Sutra Navigation: Nandisutra ( नन्दीसूत्र )

Search Details

Mool File Details

Anuvad File Details

Sr No : 1023665
Scripture Name( English ): Nandisutra Translated Scripture Name : नन्दीसूत्र
Mool Language : Ardha-Magadhi Translated Language : Hindi
Chapter :

परिसिट्ठं १-अणुन्नानंदी

 Translated Chapter :

परिशिष्ट १ अनुज्ञानंदी
Section : Translated Section :
Sutra Number : 164 Category : Chulika-01a
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] से किं तं अणुन्ना? अणुन्ना छव्विहा पन्नत्ता, तं जहा–नामाणुण्णा ठवणाणुण्णा दव्वाणुण्णा खेत्ताणुण्णा कालाणुण्णा भावाणुण्णा। से किं तं नामाणुण्णा? नामाणुण्णा–जस्स णं जीवस्स वा अजीवस्स वा जीवाण वा अजीवाण वा तदुभयस्स वा तदुभयाण वा अणुण्ण त्ति णामं कीरइ। से त्तं नामाणुण्णा। से किं तं ठवणाणुण्णा? ठवणाणुण्णा–जं णं कट्ठकम्मे वा पोत्थकम्मे वा लेप्पकम्मे वा चित्तकम्मे वा गंथिमे वा वेढिमे वा पूरिमे वा संघातिमे वा अक्खे वा वराडए वा एगे वा अणेगे वा सब्भावठवणाए वा असब्भाव-ठवणाए वा अणुण्ण त्ति ठवणा ठविज्जति। से त्तं ठवणाणुण्णा। नाम-ठवणाणं को पतिविसेसो? नामं आवकहियं, ठवणा इत्तिरिया वा होज्जा आवकहिया वा। से किं तं दव्वाणुण्णा? दव्वाणुण्णा दुविहा पन्नत्ता, तं जहा–आगमतो य नोआगमतो य। से किं तं आगमतो दव्वाणुण्णा? आगमतो दव्वाणुण्णा–जस्स णं अणुण्णत्ति पदं सिक्खियं ठियं जियं मियं परिजियं नामसमं घोससमं अहीनक्खरं अनच्चक्खरं अव्वाइद्धक्खरं अक्खलियं अमिलियं अविच्चामेलियं पडिपुण्णं पडिपुण्णघोसं कंठोट्ठविप्पमुक्कं गरुवायणोवगयं से णं तत्थ वायणाए पुच्छणाए परियट्टणाए धम्मकहाए, नो अनुप्पेहाए। कम्हा? अनुवओगो दव्वं इति कट्टु। नेगमस्स एगे अनुवउत्ते आगमतो एगा दव्वाणुण्णा, दोन्नि अनुवउत्ता आगमतो दोन्नि दव्वाणुण्णाओ, तिन्नि अनुवउत्ता आगमओ तिन्नि दव्वाणुण्णाओ, एवं जावतिया अनुवउत्ता तावति-याओ दव्वाणुण्णाओ। एवमेव ववहारस्स वि। संगहस्स एगे वा अणेगे वा अनुवउत्तो वा अनुवउत्ता वा दव्वाणुण्णा वा दव्वाणुण्णाओ वा सा एगा दव्वाणुण्णा। उज्जुसुअस्स एगे अनुवउत्ते आगमतो एगा दव्वाणुण्णा, पुहत्तं नेच्छइ। तिण्हं सद्दनयाणं जाणए अनुवउत्ते अवत्थू। कम्हा? जति जाणए अनुवउत्तेन भवति। से त्तं आगमतो दव्वाणुण्णा। से किं तं नो आगमतो दव्वाणुण्णा? नो आगमतो दव्वाणुण्णा तिविहा पन्नत्ता, तं जहा– जाणगसरीरदव्वाणुण्णा भवियसरीर-दव्वाणुण्णा जाणगसरीरभवियसरीरवइरित्ता दव्वाणुण्णा। से किं तं जाणगसरीरदव्वाणुण्णा? जाणगसरीरदव्वाणुण्णा– अणुण्ण त्ति पदत्थाहिगारजाणगस्स जं सरीरं ववगय-चुतचइय-चत्तदेहं जीवविप्पजढं सिज्जागयं वा संथारगयं वा निसोहियागयं वा सिद्धसिलातलगयं वा, अहो णं इमे णं सरीरसमुस्सएणं जिनदिट्ठेणं भावेणं अणुण्ण त्ति पयं आघवियं पन्नवियं परूवियं दंसियं निदंसियं उवदंसियं। जहा को दिट्ठंतो? अयं घय-कुंभे आसी, अयं महुकुंभे आसी। से त्तं जाणगसरीरदव्वाणुण्णा। से किं तं भवियसरीरदव्वाणुण्णा? भवियसरीरदव्वाणुण्णा–जे जीवे जोणीजम्मणणिक्खंते इमेणं चेव सरीरसमुस्सएणं आदत्तेणं जिनदिट्ठेणं भावेणं अणुण्ण त्ति पयं सेयकाले सिक्खिस्सइ, न ताव सिक्खइ। जहा को दिट्ठंतो? अयं घयकुंभे भविस्सति, अयं महाकुंभे भविस्सति। से त्तं भवियसरीरदव्वाणुण्णा। से किं तं जाणगसरीरभवियसरीरवइरित्ता दव्वाणुण्णा? जाणगसरीरभवियसरीरवइरित्ता