगो दव्वमिति कट्टु। नेगमस्स एगो अनुवउत्तो आगमओ</em> एगे दव्वसामाइए, दोन्नि अनुवउत्ता आगमओ</em> दोन्नि दव्वसामाइयाइं, तिन्नि अनुवउत्ता आगमओ</em> तिन्नि दव्वसामाइयाइं, एवं जावइया अनुवउत्ता तावइयाइं ताइं नेगमस्स आगमओ</em> दव्वसामाइयाइं। एवमेव ववहारस्स वि। संगहस्स एगो वा अनेगा वा अनुवउत्तो वा अनुवउत्ता वा आगमओ</em> दव्वसामाइए वा दव्वसामाइयाणि वा से एगे दव्वसामाइए। उज्जुसुयस्स एगो अनुवउत्तो आगमओ</em> एगे दव्वसामाइए, पुहत्तं नेच्छइ तिण्हं सद्दनयाणं जाणए अनुवउत्ते अवत्थू। कम्हा? जइ जाणए अनुवउत्ते न भवइ। से तं आगमओ</em> दव्वसामाइए। से किं तं नोआगमओ</em> दव्वसामाइए? नोआगमओ</em> दव्वसामाइए तिविहे पन्नत्ते, तं जहा–जाणगसरीरदव्वसामाइए भवियसरीरदव्वसामाइए जाणगसरीर-भवियसरीर-वतिरित्ते दव्वसामाइए। से किं तं जाणगसरीरदव्वसामाइए? जाणगसरीरदव्वसामाइएसामाइए त्ति पयत्थाहिगार-जाणगस्स जं सरीरयं ववगय-चुय-चाविय-चत्तदेहं जीवविप्पजढं सेज्जागयं वा संथारगयं वा निसीहियागयं वा सिद्धसिलातलगयं वा पासित्ता णं कोइ वएज्जा–अहो णं इमेणं सरीरसमुस्सएणं जिनदिट्ठेणं भावेणं सामाइए त्ति पयं आघवियं पन्नवियं परूवियं दंसियं निदंसियं उवदंसियं। जहा को दिट्ठंतो? अयं महुकुंभे आसी, अयं घयकुंभे आसी। से तं जाणगसरीरदव्वसामाइए। से किं तं भवियसरीरदव्वसामाइए? भवियसरीरदव्वसामाइए–जे जीवे जोणिजम्मणनिक्खंते इमेणं चेव आदत्त-एणं सरीरसमुस्सएणं जिणदिट्ठेणं भावेणं सामाइए त्ति पयं सेयकाले सिक्खिस्सइ, न ताव सिक्खइ। जहा को दिट्ठंतो? अयं महुकुंभे भविस्सइ, अयं घयकुंभे भविस्सइ। से तं भविय-सरीरदव्वसामाइए। से किं तं जाणगसरीर-भवियसरीर-वतिरित्ते दव्वसामाइए? जाणगसरीर-भवियसरीर-वतिरित्ते दव्वसामाइए–पत्तय-पोत्थय-लिहियं। से तं जाणगसरीर-भवियसरीर-वतिरित्ते दव्व-सामाइए। से तं नोआगमओ</em> दव्वसामाइए। से तं दव्वसामाइए से किं तं भावसामाइए? भावसामाइए दुविहे पन्नत्ते, तं जहा–आगमओ</em> य नोआगमओ</em> य। से किं तं आगमओ</em> भावसामाइए? आगमओ</em> भावसामाइए–जाणए उवउत्ते। से तं आगमओ</em> भावसामाइए। से किं तं नोआगमओ</em> भावसामाइए? नोआगमओ</em> भावसामाइए–
Sutra Meaning : इस प्रकार से नोआगमभाव</em> – अक्षीण का स्वरूप जानना चाहिए। आय क्या है ? आय के चार प्रकार हैं। यथा – नाम – आय, स्थापना – आय, द्रव्य – आय, भाव – आय। नाम – आय और स्थापना – आय का ‘वर्ण’ पूर्ववत्‌ जानना। द्रव्य – आय के दो भेद हैं – आगम</em> से, नोआगम</em> से। जिसने आय यह पद सीख लिया हे, स्थिर कर लिया है किन्तु उपयोग रहित होने से द्रव्य हैं यावत्‌ जितने उपयोग रहित हैं, उतने ही आगम</em> से द्रव्य – आय हैं। यह आगम</em> से द्रव्य – आय का स्वरूप जानना। नोआगमद्रव्य</em> – आय के तीन प्रकार हैं। यथा – ज्ञायकशरीरद्रव्य – आय, भव्यशरीर द्रव्य – आय, ज्ञायकशरीरभव्यशरीरव्यतिरिक्तद्रव्य – आय। ज्ञायकशरीरद्रव्य – आय किसे कहते हैं ? आय पद के अर्थाधिकार के ज्ञाता का व्यपगत, च्युत, च्यवित त्यक्त आदि शरीर द्रव्याध्ययन की वक्तव्यता जैसा ही ज्ञायकशरीरनोआगमद्रव्य</em> – आय का स्वरूप जानना। समय पूर्ण होने पर योनि से निकलकर जो जन्म को प्राप्त हुआ आदि भव्यशरीरद्रव्य – अध्ययन के वर्णन के समान भव्यशरीरद्रव्य – आय का स्वरूप जानना। ज्ञायकशरीरभव्यशरीरव्यतिरिक्तद्रव्य – आय के तीन प्रकार हैं। यथा – लौकिक, कुप्रवाचनिक, लोकोत्तर। लौकिकद्रव्य – आय के तीन प्रकार हैं। यथा – सचित्त, अचित्त और मिश्र। सचित्त लौकिक – आय क्या है ? तीन प्रकार हैं। यथा – द्विपद – आय, चतुष्पद – आय, अपद – आय। इनमें से दास – दासियों की आय द्विपद – आय रूप है। अश्र्वों हाथियों की प्राप्ति चतुष्पद – आय रूप और आम, आमला के वृक्षों आदि की प्राप्ति अपद – आय रूप हैं। सोना – चाँदी, मणि – मोती, शंख, शिला, प्रवाल, रक्तरत्न आदि की प्राप्ति अचित्त – आय है। अलंकारादि से तथा वाद्यों से विभूषित दास – दासियों, घोड़ों, हाथियों आदि की प्राप्ति को मिश्र आय कहते हैं। कुप्रवाचनिक आय तीन प्रकार की है। यथा – सचित्त, अचित्त, मिश्र। इन तीनों का वर्णन लौकिक – आय के अनुरूप जानना। लोकोत्तरिक – आय क्या है ? तीन प्रकार है। सचित्त, अचित्त और मिश्र। शिष्य – शिष्याओं की प्राप्ति सचित्त – लोकोत्तरिक – आय है। अचित्त पात्र, वस्त्र, पादप्रोंच्छन, आदि की प्राप्ति अचित्त लोकोत्तरिक – आय हैं। भांडोपकरणादि सहित शिष्य – शिष्याओं की प्राप्ति – लाभ को मिश्र आय कहते हैं। भाव – आय का क्या स्वरूप है ? दो प्रकार हैं। आगम</em> से, नोआगम</em> से। आयपद के ज्ञाता और साथ ही उसके उपयोग से युक्त जीव आगमभाव</em> – आय हैं। नोआगमभाव</em> – आय के दो प्रकार हैं, यथा – प्रशस्त और अप्रशस्त। प्रशस्त नोआगम</em> भाव – आय के तीन प्रकार हैं। यथा – ज्ञान – आय, दर्शन – आय, चारित्र – आय। अप्रशस्तनोआगम</em> – भावआय के चार प्रकार हैं। यथा – क्रोध – आय, मान – आय, माया – आय और लोभ – आय। यही अप्रशस्तभाव – आय है क्षपणा क्या है ? चार प्रकार जानना। नामक्षपणा, स्थापनाक्षपणा, द्रव्यक्षपणा, भावक्षपणा। नाम और स्थापनाक्षपणा का वर्णन पूर्ववत्‌। द्रव्यक्षपणा दो प्रकार की है। आगम</em> से और नोआगम</em> से। जिसने ‘क्षपणा’ यह पद सीख लिया है, स्थिर, जित, मित और परिजित कर लिया है, इत्यादि वर्णन द्रव्याध्ययन के समान है। नोआगमद्रव्यक्षपणा</em> के तीन भेद हैं। यथा – ज्ञायकशरीरद्रव्यक्षपणा, भव्यशरीरद्रव्यक्षपणा, ज्ञायकशरीरभव्यशरीर – व्यतिरिक्तद्रव्यक्षपणा। ज्ञायकशरीरद्रव्यक्षपणा क्या है ? क्षपणा पद के अर्थाधिकार के ज्ञाता का व्यपगत, च्युत, च्यावित, त्यक्त शरीर इत्यादि सर्व वर्णन द्रव्याध्ययन के समान जानना। समय पूर्ण होने पर जो जीव उत्पन्न हुआ और प्राप्त शरीर से जिनोपदिष्ट भाव के अनुसार भविष्य में क्षपणा पद को सीखेगा, किन्तु अभी नहीं सीख रहा हे, ऐसा वह शरीर भव्यशरीरद्रव्यक्षपणा है। इसके लिये दृष्टान्त क्या है ? यह घी का घड़ा होगा, यह मधुकलश होगा, ऐसा कहना। ज्ञायकशरीरभव्यशरीरव्यतिरिक्तद्रव्यक्षपणा का स्वरूप ज्ञायकशरीरभव्यशरीरव्यतिरिक्तद्रव्य – आय के समान जानना भावक्षपणा क्या है ? दो प्रकार की है। यथा – आगम</em> से, नोआगम</em> से। क्षपणा इस पद के अर्थाधिकार का उपयोगयुक्त ज्ञाता आगम</em> से भावक्षपणा रूप है। नोआगमभावक्षपणा</em> दो प्रकार की है। यथा – प्रशस्तभावक्षपणा, अप्रशस्तभावक्षपणा। नोआगमप्रशस्तभावक्षपणा</em> चार प्रकार की है। यथा – क्रोधक्षपणा, मानक्षपणा, मायाक्षपणा और लोभक्षपणा। अप्रशस्तभावक्षपणा तीन प्रकार की कही गई है। यथा – ज्ञानक्षपणा, दर्शनक्षपणा, चारित्रक्षपणा नामनिष्पन्न निक्षेप क्या है ? नामनिष्पन्न सामायिक है। वह चार प्रकार का है। यथा – नामसामायिक, स्थापना – सामायिक, द्रव्यसामायिक, भावसामायिक। नामसामायिक और स्थापनासामायिक का स्वरूप पूर्ववत्‌। भव्यशरीरद्रव्यसामायिक तक द्रव्यसामायिक का वर्णन भी तथैव जानना। पत्र में अथवा पुस्तक में लिखित ‘सामायिक’ पद ज्ञशरीरभव्यशरीरव्यतिरिक्त – द्रव्य सामायिक है। भावसामायिक क्या है ? दो प्रकार हैं। यथा – आगमभावसामायिक</em>, नोआगमभावसामायिक</em>। सामायिक पद के अर्थाधिकार का उपयोगयुक्त ज्ञायक आगमसे</em> भावसामायिक है। भगवन्‌ ! नोआगमभावसामायिक</em> क्या है?
