Sutra Navigation: Anuyogdwar ( अनुयोगद्वारासूत्र )

Search Details

Mool File Details

Anuvad File Details

Sr No : 1024082
Scripture Name( English ): Anuyogdwar Translated Scripture Name : अनुयोगद्वारासूत्र
Mool Language : Ardha-Magadhi Translated Language : Hindi
Chapter :

अनुयोगद्वारासूत्र

 Translated Chapter :

अनुयोगद्वारासूत्र
Section : Translated Section :
Sutra Number : 82 Category : Chulika-02
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] से किं तं नामानुपुव्वी? नामानुपुव्वी– जस्स णं जीवस्स वा अजीवस्स वा जीवाण वा अजीवाण वा तदुभयस्स वा तदुभयाण वा आनुपुव्वी त्ति नामं कज्जइ। से तं नामानुपुव्वी। से किं तं ठवणानुपुव्वी? ठवणानुपुव्वी– जण्णं कट्ठकम्मे वा चित्तकम्मे वा पोत्थकम्मे वा लेप्पकम्मे वा गंथिमे वा वेढिमे वा पूरिमे वा संघाइमे वा अक्खे वा वराडए वा एगो वा अनेगा वा सब्भावठवणाए वा असब्भाव-ठवणाए वा आनुपुव्वी त्ति ठवणा ठविज्जइ। से तं ठवणानुपुव्वी। नाम-ट्ठवणाणं को पइविसेसो? नामं आवकहियं, ठवणा इत्तरिया वा होज्जा आवकहिया वा। से किं तं दव्वानुपुव्वी? दव्वानुपुव्वी दुविहा पन्नत्ता, तं जहा–आगमओ य नोआगमओ य। से किं तं आगमओ दव्वानुपुव्वी? आगमओ दव्वानुपुव्वी–जस्स णं आनुपुव्वी त्ति पदं सिक्खियं ठियं जियं मियं परिजियं नामसमं घोससमं अहीनक्खरं अनच्चक्खरं अव्वाइद्धक्खरं अक्खलियं अमिलियं अवच्चामेलियं पडिपुण्णं पडिपुन्नघोसं कंठोट्ठविप्पमुक्कं गुरुवायणोवगयं, से णं तत्थ वायणाए पुच्छणाए परिय-ट्टणाए धम्मकहाए, नो अनुप्पेहाए। कम्हा? अनुवओगो दव्वमिति कट्टु। नेगमस्स एगो अनुवउत्तो आगमओ एगा दव्वानुपुव्वी, दोन्नि अनुवउत्ता आगमओ दोन्नीओ दव्वानुपुव्वीओ, तिन्नि अनुवउत्ता आगमओ तिन्नीओ दव्वानुपुव्वीओ, एवं जावइया अनुवउत्ता तावइयाओ ताओ नेगमस्स आगमाओ दव्वानुपुव्वीओ। एवमेव ववहारस्स वि। संगहस्स एगो वा अनेगा वा अनुवउत्तो वा अनुवउत्ता वा आगमओ दव्वानुपुव्वी वा दव्वानु-पुव्वीओ वा, सा एगा दव्वानुपुव्वी। उज्जुसुयस्स एगो अनुवउत्तो आगमओ एगा दव्वानुपुव्वी, पुहत्तं नेच्छइ। तिण्हं सद्दनयाणं जाणए अनुवउत्ते अवत्थू। कम्हा? जइ जाणए अनुवउत्ते न भवइ। से तं आगमाओ दव्वानुपुव्वी। से किं तं नोआगमओ दव्वानुपुव्वी? नोआगमओ दव्वानुपुव्वी तिविहा पन्नत्ता, तं जहा–जाणगसरीरदव्वानुपुव्वी भवियसरीरदव्वानुपुव्वी जाणगसरीर-भवियसरीर-वतिरित्ता दव्वानुपुव्वी। से किं तं जाणगसरीरदव्वानुपुव्वी? जाणगसरीरदव्वानुपुव्वी–आनुपुव्वी त्ति पयत्थाहिगारजाणगस्स जं सरीरयं ववगय-चुय-चाविय-चत्तदेहं जीवविप्पजढं सेज्जागयं वा संथारगयं वा निसीहियागयं वा सिद्धसिलातलगयं वा पासित्ता णं कोइ वएज्जा–अहो णं इमेणं सरीरसमुस्सएणं जिणदिट्ठेणं भावेणं आनुपुव्वी त्ति पयं आघवियं पन्नवियं परूवियं दंसियं निदंसियं उवदंसियं। जहा को दिट्ठंतो? अयं महुकुंभे आसी, अयं घयकुंभे आसी। से तं जाणगसरीरदव्वानुपुव्वी। से किं तं भवियसरीरदव्वानुपुव्वी? भवियसरीरदव्वानुपुव्वी– जे जीवे जोणिजम्मणनिक्खंते इमेणं चेव आदत्तएणं सरीर-समुस्सएणं जिनदिट्ठेणं भावेणं आनुपुव्वी त्ति पयं सेयकाले सिक्खिस्सइ, न ताव सिक्खइ। जहा को दिट्ठंतो? अयं महुकुंभे भविस्सइ, अयं घयकुंभे भविस्सइ। से तं भवियसरीरदव्वानुपुव्वी। से किं तं जाणगसरीर-भवियसरीर-वतिरित्ता दव्वानुपुव्वी? जाणगसरीर-भवियसरीर-वतिरित्ता दव्वानुपुव्वी दुविहा पन्नत्ता, तं जहा–ओवनिहिया य अनोवनिहिया य। तत्थ णं जा सा ओवनिहिया सा ठप्पा। तत्थ णं जा सा अनोवनिहिया सा दुविहा पन्नत्ता, तं जहा–नेगम-ववहाराणं संगहस्स य।
Sutra Meaning : नाम (स्थापना) आनुपूर्वी क्या है ? नाम और स्थापना आनुपूर्वी का स्वरूप नाम और स्थापना आवश्यक जैसा जानना। द्रव्यानुपूर्वी का स्वरूप भी ज्ञायकशरीर – भव्यशरीरव्यतिरिक्त द्रव्यानुपूर्वी के पहले तक सभेद द्रव्यावश्यक के समान जानना चाहिए। ज्ञायकशरीर – भव्यशरीरव्यतिरिक्त द्रव्यानुपूर्वी क्या है ? दो प्रकार की है। औपनिधिकी और अनौपनिधिकी द्रव्यानुपूर्वी। इनमें से औपनिधिकी द्रव्यानुपूर्वी स्थाप्य है। तथा – अनौपनिधिकी द्रव्यानुपूर्वी के दो प्रकार हैं – नैगम – व्यवहारनय – संमत, संग्रहनयसंमत।