दव्वाणुण्णा तिविहा पन्नत्ता, तं जहा–लोइया कुप्पावयणिया लोउत्तरिया य। से किं तुं लोइया दव्वाणुण्णा? लोइया दव्वाणुण्णा तिविहा पन्नत्ता, तं जहा–सचित्ता अचित्ता मीसिया। से किं तं सचित्ता दव्वाणुण्णा? सचित्ता दव्वाणुण्णा–से जहानामए राया इ वा जुवराया इ वा ईसरे इ वा तलवरे इ वा माडंबिए इ वा कोडुंबिए इ वा इब्भे इ वा सेट्ठी इ वा सेणावई इ वा सत्थवाहे इ वा कस्सइ कम्मि कारणे तुट्ठे समाणे आसं वा हत्थिं वा उट्टं वा गोणं वा खरं वा घोडयं वा एलयं वा अयं वा दासं वा दासिं वा अणुजाणेज्जा। से त्तं सचित्ता दव्वाणुण्णा। से किं तं अचित्ता दव्वाणुण्णा? अचित्ता दव्वाणुण्णा–से जहानामए राया इ वा जुवराया इ वा ईसरे इ वा तलवरे इ वा माडंबिए इ वा कोडुंबिए इ वा इब्भे इ वा सेट्ठी इ वा सेनावई इ वा सत्थवाहे इ वा कस्सइ कम्मि कारणे तुट्ठे समाणे आसनं वा सयनं वा छत्तं वा चामरं वा पडगं वा मउडं वा हिरण्णं वा सुवण्णं वा कंसं वा दूसं वा मणि-मोत्तिय-संख-सिलप्पवालरत्तरय-नमादीयं संत-सार-सावइज्जं अणुजाणिज्जा। से त्तं अचित्ता दव्वाणुण्णा। से किं तं मीसिया दव्वाणुण्णा? मीसिया दव्वाणुण्णा–से जहानामए राया इ वा जुवराया इ वा ईसरे इ वा तलवरे इ वा माडंबिए इ वा कोडुंबिए इ वा इब्भे इ वा सेट्ठी इ वा सेणावई इ वा सत्थवाहे इ वा कस्सइ कम्मि कारणे तुट्ठे समाणे हत्थिं वा मुहभंडगमंडियं, आसं वा थासग-चामरमंडियं, सकडगं दासं वा, दासिं वा सव्वालंकारविभूसियं अणुजाणिज्जा। से त्तं मीसिया दव्वाणुण्णा। से त्तं लोइया दव्वाणुण्णा। से किं तं कुप्पावयणिया दव्वाणुण्णा? कुप्पावयणिया दव्वाणुण्णा तिविहा पन्नत्ता, तं जहा–सचित्ता अचित्ता मीसिया। से किं तं सचित्ता दव्वाणुण्णा? सचित्ता दव्वाणुण्णा–से जहानामए आयरिए इ वा उवज्झाए इ वा कस्सइ कम्मि-कारणे तुट्ठे समाणे आसं वा हत्थिं वा उट्टं वा गोणं वा खरं वा घोडं वा अयं वा एलगं वा दासं वा दासिं वा अनुजाणिज्जा। से त्तं सचित्ता दव्वाणुण्णा। से किं तं अचित्ता दव्वाणुण्णा? अचित्ता दव्वाणुण्णा–से जहानामए आयरिए इ वा उवज्झाए इ वा कस्सइ कम्मि कारणे तुट्ठे समाणे आसणं वा सयणं वा छत्तं वा चामरं वा पट्टं वा मउडं वा हिरण्णं वा सुवण्णं वा कंसं वा दूसं वा मणिमोत्तिय-संख-सिलप्पवाल-रत्तरयणमाईयं संत-सार-सावएज्जं अणुजाणिज्जा। से त्तं अचित्ता दव्वाणुण्णा। से किं तं मीसिया दव्वाणुण्णा? मीसिया दव्वाणुण्णा–से जहानामए आयरिए इ वा उवज्झाए इ वा कस्सइ कम्मि कारणे तुट्ठे समाणे हत्थिं वा मुहभंडगमंडियं, आसं वा थासगचामरमंडियं, सकडगं दासं वा, दासिं वा सव्वालंकारविभूसियं अणुजाणिज्जा। से त्तं मीसिया दव्वाणुण्णा। से त्तं कुप्पावयणिया दव्वाणुण्णा। से किं तं लोउत्तरिया दव्वाणुण्णा? लोउत्तरिया दव्वाणुण्णा तिविहा पन्नत्ता, तं जहा–सचित्ता अचित्ता मीसिया। से किं तं सचित्ता दव्वाणुण्णा? सचित्ता दव्वाणुण्णा–से जहानामए आयरिए इ वा उवज्झाए इ वा थेरे इ वा पवती इ वा गणी इ वा गणहरे इ वा गणावच्छेयए इ वा सीस्सस्स वा सिस्सिणीए वा कम्मि कारणे तुट्ठे समाणे सीसं वा सिस्सिणिं वा अणुजाणेज्जा। से त्तं सचित्ता दव्वाणुण्णा। से किं तं अचित्ता दव्वाणुण्णा? अचित्ता दव्वाणुण्णा–से जहानामए आयरिए इ वा उवज्झाए इ वा थेरे इ वा पवत्ती इ वा गणी इ वा गणहरे इ वा गणावच्छेयए इ वा सिस्सस्स वा सिस्सिणीए वा कम्मि कारणे तुट्ठे समाणे वत्थं वा पायं वा पडिग्गहं वा कंबलं वा पायपुंछणं वा अणुजाणेज्जा। से