Mool Sutra Transliteration : [sutra] se tam noagamao bhavajjhine. Se tam bhavajjhine. Se tam ajjhine. Se kim tam ae? Ae chauvvihe pannatte, tam jaha–namae thavanae davvae bhavae. Nama-tthavanao gayao. Se kim tam davvae? Davvae duvihe pannatte, tam jaha–agamao ya noagamao ya. Se kim tam agamao davvae? Agamao davvae–jassa nam ae tti padam sikkhiyam thiyam jiyam miyam parijiyam nama-samam ghosasamam ahinakkharam anachchakkharam avvaiddhakkharam akkhaliyam amiliyam avachchameliyam padipunnam padipunnaghosam kamthotthavippamukkam guruvayanovagayam, se nam tattha vayanae puchchhanae pariyattanae dhammakahae, no anuppehae. Kamha? Anuvaogo davvamiti kattu. Negamassa ego anuvautto agamao ege davvae, donni anuvautta agamao donni davvaya, tinni anuva-utta agamao tinni davvaya, evam javaiya anuvautta tavaiya te negamassa agamao davvaya. Evameva vavaharassa vi. Samgahassa ego va anega va anuvautto va anuvautta va agamao davvae va davvaya va se ege davvae. Ujjusuyassa ego anuvautto agamao ege davvae, puhattam nechchhai. Tinham saddanayanam janae anuvautte avatthu. Kamha? Jai janae anuvautte na bhavai. Se tam agamao davvae. Se kim tam noagamao davvae? Noagamao davvae tivihe pannatte, tam jaha–janagasarira-davvae bhaviyasariradavvae janagasarira-bhaviyasarira-vatiritte davvae. Se kim tam janagasariradavvae? Janagasariradavvae–ae tti payatthahigarajanagassa jam sarirayam vavagaya-chuya-chaviya-chattadeham jivavippajadham sejjagayam va samtharagayam va nisihiyagayam va siddhasilatalagayam va pasitta nam koi vaejja– aho nam imenam sarirasamussaenam jinaditthenam bhavenam ae tti payam aghaviyam pannaviyam paruviyam damsiyam nidamsiyam uvadamsiyam. Jaha ko ditthamto? Ayam mahukumbhe asi, ayam ghayakumbhe asi. Se tam janagasariradavvae. Se kim tam bhaviyasariradavvae? Bhaviyasariradavvae– je jive jonijammananikkhamte imenam cheva adattaenam sarirasamussaenam jinaditthenam bhavenam ae tti payam seyakale sikkhissai, na tava sikkhai. Jaha ko ditthamto? Ayam mahukumbhe bhavissai, ayam ghayakumbhe bhavissai. Se tam bhaviyasarira davvae. Se kim tam janagasarira-bhaviyasarira-vatiritte davvae? Janagasarira-bhaviyasarira-vatiritte davvae tivihe pannatte, tam jaha–loie kuppavayanie loguttarie. Se kim tam loie? Loie tivihe pannatte, tam jaha–sachitte achitte misae. Se kim tam sachitte? Sachitte tivihe pannatte, tam jaha–dupayanam chauppayanam apayanam. Dupayanam–dasanam