Mool Sutra Transliteration : [sutra] se kim tam namanupuvvi? Namanupuvvi– jassa nam jivassa va ajivassa va jivana va ajivana va tadubhayassa va tadubhayana va anupuvvi tti namam kajjai. Se tam namanupuvvi. Se kim tam thavananupuvvi? Thavananupuvvi– jannam katthakamme va chittakamme va potthakamme va leppakamme va gamthime va vedhime va purime va samghaime va akkhe va varadae va ego va anega va sabbhavathavanae va asabbhava-thavanae va anupuvvi tti thavana thavijjai. Se tam thavananupuvvi. Nama-tthavananam ko paiviseso? Namam avakahiyam, thavana ittariya va hojja avakahiya va. Se kim tam davvanupuvvi? Davvanupuvvi duviha pannatta, tam jaha–agamao ya noagamao ya. Se kim tam agamao davvanupuvvi? Agamao davvanupuvvi–jassa nam anupuvvi tti padam sikkhiyam thiyam jiyam miyam parijiyam namasamam ghosasamam ahinakkharam anachchakkharam avvaiddhakkharam akkhaliyam amiliyam avachchameliyam padipunnam padipunnaghosam kamthotthavippamukkam guruvayanovagayam, se nam tattha vayanae puchchhanae pariya-ttanae dhammakahae, no anuppehae. Kamha? Anuvaogo davvamiti kattu. Negamassa ego anuvautto agamao ega davvanupuvvi, donni anuvautta agamao donnio davvanupuvvio, tinni anuvautta agamao tinnio davvanupuvvio, evam javaiya anuvautta tavaiyao tao negamassa agamao davvanupuvvio. Evameva vavaharassa vi. Samgahassa ego va anega va anuvautto va anuvautta va agamao davvanupuvvi va davvanu-puvvio va, sa ega davvanupuvvi. Ujjusuyassa ego anuvautto agamao ega davvanupuvvi, puhattam nechchhai. Tinham saddanayanam janae anuvautte avatthu. Kamha? Jai janae anuvautte na bhavai. Se tam agamao davvanupuvvi. Se kim tam noagamao davvanupuvvi? Noagamao davvanupuvvi tiviha pannatta, tam jaha–janagasariradavvanupuvvi bhaviyasariradavvanupuvvi janagasarira-bhaviyasarira-vatiritta davvanupuvvi. Se kim tam janagasariradavvanupuvvi? Janagasariradavvanupuvvi–anupuvvi tti payatthahigarajanagassa jam sarirayam vavagaya-chuya-chaviya-chattadeham jivavippajadham sejjagayam va samtharagayam va nisihiyagayam va siddhasilatalagayam va pasitta nam koi vaejja–aho nam imenam sarirasamussaenam jinaditthenam bhavenam anupuvvi tti payam aghaviyam pannaviyam paruviyam damsiyam nidamsiyam uvadamsiyam. Jaha ko ditthamto? Ayam mahukumbhe asi, ayam ghayakumbhe asi. Se tam janagasariradavvanupuvvi. Se kim tam bhaviyasariradavvanupuvvi? Bhaviyasariradavvanupuvvi– je jive jonijammananikkhamte imenam cheva adattaenam sarira-samussaenam jinaditthenam bhavenam anupuvvi tti payam seyakale sikkhissai, na tava sikkhai. Jaha ko ditthamto? Ayam mahukumbhe bhavissai, ayam ghayakumbhe bhavissai. Se tam bhaviyasariradavvanupuvvi. Se kim tam janagasarira-bhaviyasarira-vatiritta davvanupuvvi? Janagasarira-bhaviyasarira-vatiritta davvanupuvvi duviha pannatta, tam jaha–ovanihiya ya anovanihiya ya. Tattha nam ja sa ovanihiya sa thappa. Tattha nam ja sa anovanihiya sa duviha pannatta, tam jaha–negama-vavaharanam samgahassa ya.
Sutra Meaning Transliteration : Nama (sthapana) anupurvi kya hai\? Nama aura sthapana anupurvi ka svarupa nama aura sthapana avashyaka jaisa janana. Dravyanupurvi ka svarupa bhi jnyayakasharira – bhavyashariravyatirikta dravyanupurvi ke pahale taka sabheda dravyavashyaka ke samana janana chahie. Jnyayakasharira – bhavyashariravyatirikta dravyanupurvi kya hai\? Do prakara ki hai. Aupanidhiki aura anaupanidhiki dravyanupurvi. Inamem se aupanidhiki dravyanupurvi sthapya hai. Tatha – anaupanidhiki dravyanupurvi ke do prakara haim – naigama – vyavaharanaya – sammata, samgrahanayasammata.