त्तं अचित्ता दव्वाणुण्णा। से किं तं मीसिया दव्वाणुण्णा? मीसिया दव्वाणुण्णा–से जहानामए आयरिए इ वा उवज्झाए इ वा थेरे इ वा पवत्ती इ वा गणी इ वा गणहरे इ वा गणावच्छेयए इ वा सिस्सस्स वा सिस्सिणीए वा कम्मि कारणे तुट्ठे समाणे सिस्सं वा सिस्सिणिं वा सभंड-मत्तोवगरणं अणुजाणेज्जा। से त्तं मीसिया दव्वाणुण्णा। से त्तं लोउत्तरिया दव्वाणुण्णा। से त्तं जाणगसरीरभविय-सरीरवइरित्ता दव्वाणुण्णा। से त्तं नोआगमतो दव्वाणुण्णा। से त्तं दव्वाणुण्णा। से किं तं खेत्ताणुण्णा? खेत्ताणुण्णा–जो णं जस्स खेत्तं अणुजाणति, जत्तियं वा खेत्तं, जम्मि वा खेत्ते। से त्तं खेत्ताणुण्णा। से किं तं कालाणुण्णा? कालाणुण्णा–जो णं जस्स कालं अणुजाणति, जत्तियं वा कालं, जम्मि वा काले अणु-जाणति, तं जहा–तीतं वा पडुप्पण्णं वा अणागतं वा वसंतं हेमंतं पाउसं वा अवत्थाणहेउं। से त्तं कालाणुण्णा। से किं तं भावाणुण्णा? भावाणुण्णा तिविहा पन्नत्ता, तं जहा–लोइया कुप्पावयणिया लोउत्तरिया। से किं तं लोइया भावाणुण्णा? लोइया भावाणुण्णा–से जहानामए राया इ वा जुवराया इ वा जाव तुट्ठे समाणे कस्सइ कोहाइभावं अणुजाणिज्जा। से त्तं लोइया भावाणुण्णा। से किं तं कुप्पावयणिया भावाणुण्णा? कुप्पावयणिया भावाणुण्णा–से जहानामए केइ आयरिए इ वा जाव कस्सइ कोहाइभावं अणुजाणिज्जा। से त्तं कुप्पावयणिया भावाणुण्णा। से किं तं लोउत्तरिया भावाणुण्णा? लोउत्तरिया भावाणुण्णा–से जहानामए आयरिए इ वा जाव कम्मि कारणे तुट्ठे समाणे कालोचियनाणाइगुणजोगिणो विणीयस्स खमाइपहाणस्स सुसीलस्स सिस्सस्स तिविहेणं तिगरण-विसुद्धेणं भावेणं आयारं वा सूयगडं वा ठाणं वा समवायं वा वियाहपन्नत्तिं वा नायाधम्मकहं वा उवासगदसाओ वा अंतगडदसाओ वा अनुत्तरोववाइयदसाओ वा पण्हावागरणं वा विवागसुयं वा दिट्ठिवायं वा सव्वदव्व-गुण-पज्जवेहिं सव्वाणुओगं वा अणजाणिज्जा। से त्तं लोउत्तरिया भावाणुण्णा। से त्तं भावाणुण्णा।
Sutra Meaning : वह अनुज्ञा क्या है ? अनुज्ञा छह प्रकार से है – नाम, स्थापना, द्रव्य, क्षेत्र, काल और भाव। वह नाम अनुज्ञा क्या है ? जिसका जीव या अजीव, जीवो या अजीवो, तदुभय या तदुभयो अनुज्ञा ऐसा नाम हो वह नाम अनुज्ञा। वह स्थापना अनुज्ञा क्या है ? जो भी कोई काष्ठ, पत्थर, लेप, चित्र, ग्रंथिम, वेष्टिम, पूरिम, संघातिम ऐसे एक या अनेक अक्ष आदि में सद्‌भाव या असद्‌भाव स्थापना करके अनुज्ञा होती है, वह स्थापना अनुज्ञा। नाम और स्थापनामें क्या विशेषता है ? नाम यावत्कथित है, स्थापना इत्वरकालिक या यावत्कथित दोनों होती है। वह द्रव्यानुज्ञा क्या है ? द्रव्यानुज्ञा आगम से और नोआगम से है। वह आगम द्रव्यानुज्ञा क्या है ? जिसका अनुज्ञा ऐसा पद शिक्षा, स्थित, जीत, मित, परिजित, नामसम, घोषसम, अहिनाक्षर, अनल्पाक्षर, अव्याधिअक्षर, अस्खलित, अमिलित, अवच्चामिलित, प्रतिपूर्ण, प्रतिपूर्णघोष, कंठौष्ठविप्रमुक्त, गुरुवचनप्राप्त, ऐसे वाचना, पृच्छना, परावर्तना, धर्मकथा और अनुप्रेक्षा से अनुवयोग द्रव्य ऐसे करके नैगम नयानुसार एक द्रव्यानुज्ञा, दो, तीन, ऐसे जितनी भी अनुपदेशीत हो उतनी द्रव्यानुज्ञा होती है। इसी तरह व्यवहारनय से एक या अनेक द्वारा अनुपदिष्ट वह आगम से एक द्रव्यानुज्ञा को कोई कोई मान्य नहीं करते हैं। तीनों शब्द नय से जो जानता है वह आगम से द्रव्यानुज्ञा समझना। नो आगम से द्रव्यानुज्ञा के तीन भेद हैं। ज्ञशरीर से, भव्य शरीर से