dasinam, chauppayanam–asanam hatthinam, apayanam–ambanam ambadaganam ae. Se tam sachitte. Se kim tam achitte? Achitte–suvanna-rayaya-mani-mottiya-samkha-sila-ppavala-rattarayananam samta-sara-savaejjassa ae. Se tam achitte. Se kim tam misae? Misae–dasanam dasinam asanam hatthinam samabhariyaujjalam-kiyanam ae. Se tam misae. Se tam loie. Se kim tam kuppavayanie? Kuppavayanie tivihe pannatte, tam jaha–sachitte achitte misae. Se kim tam sachitte? Sachitte tivihe pannatte, tam jaha–dupayanam chauppayanam apayanam. Dupayanam–dasanam dasinam, chauppayanam–asanam hatthinam, apayanam–ambanam ambadaganam ae. Se tam sachitte. Se kim tam achitte? Achitte–suvanna-rayaya-mani-mottiya-samkha-sila-ppavala-rattarayananam samta-sara-savaejjassa ae. Se tam achitte. Se kim tam misae? Misae–dasanam dasinam asanam hatthinam samabhariyaujjalamkiyanam ae. Se tam misae. Se tam kuppavayanie. Se kim tam loguttarie? Loguttarie tivihe pannatte, tam jaha–sachitte achitte misae. Se kim tam sachitte? Sachitte–sisanam sissininam ae. Se tam sachitte. Se kim tam achitte? Achitte–padiggahanam vatthanam kambalanam payapumchhananam ae. Se tam achitte. Se kim tam misae? Misae–sisanam sissiniyanam sabhamdamattovagarananam ae. Se tam misae. Se tam loguttarie. Se tam janagasarira-bhaviyasarira-vatiritte davvae. Se tam noagamao davvae. Se tam davvae. Se kim tam bhavae? Bhavae duvihe pannatte, tam jaha–agamao ya noagamao ya. Se kim tam agamao bhavae-agamao bhavae–janae uvautte. Se tam agamao bhavae. Se kim tam noagamao bhavae? Noagamao bhavae duvihe pannatte, tam–pasatthe ya apasatthe ya. Se kim tam pasatthe? Pasatthe tivihe pannatte, tam jaha–nanae damsanae charittae. Se tam pasatthe. Se kim tam apasatthe? Apasatthe chauvvihe pannatte, tam jaha–kohae manae mayae lobhae. Se tam apasatthe. Se tam noagamao bhavae. Se tam bhavae. Se tam ae. Se kim tam jjhavana? Jjhavana chauvviha pannatta, tam jaha–namajjhavana thavanajjhavana davvajjhavana bhavajjhavana. Nama-tthavanao gayao. Se kim tam davvajjhavana? Davvajjhavana duviha pannatta, tam jaha–agamao ya noagamao ya. Se kim tam agamao davvajjhayana? Agamao davvajjhayana– jassa nam jjhavane tti padam sikkhiyam thiyam jiyam miyam parijiyam namasamam ghosasamam ahinakkharam anachchakkharam avvaiddhakkharam akkhaliyam amiliyam avachchameliyam padipunnam padipunnaghosam kamtotthavippamukkam guruvayanovagayam, se nam tattha vayanae puchchhanae pariyattanae dhammakahae, no anuppehae. Kamha? Anuvaogo davvamiti kattu. Negamassa ego anuvautto agamao ega davvajjhayana, donni anuvautta agamao donnio davvajjhayanao, tinni anuvautta agamao tinnio davvajjhayanao, evam javaiya anuvautta tavaiyo tao negamassa agamao davvajjhaya-nao. Evameva vavaharassa vi. Samgahassa ego va anega va anuvautto va anuvautta va agamao davvajjhavana va davvajjhayanao va sa ega davvajjha-vana. Ujjusuyassa ego anuvautto agamao ega davvajjhavana, puhattam nechchhai. Tinham saddanayanam janae anuvautte avatthu. Kamha? Jai janae anuvautte na bhavai0. Se tam agamao davvajjhavana. Se kim tam no agamao davvajjhavana? Noagamao davvajjhavana tiviha pannatta, tam–janaga-sariradavvajjhavana bhaviyasariradavvajjhavana janagasarira-bhaviyasarira-vatiritta davvajjhavana. Se kim tam janagasariradavvajjhavana? Janagasariradavvajjhavana–jjhavane tti payatthahigara-janagassa jam sarirayam vava-gaya-chuya-chaviya-chattadeham jivavippajadham sejjagayam va samtharagayam va nisihiyagayam va siddhasilatalagayam va pasitta nam koi vaejja – aho nam imenam sarirasamussaenam jinaditthenam bhavenam jjhavane tti payam aghaviyam pannaviyam paruviyam damsiyam nidamsiyam uvadamsiyam. Jaha ko ditthamto? Ayam mahukumbhe asi, ayam ghayakumbhe asi. Se tam janagasariradavvajjhavana. Se kim tam bhaviyasariradavvajjhavana? Bhaviyasariradavvajjhavana–je jive jonijammananikkhamte imenam cheva adattaenam sarirasamussaenam jinaditthenam bhavenam jjhavanetti payam seyakale sikkhissai, na tava sikkhai. Jaha ko ditthamto? Ayam mahukumbhe bhavissai, ayam ghayakumbhe bhavissai. Se tam bhaviyasariradavvajjhavana. Se kim tam janagasarira-bhaviyasarira-vatiritta davvajjhavana? Janagasarira-bhaviyasarira-vatiritta davvajjhavana tiviha pannatta, tam jaha–loiya kuppavayaniya loguttariya. Se kim tam loiya? Loiya tiviha pannatta, tam jaha–sachitta achitta misaya. Se kim tam sachitta? Sachitta tiviha pannatta, tam jaha–dupayanam chauppayanam apayanam. Dupayanam–dasanam dasinam, chauppayanam–asanam hatthinam, apayanam–ambanam ambadaganam jjhavana. Se tam sachitta. Se kim tam achitta? Achitta–suvanna-rayaya-mani-mottiya-samkha-sila-ppavala-rattarayananam samta-sara-savaejjassa jjhavana. Se tam achitta. Se kim tam misaya? Misaya–dasanam dasinam asanam hatthinam samabhariyaujjalam kiyanam jjhavana. Se tam misaya. Se tam loiya. Se kim tam kuppavayaniya? Kuppavayaniya tiviha pannatta, tam jaha–sachitta achitta misaya. Se kim tam sachitta? Sachitta tiviha pannatta, tam jaha–dupayanam chauppayanam apayanam. Dupayanam–dasanam dasinam, chauppayanam–asanam hatthinam, apayanam–ambanam ambadaganam jjhavana. Se tam sachitta. Se kim tam achitta? Achitta–suvanna-rayaya-mani-mottiya-samkha-sila-ppavala-rattarayananam samta-sara-savaejjassa jjhavana. Se tam achitta. Se kim tam misaya? Misaya-dasanam dasinam asanam hatthinam samabhariyaujjalam-kiyanam jjhavana. Se tam misaya se tam kuppavayaniya. Se kim tam loguttariya? Loguttariya tiviha pannatta, tam jaha–sachitta achitta misaya. Se kim tam sachitta? Sachitta–sisanam sissininam jjhavana. Se tam sachitta. Se kim tam achitta? Achitta–padiggahanam vatthanam kambalanam payapumchhananam jjhavana. Se tam achitta. Se kim tam misaya? Misaya–sisanam sissiniyanam