और उभय से व्यतिरिक्त। वह ज्ञशरीर द्रव्यानुज्ञा क्या है ? पद में रहे हुए अविकार को जो ज्ञानरूपी शरीर से जाने वह ज्ञशरीरद्रव्यानुज्ञा। भव्य शरीर द्रव्यानुज्ञा क्या है ? जैसे कि – किसे पता कि यह मधुकुम्भ है या घृतकुम्भ ? उभयव्यतिरिक्त द्रव्यानुज्ञा क्या है ? वह तीन प्रकार से है। लौकिक, कुप्रावचनिक और लोकोत्तर। लौकिक द्रव्यानुज्ञा तीन प्रकार से है – सचित्त, अचित्त और मिश्रा राजा, युवराज आदि जो हाथी वगैरह के जो देते है वह सचित्त द्रव्यानुज्ञा, आसन – छत्रादि देवे तो वह हुई अचित्त अनुज्ञा और अम्बाडी सहित हाथी या चामर सहित अश्व आदि देवे तो वह हुई मिश्र अनुज्ञा। ईसी तरह कुप्रावचनिक और लोकोत्तर द्रव्यानुज्ञा के भी सचित्त – अचित्त एवं मिश्र यह तीनों भेद समझ लेना वह क्षेत्रानुज्ञा क्या है ? क्षेत्र का जो अवग्रह देता है वह क्षेत्रानुज्ञा हुई। ईसी तरह काल से दी जाती अनुज्ञा कालानुज्ञा है। भाव से अनुज्ञा के तीन भेद हैं – लौकिक, कुप्रावचनिक और लोकोत्तर। पहेले दो भेद में क्रोधादि भाव आते हैं और लोकोत्तर में आचार आदि की शिक्षा समाविष्ट होती है।
Mool Sutra Transliteration : [sutra] se kim tam anunna? Anunna chhavviha pannatta, tam jaha–namanunna thavananunna davvanunna khettanunna kalanunna bhavanunna. Se kim tam namanunna? Namanunna–jassa nam jivassa va ajivassa va jivana va ajivana va tadubhayassa va tadubhayana va anunna tti namam kirai. Se ttam namanunna. Se kim tam thavananunna? Thavananunna–jam nam katthakamme va potthakamme va leppakamme va chittakamme va gamthime va vedhime va purime va samghatime va akkhe va varadae va ege va anege va sabbhavathavanae va asabbhava-thavanae va anunna tti thavana thavijjati. Se ttam thavananunna. Nama-thavananam ko pativiseso? Namam avakahiyam, thavana ittiriya va hojja avakahiya va. Se kim tam davvanunna? Davvanunna duviha pannatta, tam jaha–agamato ya noagamato ya. Se kim tam agamato davvanunna? Agamato davvanunna–jassa nam anunnatti padam sikkhiyam thiyam jiyam miyam parijiyam namasamam ghosasamam ahinakkharam anachchakkharam avvaiddhakkharam akkhaliyam amiliyam avichchameliyam padipunnam padipunnaghosam kamthotthavippamukkam garuvayanovagayam se nam tattha vayanae puchchhanae pariyattanae dhammakahae, no anuppehae. Kamha? Anuvaogo davvam iti kattu. Negamassa ege anuvautte agamato ega davvanunna, donni anuvautta agamato donni davvanunnao, tinni anuvautta agamao tinni davvanunnao, evam javatiya anuvautta tavati-yao davvanunnao. Evameva vavaharassa vi. Samgahassa ege va anege va anuvautto va anuvautta va davvanunna va davvanunnao va sa ega davvanunna. Ujjusuassa ege anuvautte agamato ega davvanunna, puhattam nechchhai. Tinham saddanayanam janae anuvautte avatthu. Kamha? Jati janae anuvauttena bhavati. Se ttam agamato davvanunna. Se kim tam no agamato davvanunna? No agamato davvanunna tiviha pannatta, tam jaha– janagasariradavvanunna bhaviyasarira-davvanunna janagasarirabhaviyasariravairitta davvanunna. Se kim tam janagasariradavvanunna? Janagasariradavvanunna– anunna tti padatthahigarajanagassa jam sariram vavagaya-chutachaiya-chattadeham jivavippajadham sijjagayam va samtharagayam va nisohiyagayam va siddhasilatalagayam va, aho nam ime nam sarirasamussaenam jinaditthenam bhavenam anunna tti payam aghaviyam pannaviyam paruviyam damsiyam nidamsiyam uvadamsiyam. Jaha ko ditthamto? Ayam ghaya-kumbhe asi, ayam mahukumbhe asi. Se ttam janagasariradavvanunna. Se kim tam bhaviyasariradavvanunna? Bhaviyasariradavvanunna–je jive jonijammananikkhamte imenam cheva sarirasamussaenam adattenam jinaditthenam bhavenam anunna tti payam seyakale sikkhissai, na tava sikkhai. Jaha ko ditthamto? Ayam ghayakumbhe bhavissati, ayam mahakumbhe bhavissati. Se ttam bhaviyasariradavvanunna. Se kim tam janagasarirabhaviyasariravairitta davvanunna? Janagasarirabhaviyasariravairitta davvanunna tiviha pannatta, tam jaha–loiya kuppavayaniya louttariya ya. Se kim tum loiya davvanunna? Loiya davvanunna tiviha pannatta, tam jaha–sachitta achitta misiya. Se kim tam sachitta davvanunna? Sachitta davvanunna–se jahanamae raya i va juvaraya i va isare i va talavare i va madambie i va kodumbie i va ibbhe i va setthi i va senavai i va satthavahe i va kassai kammi karane tutthe samane asam va hatthim va uttam va gonam va kharam va ghodayam va elayam va ayam va dasam va dasim va anujanejja. Se ttam sachitta davvanunna. Se kim tam achitta davvanunna? Achitta davvanunna–se jahanamae raya i va juvaraya i va isare i va talavare i va madambie i va kodumbie i va ibbhe i va setthi i va senavai i va satthavahe i va kassai kammi karane tutthe samane asanam va sayanam va chhattam va chamaram va padagam va maudam va hirannam va suvannam va kamsam va dusam va mani-mottiya-samkha-silappavalarattaraya-namadiyam samta-sara-savaijjam anujanijja. Se ttam achitta davvanunna. Se kim tam misiya davvanunna? Misiya davvanunna–se jahanamae raya i va juvaraya i va isare i va talavare i va madambie i va kodumbie i va ibbhe i va setthi i va senavai i va satthavahe i va kassai kammi karane tutthe samane hatthim va muhabhamdagamamdiyam, asam va thasaga-chamaramamdiyam, sakadagam dasam va, dasim va savvalamkaravibhusiyam anujanijja. Se ttam misiya davvanunna. Se ttam loiya davvanunna. Se kim tam kuppavayaniya davvanunna? Kuppavayaniya davvanunna tiviha pannatta, tam jaha–sachitta achitta misiya. Se kim tam sachitta davvanunna? Sachitta davvanunna–se jahanamae ayarie i va uvajjhae i va kassai kammi-karane tutthe samane asam va hatthim va uttam va gonam va kharam va ghodam va ayam va elagam va dasam va dasim va anujanijja. Se ttam sachitta davvanunna. Se kim tam achitta davvanunna? Achitta davvanunna–se jahanamae ayarie i va uvajjhae i va kassai kammi karane tutthe samane asanam va sayanam va chhattam va chamaram va pattam va maudam va hirannam va suvannam va kamsam va dusam