sabhamdamattovagarananam jjhavana. Se tam misaya. Se tam loguttariya. Se tam janagasarira-bhaviyasarira-vatiritta davvajjhavana. Se tam noagamao davvajjhavana. Se tam davvajjhavana. Se kim tam bhavajjhavana? Bhavajjhavana duviha pannatta, tam jaha–agamao ya noagamao ya. Se kim tam agamao bhavajjhavana? Agamao bhavajjhavana–janae uvautte. Se tam agamao bhavajjhavana. Se kim tam noagamao bhavajjhavana? Noagamao bhavajjhavana duviha pannatta, tam jaha–pasattha ya apasattha ya. Se kim tam pasattha? Pasattha chauvviha pannatta, tam jaha–kohajjhavana manajjhavana mayajjhavana lobhajjhavana. Se tam pasattha. Se kim tam apasattha? Apasattha tiviha pannatta, tam jaha–nanajjhavana damsanajjhavana charittajjhavana. Se tam apasattha. Se tam noagamao bhavajjhavana. Se tam bhavajjhavana. Se tam jjhavana. Se tam ohanipphanne. Se kim tam namanipphanne? Namanipphanne–samaie. Se samasao chauvvihe pannatte, tam jaha–namasamaie thavanasamaie davvasamaie bhavasamaie. Nama-tthavanao gayao. Se kim tam davvasamaie? Davvasamaie duvihe pannatte, tam jaha–agamao ya noagamao ya. Se kim tam agamao davvasamaie? Agamao davvasamaie–jassa nam samaie tti padam sikkhiyam thiyam jiyam miyam parijiyam namasamam ghosasamam ahinakkharam anachchakkharam avvaiddhakkharam akkhaliyam amiliyam avachchameliyam padipunnam padipunnaghosam kamtotthavippamukkam guruvayanovagayam, se nam vayanae puchchhanae pariyattanae dhammakahae, no anuppehae. Kamha? Anuvaogo davvamiti kattu. Negamassa ego anuvautto agamao ege davvasamaie, donni anuvautta agamao donni davvasamaiyaim, tinni anuvautta agamao tinni davvasamaiyaim, evam javaiya anuvautta tavaiyaim taim negamassa agamao davvasamaiyaim. Evameva vavaharassa vi. Samgahassa ego va anega va anuvautto va anuvautta va agamao davvasamaie va davvasamaiyani va se ege davvasamaie. Ujjusuyassa ego anuvautto agamao ege davvasamaie, puhattam nechchhai tinham saddanayanam janae anuvautte avatthu. Kamha? Jai janae anuvautte na bhavai. Se tam agamao davvasamaie. Se kim tam noagamao davvasamaie? Noagamao davvasamaie tivihe pannatte, tam jaha–janagasariradavvasamaie bhaviyasariradavvasamaie janagasarira-bhaviyasarira-vatiritte davvasamaie. Se kim tam janagasariradavvasamaie? Janagasariradavvasamaiesamaie tti payatthahigara-janagassa jam sarirayam vavagaya-chuya-chaviya-chattadeham jivavippajadham sejjagayam va samtharagayam va nisihiyagayam va siddhasilatalagayam va pasitta nam koi vaejja–aho nam imenam sarirasamussaenam jinaditthenam bhavenam samaie tti payam aghaviyam pannaviyam paruviyam damsiyam nidamsiyam uvadamsiyam. Jaha ko ditthamto? Ayam mahukumbhe asi, ayam ghayakumbhe asi. Se tam janagasariradavvasamaie. Se kim tam bhaviyasariradavvasamaie? Bhaviyasariradavvasamaie–je jive jonijammananikkhamte imenam cheva adatta-enam sarirasamussaenam jinaditthenam bhavenam samaie tti payam seyakale sikkhissai, na tava sikkhai. Jaha ko ditthamto? Ayam mahukumbhe bhavissai, ayam ghayakumbhe bhavissai. Se tam bhaviya-sariradavvasamaie. Se kim tam janagasarira-bhaviyasarira-vatiritte davvasamaie? Janagasarira-bhaviyasarira-vatiritte davvasamaie–pattaya-potthaya-lihiyam. Se tam janagasarira-bhaviyasarira-vatiritte davva-samaie. Se tam noagamao davvasamaie. Se tam davvasamaie Se kim tam bhavasamaie? Bhavasamaie duvihe pannatte, tam jaha–agamao ya noagamao ya. Se kim tam agamao bhavasamaie? Agamao bhavasamaie–janae uvautte. Se tam agamao bhavasamaie. Se kim tam noagamao bhavasamaie? Noagamao bhavasamaie–
Sutra Meaning Transliteration : Isa prakara se noagamabhava – akshina ka svarupa janana chahie. Aya kya hai\? Aya ke chara prakara haim. Yatha – nama – aya, sthapana – aya, dravya – aya, bhava – aya. Nama – aya aura sthapana – aya ka ‘varna’ purvavat janana. Dravya – aya ke do bheda haim – agama se, noagama se. Jisane aya yaha pada sikha liya he, sthira kara liya hai kintu upayoga rahita hone se dravya haim yavat jitane upayoga rahita haim, utane hi agama se dravya – aya haim. Yaha agama se dravya – aya ka svarupa janana. Noagamadravya – aya ke tina prakara haim. Yatha – jnyayakashariradravya – aya, bhavyasharira dravya – aya, jnyayakasharirabhavyashariravyatiriktadravya – aya. Jnyayakashariradravya – aya kise kahate haim\? Aya pada ke arthadhikara ke jnyata ka vyapagata, chyuta, chyavita tyakta adi sharira dravyadhyayana ki vaktavyata jaisa hi jnyayakashariranoagamadravya – aya ka svarupa janana. Samaya purna hone para yoni se nikalakara jo janma ko prapta hua adi bhavyashariradravya – adhyayana ke varnana ke samana bhavyashariradravya – aya ka svarupa janana. Jnyayakasharirabhavyashariravyatiriktadravya – aya ke tina prakara haim. Yatha – laukika, kupravachanika, lokottara. Laukikadravya – aya ke tina prakara haim. Yatha – sachitta, achitta aura mishra. Sachitta laukika – aya kya hai\? Tina prakara haim. Yatha – dvipada – aya, chatushpada – aya, apada – aya. Inamem se dasa – dasiyom ki aya dvipada – aya rupa hai. Ashrvom hathiyom ki prapti chatushpada – aya rupa aura ama, amala ke vrikshom adi ki prapti apada – aya rupa haim. Sona – chamdi, mani – moti, shamkha, shila, pravala, raktaratna adi ki prapti achitta – aya hai. Alamkaradi se tatha vadyom se vibhushita dasa – dasiyom, ghorom, hathiyom adi ki prapti ko mishra aya kahate haim. Kupravachanika aya tina prakara ki hai. Yatha – sachitta, achitta, mishra. Ina tinom ka varnana laukika – aya ke anurupa janana. Lokottarika – aya kya hai\? Tina prakara hai. Sachitta, achitta aura mishra. Shishya – shishyaom ki prapti sachitta – lokottarika – aya hai. Achitta patra, vastra, padapromchchhana, adi ki prapti achitta lokottarika – aya haim. Bhamdopakaranadi sahita shishya – shishyaom ki prapti – labha ko mishra aya kahate haim. Bhava – aya ka kya svarupa hai\? Do prakara haim. Agama se, noagama se. Ayapada ke jnyata aura satha hi usake upayoga se yukta jiva agamabhava – aya haim. Noagamabhava – aya ke do prakara haim, yatha – prashasta aura aprashasta. Prashasta noagama bhava – aya ke tina prakara haim. Yatha – jnyana – aya, darshana – aya, charitra – aya. Aprashastanoagama – bhavaaya ke chara prakara haim. Yatha – krodha – aya, mana – aya, maya – aya aura lobha – aya. Yahi aprashastabhava – aya hai Kshapana kya hai\? Chara prakara janana. Namakshapana, sthapanakshapana, dravyakshapana, bhavakshapana. Nama aura sthapanakshapana ka varnana purvavat. Dravyakshapana do prakara ki hai. Agama se aura noagama se. Jisane ‘kshapana’ yaha pada sikha liya hai, sthira, jita, mita aura parijita kara liya hai, ityadi varnana dravyadhyayana ke samana hai. Noagamadravyakshapana ke tina bheda haim. Yatha – jnyayakashariradravyakshapana, bhavyashariradravyakshapana, jnyayakasharirabhavyasharira – vyatiriktadravyakshapana. Jnyayakashariradravyakshapana kya hai\? Kshapana pada ke arthadhikara ke jnyata ka vyapagata, chyuta, chyavita, tyakta sharira ityadi sarva varnana dravyadhyayana ke samana janana. Samaya purna hone para jo jiva utpanna hua aura prapta sharira se jinopadishta bhava ke anusara bhavishya mem kshapana pada ko sikhega, kintu abhi nahim sikha raha he, aisa vaha sharira bhavyashariradravyakshapana hai. Isake liye drishtanta kya hai\? Yaha ghi ka ghara hoga, yaha madhukalasha hoga, aisa kahana. Jnyayakasharirabhavyashariravyatiriktadravyakshapana ka svarupa jnyayakasharirabhavyashariravyatiriktadravya – aya ke samana janana Bhavakshapana kya hai\? Do prakara ki hai. Yatha – agama se, noagama se. Kshapana isa pada ke arthadhikara ka upayogayukta jnyata agama se bhavakshapana rupa hai. Noagamabhavakshapana do prakara ki hai. Yatha – prashastabhavakshapana, aprashastabhavakshapana. Noagamaprashastabhavakshapana chara prakara ki hai. Yatha – krodhakshapana, manakshapana, mayakshapana aura lobhakshapana. Aprashastabhavakshapana tina prakara ki kahi gai hai. Yatha – jnyanakshapana, darshanakshapana, charitrakshapana Namanishpanna nikshepa kya hai\? Namanishpanna samayika hai. Vaha chara prakara ka hai. Yatha – namasamayika, sthapana – samayika, dravyasamayika, bhavasamayika. Namasamayika aura sthapanasamayika ka svarupa purvavat. Bhavyashariradravyasamayika taka dravyasamayika ka varnana bhi tathaiva janana. Patra mem athava pustaka mem likhita ‘samayika’ pada jnyasharirabhavyashariravyatirikta – dravya samayika hai. Bhavasamayika kya hai\? Do prakara haim. Yatha – agamabhavasamayika, noagamabhavasamayika. Samayika pada ke arthadhikara ka upayogayukta jnyayaka agamase bhavasamayika hai. Bhagavan ! Noagamabhavasamayika kya hai?