va manimottiya-samkha-silappavala-rattarayanamaiyam samta-sara-savaejjam anujanijja. Se ttam achitta davvanunna. Se kim tam misiya davvanunna? Misiya davvanunna–se jahanamae ayarie i va uvajjhae i va kassai kammi karane tutthe samane hatthim va muhabhamdagamamdiyam, asam va thasagachamaramamdiyam, sakadagam dasam va, dasim va savvalamkaravibhusiyam anujanijja. Se ttam misiya davvanunna. Se ttam kuppavayaniya davvanunna. Se kim tam louttariya davvanunna? Louttariya davvanunna tiviha pannatta, tam jaha–sachitta achitta misiya. Se kim tam sachitta davvanunna? Sachitta davvanunna–se jahanamae ayarie i va uvajjhae i va there i va pavati i va gani i va ganahare i va ganavachchheyae i va sissassa va sissinie va kammi karane tutthe samane sisam va sissinim va anujanejja. Se ttam sachitta davvanunna. Se kim tam achitta davvanunna? Achitta davvanunna–se jahanamae ayarie i va uvajjhae i va there i va pavatti i va gani i va ganahare i va ganavachchheyae i va sissassa va sissinie va kammi karane tutthe samane vattham va payam va padiggaham va kambalam va payapumchhanam va anujanejja. Se ttam achitta davvanunna. Se kim tam misiya davvanunna? Misiya davvanunna–se jahanamae ayarie i va uvajjhae i va there i va pavatti i va gani i va ganahare i va ganavachchheyae i va sissassa va sissinie va kammi karane tutthe samane sissam va sissinim va sabhamda-mattovagaranam anujanejja. Se ttam misiya davvanunna. Se ttam louttariya davvanunna. Se ttam janagasarirabhaviya-sariravairitta davvanunna. Se ttam noagamato davvanunna. Se ttam davvanunna. Se kim tam khettanunna? Khettanunna–jo nam jassa khettam anujanati, jattiyam va khettam, jammi va khette. Se ttam khettanunna. Se kim tam kalanunna? Kalanunna–jo nam jassa kalam anujanati, jattiyam va kalam, jammi va kale anu-janati, tam jaha–titam va paduppannam va anagatam va vasamtam hemamtam pausam va avatthanaheum. Se ttam kalanunna. Se kim tam bhavanunna? Bhavanunna tiviha pannatta, tam jaha–loiya kuppavayaniya louttariya. Se kim tam loiya bhavanunna? Loiya bhavanunna–se jahanamae raya i va juvaraya i va java tutthe samane kassai kohaibhavam anujanijja. Se ttam loiya bhavanunna. Se kim tam kuppavayaniya bhavanunna? Kuppavayaniya bhavanunna–se jahanamae kei ayarie i va java kassai kohaibhavam anujanijja. Se ttam kuppavayaniya bhavanunna. Se kim tam louttariya bhavanunna? Louttariya bhavanunna–se jahanamae ayarie i va java kammi karane tutthe samane kalochiyananaigunajogino viniyassa khamaipahanassa susilassa sissassa tivihenam tigarana-visuddhenam bhavenam ayaram va suyagadam va thanam va samavayam va viyahapannattim va nayadhammakaham va uvasagadasao va amtagadadasao va anuttarovavaiyadasao va panhavagaranam va vivagasuyam va ditthivayam va savvadavva-guna-pajjavehim savvanuogam va anajanijja. Se ttam louttariya bhavanunna. Se ttam bhavanunna.
Sutra Meaning Transliteration : Vaha anujnya kya hai\? Anujnya chhaha prakara se hai – nama, sthapana, dravya, kshetra, kala aura bhava. Vaha nama anujnya kya hai\? Jisaka jiva ya ajiva, jivo ya ajivo, tadubhaya ya tadubhayo anujnya aisa nama ho vaha nama anujnya. Vaha sthapana anujnya kya hai\? Jo bhi koi kashtha, patthara, lepa, chitra, gramthima, veshtima, purima, samghatima aise eka ya aneka aksha adi mem sadbhava ya asadbhava sthapana karake anujnya hoti hai, vaha sthapana anujnya. Nama aura sthapanamem kya visheshata hai\? Nama yavatkathita hai, sthapana itvarakalika ya yavatkathita donom hoti hai. Vaha dravyanujnya kya hai\? Dravyanujnya agama se aura noagama se hai. Vaha agama dravyanujnya kya hai\? Jisaka anujnya aisa pada shiksha, sthita, jita, mita, parijita, namasama, ghoshasama, ahinakshara, analpakshara, avyadhiakshara, askhalita, amilita, avachchamilita, pratipurna, pratipurnaghosha, kamthaushthavipramukta, guruvachanaprapta, aise vachana, prichchhana, paravartana, dharmakatha aura anupreksha se anuvayoga dravya aise karake naigama nayanusara eka dravyanujnya, do, tina, aise jitani bhi anupadeshita ho utani dravyanujnya hoti hai. Isi taraha vyavaharanaya se eka ya aneka dvara anupadishta vaha agama se eka dravyanujnya ko koi koi manya nahim karate haim. Tinom shabda naya se jo janata hai vaha agama se dravyanujnya samajhana. No agama se dravyanujnya ke tina bheda haim. Jnyasharira se, bhavya sharira se aura ubhaya se vyatirikta. Vaha jnyasharira dravyanujnya kya hai\? Pada mem rahe hue avikara ko jo jnyanarupi sharira se jane vaha jnyashariradravyanujnya. Bhavya sharira dravyanujnya kya hai\? Jaise ki – kise pata ki yaha madhukumbha hai ya ghritakumbha\? Ubhayavyatirikta dravyanujnya kya hai\? Vaha tina prakara se hai. Laukika, kupravachanika aura lokottara. Laukika dravyanujnya tina prakara se hai – sachitta, achitta aura mishra raja, yuvaraja adi jo hathi vagairaha ke jo dete hai vaha sachitta dravyanujnya, asana – chhatradi deve to vaha hui achitta anujnya aura ambadi sahita hathi ya chamara sahita ashva adi deve to vaha hui mishra anujnya. Isi taraha kupravachanika aura lokottara dravyanujnya ke bhi sachitta – achitta evam mishra yaha tinom bheda samajha lena Vaha kshetranujnya kya hai\? Kshetra ka jo avagraha deta hai vaha kshetranujnya hui. Isi taraha kala se di jati anujnya kalanujnya hai. Bhava se anujnya ke tina bheda haim – laukika, kupravachanika aura lokottara. Pahele do bheda mem krodhadi bhava ate haim aura lokottara mem achara adi ki shiksha samavishta hoti hai.